Morgunblaðið - 03.04.2019, Side 29

DÆGRADVÖL 29
MORGUNBLAÐIÐ MIÐVIKUDAGUR 3. APRÍL 2019
Stjörnuspá
21. mars - 19. apríl 
Hrútur Skilaboðin eru til staðar, þú þarft
bara að lesa þau. Við njótum öll góðs af styrk
annarra á einn eða annan hátt. Veldu vini
þína af kostgæfni.
20. apríl - 20. maí 
Naut Það kemur þér vel að vera þrjósk/ur.
Dagurinn hentar engan veginn til mikilvægrar
ákvarðanatöku og hætt er við að þær ákvarð-
anir sem þú tekur í dag muni ekki ganga upp.
21. maí - 20. júní 
Tvíburar Það getur vakið ýmsar tilfinningar
þegar ganga þarf frá persónulegum málum.
Fáðu hlutlausan aðila til aðstoðar því hann
sér málið öðrum augum.
21. júní - 22. júlí 
Krabbi Þú þarft að láta vinnuna ganga fyrir
öllu öðru þessi dægrin. Láttu það eftir þér að
kaupa eitthvað handa sjálfri/sjálfum þér og
þínum nánustu.
23. júlí - 22. ágúst 
Ljón Reyndu að sjá það góða í ástvinum þín-
um fremur en það slæma. Ekki láta aðra
ergja þig um of. Forðastu að láta aðra plata
þig út í einhverja vitleysu.
23. ágúst - 22. sept. 
Meyja Það getur eitt og annað komið upp á
þegar menn rökræða málin af fullum þunga.
Gerðu það sem í þínu valdi stendur til að
halda friðinn innan fjölskyldunnar.
23. sept. - 22. okt. 
Vog Til þess að vera virkilega skapandi og ná
árangri þarft þú að yfirgnæfa gagnrýnisrödd-
ina innra með sér. Það getur verið kalt á
toppnum.
23. okt. - 21. nóv.
Sporðdreki Þú varst og ert sérdeilis úrræða-
góð/ur. Mundu að ekki hafa allir sömu skoð-
anir á hlutunum og það ber líka að virða. Þér
verður heitt í hamsi í kvöld.
22. nóv. - 21. des.

Bogmaður Viðkvæmt mál ber á góma og
þótt þér sé mikil raun að ræða álit þitt á því
verðurðu að gera það. Reyndu ekki að sanna
þig eða hafa betur í rökræðum.
22. des. - 19. janúar 
Steingeit Það er ekki hyggilegt að hleypa
málum af stað án þess að reyna að sjá fram-
vinduna fyrir. Taktu fagnandi á móti góðvild
annarra. Sumir eiga erfiðara með að biðja um
aðstoð en aðrir.
20. jan. - 18. febr. 
Vatnsberi Þú ættir að kynna þér málin vel
áður en þú grípur til aðgerða. Ekki hugsa um
álit annarra, flestir eru uppteknir af sjálfum
sér.
19. feb. - 20. mars

Fiskar Þegar ástvinir taka ábyrgðarhlutverk
sitt ekki alvarlega verður þú hugsi. Reyndu að
finna leiðir til að breyta því. Allir verða að
leggjast á eitt svo hlutirnir gangi upp.
Víkverji er vanur að klára af disk-inum sínum. Þegar hann var að
alast upp var brýnt fyrir honum að
hann ætti að klára matinn sinn og
þegar illa gekk var hann minntur á að
annars staðar í heiminum hefði fólk
ekki nægan mat. Víkverji ætti því að
vera þakklátur fyrir það að fá að
borða.
x x x
Víkverji fór reyndar yfirleitt léttmeð að klára matinn sinn og ger-
ir það enn. Hann á líka erfitt með að
horfa upp á að matur fari í súginn.
Það munu þó vera örlög þriðjungs
þess matar sem er framleiddur.
Rýrnunin á sér víða stað, allt frá akr-
inum inn á eldhúsborð.
x x x
Ógerningur er að útrýma mat-arsóun með öllu, en það er skrít-
ið til þess að hugsa að minnka mætti
um þriðjung það jarðnæði sem fer
undir framleiðslu matvæla með ein-
um eða öðrum hætti. Að sama skapi
mætti minnka tilkostnaðinn við fram-
leiðsluna um þriðjung, hvort sem þar
væri um að ræða fóður, áburð eða
einfaldlega vatn, sem víða er orðið af
skornum skammti.
x x x
Síðustu söludagar geta verið Vík-verja ráðgáta. Stundum rekst
hann á mat í skáp, sem kominn á að
vera fram yfir síðasta söludag, en
reynist fullkomlega neysluhæfur. Til-
hneigingin er þó að henda matnum í
ruslið. Stundum fylgja orðin „best
fyrir“ dagsetningum. Sú dagsetning
er þó sjaldnast afgerandi þegar kem-
ur að endingu vörunnar. Víkverji hef-
ur gleymt skyrdós inni í ísskáp vel
fram yfir úrslitadagsetninguna „best
fyrir“ og reyndist innihaldið enn vera
ljúffengt. Vegna dagsetningarinnar
leið Víkverja hins vegar eins og hann
væri að leika í áhættuatriði þegar
hann borðaði skyrið.
x x x
Víkverji hefur stundum velt fyrirsér hvort dagsetningarnar ættu
kannski að vera fleiri, til dæmis „best
fyrir“, „þokkalegt fyrir“ og „ónýtt
eftir“. Það væri þó sennilega full-
flókið og pláss á umbúðum undir les-
mál ekki endalaust. vikverji@mbl.is
Víkverji
En það er hið eilífa líf að þekkja þig,
hinn eina sanna Guð, og þann sem þú
sendir, Jesú Krist.
(Jóh: 17.3)
LISTHÚSINU
Opið virka daga kl. 11-18, lokað á laugardögum í sumarListhúsinu við Engjateig, 105 Reykjavík, sími 551 2050
40% afsláttur
af öllum vínylgólfmottum
Skiptir ekki máli“ er yfirskriftþessarar limru Helga R. Ein-
arssonar:
Stebba á sama stóð
hvort fjara væri’ eða flóð.
Með brosandi smetti
í brýrnar hann setti
og áfram til Hríseyjar óð.
Þessa limru kallar Helgi „Minn-
ing“.
Þær dáðu’ allar Einsa úr Eyjunum,
sem innundir var víst hjá meyj-
unum.
Í landi sín naut,
en laumaðist braut
er leiður var orðinn á greyjunum.
Sigurlín Hermannsdóttir er
smekkkona á vín:
Brennivín mér bragðast eins og bölv-
að glundur.
Púrtara ég fæ mér fremur
finn svo hvort að vísa kemur.
Helgi Ingólfsson talar um
„FJÖLGUN Í STÓÐINU (eins kon-
ar hestavísa)“:
Þeir kunnu sig, knaparnir nýtu,
keikir því margt hékk á spýtu.
Lausir við flaustur
þeir fóru á Klaustur
og fyljuðu merina hvítu.
Guðmundur Friðjónsson á
Sandi orti mikið og gott kvæði um
Grímsey og byrjar svo:
Af gróðurmold og grasailm
er Grímsey rík
og silfri og gulli, er sólin skín
í Súlubrík.
Og Eyjan sama og áður fyrr
sinn ávöxt ber:
á fiski og eggjum fullvel getur
fóðrað her.
Hún lifir sjálfstætt, lítur naumast
landið á.
Í röst sem nálgast ríki Dumbs
hún réttir tá.
Kvöldglettur heitir ljóðabók
Óskar Þorkelsdóttur á Húsavík.
Framan á bókarkápu er þessi
vísa:
Þegar hugann hýsa
hatur, sorg og raun
getur gamanvísa
gefið verkalaun.
Og innan á kápunni á síðustu
síðu standa „Möguleg eftirmæli“:
Af minningum um þig er ég rík
aldrei þeir fjársjóðir tæmast.
Amma mín, þú varst engu lík
það var unun að heyra þig klæmast.
Halldór Blöndal
halldorblondal@simnet.is
Vísnahorn
Af Hrísey, Eyjunum
og Grímsey
„ÉG MYNDI EKKI TAKA ÞETTA INN Á MIG
– ÞETTA ER HENNAR ÞRIÐJA SKIPTI.
ÞETTA ER LÍKLEGA BARA VÖÐVAMINNIÐ.”
„HÉR STENDUR AÐ TILRAUNAROTTA HAFI
RÁÐIÐ LÖGFRÆÐING OG SÉ FARIN Í MÁL
VIÐ RÍKIÐ.”
Ferdinand
Hrólfur hræðilegi
Grettir
... tryggð.
Í klípu eftir Mike Baldwin eftir Jim UngerHermann
ÉG VIL TAKA FRÁ BORÐ
FYRIR TVO
NAFNIÐ ER ÁRDAL … OG GET ÉG FENGIÐ BORÐ
NÁLÆGT RISASTÓRU
SYNGJANDI VÉLMÚSINNI?
ENN EITT
EFTIR MINNI -
LEGA STEFNU-
MÓTIÐ
HVAÐ ER
ÞETTA? SMÁRASÚPA!
HEPPINN
ÉG!
ER ÞETTA KALDHÆÐNI EÐA FANNSTU
EINN FJÖGURRA BLAÐA?