Morgunblaðið - 03.01.2019, Side 40

40 FRÉTTIRErlent
MORGUNBLAÐIÐ FIMMTUDAGUR 3. JANÚAR 2019
Holtagörðum-Lóuhólum-Akureyri-Selfossi-
Bolungarvík-Vestmannaeyjum
ÞÚ FÆRÐ
HJÁ OKKUR!
S; 537-5000 dyrarikid@dyrarikid.is
Sex manns biðu bana og sextán slös-
uðust í járnbrautarslysi á Stórabeltis-
brúnni í Danmörku í hvassviðri í gær-
morgun. Ekki var vitað hvað olli
slysinu en margt þótti benda til þess
að vagn flutningalestar hefði fokið af
teinunum og skollið á farþegalest
þegar þær mættust á brúnni, að því
er fréttavefur Politiken hafði eftir Bo
Haaning, sem rannsakar slysið á veg-
um Rannsóknarnefndar samgöngu-
slysa í Danmörku. Hann sagði að of
snemmt væri að segja til um hvort
vagninn hefði valdið slysinu eða hvort
rekja mætti það til einhvers annars
sem hefði fokið úr flutningalestinni á
farþegalestina.
Haaning sagði að ekki væri vitað
hvort vagninn hefði lent framan á far-
þegalestinni eða á hlið hennar. „Ýmis-
legt bendir til þess að vagninn hafi
verið tómur, en við erum ekki alveg
viss um það. Við erum enn að safna
upplýsingum um slysið,“ hafði
Politiken eftir Haaning.
Farþegalestin var á leiðinni frá Óð-
insvéum til Kaupmannahafnar. 131
farþegi var í lestinni, auk þriggja
manna áhafnar, þegar slysið varð
klukkan 7.35 í gærmorgun að staðar-
tíma á Stórabeltisbrúnni, milli Sjá-
lands og Fjóns. Enginn þeirra sextán
sem slösuðust er í lífshættu, að sögn
lögreglunnar á Fjóni. Flutningalestin
var að flytja bjór.
Þurftu að stíga yfir lík
Kim Agersø Nielsen, verkfræðing-
ur og tæknistjóri fyrirtækisins sem á
og rekur brúna, sagði að það hefði
ekki verið brot á öryggisreglum að
leyfa flutningalestinni að fara yfir
hana. Vindhraðinn hefði verið undir
21 metra á sekúndu þegar slysið varð.
„Hefði hann farið yfir 21 m/s hefði
lestin átt að minnka hraðann í 80 kíló-
metra á klukkustund. Hefði vindhrað-
inn verið meira en 25 m/s hefði lestin
ekki mátt fara yfir brúna,“ hefur
fréttavefur danska ríkisútvarpsins
eftir Nielsen.
„Það heyrðist hár dynkur og rúð-
urnar brotnuðu við höfuð okkar. Við
köstuðumst á gólfið og lestin stöðv-
aðist,“ hafði fréttavefur DR eftir ein-
um farþeganna. Nokkrir þeirra brutu
rúðu á hurð til að komast inn í vagn
þar sem fólk varð innlyksa. „Síðasti
maðurinn, sem við náðum út, komst
þaðan 45 mínútum eftir slysið,“ hafði
Politiken eftir einum farþeganna.
„Hann var rifbeins- og haldleggsbrot-
inn. En það voru fleiri þarna inni. Til
að geta hjálpað fólkinu þurftum við að
stíga yfir hina látnu sem lágu undir
öllu brakinu á gólfinu.“ bogi@mbl.is
AFP
Lestarslys Björgunarmaður gengur framhjá skemmdum vagni flutningalestar á Stórabeltisbrúnni eftir slysið.
Sex manns létu lífið
á Stórabeltisbrúnni
 Vagn fauk af flutningalest og skall á farþegalest í hvassviðri
Bogi Þór Arason
bogi@mbl.is
Repúblikaninn Mitt Romney gagn-
rýnir framgöngu Donalds Trumps í
embætti Bandaríkjaforseta í aðsendri
grein sem birt var í dagblaðinu The
Washington Post. Romney var for-
setaefni repúblikana árið 2012, var
kjörinn í öldungadeild Bandaríkja-
þings fyrir Utah í nóvember og tekur
sæti sitt þar í dag.
Romney, sem er 71 árs, segir m.a. í
greininni að forseti Bandaríkjanna
eigi að sýna gott fordæmi, reyna að
sameina þjóðina í stað þess að ala á
sundrungu, eigi að sýna „heiðarleika
og heilindi“, koma fram af hæversku
og sýna andstæðingum sínum virð-
ingu. „Og það er á þessu sviði sem
brestir sitjandi forseta skera mest í
augu.“
Stjórnmálaskýrendur bandarískra
fjölmiðla sögðu greinina benda til
þess að Romney ætlaði að verða helsti
gagnrýnandi Trumps úr röðum repú-
blikana á þinginu. The New York
Times sagði margt í greininni vera til
marks um að Romney hefði jafnvel í
hyggju að bjóða sig fram gegn Trump
í forkosningum repúblikana fyrir for-
setakosningarnar árið 2020.
Gagnrýnir óheiðarleika
Í greininni tekur Romney fram að
hann telji ekki að Trump sé á villigöt-
um í öllum málum. Hann kveðst t.a.m.
styðja þá stefnu hans að lækka skatta
á fyrirtæki, afnema íþyngjandi regl-
ur, berjast gegn ósanngjörnum við-
skiptaháttum Kínverja, koma á um-
bótum í dómskerfinu og tilnefna
íhaldsmenn í dómaraembætti.
Romney kveðst ekki hafa stutt
Trump í forkosningum repúblikana
en vonað að hann myndi rísa undir
ábyrgð sinni eftir að hann var kjörinn
forseti árið 2016. Forsetaembættið
hafi sigið „niður í djúpan öldudal“ í
desember þegar Jim Mattis varnar-
málaráðherra og John F. Kelly, skrif-
stofustjóri Hvíta hússins, létu af
störfum, Bandaríkin hafi hlaupist frá
bandamönnum sínum og Trump hafi
lýst því yfir „hugsunarlaust“ að
Bandaríkjamenn hefðu lengi hegðað
sér eins og „flón“ í heimsmálunum.
„Þegar alls er gætt hefur framganga
hans síðustu tvö árin, einkum gerðir
hans í þessum mánuði, sýnt að forset-
inn er ekki stöðu sinni vaxinn.“
Romney bætir við að yfirlýsingar
og aðgerðir Trumps hafi valdið beyg
víða um heim. „Í könnun Pew-rann-
sóknastofnunarinnar árið 2016 sögð-
ust 84% aðspurðra í Þýskalandi, Bret-
landi, Frakklandi, Kanada og Svíþjóð
telja að forseti Bandaríkjanna myndi
„gera það rétta í heimsmálunum“. Ári
síðar hafði hlutfallið lækkað í 16%.“
Romney segir þetta gerast „á mjög
óheppilegum tíma“, m.a. vegna póli-
tísks umróts í nokkrum samstarfs-
löndum Bandaríkjanna í Evrópu og
vísbendinga um að ríki í Asíu séu far-
in að „halla sér í auknum mæli að
Kína“.
Romney kveðst ekki ætla að elta ól-
ar við allar yfirlýsingar Trumps á
Twitter eða yfirsjónir hans. „En ég
ætla að gagnrýna þýðingarmiklar
yfirlýsingar eða aðgerðir, sem valda
sundrungu, eru til marks um kyn-
þáttafordóma, karlrembu, andúð á
innflytjendum og óheiðarleika eða
skaða lýðræðisstofnanir okkar.“
Segir Trump
ekki vera stöðu
sinni vaxinn
 Mitt Romney gagnrýnir forsetann
AFP
Handtak Trump og Mitt Romney í
Hvíta húsinu 19. nóvember 2016.
Átök og mótmæli blossuðu upp á
götum borga í Kerala-ríki á Ind-
landi í gær eftir að skýrt var frá því
að konur hefðu í fyrsta skipti farið
inn í hindúahofið Sabarimala. Kon-
um á aldrinum tíu til fimmtíu ára
hefur öldum saman verið bannað að
fara inn í hofið þar sem heittrúaðir
hindúar telja að konur séu óhreinar
þegar þær hafa tíðir og segja að
hindúaguð, sem hofið er helgað,
hafi gefið fyrirmæli um bannið.
Hæstiréttur Indlands úrskurðaði
í september að heimila bæri konum
að fara inn í hofið en heittrúaðir
hindúar héldu áfram að meina kon-
um aðgang að því. Tvær konur
komust að lokum inn í hofið með
aðstoð lögreglumanna í gær. Það
varð til þess að æðsti prestur hofs-
ins lokaði því í klukkustund vegna
hreinsunarathafnar sem hann
fyrirskipaði.
Til átaka kom milli andstæðinga
og stuðningsmanna bannsins á göt-
um í Kerala eftir að skýrt var frá
för kvennanna í hofið. Lögreglu-
menn beittu táragasi, kylfum og
höggsprengjum og nokkrir þeirra
særðust í átökunum.
AFP
Mótmæli Hindúar í borginni Kochi mótmæla för tveggja kvenna í hindúa-
hofið Sabarimala sem er helgað guðnum Ayyappan, eða Dharma Sastha.
Átök vegna deilu um
bann við konum í hofi