Morgunblaðið - 03.04.2019, Qupperneq 26

26 ÍSLENDINGAR
MORGUNBLAÐIÐ MIÐVIKUDAGUR 3. APRÍL 2019
Heimir Guðjónsson, þjálfari HB í Þórshöfn í Færeyjum, á 50 áraafmæli í dag. Hann er margfaldur Íslandsmeistari með FH, entók við HB, eða Havnar Bóltfélag, eins og það heitir fullu nafni,
um haustið 2017. Honum tókst að gera félagið að Færeyjameisturum í
fyrstu atrennu í fyrra en síðast vann félagið titilinn 2013. Var Heimir
útnefndur þjálfari ársins í Færeyjum fyrir vikið.
„Þetta gekk vonum framar, HB var búið að lenda í fimmta sæti í
deildinni tvö ár á undan og stefnan var að koma liðinu í Evrópukeppni.
Ég held að enginn hafi átt von á þessum árangri og allra síst ég.“
Mótið í ár er þegar hafið og eru þrír leikir búnir. HB hefur gert tvö
jafntefli og unnið einn leik og er næsti leikur á sunnudaginn. „Það verð-
ur nágrannaslagur af bestu gerð en við mætum hinu liðinu í Þórshöfn,
B36 Þetta eru allt mjög skemmtilegir baráttuleikir milli þessara liða og
góð stemning.“
Heimir kann vel við sig í Færeyjum. „Það er bara mjög fínt að vera
hérna í Þórshöfn og Færeyingar eru gott fólk. Svo fer ég annars lagið
til Íslands að hitta fjölskyldu og vini.“ Síðast kíkti hann í heimsókn fyrir
tveimur vikum og tók þátt í skákmóti, því frægasta á landinu að hans
sögn. „Þá hittast gamlir FH-ingar og tefla og var Óli Jó [Ólafur Jóhann-
esson þjálfari] heiðursgestur. Ég endaði í þriðja sæti en Lúðvík
Arnarson vann mótið.“
Heimir var ekki alveg búinn að ákveða hvað hann ætlaði að gera í til-
efni dagsins. „Ég verð í vinnunni og svo verður æfing en ætli ég fari
ekki út að borða með fjölskyldunni.“ Sambýliskona Heimis er Ragnhild-
ur Elín Lárusdóttir, lögfræðingur hjá Ernst & Young á Íslandi, en hún
vinnur frá Færeyjum. Dóttir þeirra er Ásta Lovísa 5 ára, en fyrir á
Heimir þrjá syni. Þeir eru Haukur 30 ára, Baldur Búi 22 ára og Hilmir
Freyr 17 ára.
Þjálfarinn Heimir staddur í gamla bænum í Þórshöfn.
Færeyjameistari
í fyrstu atrennu
Heimir Guðjónsson er fimmtugur í dag
G
unnar Aðólf Guttorms-
son fæddist 3. apríl
1929 í Svínafelli í
Hjaltastaðaþinghá á
Fljótsdalshéraði og ólst
þar upp. Hann lauk gagnfræðaprófi
frá Eiðaskóla 1951 og íþróttakenn-
araprófi frá Íþróttakennara-
skólanum á Laugarvatni 1953.
Eftir útskrift frá Laugarvatni var
Gunnar sundkennari við Sundhöllina
í Reykjavík, íþróttaþjálfari hjá UÍA
og síðan farkennari í Hróarstungu í
eitt ár og skólastjóri heimavistar-
skóla á Stóra-Bakka þar í sveit 1958-
64. Hann vann einnig sem jarðýtu-
stjóri í mörg ár og var annar stofn-
enda verktakafyrirtækisins Gunnars
og Kjartans á Egilsstöðum. Árið
1965 tók hann við búrekstri á Litla-
Bakka í Hróarstungu ásamt konu
sinni Svandísi sem fæddist þar. Þau
giftu sig 23. ágúst 1959 og reka enn í
Gunnar A. Guttormsson, kennari og bóndi – 90 ára
Fjölskyldan Gunnar og Svandís ásamt afkomendum og tengdabörnum um áramótin 2008.
Söngelskur félags-
mála- og veiðimaður
Veiðimaðurinn Gunnar við 120 kg hreindýrstarf sem hann felldi 2011.
Hvanneyri Alexandra
Kristín fæddist 6.
desember 2018. Hún
vó 4.026 g og var 53
cm löng. Foreldrar
hennar eru Einar
Reynisson og Sig-
urbjörg Þórunn Mar-
teinsdóttir.
Nýr borgari
Íslendingar Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is