Fréttablaðið - 26.06.2019, Page 30

Hlaupið til Danmerkur
og til baka sem dómari
Ingi Rafn Ingibergsson, fyrirliði Selfoss, Helgi Sigurðsson, Helgi Ólafsson og Skúli Freyr Brynjólfsson dómarar og Konráð Freyr
Sigurðsson, fyrirliði Tindastóls, áður en umræddur leikur á Selfossvelli hófst. MYND/GUÐMUNDUR KARL SIGURDÓRSSON
Þetta var bara dásamlegt,“ segir Skúli Freyr Brynjólfsson um tilfinninguna sem hann upp-lifði við að ná 1.000 leikjum sem dómari í fótbolta. „Það var alls ekki borðleggjandi
að ég gæti þetta því ég var svo hjartveikur
og sem kornabarni var mér ekki hugað líf,
þá átti ég einmitt heima á Selfossi og þar
var haldin söfnun til að fjármagna ferð
til London í aðgerð. Svo flutti ég aftur á
Selfoss eftir að ég kláraði Kennó og þar
byrjaði ég að dæma árið 2000. Það var
því svolítið magnað að það skyldi hittast
þannig á að ég dæmdi þúsundasta leikinn
þar, sem var milli Selfoss og Tindastóls.“
Hann kveðst líka hafa farið aftur í
stóra hjartaaðgerð árið 2012 og hún hafi
heppnast alveg glimrandi vel. Hann sé
búinn að dæma um 600 leiki síðan. Þegar
blaðamaður dregur skemmtanagildi
dómarastarfsins í efa og spyr hvort það sé
ekki alltaf verið að skamma hann, svarar
Skúli: „Jú, það kemur fyrir. Ef ég á að vera
alveg hreinskilinn þá kemur kannski eitt-
hvert vesen upp í einum leik af hverjum
tuttugu. Maður væri ekki í þessu ef um
tóm leiðindi væri að ræða. Þá mundi
heldur enginn endast í þessu starfi.“
Skúli tekur fram að það sé ekkert eins-
dæmi að dómarar komist yfir 1.000 leikja
múrinn, hitt sé sjaldgæfara að þeir séu svo
miklir nördar að halda sjálfir utan um
leikjafjöldann í Excel. „Það er á kristal-
tæru að þetta var í þúsundasta skipti sem
ég fer að heiman til að dæma fótboltaleik,
en þetta er ekki hin opinbera tala, sú sem
skráð er hjá KSÍ.“
Hann kveðst hafa lært heilmikið á
þessum 1.000 leikjum, bæði á lífið og
sjálfan sig. „Þetta starf er orðið partur
af manni þannig að stress fyrir leiki er
orðið sjaldgæft. Samt er ég enn að lenda í
hlutum sem ég hef aldrei lent í áður. Bæði
atriðum sem gerast úti á vellinum og svo
gera dómarar og aðrir mistök sem maður
vissi ekki að væri hægt að gera og ég er
ekki saklaus af því. Jafnvel í þúsundasta
leiknum mínum var eftirlitsdómarinn að
benda mér á hluti sem betur mættu fara
þannig að maður hættir aldrei að læra og
það finnst mér mikilvægt.“
Spurður í hvaða deildum hann sé helst
að dæma svarar Skúli: „Það er auðveldara
að segja hvað ég má ekki dæma. Ég má
ekki taka þátt í efstu deild karla en öllum
öðrum á einn eða annan hátt, og það hef
ég gert. Svo er misjafnt hvort ég má vera
aðaldómari eða aðstoðardómari. Ég var
aðstoðardómari í þúsundasta leiknum
sem var í 2. deild karla, þar er ég ekki með
réttindi til að vera aðaldómari.“ En finnst
honum ekki leiðinlegt að mega ekki halda
með einhverju liði? „Nei, það er ákveðinn
léttir. Þá þarf maður ekki að hafa tilfinn-
ingar til þessa eða hins. Ég held með
Manchester United í ensku deildinni og
félagar mínir segja að það sé hundleiðin-
legt að horfa á fótbolta með mér því ég sé
svo hlutlaus!“
Mikil hlaup eru að baki hjá Skúla. Sem
aðstoðardómari kveðst hann hlaupa að
meðaltali frá 2,5 upp 5 kílómetra en sem
aðaldómari 7,5 til 9,5 kílómetra. „Meðal-
talið er, hugsa ég, fimm og hálfur til sex
kílómetrar í leik. Margfaldaðu það með
þúsund og þá ertu komin til Danmerkur
og til baka! En þúsundasti leikurinn var
bara áfangi á langri leið. Ég er ekkert
hættur.“ gun@frettabladid.is
Ég held með Manchester United
í ensku deildinni og félagar mín-
ir segja að það sé hundleiðinlegt
að horfa á fótbolta með mér því
ég sé svo hlutlaus!
Skúli Freyr Brynjólfsson,
námsráðgjafi í Keili, dæmdi
sinn þúsundasta fótbolta-
leik nýlega. Það gerðist á
Selfossi þar sem Skúli hóf
feril sinn bæði í lífi og leik.
Hann kveðst aldrei hætta
að læra, það sé lykilatriði í
að halda starfinu áfram.
Innilegar þakkir fyrir hlýjar
samúðarkveðjur og vinarhug, vegna
andláts ástkærs eiginmanns, föður,
afa, bróður og mágs,
Hilmars Péturs
Þormóðssonar
blaðamanns,
sem lést þann 10. maí síðastliðinn.
Þökkum öllum sem komu að umönnun hans.
Fyrir okkar hönd og annarra ástvina:
Björg Atladóttir
Atli Örn Hilmarsson
Steinþór Óli Hilmarsson
Hilmar Ársæll Steinþórsson Katrín Ósk Baldvinsdóttir
Steinunn Helga Steinþórsdóttir
Ásgeir Þormóðsson Valgerður Ólafsdóttir.
Elskulegur eiginmaður minn, faðir
okkar, tengdafaðir og afi,
Pálmar Árni Sigurbergsson
hljóðfærasmiður,
lést á Landspítalanum
miðvikudaginn 19. júní.
Útförin auglýst síðar.
Jóhanna Snorradóttir
Vilberg Pálmarsson
Lydía Pálmarsdóttir Vigfús Gunnar Gíslason
Ágústína Guðrún Pálmarsdóttir Sigurður Örn Sigurðarson
Einar Bergur Pálmarsson
Unnur Pálmarsdóttir Gylfi Már Ágústsson
afabörn og aðrir aðstandendur.
Ástkær móðir okkar, tengdamóðir,
amma og langamma,
Kristín Theodórsdóttir
Fögruhlíð 5, Hafnarfirði,
lést á Hrafnistu í Hafnarfirði
miðvikudaginn 19. júní.
Útför hennar fer fram frá Fríkirkjunni í Hafnarfirði
föstudaginn 28. júní kl. 15.00
Theodór K. Ómarsson Ágústa Ólafsdóttir
Marta Gígja Ómarsdóttir Höskuldur Ragnarsson
barnabörn og langömmubörn.
Ástkær eiginkona mín, móðir,
tengdamóðir, amma og langamma,
Sigurbjört Bíbí Gústafsdóttir
Galtalind 1, Kópavogi,
lést sunnudaginn 16. júní.
Útförin fór fram í kyrrþey í
Fossvogskapellu að ósk hinnar
látnu mánudaginn 24. júní. Okkar bestu þakkir til HERA
heimaþjónustu og líknardeildar Landspítalans í Kópavogi
fyrir góða aðhlynningu og hlýhug.
Þökkum auðsýnda samúð.
Emil Guðmundsson
Kjartan Þór Emilsson María Priscilla Zanoria
Ragnar Þór Emilsson Sóley Chyrish Villaespin
barnabörn og barnabarnabörn.
Ástkær eiginmaður minn, faðir,
tengdafaðir og afi,
Ásbjörn Magnússon
lést á Heilbrigðisstofnun Vesturlands
á Akranesi 24. júní.
Útför hans fer fram frá kapellunni á
Drangsnesi laugardaginn 29. júní kl. 14.
Valgerður Magnúsdóttir og fjölskylda.
Ástkær eiginmaður minn, faðir,
tengdafaðir, afi og langafi,
Friðrik Jón Dýrfjörð
vélvirkjameistari,
Hlíð, Siglufirði,
sem lést föstudaginn 14. júní, verður
jarðsunginn frá Siglufjarðarkirkju
laugardaginn 29. júní 2019 kl. 14.00.
Erla Eymundsdóttir
Sigfús Hlíðar Dýrfjörð Anna María Guðmundsdóttir
Helena Dýrfjörð Björn Jónsson
Baldur Dýrfjörð Bergþóra Þórhallsdóttir
Þórgnýr Dýrfjörð Aðalheiður Hreiðarsdóttir
afabörn og langafabörn.
Merkisatburðir
1823 Kötlugos hefst með stórhlaupi úr Mýrdalsjökli, sem
skemmir land í Mýrdal og Álftaveri.
1847 Aðaljárnbrautarstöðin í Kaupmannahöfn er tekin í
notkun.
1905 Fyrsta loftskeyti erlendis frá berst til Íslands og
tekið er á móti því í loftskeytastöð við Rauðará í Reykjavík.
1921 Kristján X, konungur Íslands og Danmerkur, kemur í
heimsókn til landsins.
1928 Boranir eftir heitu vatni hefjast í Laugardal í Reykja-
vík.
1930 Alþingishátíðin er sett á Þingvöllum.
1973 Gosið í Eldfelli í Vestmannaeyjum hættir eftir fimm
mánaða virkni.
1977 Elvis Presley kemur í síðasta sinn fram á tónleikum í
Indianapolis.
1986 Mikill meirihluti hafnar því í þjóðaratkvæðagreiðslu
að heimila skilnaði á Írlandi.
2 6 . J Ú N Í 2 0 1 9 M I Ð V I K U D A G U R14 T Í M A M Ó T ∙ F R É T T A B L A Ð I Ð
TÍMAMÓT
2
6
-0
6
-2
0
1
9
0
5
:1
6
F
B
0
4
0
s
_
P
0
3
0
K
.p
1
.p
d
f
F
B
0
4
0
s
_
P
0
1
1
K
.p
1
.p
d
f
A
u
to
m
a
tio
n
P
la
te
re
m
a
k
e
: 2
3
4
9
-5
4
7
0
2
3
4
9
-5
3
3
4
2
3
4
9
-5
1
F
8
2
3
4
9
-5
0
B
C
2
7
5
X
4
0
0
.0
0
1
2
A

F
B
0
4
0
s
_
2
5
_
6
_
2
0
1
9
C
M
Y
K