Morgunblaðið - 24.09.2018, Síða 14

14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 24. SEPTEMBER 2018
Sogavegi við Réttarholtsveg og Miklubraut
Opið kl. 9-18 virka daga | Sími 568 0990 | gardsapotek.is | appotek.is
Lágt lyfjaverð - góð þjónusta
Einkarekið apótek
Nú einnig netapótek: Appotek.is
VIÐTAL
Ásgeir Ingvarsson
ai@mbl.is
„Við erum að hlusta á samfélagið og
vonum að fleiri fyrirtæki fylgi á eftir
með sams konar breytingum á aðal-
fundum komandi
árs,“ segir Mar-
grét Guðmunds-
dóttir, stjórnar-
formaður N1, en
á föstudag sendi
hún mörkuðum
tilkynningu um
tillögu að nýrri
starfskjarastefnu
félagsins. Verður
tillagan lögð fyrir
hluthafafund sem
haldinn verður á morgun, þriðjudag.
Helsta breytingin sem nýja stefn-
an felur í sér er að frá og með 1. jan-
úar 2019 getur kaupauki forstjóra að
hámarki numið þreföldum grunn-
mánaðarlaunum í stað sex mánaða
launa áður. „Einnig er tekið fyrir að
greiddir séu starfslokasamningar
eða greitt fyrir upphafsráðningar,“
útskýrir Margrét. „Einnig er tekið
mjög skýrt fram að um er að ræða
heimild stjórnar til að greiða kaup-
auka, en ekki skyldu.“
Í mars síðastliðnum ákvað aða-
fundur að fela stjórn N1 að gera til-
lögu um endurskoðaða starfskjara-
stefnu samhliða því að meta hvort
stofna bæri tilnefninganefnd sem
mun hafa það hlutverk að mæla með
aðilum til setu í stjórn félagsins. Á
hluthafafundinum fer einnig fram
stjórnarkjör og eru sex í framboði,
en fimm sitja í stjórn N1. Stjórnar-
kjörið er hluti af samkomulagi sem
gert var við seljendur Festi, sem
fengu söluandvirðið að hluta greitt
með hlutafé í N1 en Samkeppniseft-
irlitið samþykkti kaup N1 á Festi 30.
júlí s.l..
Skýrari rammi
Það var m.a. vegna þrýstings frá
lífeyrissjóðunum að ráðist var í gerð
nýrrar starfskjarastefnu, en hópur
lífeyrissjóða á samanlagt um helm-
ingshlut í félaginu. Segir Margrét að
tillögur stjórnar hafi verið unnar í
samráði við lífeyrissjóðina og aðra
hluthafa og feli m.a í sér meira
gagnsæi og skýrari ramma utan um
kaup og kjör æðstu stjórnenda:
„Starfskjarastefnur íslenskra
hlutafélaga eru mjög fjölbreytilegar,
svo ekki sé fastar að orðið kveðið. Al-
gengt er að orðalag þeirra sé óskýrt,
og þó oftast sé upplýst um fyrir-
komulag kaupauka þá er í sumum til-
vikum ekkert uppgefið,“ segir Mar-
grét. „Við höfum verið talsmenn þess
að gera kjarastefnuna mun skýrari
og innleiða víðtækari upplýsingagjöf
um laun æðstu stjórnenda. Með
þeirri stefnu erum við líka að búa í
haginn fyrir nýja Evrópulöggjöf um
þessi mál sem vænta má að taki gildi
á Íslandi árið 2020.“
En er ekki hætt við að þrengri
rammi utan um kaupauka og aðra
bónusa valdi því að erfiðara verði
fyrir N1 að laða til sín hæfileikafólk
til að manna mikilvægar stöður? „Við
því segi ég að ef það myndast ákveð-
in sátt um það í viðskiptalífinu að
gerður sé betri rammi utan um kaup-
auka þá verði þetta ekki vandamál.“
Mun lækka kaup-
auka forstjóra
 Stjórnarformaður vonast til að ný
starfskjarastefna N1 geti orðið öðrum
fyrirtækjum í kauphöll gott fordæmi
Morgunblaðið/Ómar
Kröfur „Starfskjarastefnur íslenskra hlutafélaga eru mjög fjölbreytilegar,
svo ekki sé fastar að orðið kveðið,“ segir Margrét og telur breytinga þörf.
Margrét
Guðmundsdóttir
háskólamenntun fram yfir hina og
segir Inga að það geti átt sér ýmsar
skýringar. „Það mætti draga þá
ályktun af niðurstöðunum að fólk líti
svo á að ef umsækjandi hefur mennt-
að sig á Íslandi þá sé það til marks
um að hann hafi aðlagast samfélag-
inu betur og eigi auðveldara með að
falla í hópinn á íslenskum vinnustað,“
útskýrir hún. „Jafnvel ef tveir um-
sækjendur eru með jafngóða mennt-
un, og tala jafngóða íslensku, virðist
sem gráða frá íslenskum háskóla
sendi vinnuveitanda ákveðið merki.“
Veljum það sem er kunnuglegt
Að sögn Ingu er ekki hægt að
segja að val sjálfboðaliðanna lýsi for-
dómum. „En íslenska fjölmenningar-
samfélagið er ungt og það er mann-
legt eðli að hallast frekar að því sem
okkur virðist kunnuglegra. Sjálf er
ég frá Litháen og ef ég væri í manna-
ráðningum myndi manneskja með
menntun frá Litháen líklega fá meiri
athygli hjá mér en manneskja með
menntun frá erlendum skóla sem ég
þekki ekki.“
Inga segir eðlilegt að hafa af því
áhyggjur að svo virðist sem útlend-
ingar sem starfa á Íslandi eigi oft í
erfiðleikum með að fá vinnu í sam-
ræmi við hæfni þeirra og menntun.
„Niðurstöður rannsóknarinnar veita
okkur vísbendingar um að þessi góði
hópur fólks gæti styrkt stöðu sína
með því að bæta við sig menntun við
einhvern af íslensku háskólunum.“
Bendir Inga á að háskólasamfé-
lagið þurfi skoða hvernig megi bregð-
ast við þessu: „Ef til vill er til mikils
að vinna ef hægt er að auka fram-
boðið af menntun sem fellur vel að
þörfum útlendinga á íslenskum
vinnumarkaði. Leiða má líkum að því
að háskólarnir geti leikið lykilhlut-
verk í að auðvelda innflytjendum að
taka þátt í samfélaginu til jafns við
aðra og stuðla að því að atvinnulífið
nýti hæfni þeirra sem skyldi.“
Háskólarnir gætu
styrkt stöðu útlendinga
 Þátttakendur í tilraun tóku umsækjendur með íslenska
gráðu fram yfir þá sem höfðu menntun frá erlendum háskóla
Morgunblaðið/Ómar
Aðgangur Þegar leiðrétt er fyrir aðrar breytur virðist menntun við íslensk-
an háskóla geta haft mikil áhrif á stöðu útlendinga á vinnumarkaði.
BAKSVIÐ
Ásgeir Ingvarsson
ai@mbl.is
Ný rannsókn bendir til þess að út-
lendingar sem hafa menntað sig við
íslenska háskóla standi mun betur að
vígi á vinnumarkaði hér á landi en
þeir sem fengu
menntun sína er-
lendis.
„Við fengum ís-
lenska sjálfboða-
liða til að setja sig
í spor starfs-
mannastjóra og
meta umsækjend-
ur um starf út frá
ímynduðum
starfsferils-
skrám,“ útskýrir
dr. Inga Minelgaite, lektor við Há-
skóla Íslands og einn af höfundum
rannsóknarinnar.
Rannsakendurnir fóru þá leið að
skálda starfsferla fyrir pólska um-
sækjendur. Allar skrárnar voru
skrifaðar á lýtalausri íslensku, tekið
fram að umsækjandinn hefði gott
vald á málinu, og umsækjendurnir
allir með grunngráðu á háskólastigi,
sumir með gráðu frá íslenskum há-
skóla og aðrir með gráðu frá Bret-
landi,“ útskýrir Inga en sjálfboðalið-
arnir áttu að meta hæfi umsækjend-
anna til að gegna starfi á endurskoð-
unarsviði.
Auk Ingu stóðu að rannsókninni
þau Olga Stangej, Kári Kristinsson
og Margrét Sigrún Sigurðardóttir og
voru niðurstöður þeirra birtar á dög-
unum í fræðiritinu Evidence-Based
HRM.
Sjálfboðaliðarnir reyndust taka þá
umsækjendur sem voru með íslenska
Inga
Minelgaite
● Bandaríska fjölmiðlafyrir-
tækið Comcast hafði 21st
Century Fox og Disney undir
í slagnum um breska
áskriftarsjónvarpsrisann
Sky.
Á laugardag var upplýst að Comcast
hefði boðið 17,28 pund á hlut í þriðju
lotu yfirtökutilboða, en Fox, með stuðn-
ingi Disney, bauðst til að greiða 15,67
pund. Miðað við það verð sem Comcast
greiðir er rekstur Sky metinn á 30,6
milljarða punda.
Með kaupunum þykir Comcast
styrkja stöðu sína bæði í Bretlandi,
Þýskalandi, Austurríki, Írlandi og á Ítal-
íu, en samtals eru áskrif-
endur sjónvarpsstöðva Sky
23 milljónir talsins og lið-
lega helmingur þeirra í Bret-
landi.
Kaupin binda enda á
langa baráttu sem hófst í desember
2016 þegar Fox gerði tilboð í Sky sem
hljóðaði upp á 10,75 pund á hlut en á
þeim tíma var markaðsverð Sky 7,50
pund á hlut.
Disney eignaðist í sumar 39% hlut í
Sky, sem Fox átti fyrir og í tilkynningu
sem send var fjölmiðlum sagðist félagið
vera að meta þá kosti sem væru í stöð-
unni. ai@mbl.is
Comcast átti hæsta tilboðið í Sky