Morgunblaðið - 21.12.2018, Blaðsíða 2

Magnús Heimir Jónasson
Jón Pétur Jónsson
Vigdís Hauksdóttir, borgarfulltrúi
Miðflokksins í Reykjavík, sem lagði
til að rannsókn yrði gerð á miklum
kostnaði við endurgerð braggans við
Nauthólsveg 100, segir að Dagur B.
Eggertsson borgarstjóri eigi að
segja af sér í kjölfar skýrslu innri
endurskoðunar borgarinnar á
bragganum. Helstu niðurstöður
skýrslunnar eru að kostnaðareftir-
liti við framkvæmdina hafi verið
ábótavant, það brjóti í bága við inn-
kaupareglur, starfslýsingar og verk-
ferla, og ábyrgð og forsvar hafi ekki
verið nægjanleg.
„Pólitíska ábyrgðin er sú að hann á
að segja af sér eftir þessa skýrslu.
Það er stofnun borgarinnar sem fellir
þennan áfellisdóm yfir bæði borgar-
stjóra, stjórnsýslu borgarinnar og
stjórnkerfi. Þarna var farið mjög
frjálslega með fé útsvarsgreiðenda og
farið frjálslega í kringum lög,“ segir
Vigdís.
Í október lagði hún fram tillögu í
borgarstjórn um að framúrkeyrsla
borgarinnar í braggamálinu yrði
skoðuð af óháðum aðila. Meirihluti
borgarstjórnar hafnaði því og var
málinu þá vísað til innri endurskoð-
unar. Spurð hvort hún telji enn þörf á
því að óháðir aðilar rannsaki málið
segir Vigdís svo vera. „Ég tel að
þarna séu svo margar ógætnisvillur
og mikil tenging á milli aðila og emb-
ætta hjá borginni. Það eitt kemur
berlega í ljós hvernig borgarstjóra er
hlíft í þessari skýrslu. Þetta er það
sem ég var að vara við allan tímann;
að borgin getur ekki skoðað sjálfa
sig,“ segir Vigdís sem gefur lítið fyrir
þann starfshóp sem á að stofna í kjöl-
far skýrslunnar.
Eyþór Arnalds, oddviti Sjálfstæðis-
flokksins í Reykjavík, segir skýrsluna
staðfesta ábyrgð borgarstjóra.
„Skýrslan er skýr og þar er ábyrgð
borgarstjóra staðfest. Lög voru brot-
in bæði varðandi ólöglegar greiðslur
og sönnunargögnum eytt ólöglega.
Síðan er borgarstjóri að reyna að
halda því fram eftir á að hann hafi
komið okkur Vigdísi Hauksdóttir á
sporið. Það er alrangt. Þessu var
fyrst og fremst flaggað af okkur þeg-
ar við sáum tölurnar,“ segir Eyþór.
Dapurlegar eftiráskýringar
Í skýrslunni er tekið fram að Hrólf-
ur Jónsson, fyrrverandi skrifstofu-
stjóri skrifstofu eigna og atvinnuþró-
unar (SEA), hafi ekki upplýst
er dapurlegt að gangast ekki við
ábyrgð en það að reyna að breyta
sannleikanum eftir á er einfaldlega
sorglegt,“ segir Eyþór.
Áfellisdómur yfir verkefninu
„Þetta er allavega áfellisdómur yfir
utanumhaldi um þetta verkefni,“ sagði
Dagur B. Eggertsson borgarstjóri í
samtali við mbl.is í gær, spurður hvort
skýrslan væri á einhvern hátt áfell-
isdómur yfir störfum hans sem borg-
arstjóra.
„Eins og fram hefur komið í um-
ræðunni þá er hluti þess sem fór af-
laga að ég og borgarráð, innkauparáð
og borgarritari vorum ekki látin vita í
hvað stefndi og við verðum auðvitað
Kallar eftir afsögn borgarstjóra
 Svört skýrsla um braggann í Nauthólsvík var birt í gær  Lög voru brotin og eftirliti ábótavant
 „Farið mjög frjálslega með fé útsvarsgreiðenda og farið frjálslega í kringum lög,“ segir borgarfulltrúi
Morgunblaðið/Árni Sæberg
Braggi Dagur B. Eggertsson borgarstjóri ræddi við fjölmiðla í Ráðhúsinu í kjölfar birtingar skýrslu innri endurskoðunar Reykjavíkur um braggamálið.
yfirmenn sína um stöðu mála. Þar seg-
ir að það leysi þá ekki undan þeirri
ábyrgð að hafa heildarsýn yfir rekstur
einingarinnar.
Þá átti borgarstjóri að gegna þeirri
skyldu að fara yfir veruleg frávik í
verkefnum SEA. Fram kemur að
SEA heyri undir borgarritara og síð-
an er borgarstjóri hans yfirmaður.
„Þrátt fyrir þetta hefur borgarritari
haft lítil afskipti af SEA sem hefur í
raun sótt sín mál fram hjá honum og
til borgarstjóra. Það er ekki hlutverk
borgarritara né borgarstjóra að hafa
beinlínis eftirlit með daglegum verk-
efnum SEA, það er hlutverk skrif-
stofu-stjórans. Þeirra eftirlitsskylda
felst í því að kalla eftir upplýsingum
og skýrslum,“ segir í skýrslunni.
Vigdís segir að borgarstjóri hafi
ekki farið með rétt mál í fjölmiðlum í
gærkvöldi þegar hann sagði að ekki
hefðu verið gerðar neinar athuga-
semdir við málið. „Það er beinlínis
ósatt sem Dagur sagði í kvöldfréttum
Stöðvar 2 að engar athugasemdir
hefðu verið gerðar. Þegar kíkt er yfir
fundargerðir innkauparáðs frá 2017
þá er verið að kalla þar eftir þessum
upplýsingum,“ segir Vigdís.
Eyþór segir þessar eftiráskýringar
borgarstjóra dapurlegar. „Það gleym-
ist að það voru sjálfstæðismenn í inn-
kauparáði sem spurðu um þetta í
meira en ár án þess að fá svör. Svona
eftiráskýringar eru dapurlegar. Það
að tryggja í gegnum ferla og utanum-
hald að það gerist ekki. Allir þessir að-
ilar, ég þar á meðal, verða að hafa
tækifæri til þess að bregðast við og
taka nýja ákvörðun og jafnvel stöðva
verkefni ef þau stefna fram úr því sem
upphaflega var lagt af stað með,“ segir
Dagur.
Vigdís segir að þessu máli sé hvergi
nærri lokið. „Málið er rétt að byrja.
Það var svæft með því að setja það til
innri endurskoðanda borgarinnar. Nú
liggur þessi skýrsla fyrir og nú tek ég
og fleiri innan minnihlutans þetta mál
aftur upp. Ég mun nota jólafríið í að
ráðfæra mig bæði við lögmenn og end-
urskoðendur þar sem þessi mál verða
krufin til mergjar,“ segir Vigdís.
2 FRÉTTIRInnlent
MORGUNBLAÐIÐ FÖSTUDAGUR 21. DESEMBER 2018
Óttarr Möller, fyrrver-
andi forstjóri Eimskipa-
félags Íslands, lést á
Hrafnistu í Reykjavík
hinn 19. desember, 100
ára gamall.
Óttarr fæddist í
Stykkishólmi 24. októ-
ber 1918, sonur
hjónanna Williams
Thomasar Möller, póst-
afgreiðslu- og símstjóra,
og Kristínar Elísabetar
Möller húsfreyju.
Hann brautskráðist
frá Verzlunarskóla Ís-
lands 1936, stundaði verslunarnám í
Bretlandi og nam skipaútgerð við
New York-háskóla 1942-46. Óttarr
réðst til Hf. Eimskipafélags Íslands
1938 og starfaði m.a. á skrifstofum fé-
lagsins í New York og í Reykjavík.
Hann var viðskiptalegur fram-
kvæmdastjóri hjá Sameinuðum verk-
tökum um tíma. Hann
var ráðinn forstjóri Hf.
Eimskipafélags Íslands
árið 1962 og gegndi því
starfi til ársins 1979.
Óttarr gegndi jafn-
framt fjölmörgum
stjórnunar- og ábyrgð-
arstörfum um ævina.
Hann var ráðunautur í
siglingamálum í stjórn-
skipaðri nefnd sem fór
til Rússlands 1959. Þá
var Óttarr meðal annars
í stjórn og stjórnarfor-
maður Flugfélags Ís-
lands um tíma, í stjórn Flugleiða hf.,
Tollvörugeymslunnar hf. og einnig í
stjórnum Slippstöðvarinnar á Akur-
eyri, Ferðaskrifstofunnar Úrvals, í
stjórn og framkvæmdastjórn Eim-
skipafélags Reykjavíkur og í stjórn
Íslenskrar endurtryggingar.
Þá var Óttarr m.a. formaður full-
trúaráðs og yfirstjórnar sjálfseignar-
stofnunarinnar St. Jósefsspítala,
Landakoti og sat í orðunefnd Hinnar
íslensku fálkaorðu. Hann var í sam-
bandsstjórn Vinnuveitendasambands
Íslands og í framkvæmdastjórn þess,
í fulltrúaráði Hins íslenska fornrita-
félags, í stjórn Heimdallar og síðar í
fulltrúaráði og í fjármálaráði Sjálf-
stæðisflokksins. Óttarr var einnig
heiðursfélagi Þjóðræknisfélags Ís-
lendinga í Vesturheimi og félagi í
Rótaryklúbbi Reykjavíkur og
Frímúrarareglunni á Íslandi.
Óttarr var sæmdur riddarakrossi
hinnar íslensku fálkaorðu 1964 og
stórriddarakrossi 1971 fyrir störf að
siglingamálum.
Hann kvæntist Arnþrúði Kristins-
dóttur Möller (f. 1923, d. 2009) 20.
febrúar 1948. Þau eignuðust fjórar
dætur, Emilíu Björgu, Kristínu
Elísabetu, Erlu og Auði Margréti
sem allar lifa föður sinn.
Andlát
Óttarr Möller, fyrrverandi forstjóri
Reykjavík • Hallarmúla 2 • 563 6900 | Akureyri • Undirhlíð 2 • 430 6900
Í DAG OG ALLAHELGINA
OPIÐ10-19
KOSS RETRO
Mögnuð Porta Pro Classic heyrnartól
4.990
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Spurt í Kringlunni: Hvað finnst þér um niðurstöðu skýrslu innri endurskoðunar um braggann í Nauthólsvík?
„Mér finnst
málið sem
slíkt vera
mjög slæmt
og bara skelfi-
lega slæmt
eiginlega,“
svaraði Anna
Jensdóttir.
„Málið sem slíkt
mjög slæmt“
„Þetta er bara skand-
all. Já, þetta er bara
einn stór skandall,“
segir Jóhanna Schev-
ing spurð um úttekt
innri endurskoðunar
Reykjavíkurborgar á
framkvæmdum og end-
urgerð braggans í Nauthólsvík.
„Þetta er bara einn
stór skandall“
„Þetta endurspeglar
bara hvernig stjórn-
arhættir eru í
stjórnmálum á Ís-
landi yfirhöfuð.
Hlægilegt, mikil
óreiða og lítið skipu-
lag,“ svarar Pétur
Örn Gíslason.
Endurspeglar
íslensk stjórnmál
„Þetta er bara
klúður og sam-
bandsleysi þarna á
milli. Borgarstjóri
segist ekki fá upp-
lýsingar. Það er
eitthvað sem þarf
að laga þarna,“ var
svar Sigrúnar Hjartardóttur.
„Klúður og
sambandsleysi“