Skagablaðið - 08.02.1985, Blaðsíða 2

Skagablaðid
Ritstjóri og ábm.: Sigurður Sverrisson
Ljósmyndir: Árni S. Arnason
Blaðamaður: Steinunn Eva Þórðardóttir
Auglýsingar: Steinunn Árnadóttir (heimasími 2955)
Setning, umbrot, filmuvinna og prentun: Borgarprent
Útlit: Sigurður Sverrisson
Ritstjórnarskrifstofa Skagablaðsins er að Suðurgötu 16 og er
opin sem hér segir: mánudagafrá kl. 14.30-22, þriðjudaga frá kl.
10-17, alla aðra virka dagafrá kl. 17-19. Móttaka auglýsinga og
áskrifta er á sömu tímum. Síminn er 2261 eða 1397. Sláið á
þráðinn, lítið inn eða sendið okkur línu í pósthólf 170.
Stelpurnar unnu
Litla bikarinn
V I Ð T A L I Ð
Islandsmetin falla í hrönnum en.»:
„Ég ætla mér að
komast lengra“
— segir Ragnheiður Runótfsdóttir, sundkona, aldrei ákveðnari
Ragnheiður Runólfsdóttir, ákveðnari en nokkru sinni.
Litla bikarkeppnin í innanhús-
fótbolta meistaraflokks kvenna
var haldin síðasta sunnudag og
unnu Skagastelpurnar bæði í
keppni A- og B-Iiða. Úrslit urðu
sem hér segir:
í A riðli: 1. ÍA með 8 stig, 2.
Breiðablik með 6 stig, 3. ÍBK
með 2 stig, 4. FH með 2 stig, 5.
Stjarnan með 2 stig.
í B riðli: 1. ÍA með 7 stig, 2.
Breiðablik með 6 stig, 3. Stjarnan
með 4 stig, 4. ÍBK með 2 stig, 5.
FH með 1 stig.
Úrslit þeirra leikja sem stelp-
urnar léku voru eftirfarandi: í
A-riðli ÍA-Stjarnan, 6-2, ÍA-FH
7-1, fA-Breiðablik 4-0, ÍA-IBK
6-3 og í B-riðli: ÍA-Stjarnan 5-1,
ÍA-Fh 3-3, ÍA-Breiðablik 4-2 og
ÍA-ÍBK 3-1.
Aðspurður sagði Steinn Helga-
son þjálfari ÍA liðsins að keppnin
hefði ekki verið vitund spennandi
þar sem auðséð hefði verið strax
hvaða lið væri best! Enda sýna
ofangreindar tölur að hann hefur
góða ástæðu til að vera montinn
með stelpurnar.
Vegna óhemjuþrengsla í blað-
inu verður mynd af fraukunum
fótafimu að bíða næsta blaðs.
Um fyrri helgi felldi Ragn-
heiður Runólfsdóttir enn eitt
Islandsmetið, að þessu sinni í
200 metra bringusundi. Blaða-
maður Skagablaðsins fór og
heimsótti hana á heimili hennar
á Krókatúni, óskaði henni til
hamingju með metið og spurði
hvað Islandsmetin væru orðin
mörg.
„Æ, það veit ég ekki“ sagði
Ragnheiður og fór að telja á
puttunum: „Það er 200 metra
bringusund, 100 og 200 metra
baksund, 200 og 400 metra
fjórsund, ég held þau séu ekki
fleiri, ég er aðallega í þessum
greinum, að missa og bæta
metin fram og aftur.“
— Nú sagðir þú í sumar, í
viðtali við Skagablaðið, að að-
staða hér til æfinga væri mikið
verri en sú sem þú hafðir úti í
Svíþjóð, en samt nærðu þessum
góða árangri. Hvernig stendur
á þessu?
„Það er ekki gott að segja.
Þetta gæti verið æfingin síðan í
Svíþjóð að koma út núna, en
það er svo misjafnt hvað hentar
hverjum í þessu.“
— En hvað ætlar þú að gera
núna, verður hér í vetur eða
ferðu út aftur?
„Ég ætla að klára stúdentinn
hérna, ég á eftir eitt eða tvö ár,
það fer eftir hvað ég fæ metið að
utan.“
— Hvort hefur forgang sund-
ið eða skólinn?
Verkfallið fínt
„Skólinn svona yfirleitt, en ef
stórmót standa fyrir dyrum
verð ég svo spennt að ég æfi
bara og æfi en trassa skólann.
Verkfallið var t.d. fínt fyrir mig
þá æfði ég alveg grimmt,“ segir
Ragnheiður og glottir skelmis-
lega.
— Hvað æfir þú oft venju-
lega?
„Ég æfi tvisvar á dag, kl. 6 á
morgnana og 7-7.30 á kvöldin,
og svo eru þrekæfingar í íþrótta-
húsinu."
— Stelpur endast voðalega
stutt í sundinu af hverju er það?
„Já, þær hætta oftast 16,17
eða 18 ára, ég hugsa að það sé
útaf slæmri aðstöðu hér, því
þetta er ekki svona úti, þar eru
þær að komast í gang á þessum
aldri. Það spilar líka inn í að
það er minni samkeppni hjá
þeim en hjá strákunum, —
færri stelpur.“
— Hvað ert þú gömul, ert þú
ekki á hættualdrinum"?
„Jú, ég er orðin 18, ég byrjaði
líka svo seint að æfa af krafti,
ekki fyrr en 15-16 ára. En ég er
ekki að hætta, ekki meðan ég er
í framför“.
— Þú ætlar ekki að hætta á
toppnum?
„Ég hef ekki trú á að þetta sé
toppurinn hjá mér, ég ætla að
komast lengra. Ég er í því núna
að taka bringusundsmetin af
Guðrúnu Femu, hún hefur al-
veg átt þau. Ég byrjaði í fyrra
að æfa bringusund, og við höf-
um alltaf verið mjög jafnar, ég
aðeins á eftir. Þannig að þarna
um daginn þegar ég sá að ég var
aðeins á undan var ég svo
ánægð að ég reif mig áfram. Það
var alveg æðislega gaman, sér-
lega eftir á. Maður fær alveg
æðislega útrás í þessu, lætur
frekjuna bitna á vatninu ef svo
má segja.“ Ranka hlær svona til
að sýna að hún sé ekkert skass
þó hún skafi ekki af hlutunum.
— Þetta eru ekki smámunur 4
sek í grein þar sem venjulega
munar sekúndubrotum.
„Já, þetta er góður árangur,
ekki langt frá Norðurlandameti
kvenna."
— En karlatíminn, munar
miklu á karla- og kvennatíma í
sömu greinum?
„Ja, hannferminnkandi. Það
er samt eftir greinum t.d. í
skriðsundi þar er meiri munur,
það krefst meiri krafta.“
— Talandi um karla, hvað
hætta þeir gamlir hér?
„Þeir hætta svona 20-22 ára,
oft þegar þeir fara að vinna,
þetta er allt öðruvísi úti, þar er
það bara atvinnumennska.“
— Stefnir þú á atvinnu-
mennsku?
Háskóli
„Nei, ég er ekki spennt fyrir
því, mig myndi frekar langa út í
háskóla. Annað hvort til Sví-
þjóðar eða Bandaríkjanna, þar
getur maður synt með náminu.
Draumurinn er líka Olympíu-
leikarnir ’88, en hvort ég fer
veltur á hvort ég verð í framför
eða stend í stað. Ég verð nú
orðin 22 ára þá,“ segir hún eins
og hún verði þá háöldruð.
— Hvað er framundan núna?
„Það er mótaruna núna. Fyrst
íslandsmeistaramótið, síðan
bara 2 vikum seinna held ég, er
Kalott keppnin, hún er haldin
í Reykjavík núna, og í vor
verða Litlu Olympíuleikarnir á
ftalíu það eru öll „litlu löndin“
sem keppa þar. Ég er eiginlega
hálfpartinn að æfa fyrir þá
núna.“
— Hvernig æfir þú fyrir mót?
„Ég tek eina keppni í einu,
byrja u.þ.b. 9 vikum áður, tek
fyrst 6 harðar vikur. Æfi þá
tvisvar á dag, þrisvar í viku,
einu sinni á dag laugardag og
sunnudag og xfi þrek þrisvar í
viku dagana sem eru eftir. Svo
smáléttast æfingarnar næstu
þrjár vikur, í restina syndir
maður bara 1 kílómetra á æf-
ingu. Fystu léttu vikuna eru
vöðvarnir alveg mettaðir af
þreytu, þá er maður níðþungur
í sundinu, svo léttist maður eftir
því sem sýrurnar fara úr vef-
unum. Það er reynt að láta
mótin koma þegar maður er
léttastur en þó enn í toppformi.
Það er hálfgert happdrætti að
hitta rétt á mótin. Maður getur
aldrei vitað hvort undirbúning-
urinn passar. Einnig spilar haus-
inn inní — hvort ég er jákvæð
eða taugastrekkt o.þ.h.
Þegar ég er búin að hvíla
vöðvana fyrir mót eru þeir líka
ofsalega fljótir að þreytast aft-
ur, þessvegna syndi ég bara 100
og 200 metra spretti á mótum,
einstaka sinnum 400 metra. Ég
er sprettsundsmanneskja."
—>SEÞ.
PH||1 Sjúkrahús Akraness
Læknaritari
Staða læknaritara við Sjúkrahús
Akranes er laus til umsóknar. Um-
sóknarfrestur er til 23. febrúar n.k.
Staðan veitist frá 15. mars 1985.
Stúdentspróf eða hliðstæð
menntun æskileg, jafnframt góð ís-
lensku- og vélritunarkunnátta.
Nánari upplýsingar veitir yfirlækna-
ritari eða framkvæmdastjóri.
Umsóknir sendist Sjúkrahúsi Akra-
ness, skrifstofu.
2