Fréttir - Eyjafréttir - 28.11.2012, Síða 19

Eyjafréttir / Miðvikudagur 28. nóvember 2012 19
°
°
„Stefnum hærra saman“
- Um Íþróttaakademíu ÍBV og GRV
Þróunarverkefni um Íþróttaaka demíu
GRV og ÍBV var sett á stofn á
vorönn 2012. Starfshópur um
verkefnið var settur á laggirnar þar
sem komu að fulltrúar Vestmanna -
eyjabæjar, sem hafði frumkvæði að
verkefninu, fulltrúar frá ÍBV
íþróttafélagi og fulltrúar Grunnskóla
Vestmannaeyja. Hópurinn lagði
línurnar og kom með tillögur um
helstu markmið verkefnisins þar sem
lögð var áhersla á formlegra og betra
samstarf milli GRV og ÍBV-
íþróttafélags, jákvæðni og aukinn
skilning á áherslum og starfi hvors
aðila fyrir sig, ásamt gagnkvæmum
stuðningi þar á milli.
Markmið verkefnisins
voru þessi helst:
a. Efla áhuga, metnað og árangur
ungra íþróttamanna í námi og
íþróttum.
b. Draga úr brottfalli úr íþróttum
á viðkvæmum aldri.
c. Draga úr vímuefnaneyslu
unglinga.
d. Fylgja eftir skóla-, æskulýðs-,
og íþróttastefnu sveitarfélagsins
e. Koma á formlegra samstarfi
milli GRV og ÍBV-íþróttafélags.
f. Auka þjónustu við afreksfólk og
hvetja nemendur til að tileinka
sér hugmyndafræði íþrótta í
námi og hugmyndafræði náms í
íþróttum.
Nemendurnir, sem voru með íþróttir
sem val í grunnskólanum, gátu tekið
þátt í Akademíunni. Þeir tóku þátt í
tækniæfingum í hand- og fótbolta,
auk styrktaræfinga sem einn ig voru
í boði fyrir nemendur sem stunduðu
aðrar íþróttagreinar. Jafnframt sátu
þeir fyrirlestra um mikilvæg málefni
sem sneru að verk efn unum sem þeir
voru að vinna. Má þar nefna leiðsögn
frá næringarráðgjafa um matarræði
og frá íþrótta sálfræðingi um hugar-
far og framkomu o.fl. Nemendur
Akademíunnar skrifuðu undir lífs -
stílssamning þar sem þeir hétu að
neyta ekki vímuefna af nokkurri
tegund og að leggja sig fram og gera
sitt besta í öllu er snýr að grunn -
skólanáminu. Áhersla var einnig
lögð á að þeir ættu að sýna kennur -
um, þjálfurun og samnemendum
sínum virðingu og vera góðar fyrir -
myndir fyrir félaga sína í skólan um,
bæði yngri sem eldri. Gerðar eru
kröfur til að framkoma þeirra sé
ávallt til fyrirmyndar bæði innan
skóla sem utan í íþróttaferðalögum
sem annars staðar. Skemmst er frá
því að segja að árangur verkefn isins
fór fram úr helstu vonum og ávinn -
ingur þeirra 37 nemenda úr 9. og 10.
bekk, sem tóku þátt í aka demíunni á
vorönn, var mikill að mati þeirra
sem að verkefninu stóðu.
Íþróttaakademía ÍBV og GRV fór
vel af stað og hefur fengið góðan byr.
Verkefninu var haldið áfram og núna,
á haustönn 2012, er 31 nem andi í
akademíunni. Þeir þurfa að hafa
talsverðan sjálfsaga því þeir þurfa að
vakna snemma á morgn ana til að
sækja íþróttaæfingar og leggja harðar
að sér í námi en áður. Samstarfið
milli kennara og þjálfara nem -
endanna hefur verið með ágæt um þar
sem þeir hafa stutt hver annan með
hvatningu og aðhaldi til nemendanna
sem vita að þeir þurfa að standa við
þau heit sem þeir hafa gefið.
Við viljum óska þeim sem að þessu
verkefni standa, kennurum, þjálf -
urum, nemendum sem taka þátt og
foreldrum þeirra, innilega til ham -
ingu með árangurinn. Við teljum að
Íþróttaakademía GRV og ÍBV sé
komin til að vera og eigi eftir að skila
Vestmannaeyjum betri íþrótta -
mönnum og þá ekki síður betri
nemendum sem hafa lært að til að ná
árangri þarf að leggja sig fram og
sýna sjálfsaga.
Stíll 2012 fór fram í Hörpu á
laug ardaginn en það er keppni
á milli félagsmiðstöðva þar sem
keppt er í hárgreiðslu, förðun og
fatahönnun út frá ákveðnu
þema. Hver félagsmiðstöð má
senda eitt lið til keppninnar og í
hverju liði mega vera 2-4 ein-
staklingar, þar af eitt módel.
Keppt hefur verið í Stíl undir for-
merkjum Samfés og ÍTK frá því
á árinu 2000 en löng hefð hefur
verið í Kópavogi fyrir sambæri-
legri keppni. Rauðagerði í Vest-
mannaeyjum átti að sjálfsögðu
sína fulltrúa í ár eins og undan-
farin ár en fulltrúi þess er valinn
í undankeppni hér í Eyjum. Að
þessu sinni voru það þær Ingi -
björg Birta Jónsdóttir og Val -
björg Rúna Björgvinsdóttir sem
voru fulltrúar Rauðagerðis í Stíl
og gerðu þær sér lítið fyrir og
báru sigur úr býtum.
„Stíll er frábær vettvangur til að
koma sér á framfæri í hönnunar-
bransanum og að hitta aðra með
sama áhugamál,“ sagði Valbjörg
Rúna þegar stelpurnar voru spurðar
um hvað Stíll snerist og Ingibjörg
Birta bætti við: „Þetta er tækifæri
fyrir krakka til að missa sig alveg í
hugmyndavinnu og sköpunargleði.
Þemað í ár var framtíð og völdum
við að vinna með náttúru og tækni í
framtíðinni, aðrir völdu að vinna
með ákveðið ár.“ En þær stelpurnar
eru ekki alveg að stíga sín fyrstu
spor í þessu, Ingibjörg Birta hefur
tekið þátt í undankeppninni einu
sinni áður og Valbjörg Rúna hefur
tekið þátt í öll skiptin „ Ég ætlaði
ekkert að vera með í ár en Ingibjörg
suðaði í mér þangað til ég gafst upp
og sló til,“ sagði Valbjörg Rúna og
Ingibjörg Birta bætti um betur: „Ég
var ákveðin að taka þátt núna og
varð að finna einhvern með mér því
maður má ekki vera einn og mér
datt Valbjörg strax í hug.“ Sam-
starfið hjá þeim stöllum gekk
snurðulaust fyrir sig og skiptu þær
verkum nokkuð jafnt á milli sín.
„Við skiptum þessu bara eftir því
hvað hvor gat gert betur. Eins og
með blómin, Valbjörg kunni ekki að
gera þau þannig að ég gerði þau
bara á meðan hún saumaði kjólinn,“
sagði Ingibjörg Birta og Valbjörg
bætti við: „ Eins og í keppninni
sjálfri höfðum við bara tvo tíma til
að gera hana klára, þannig að ég
farðaði hana á meðan hún greiddi
hárið.“ Stelpurnar voru að vonum
mjög ánægðar með árangurinn og
mæla eindregið með því að krakkar
taki þátt í Stíl því það er svo margt
sem hægt er að læra af svona
keppni. „Stíll snýst líka mjög mikið
um að taka ákvarðanir, þú ert með
einhverja hugmynd og þarft að
koma henni í framkvæmd. Ef það
tekst ekki á einn hátt verðurðu að
reyna annan.“
Glæsilegur árangur hjá þessum
efnilegu 15 ára fatahönnuðum, en
þetta er síðasta skiptið sem þær geta
tekið þátt í Stíl. En eru þær þá
hættar að hanna föt? „Ég er að spá í
að læra tískuljósmyndun eða svona
stíliseringu og hef verið að skoða
Body paint skóla út í Noregi.“ sagði
Valbjörg Rúna um framtíðaráformin
en Ingibjörg Birta stefnir á fata -
hönnun. „Mig hefur alltaf langað að
hanna föt eða allavegana eitthvað
tengt þessu, kannski bara förðun.“
Stúlkurnar vildu að lokum nota
tækifærið og þakka Siggu Ingu á
Rauðagerði fyrir aðstoðina og for -
eldrum sínum kærlega fyrir stuðn -
inginn. Efnilegar stúlkur þarna á
ferð sem eiga framtíðina fyrir sér.
Ókeypis
töfranám -
skeið
Einar Mikael, töframaður, verður
með töfranámskeið og kynningu á
nýja töfradisknum sínum í Ey-
mundsson á morgun, fimmtudag
klukkan 16:30. Allir þátttakendur
fá frítt töfradót að gjöf í lok nám -
skeiðsins en frítt er á það.
„Mig langar að byrja á því að
þakka öllum sem komu á sýninguna
í Höllinni núna síðast. Þetta var al-
gjörlega ógleymanlegt kvöld,“
sagði Einar Mikael í samtali við
Eyjafréttir. „Núna er ég á leiðinni
til Eyja með eitt vinsælasta nám -
skeið Íslands í töfrabrögðum. Ég
hef kennt yfir 4.000 krökkum að
galdra og það hefur slegið öll að -
sóknarmet úti um allt land.
Námskeiðið er einn og hálfur tími
að lengd en þar læra krakkarnir
spennandi og skemmtileg brögð og
síðan er stutt sýning og myndataka
með alvöru Hogwartstöfradúfum.
Ég finn fyrir miklum töfraáhuga í
Eyjum og langaði að gefa eitthvað
til baka eftir frábærar viðtökur
þegar ég hef komið fram. Þess
vegna hef ég, í samstarfi við Ey-
mundsson, frítt á námskeiðið svo
lengi sem húsrúm leyfir. Auðvitað
eru allir velkomnir og ég hlakka til
að sjá sem flesta.“
Ármann mættur með 12. Vinjettubókina:
Ávöxtunarkvöld í
Vinaminni
Á fimmtudagskvöldið þann 29.
nóvember kl. 21.00 les Ármann
Reynisson upp úr nýrri sjálfsævi -
sögulegri bók sinni. Það eru sögur frá
viðskiptatímabilinu í lífi hans á
níunda áratug 20. aldar sem vakti
mikla athygli í landinu og gerir enn,
ekki síst eftir bankahrunið. Nú sjá
flestir það mál í nýju ljósi.
Þá er einnig boðið upp á hljóð -
færaslátt og söng. Allir eru vel -
komnir að njóta kvöldsins og hafa
það huggu legt. Aðgangur er ókeypis.
Í byrjun níunda áratugar 20. aldar
kemur Ármann Reynisson heim úr
viðskiptanámi sínu í Lundúnum.
Hann stofnar verðbréfafyrirtækið
Ávöxtun í vanþróuðu fjármála -
umhverfi, áratugum á eftir öðrum
vestrænum löndum og það auk þess
fjandsamlegt frumkvöðlum á því
sviði. Fyrirtækið brýtur blað í
viðskiptasögunni m.a. hvað snertir
ávöxtun fjármuna og fjárfestinga. Í
vinjettum XII segir höfundurinn frá
þessu magnþrungna tímabili í lífi
sínu í 43 sögum af yfirvegun og
bestu samvisku. Hann leiðir les -
andann gegnum tímabilið, allt frá
stofnun Ávöxtunar, uppgangi og
blómatíma fyrirtækisins, selskapslífi
á heimili sínu sem þykir ekki síður
nýlunda og segir einnig frá opinberu
lífi þessa tíma. Þá fjallar höfundurinn
um Ávöxtunarhrunið og alræmt
„opinbert einelti“ sem fyrirtækið
verður fyrir frá stofnun þess en bein-
ist síðan að Ármanni persónulega í
áraraðir eftir fall Ávöxtunar.
Ávöxtunarvinjetturnar eru til um -
hugsunar eftir að stjórnkerfi sömu
afla og gera hryðjuverkaárás á
verðbréfafyrirtækið, rústar fjárhag
þjóðarinnar tuttugu árum síðar, með
ömurlegum afleiðingum fyrir land og
þjóð.
Pöntun sendist á netfangið:
armann@centrum.is ásamt nafni,
heimilisfangi og kennitölu viðkom -
andi. Verð bókarinnar, sem er í
hágæða útgáfu og samanstendur af
43 sögum sem hver um sig er bæði á
íslensku og ensku, er kr. 6900,
sendingarkostnaður er innifalinn.
Erna Jóhannesdóttir
fræðslufulltrúi Vestmannaeyjabæjar
Fanney Ásgeirsdóttir
skólastjóri Grunnskóla Vestmannaeyja Þeir þurfa að hafa
talsverðan sjálfsaga
því þeir þurfa að
vakna snemma á
morgn ana til að
sækja íþróttaæfing -
ar og leggja harðar
að sér í námi en
áður.
”
SÆÞÓR ÞORBJARNARSON
sathor@eyjafrettir. is
Ingibjörg Birta Jónsdóttir og Valbjörg Rúna Björgvinsdóttir sigurvegarar Stíls 2012:
Tækifæri til missa sig í
sköpunargleði
Valbjörg Rúna og Ingibjörg Birta, sigurvegarar Stíls 2012.