Morgunblaðið - 13.02.2019, Side 17

FRÉTTIR 17Erlent
MORGUNBLAÐIÐ MIÐVIKUDAGUR 13. FEBRÚAR 2019
Stefán Gunnar Sveinsson
sgs@mbl.is
Þingmenn beggja flokka á Banda-
ríkjaþingi tilkynntu í fyrrinótt að
þeir hefðu náð samkomulagi um að
verja 1,4 milljörðum bandaríkjadala
í svonefndan „landamæramúr“, sem
Donald Trump Bandaríkjaforseti vill
reisa á landamærum Bandaríkjanna
og Mexíkó.
Sóttust þingmennirnir eftir sam-
komulagi til þess að koma í veg fyrir
að hluta bandarískra ríkisstofnana
yrði lokað á nýjan leik á föstudaginn,
líkt og gert var í desember á síðasta
ári. Óvíst var þó fram eftir degi hvort
Trump myndi samþykkja samkomu-
lagið, þar sem upphæðin var umtals-
vert lægri en þeir 5,7 milljarðar sem
hann vildi fá.
Málamiðlunin fólst einkum í því,
að demókratar sættust á að fjár-
magnið gæti verið eyrnamerkt því að
reisa nýjar girðingar eða tálmanir á
landamærunum, en upphaflega vildu
þeir að peningarnir yrðu eingöngu
nýttir til viðhalds á þeim mannvirkj-
um sem nú þegar eru til staðar á
landamærunum.
Mitch McConnell, leiðtogi repú-
blikana í öldungadeildinni, þar sem
þeir eru í meirihluta, sagði að mála-
miðlunin væri góðar fregnir, þar sem
hún myndi gera stjórnvöldum kleift
að reisa marga kílómetra af nýjum
girðingum. Þá gæfi málamiðlunin
ríkisstofnunum vissu um að þær
gætu haldið áfram störfum. Chuck
Schumer, leiðtogi demókrata í öld-
ungadeildinni, var sammála McCon-
nell og sagði samkomulagið koma í
veg fyrir að menn færu fram af
hengibrúninni þegar kæmi að fjár-
mögnun ríkisstofnananna.
Segjast hafa náð sáttum
 Bandaríkjaþing samþykkti 1,4 milljarða dala fjárveitingu í landamæravarnir
AFP
Múr Trump ávarpaði stuðnings-
menn sína í El Paso í fyrradag.
Mörg þúsund stuðningsmanna Juan Guaidó, leiðtoga
stjórnarandstöðunnar í Venesúela, svöruðu kalli hans í
gær og mótmæltu á götum höfuðborgarinnar Caracas.
Kröfðust þeir þess meðal annars að Nicolás Maduro,
forseti landsins, hleypti neyðaraðstoð inn í landið, sem
herinn hefur stöðvað á landamærunum við Kólumbíu.
Maduro sagði hins vegar í gær að aðstoðin væri ekkert
annað en yfirvarp fyrir innrás Bandaríkjanna.
AFP
Mótmælt á götum Caracas
Stjórnarandstæðingar fjölmenntu
Minnihlutastjórn
ástralska Íhalds-
flokksins tapaði
í gær mikil-
vægri atkvæða-
greiðslu um
réttindi flótta-
manna, þegar
meirihluti þing-
heims sam-
þykkti með 75
atkvæðum gegn
74 að fólk í áströlskum flótta-
mannamiðstöðvum utan landa-
mæra Ástrala ætti rétt á heil-
brigðisþjónustu innan þeirra ef
þörf krefði á.
Er þetta í fyrsta sinn í nærri
því heila öld sem ríkisstjórn Ástr-
alíu verður undir á þingi. Niður-
staðan þykir sérstaklega vond
fyrir Scott Morrison, forsætisráð-
herra Ástralíu, en hann hafði
þrýst mjög á þingheim um að
fella frumvarpið. Hefur stjórnar-
andstaðan krafist þess að
Morrison segi af sér og boði til
kosninga þegar í stað.
Krefjast afsagnar
forsætisráðherra
Scott
Morrison
ÁSTRALÍA
Theresa May,
forsætisráðherra
Bretlands, bað
neðri deild
breska þingsins
um meiri tíma til
þess að reyna að
semja um breyt-
ingar á írska
„varnaglanum“
svonefnda í
Brexit-sam-
komulaginu. Hét hún því að þingið
myndi fá að hafa lokaorðið um sam-
komulagið eftir að hún væri búin að
knýja fram breytingar á því.
Fulltrúar stjórnarandstöðunnar
sökuðu May hins vegar um að sóa
tímanum, en forvígismenn Evrópu-
sambandsins hafa þvertekið fyrir
að hægt sé að gera nokkrar breyt-
ingar á samkomulaginu.
Að óbreyttu mun Bretland yfir-
gefa Evrópusambandið 29. mars
næstkomandi.
May biður þingheim
um meiri tíma
Theresa
May
BRETLAND
Tólf af forystumönnum sjálfstæðis-
sinna í Katalóníu voru dregnir fyrir
hæstarétt Spánar í Madríd í gær fyrir
þátt þeirra í umdeildri þjóðarat-
kvæðagreiðslu héraðsins í október ár-
ið 2015, sem og þátt þeirra í sjálf-
stæðisyfirlýsingu sem fylgdi í
kjölfarið.
Níu af sakborningunum tólf eru
ákærðir fyrir að hafa tekið þátt í bylt-
ingartilraun og þrír eru sakaðir um
óhlýðni og að hafa misnotað al-
mannafé. Andreu Van den Eynde,
lögmaður tveggja sakborninganna
sakaði spænsk stjórnvöld um að hafa
brotið á réttindum skjólstæðinga
sinna og sagði þá sitja undir sök vegna
stjórnmálaskoðana sinna.
Carlos Lesmes, forseti hæstarétt-
ar, sagði hins vegar á móti í yfirlýs-
ingu að rétturinn og hlutleysi hans
hefði verið fórnarlamb ófrægingar-
herferðar.
„Prófsteinn á lýðræðið“
Carles Puigdemont, fyrrverandi
forseti Katalóníu sem fór í útlegð til
Belgíu, er ekki meðal sakborninga,
þar sem spænskt réttarkerfi heimilar
ekki réttarhöld að sakborningum fjar-
stöddum. Puigdemont, sem nú er
staddur í Berlín, sendi frá sér yfirlýs-
ingu í gær, þar sem hann sagði að rétt-
arhöldin yrðu „prófsteinn á spænskt
lýðræði“. Biðlaði hann til alþjóðasam-
félagsins um að styðja við málstað
sakborninganna, og spurði hvers
vegna Evrópusambandinu væri meira
umhugað um Venesúela en Spán.
Þá hefur málið valdið nokkurri
spennu í stjórnmálalífi Spánar, en
fjöldamótmæli voru í Madríd um
helgina gegn fyrirætlunum stjórn-
valda um að semja við aðskilnaðar-
sinna. Pedro Sanchez, forsætisráð-
herra Spánar, þykir vera milli steins
og sleggju, en hann treystir á stuðn-
ing aðskilnaðarsinna á spænska
þinginu við minnihlutastjórn sína.
Réttað yfir Kata-
lóníumönnum
 Spænsk stjórn-
völd gagnrýnd
vegna málsins
AFP
Mótmæli Sjálfstæðissinnar mót-
mæltu réttarhöldunum í Barselóna.
Jens Stoltenberg, framkvæmdastjóri
Atlantshafsbandalagsins, sagði að
bandalagið gerði ráð fyrir því að fleiri
rússneskar eldflaugar yrðu settar
upp eftir að INF-samkomulagið svo-
nefnda dettur úr gildi. Sagði Stolten-
berg að bandalagsríkin myndu hins
vegar ekki setja upp ný kjarn-
orkuvopn í Evrópu.
Sagði Stoltenberg að bandalagið
myndi áfram treysta varnir sínar, en
að það myndi ekki þýða það að banda-
lagsríkin myndu „spegla“ það sem
Rússar gerðu, jafnvel þótt þeir settu
upp fleiri eldflaugar sem hæft gætu
Evrópu.
Varnarmálaráðherrar Atlantshafs-
bandalagsins munu funda í dag í
Brussel, og er gert ráð fyrir að örlög
INF-samkomulagsins verði ofarlega
á baugi þar. Hvatti Stoltenberg
Rússa til þess að fylgja aftur ákvæð-
um samkomulagsins, en vesturveldin
saka þá um að hafa brotið gegn því
með SSC-8 eldflaugum sínum, sem
teknar voru í notkun árið 2015.
Búast við
fleiri eld-
flaugum
 NATO mun ekki
svara í sömu mynt