Morgunblaðið - 26.11.2018, Page 12

12 DAGLEGT LÍF
MORGUNBLAÐIÐ MÁNUDAGUR 26. NÓVEMBER 2018
Sigurður Bogi Sævarsson
sbs@mbl.is
Með þessum nýja reiðvegiopnast okkur hesta-mönnum alveg nýjarslóðir í Heiðmörkinni.
Raunar má segja að þetta sé góð
viðbót, því víða um skógræktar-
svæðið liggja slóðir og brautir sem
gaman er að feta í lengri og
skemmri útreiðartúrum,“ segir
Sveinbjörn Sveinbjörnsson, formað-
ur Hestamannafélagsins Spretts.
Félag á landamærum
Á vegum Spretts hefur að und-
anförnu verið unnið að gerð nýs
reiðvegar um svonefnda Grunnu-
vatnaleið í Heiðmörk; það er svæðið
sem er norðan og austan við Vífils-
staðavatn. Þetta er sömuleiðis í ná-
grenni Kjóavalla, þar sem er hest-
húsabyggð félagsmanna í Spretti.
Reiðvegurinn nýi var svo opnaður
formlega í síðustu viku við athöfn,
þar sem Sigurður Ingi Jóhannsson
samgönguráðherra – og þess utan
hestamaður og dýralæknir – klippti
á borða og óskaði fólki góðrar ferð-
ar.
Hestamannafélagið Sprettur
var stofnað 2012 með sameiningu
Gusts í Kópavogi og Andvara í
Garðabæ. Aðstaða félagsins er á
landamærum þessara tveggja bæj-
arfélaga og innan þeirra beggja. Á
undanförnum árum hefur verið unn-
ið að margvíslegri uppbyggingu á
félagssvæðinu og segir Sveinbjörn
reiðvegagerðina hluta af þeim
pakka. Grunnuvatnaleið er innan
marka Garðabæjar og því lagði
sveitarfélagið fjármuni til verkefnis-
ins. Frumkvæðið í málinu og undir-
búningur allur hefur hins vegar ver-
ið á hendi Sprettara, en í félaginu
er sérstök reiðveganefnd þar sem
málin hafa verið unnin áfram.
Þéttriðið net í Heiðmörk
„Grunnuvatnaleið er mikil sam-
göngubót. Þarna er verið að búa til
og opna sérmerkta reiðleið, en ann-
ars er í Heiðmörk þéttriðið net af
sérmerktum göngu- og hjólreiða-
stígum sem og reiðgötur sem liggja
um heiðarlönd, hraun, mosabreiður
og skóga. Þetta er einstakt svæði en
um margt falið, þó það sé nánast
hér í túnfæti höfuðborgar-
svæðisins,“ segir Sveinbjörn. Hann
getur þess ennfremur að úr Heið-
mörkinni liggi reiðvegur suður í
Hafnarfjörð. Margir hestamenn
velji hins vegar að fara stíginn sem
liggur samsíða Flóttamannaleiðinni
svonefndu; sem liggur úr Vatns-
endahverfinu í Kópavogi og alveg
suður í Setbergshverfi í Firðinum.
Fjölmennasta félagið
Hestamannafélagið Sprettur er
nú það fjölmennasta á landinu en
innan vébanda þess eru um 1.500
félagsmenn. Þá telst Spretturum
svo til að á Kjóavöllum séu um
2.000 hross, eða sú verður staðan
eftir nýár þegar fólk er búið að taka
klárana á hús. Þá má nefna að reið-
höll Spretts er sú stærsta á landinu
og tekur um 900 manns í sæti. Bú-
ast má við að þar verði haldnir um
30 viðburðir, litlir sem stórir, frá
komandi áramótum og fram yfir
páska. Sumir af þeim eru það sem
kalla má hápunktar í hestamennsku
landans og má þá reikna með fjöl-
menni í höllinni – auk þess sem
sjónvarpað verður beint frá nokkr-
um þeirra.
Hestamenn á nýjum slóðum
Greið leið við Grunnu-
vötn. Hægt er að brokka í
Heiðmörk en ný reiðleið
hefur verið opnuð. Sprett-
ur er fjölmennasta hesta-
mannafélag landsins og
starfið mjög öflugt.
Morgunblaðið/Árni Sæberg
Opnun Lengst til vinstri er Magnús Benediktsson, framkvæmdastjóri Spretts, þá Gunnar Einarsson, bæjarstjóri í
Garðabæ, Sigurður Ingi Jóhannsson samgönguráðherra og Sveinbjörn Sveinbjörnsson, formaður hestamanna-
félagsins. Knapinn í baksýn er Halldór Halldórsson, formaður reiðveganefndar Spretts.
Morgunblaðið/Eggert
Útreiðar Hestamenn í Heiðmörk, hér á fetinu við Rauðhólana frægu.
Í tilefni af 70 ára afmæli Tónlistar-
skóla Ísafjarðar er á vegum skólans í
samstarfi við Óperu Vestfjarða verið
að setja upp barnaóperuna Kalli og
sælgætisgerðin eftir Hjálmar H.
Ragnarsson. Flytjendur eru nem-
endur og kennarar Tónlistarskóla Ísa-
fjarðar auk góðra gesta. Þetta er í
fyrsta skipti sem þessi ópera er flutt
á Ísafirði, en Hjálmar samdi hana fyr-
ir Tónmenntaskóla Reykjavíkur sem
sýndi hana í tónleikauppfærslu í Ís-
lensku óperunni árið 1993.
Frumsýning á óperunni var á Ísa-
firði í gær, sunnudag. Næstu sýn-
ingar er á morgun, þriðjudag og, svo
miðvikudag og fimmtudag og hefjast
alltaf klukkan 18.
Texti óperunnar er eftir Böðvar
Guðmundsson, og byggist á sögunni
Charlie and the Chocolate Factory
eftir Roald Dahl. Hún segir frá fjöl-
skyldu Kalla sem býr við mikla fá-
tækt, Villa Wonka og hinni stórkost-
legu sælgætisgerð hans, Mikka
sjónvarpsglápara, dekurrófunni Veru
Salt og aðgöngumiðunum gullnu.
Hver hlýtur happið og fær að líta
augum hina ævintýralegu og leyndar-
dómsfullu sælgætisgerð?
Óperuuppfærsla í Tónlistarskóla Ísafjarðar
Sýna Kalla og sælgætisgerðina í
tilefni af 70 ára afmæli skólans
Ljósmynd/Aðsend
Leikarar Valið fólk er í hverju hlutverki í þessari skemmtilegu óperu.
-20%
af allri gjafavöru í dag
Í V E F V E R S L U N C A S A . I S
Frumsýnd verður í Bíóhúsinu á Sel-
fossi nú í vikunni heimildarmyndin
Útvörðurinn sem er um Sigurð
Pálsson, bónda og vita- og safn-
vörð á Baugsstöðum í Flóa. Það var
Gunnar Sigurgeirsson á Selfossi
sem gerði myndina í samstarfi við
Byggðasafn Árnesinga og Menning-
arráð Suðurlands. Sigurður er fróð-
ur um sagnaslóðir við ströndina
frá Loftsstaðahól að Fornu-
Baugsstöðum, sem eru skammt
austan við Stokkseyri.
Í myndinni er fléttað saman dag-
legt líf Sigurðar og saga Flóans frá
landnámsöld og til dagsins í dag. Í
myndinni fylgir Sigurður áhorf-
endum á söguslóðir við ströndina
frá Knarrarósvita að Loftsstaðahól
þar sem Galdra-Ögmundur varðist
landtöku Tyrkja. Sagt er frá sjó-
sókn á Loftsstaðasandi, Þuríði for-
manni og sjávarflóðum á Eyrum.
Rjómabúið á Baugsstöðum og
Flóaáveitan koma við sögu. Einnig
er sagt frá stríðsárunum og mann-
lífinu í sveitinni. Saga staðarins er
í hnotskurn sunnlenskrar bænda-
menningar og þeirrar tæknibylt-
ingar er átti sér stað með virkjun
vatnsaflsins er vatnshjól Baugs-
staðarjómabúsins fór að snúast ár-
ið 1905. Þá segir Sigurður frá
Knarrarósvita, sem er ein hæsta
bygging á Suðurlandi.
Myndin er sýnd í Bíóhúsinu í
Hótel Selfossi 1., 2. og 3. desem-
ber, klukkan 17 alla þessa daga.
Aðgangur er ókeypis.
Sunnlensk heimildarmynd
Útvörðurinn á
Baugsstöðum
Ljósm/Egill Bjarnason
Vitavörður Sigurður Pálsson horfir
yfir lönd og höf úr Knarrarósvita.