Fréttir - Eyjafréttir - 28.11.2012, Síða 21

°
° Eyjafréttir / Miðvikudagur 28. nóvember 2012 21
Kom heim til að anda
:: Gerðist allt svo hratt :: Eyjamærin og fyrirsætan Kolfinna
Kristófersdóttir sem er að slá rækilega í gegn:
Kolfinna Kristófersdóttir er ört
vaxandi nafn í fyrirsætu heim -
inum og þykir af mörgum ein af
efnilegustu fyrirsætum heims.
Models.com setti hana á lista yfir
efnilegustu fyrirsæturnar og
Style.com valdi hana best
klæddu fyrirsætu tískuvikunnar í
London nú á dögunum. Viðtöl og
fréttir af henni hafa birst á síðum
blaðana á Íslandi undanfarið þar
sem hún er kynnt sem ofur -
fyrirsæta frá Eyjum. En hver er
þessi 19 ára Eyjamær sem er að
gera það svo gott?
Kolfinna er fædd og uppalin í Eyjum
en fluttist í höfuðborgina til náms að
loknum grunnskóla. „Ég á fullt af
góðum vinum úti í Eyjum en hef
kannski ekki alveg verið nógu dugleg
við það að halda sambandi við þá.
Það er þá helst í gegnum Facebook.
Ég kem þó alltaf reglulega til Eyja að
heimsækja ömmu og afa en á nú ekki
von á því að flytjast þangað aftur. Ég
hugsa að þær séu bara orðnar alltof
litlar fyrir mig eftir stórborgarflakkið
á mér. En Vestmannaeyjar eru alveg
yndislegur staður sem er alltaf gott
að koma á.“ sagði Kolfinna aðspurð
um tengslin við Eyjarnar.
En hvernig byrjaði þetta allt saman?
„Ég var að vinna við afgreiðslu í
fataverslun þegar Andrea, eigandi
Eskimó, gekk að mér og benti mér á
að fara í prufur sem ég gerði. Svo var
staddur hérna erlendur útsendari frá
Next sem sá myndir af mér og svo
vatt þetta bara upp á sig.“ En Next
sem er umboðsaðili Kolfinnu er-
lendis er ein stærsta umboðsskrif -
stofan í þessum bransa.
Það er alveg óhætt að segja að þetta
hafi undið upp á sig því Kolfinna
hefur komið fram á ótal tísku -
sýningum um allan heim hjá öllum
stærstu nöfnunum í tískuheiminum.
Svo sem Marc Jacobs, Acne,
Christopher Kane, Fendi, Marni,
Prada, Topshop Unique og Versace.
Hún hefur verið á forsíðu ótal
tískublaða eins og Russh (júní-júlí
2012) og Vision China (júní 2012)
og setið fyrir hjá ótal blöðum, nú
síðast í nóvemberútgáfu hins ítalska
Vogue. Í september prýddi hún svo
forsíðu ID-Magazine, sem er eitt af
stærstu og virtustu tískublöðunum í
dag. En tólf mismunandi forsíður
voru gefnar út og af öðrum forsíðu-
fyrirsætum á sömu útgáfu má nefna
nöfn eins og Gisele Bündchen, Lindu
Evangelista og Amber Valetta. Það er
ekki ónýtur félagskapur fyrir 19 ára
gamla Eyjasnót sem á svo sannarlega
framtíðina fyrir sér í fyrirsætu -
bransanum. Eða hvað?
„Ég er reyndar ekki starfandi
fyrirsæta eins og er, ákvað að taka
mér smá pásu. Þetta gerðist allt svo
hratt að ég ákvað að koma aðeins
heim og hugsa hvað ég vil gera með
líf mitt í framtíðinni. Einn af
draumunum er að verða kokkur og
eignast eigin veitingastað en það er
bara einn af mörgum. En ég er hvergi
nærri hætt, er bara aðeins að anda og
átta mig.“ sagði Kolfinna að lokum.
Dagana 13. og 14. nóvember síðastliðinn var haldið
landsmót framhaldsskólanema í olíuleitarherminum
OilSim. Nemendur frá Framhaldsskólanum í Vestman-
naeyjum og í Austur Skaftafellssýslu tóku þátt en
Orkustofnun var styrktaraðili mótsins. Skemmst er frá
því að segja að liðið The Charlies úr FÍV sigraði en
liðið skipa þeir Sæþór Birgir Sigmarsson, Jón Þór
Guðjónsson, Sigurjón Gauti Sigurjónsson og Ævar Örn
Kristinsson. Í sigurlaun hlutu þeir þátttökurétt á
lokamótinu sem fer fram í London 25. til 27. janúar
næstkomandi.
Þjálfunarfyrirtækið Simprentis hannaði olíuleitar -
herminn OilSim sem gervil fyrir olíu- og gasiðnaðinn.
Hermirinn er notaður í námskeiðum og í hópefli fyrir
olíuleitarfyrirtæki um allan heim. Í OilSim er keppt við
aðstæður sem eru líkar þeim sem olíuleitarfyrirtæki
vinna í. M.a. fara þátttakendur í gegnum allt það sem
fylgir því að fara út í olíuleitarverkefni, þ.m.t. að bjóða í
útboð um leyfisveitingar, keppa um og velja réttu
svæðin til borunar, taka tillit til umhverfissjónarmiða,
finna verkfræðilegar úrlausnir og margt fleira.
Nemendur FÍV unnu olíuleitarverkefni
Fulltrúar Íslands í
lokakeppni í London
Sæþór Birgir Sigmarsson, Jón Þór Guðjónsson, Sigurjón Gauti Sigurjónsson og Ævar Örn Kristinsson.
Hvíldinni fegin lagðist verkalýðs-
foringinn Jóhanna Friðriksdóttir til
hvíldar laugardaginn 17. nóvember
sl. Baráttunni við illvígan sjúkdóm
var lokið. Það koma upp margar til-
finningar við fráfall merkrar konu
en fyrst og síðast væntumþykja um
móður og tengdamóður. Sem með
sínum hógværa hætti var til staðar
þegar til hennar var leitað. Alþýðu -
kona sem barðist fyrir sitt fólk.
Kona sem hélt vel utan um hópinn
sinn. Utan um lífsförunautinn sem
var henni allt, ásamt börnunum
sem að þeirra mati voru þau allra
bestu, tengdabörnin í gæðaflokki,
barnabörnin yndisleg og dugleg og
barnabarnabörnin voru hvert öðru
skýrara. Það styrkir sjálfstraustið
að fá sífellt hrós og aðdáun.
Jóhanna var mikil félagsvera með
ríka réttlætiskennd enda valdist
hún til forystu hjá Verkakvenna -
félaginu Snót 1977 og stýrði því
félagi til 1986. Hún var vakin og
sofin yfir velferð félagskvenna og
skipti þá ekki máli hvenær sólar -
hrings það var. Jóhanna var söng -
elsk, spilaði á gítar á góðri stund og
lagði mikla áherslu á félagsstarf í
Snót. Trúnaðarstörfum á ýmsum
vettvangi var henni treyst fyrir og
hún hafði það orð að vera sam -
kvæm sjálfri sér, hennar orðum var
hægt að treysta.
Hanna, eins og hún var kölluð, var
lífsglöð og húmorísk. Í lífsins ólgu -
sjó voru margir brimskaflarnir, í
gegnum þá fór hún oft á húmornum
og sá spaugilegu hliðarnar á lífinu. Í
lok ævidags, þegar þrekið var farið
og veikindastríðið stóð sem hæst,
var húmorinn en til staðar. Hanna
einsetti sér að skipta sér ekki af því
sem börn hennar og fjölskyldur
gerðu, sem var góður kostur, en ef á
hjálp eða ráðum þurfti að halda var
það auðsótt. Ef þörf var á sokkum
eða vettlingum voru þeir prjónaðir
með það sama, ef barnabörnin
langaði í grjónagraut þá var hann
eldaður, kapall, spil og krossgátur
voru í miklu uppáhaldi. Það er
margt og mikið hægt að skrifa um
yndislega konu sem öllum vildi vel.
Nú er komið að leiðarlokum og
sorgin og söknuðurinn sterkasta til-
finningin þessa dagana. Önnur til-
finning er þó ekki langt undan.
Þakklæti fyrir góða mömmu,
tengda mömmu, ömmu og lang -
ömmu. Þakklæti fyrir gleðistund -
irnar sem voru margar, þakklæti
fyrir hjálp og leiðbeiningu, þakklæti
til starfsfólks Sólvangs sem létti
henni síðustu stundirnar ásamt fjöl-
skyldunni. Þakklæti til Bjarteyjar
sem reyndist Hönnu systur sinni
mikil stoð og stytta.
Það var ákaflega fallegt að fylgjast
með samskiptum mömmu og
pabba, Þau voru miklir félagar, á
hverju kvöldi las pabbi fyrir hana.
Hún studdi hann þegar þess var þörf
og hann gerði allt fyrir konuna sína.
„Þið eruð góðir krakkar,“ sagði
mamma alltaf þegar við komum,
þau orð eru fjársjóður í hjörtum
okkar sem við geymum. Elsku
mamma og tengdamamma, takk
fyrir allt sem þú varst okkur og
börnunum.
Þegar rennur æviskeið
Burt úr heimi liggur leið
Þá út breiðir faðminn sinn
Á himni besti vinurinn
- Guðrún Erlingsdóttir
Það var óendanlega sárt en jafn-
framt ótrúlega sterkt þegar pabbi
sleppti „Dúfunni sinni“ eins og
hann kallaði hana og hún flaug á
brott í veislusali Drottins. Þar bíður
hún með útbreiddan faðminn.
Gylfi og Rúna
V
Jóhanna Margrét
Friðriksdóttir
f. 13.10.1930 - d. 17.11.2012.
Sigurdís Harpa
sýnir í Ostabúðinni
::10.000 krónur af hverri mynd til
barna í Kvennaathvarfinu
Sigurdís Harpa Ingólfsdóttir, list-
málari, hefur sett upp sýningu í
Ostabúðinni við Skólavörðustíg þar
sem hún sýnir verk, unnin með olíu
og blandaðri tækni
Tíu þúsund krónur af hverri seldri
mynd renna til barna sem dvelja
þurfa í Kvennaathvarfinu. „Ég hef
þegar fært þeim eina sendingu af
litum, blöðum og perlum sem var
tekið með þökkum og dvöldu þá átta
börn þar. Ég hef styrkt Kvennaat -
hvarfið eftir mætti um hver jól und -
anfarin ár og nú á að bæta um betur,“
sagði Sigurdís Harpa en verði á
myndunum er mjög stillt í hóf.
Sýningin verður opin til 15. desem-
ber á opnunartíma Ostabúðarinnar.
Núna er hún að vinna að sýningu
árið 2014 í tilefni af 50 ára afmæli
sínu og von er á henni í Svölukot.
EYJAFRÉTTIR.is
SÆÞÓR ÞORBJARNARSON
sathor@eyjafrettir. is
>>
Kolfinna er dóttir Kristó -
fers Jónssonar og Maríu
Ásgeirsdóttur. Barnabarn
Ásgeirs Þorvaldssonar
múrara og Guðfinnu
Sveinsdóttur.