Morgunblaðið - 03.01.2019, Síða 24

24 FRÉTTIRInnlent
MORGUNBLAÐIÐ FIMMTUDAGUR 3. JANÚAR 2019
Þorgrímur Kári Snævarr
thorgrimur@mbl.is
Á árinu sem nú er gengið í garð hafa
þegar orðið nokkrar hræringar í al-
þjóðasamfélagi og -stjórnmálum, að-
allega vegna kosninga sem haldnar
voru í árslok 2018. Í fyrradag tók
nýr forseti, Jair Bolsonaro, við í
Brasilíu, og þykir hann líklegur til
þess að láta á sér bera ef eitthvað er
að marka umdeild ummæli og
stefnumál hans. Á hinn bóginn tekur
í dag við nýr meirihluti Demókrata-
flokksins í fulltrúadeild Bandaríkja-
þings sem mun líklega takmarka
nokkuð völd Donalds Trumps
Bandaríkjaforseta.
Keisari kveður
30. apríl næstkomandi mun Aki-
hito, keisari Japans, bætast í hóp
einvalda sem hafa sagt af sér á síð-
ustu árum í stað þess að sitja á há-
sæti sínu til dauðadags. Á síðustu ár-
um hafa drottning Hollands,
konungar Belgíu og Spánar, emírinn
í Katar og jafnvel páfi rómversk-
kaþólsku kirkjunnar sagt af sér fyrir
aldurs sakir og slíkt er farið að þykja
eðlilegt í ríkjum þar sem þingbundin
konungsstjórn er við lýði. Keisari
Japans hefur hins vegar ekki sagt af
sér síðan Kokaku keisari gerði það
árið 1817. Það að keisarinn segi af
sér hefur lengst af verið algengt í
sögu Japans en sá siður lognaðist út
af á nútímaöld Japans og setja þurfti
sérstök ný lög til þess að Akihito
gæti farið þá leið. Áætlað er að sonur
Akihitos, krónprinsinn Naruhito,
setjist á keisarastól þegar faðir hans
dregur sig í hlé. Ljóst er að brott-
hvarf Akihitos mun fela í sér kafla-
skil fyrir japönsku þjóðina því Aki-
hito gerði sitt til þess að nútímavæða
embætti keisarans og breyta ásýnd
Japans eftir valdatíð föður síns,
Hirohitos.
Forysta ESB endurnýjuð
Dagana 23. til 26. maí næstkom-
andi verður gengið til kosninga í
ríkjum Evrópusambandsins og kosið
til nýs Evrópuþings. Jean-Claude
Juncker, forseti framkvæmdastjórn-
ar Evrópusambandsins frá 2014,
hyggst ekki gefa kost á sér til endur-
kjörs. Eftirmaður Junckers sem for-
maður Evrópska þjóðarflokksins,
bandalags íhaldssamra og mið-
hægrisinnaðra Evrópuflokka, er
þýski stjórnmálamaðurinn Manfred
Weber. Líklegt má heita að Weber
verði næsti forseti framkvæmda-
stjórnarinnar ef Evrópski þjóðar-
flokkurinn heldur forystu sinni á
Evrópuþinginu eins og útlit er fyrir.
Ekkert er þó útrætt um úrslit kosn-
inganna og margir búast við því að
flokkar ESB-andstæðinga og popúl-
ista muni auka fylgi sitt nokkuð.
Donald Tusk, forseti evrópska
ráðsins, mun einnig láta af embætti í
desember þegar síðara kjörtímabili
hans lýkur. Ráðið mun kjósa nýjan
forseta til tveggja og hálfs árs og
verður hann þriðji forseti evrópska
ráðsins frá því að embættið varð til
árið 2009.
Fara Bretar frá Þýskalandi?
Bretland hefur haft nokkrar her-
deildir staðsettar í Þýskalandi allt
frá lokum seinni heimsstyrjaldarinn-
ar. Samkvæmt áætlun sem ríkis-
stjórn Bretlands gerði árið 2010 áttu
síðustu bresku hermennirnir loks að
hafa sig á brott frá Þýskalandi árið
2019. Nýlegri áætlanir setja hins
vegar nokkurn fyrirvara á að Bretar
hverfi frá Þýskalandi. Í skýrslu sem
breska stjórnin gaf út í september
kemur fram að um 185 hermenn og
60 starfsmenn breska varnarmála-
ráðuneytisins verði áfram eftir að
herdeildirnar snúa heim. Fyrir tæpu
ári lýsti hershöfðinginn sir Nick
Carter því yfir að Bretar yrðu að
hafa aðgang að Austur-Evrópu til
þess að bregðast við mögulegri
hernaðarógn frá Rússlandi.
Ísland í formennsku
Árið 2019 situr Ísland í for-
mennsku norrænu ráðherranefndar-
innar. Yfirskrift formennskunnar er
„Gagnvegir góðir“. Að sögn Katrín-
ar Jakobsdóttur forsætisráðherra
verður lögð áhersla á þrjú svið: Ungt
fólk, hafið og sjálfbæra ferðaþjón-
ustu. Ungu fólki verður boðið að
taka þátt í samstarfi ráðherranefnd-
arinnar á öllum sviðunum. Reynt
verður að skapa jafnvægi milli vaxt-
ar og verndar í ferðaþjónustu með
heimsmarkmið Sameinuðu þjóðanna
að leiðarljósi.
Hvað mun gerast árið 2019?
 Japanskeisari dregur sig í hlé  Kosið til nýs Evrópuþings  Bretar draga hersveitir sínar frá
Þýskalandi  Ísland í formennsku norrænu ráðherranefndarinnar leggur áherslu á heimsmarkmið SÞ
AFP
Japan Akihito Japanskeisari flutti sitt síðasta áramótaávarp í gær.
Hluthafafundur
hjá Eik fasteignafélagi hf.
verður haldinn þann 25. janúar 2019
Aðrar upplýsingar:
Hluthafi getur látið umboðsmann sækja hluthafafund fyrir
sína hönd. Umboðsmaður skal leggja fram dagsett og
skriflegt eða rafrænt umboð á eyðublaði eða í samræmi
við eyðublað sem er aðgengilegt á vef félagsins. Rafrænt
umboð skal senda á netfangið stjornun@eik.is áður en
fundur hefst. Umboð verða ekki afturkölluð svo gilt sé
gagnvart félaginu eftir að þeim hefur verið framvísað við
afhendingu fundargagna eða eftir setningu fundarins, hvort
heldur sem fyrr er. Umboðseyðublað má nálgast inni á
www.eik.is/fjarfestar/hluthafar.
Hver hluthafi á rétt á að fá ákveðið mál tekið til meðferðar
á hluthafafundinum og leggja fram ályktunartillögur ef
hann gerir skriflega eða rafræna kröfu um það til stjórnar
félagsins eigi síðar en kl. 16.00 þriðjudaginn 15. janúar
2019. Hægt er að senda tillögur fyrir fundinn á netfangið
stjornun@eik.is. Hafi hluthafi krafist þess að fá mál tekin til
meðferðar á fundinum eða lagt fram ályktunartillögur fyrir
framangreindan tíma, verða dagskrá og tillögur uppfærðar
á vefsíðu félagsins eins fljótt og auðið er eftir móttöku
þeirra. Endanleg dagskrá og tillögur verða birtar eigi síðar
en föstudaginn 18. janúar 2019. Mál sem ekki hafa verið
greind í endanlegri dagskrá hluthafafundar er ekki unnt
að taka til endanlegrar úrlausnar á fundinum nema með
samþykki allra hluthafa en gera má um þau ályktun til
leiðbeiningar fyrir félagsstjórn.
Á hluthafafundum félagsins fylgir eitt atkvæði hverri einni
krónu í hlutafé. Eigin bréf félagsins njóta ekki atkvæðisréttar.
Atkvæðagreiðslur og kosningar verða einungis skriflegar á
fundinum ef einhver atkvæðisbærra fundarmanna krefst
þess. Kjör nefndarmanna í tilnefningarnefnd skal vera
skriflegt ef framboð fleiri aðila koma fram en nemur fjölda
sæta sem kjósa skal um. Hluthafar geta greitt atkvæði
bréflega fyrir fundinn með því að fylla með skýrum og
greinilegum hætti út atkvæðaseðil sem finna má á vefsíðu
félagsins, undirrita og votta seðilinn, og senda hann
með pósti á lögheimili félagsins eða rafrænt á netfangið
stjornun@eik.is. Atkvæðaseðillinn þarf að uppfylla
framangreind skilyrði og berast í síðasta lagi einni klukku­
stund fyrir upphaf hluthafafundarins svo atkvæðið teljist gilt.
Frestur til að tilkynna um tilnefningar til tilnefningarnefndar á
netfangið stjornun@eik.is lýkur fimm dögum fyrir hluthafa­
fund, nánar tiltekið kl. 16.00 sunnudaginn 20. janúar 2019.
Eyðublöð vegna framboðs til nefndarsetu er að finna á
vefsíðu félagsins og verða upplýsingar um frambjóðendur til
stjórnar birtar þar og verða til sýnis á skrifstofu þess eigi síðar
en sólarhring eftir að framboðsfrestur rennur út.
Hluthafafundur er lögmætur án tillits til fundarsóknar ef
hann er löglega boðaður, sbr. 11. gr. samþykkta félagsins.
Hluthafafundurinn fer fram á íslensku og verða fundargögn
og atkvæðaseðlar, sem verða afhent á fundarstað, einnig
á íslensku.
Nánari upplýsingar um réttindi hluthafa og annað sem
varðar hluthafafundinn, svo sem endanleg dagskrá, tillögur
stjórnar og hluthafa, eyðublöð vegna umboðs og tilnefningar
til tilnefningarnefndar, upplýsingar um atkvæðagreiðslu og
atkvæðaseðil vegna skriflegra kosninga og kosninga fyrir
hluthafafund, skjöl sem verða lögð fram á hluthafafundi,
upplýsingar um frambjóðendur, upplýsingar um fjölda
hluta og atkvæðafjölda í félaginu, er ­ eða verður eftir því
sem þau verða til ­ að finna á vefsíðu félagsins, www.eik.
is/fjarfestar/hluthafar. Auk þess munu viðeigandi gögn
liggja frammi í höfuðstöðvum félagsins, að Álfheimum 74,
104 Reykjavík, þremur vikum fyrir hluthafafundinn. Endan­
leg dagskrá frá stjórn og tillögur verða birtar föstudaginn
18. janúar 2019.
Drög að dagskrá fundarins er svohljóðandi:
1. Kosning nefndarmanna í tilnefningarnefnd
2. Önnur mál löglega fram borin
Stjórn Eikar fasteignafélags hf. boðar til hluthafafundar í félaginu. Fundurinn
verður haldinn í fundarsal Kjarvalsstaða, Flókagötu 24, 105 Reykjavík, föstudaginn
25. janúar 2019 og hefst stundvíslega kl. 16.00.
Eik fasteignafélag hf.
Álfheimum 74, 104 Reykjavík
www.eik.is
Reykjavík, 3. janúar 2019
Stjórn Eikar fasteignafélags hf.
Ljósmyndir Rutar og Silju
Skipholti 31 • 105 Reykjavík • Sími 568 0150
Opið virka daga 10-17 • www.rut.is • Ljósmyndir Rutar og Silju
Fyrir ökuskírteinið,
passann, ferilskrána o.fl.
Góð passamynd
skiptir máli
Engar tímapantanir
Skjót
og hröð
þjónusta
Misjafnt er eftir sveitarfélögum á
höfuðborgarsvæðinu hvort jólatré
séu hirt eða hvort íbúar þurfi að koma
þeim sjálfir á endurvinnslustöðvar. Á
Seltjarnarnesi sækja bæjarstarfs-
menn jólatré íbúa á mánudag og
þriðjudag eftir þrettándann. Í Mos-
fellsbæ verður ekki boðið upp á slíka
þjónustu að sögn Tómasar Gíslasonar
á umhverfissviði. Hann segir endur-
vinnslustöð staðsetta í bænum og því
ætti aðgengið fyrir íbúa að vera auð-
velt.
Hjá þjónustuveri Reykjavíkur-
borgar fengust þær upplýsingar að
jólatré yrðu ekki sótt en einhver
íþróttafélög byðu upp á slíka þjón-
ustu sem fjáröflun fyrir íþrótta-
félögin.
Í Kópavogi verða jólatrén hirt frá
7. til 11. janúar og eru íbúar beðnir að
setja trén út á gangstétt þar sem ekki
er farið inn á lóðir fólks. Á vef Hafn-
arfjarðar kemur fram að jólatré verði
ekki hirt hjá bæjarbúum eftir jólahá-
tíðina.
Í Garðabæ verða jólatrén sótt á
mánudag og eru íbúar beðnir að setja
trén út á sunnudag eða mánudag.
Sigurður Hafliðason, forstöðumaður
þjónustumiðstöðvar bæjarins, segir
skátana annast þjónustuna við íbúa
en bærinn styrkir skátana á móti.
Misjafnt hvort
jólatré séu hirt
 Byrjað að hirða strax á mánudag
Morgunblaðið/Eggert
Jólin kvödd Misjafnt er eftir sveit-
arfélögum hvort jólatré eru hirt.