Fréttir - Eyjafréttir - 09.04.2014, Blaðsíða 8

°
°
8 Eyjafréttir / Miðvikudagur 9. apríl 2014
Hluti af því að takast á við ábyrgð
er að hafa kjark þegar reynir á
erfiðu ákvarðanirnar. Ég hafði bæði
í ræðu og riti rætt um að mikilvægt
væri að stöðva kjaradeiluna um
borð í Herjólfi og jafnvel að beita til
þess lögum ef allt um þryti, eins og
að lokum var gert. Ég fann það vel
á sjálfum mér að þegar ég í enda
dagsins stóð frammi fyrir þeirri
ákvörðun, var hún mér þungbærari
en ég hafði gert mér í hugalund.
Það er alvörumál að stíga inn í
kjaradeilu þar sem réttur hvers og
eins er að semja um launin sín. Í
mínum huga var lagasetningin
nauðsynleg á þessum tímapunkti og
ég vék mér ekki undan þeirri
ábyrgð. Í heimsókn minni til Eyja í
síðustu viku bentu margir mér á að
hugsanlega hafi verið gerð mistök í
lagasetningunni að vísa deilunni
ekki um leið í kjaradóm. Eftir að
hafa hlustað á þau rök m.a. hjá
skipsmönnum á Herjólfi þá tek ég
undir þau sjónarmið sem þar komu
fram og mun kynna mér betur og
fara yfir það með ráðherra.
Ég óskaði eftir að hitta
trúnaðarmann og þá úr áhöfninni á
Herjólfi sem vildu ræða málin við
mig og heyra mína hlið málsins og
ég þeirra hlið. Það var gott spjall í
borðsalnum í Herjólfi þar sem við
skýrðum málin hvorir fyrir öðrum í
góðu og yfirveguðu spjalli. Eðlilega
eru þau beygð eftir erfiða baráttu og
ósanngjarna lagasetningu að þeirra
dómi, en síðustu vikur hafa verið
þeim þungbærar. Þau undruðust að
ekki hafi verið settur kjaradómur á
deiluna og hafa af því miklar
áhyggjur að öll vopn hafi verið
slegin úr þeirra höndum til að ná
eðlilegum samningum. Áhyggjur
þeirra eru skiljanlegar og ég tek
undir þær. Í byrjun september þegar
lögin falla úr gildi fer Herjólfur
utan í slipp og áhöfnin hefur
áhyggjur af því að lítill eða enginn
þrýstingur sé á Eimskip að semja
fyrir þann tíma. Ábyrgð Eimskipa
og viðsemjenda áhafnarinnar er
mikil og það er krafa allra að nú
þegar verði hafist handa um að
finna leiðir til sátta og landa
samningum sem fyrst. Ég fékk
greinargóða kynningu á kröfum
þeirra og mun í framhaldinu kynna
mér stöðuna enn betur og hvetja til
samninga.
Ég velti fyrir mér hvernig við
getum komið í veg fyrir frekari
kjaradeilur og skærur um borð í
Herjólfi. Áhöfnin er undir álagi frá
umhverfinu og erfitt þegar heilt
samfélag er skert af þjónustu sem
bitnar illilega á íbúunum og
atvinnulífi enda skarast hags-
munirnir. Það þarf að semja við
áhöfnina á Herjólfi í heildar-
samningi um borð. Þar sem fundin
er út eðlilegur launamunur sam-
kvæmt ábyrgð og stöðu og þannig
tryggt að hvert félagið á fætur öðru
geti ekki stöðvað skipið í lengri eða
skemmri tíma sem getur gerst.
Gerum allt til að koma í veg fyrir að
kjaradeilur fari það langt að til
verkfalls komi. Þar liggur ábyrgðin
beggja vegna borðs og það er krafa
samfélagsins í Eyjum að samnings-
aðilar rísi undir þeirri ábyrgð sem
þeir hafa tekist á hendur og semji
um launakjör á Herjólfi sem eru í
samræmi við kjör í sambærilegum
störfum.
Ábyrgð samningsaðila er
mikil að ná samningum
- Samningsaðilar í Herjólfsdeilunni verða að ná saman
Könnun samtaka sunnlenskra sveitarfélaga um stöðu húsnæðismála:
Mikilvægt að stjórnvöld
marki húsnæðisstefnu
:: Mikil þörf á leiguhúsnæði á Suðurlandi :: 13 íbúðir í byggingu
í Vestmannaeyjum
Samtök sunnlenskra sveitar-
félaga stóð fyrir könnun á meðal
sveitarfélaga og lánastofnana
um stöðu húsnæðismála á
Suðurlandi. Í inngangi niður-
staðna könnunarinnar kemur
fram að eftir efnahagshrunið
2008 hafi margir íbúðaeigendur
misst eignir sínar til lánastofn-
ana. Hins vegar hafi atvinnulífið
tekið við sér síðustu tvö til þrjú
árin sem aftur hefur leitt af sér
íbúðaskort. Ekki hafi verið hægt
að bregðast við vandanum en
lánastofnanir, sem margar
hverjar eiga húsnæði, hafa verið
hvattar til að leigja út auðar
íbúðir í eigu þeirra og einnig
hafa verið uppi hugmyndir um
aðkomu sveitarfélaga að ný-
byggingum. Í niðurstöðunum er
borin saman staða sveitarfélaga
á Suðurlandi og er samanburð-
urinn um margt forvitnilegur.
Í könnuninni var spurt um húsnæði
í eigu sveitarfélaganna, íbúðir í
byggingu, framboð á lóðum o.fl. Þá
var könnuð afstaða þeirra til
aðkomu að byggingu leiguíbúða og
spurt um mat þeirra á húsnæðisþörf.
Leitað var til lánastofnana um
fjölda íbúða í þeirra eigu og um
hlutfall auðra og leigðra íbúða.
Vestmannaeyjabær með
58 íbúðir á sinni könnu
Fyrst eru teknar saman eignir
sveitarfélaga en þar skara stærstu
sveitarfélögin, Árborg og Vest-
mannaeyjar, nokkuð fram úr. Í
Árborg eru 87 íbúðir í eigu
sveitarfélagsins á meðan Vest-
mannaeyjabær hefur 58 íbúðir á
sinni könnu. Þá er borið saman
leiguverð á fermetra í þessum
íbúðum en leiguverð íbúða á
fermetra í eigu sveitarfélaga á
Suðurlandi er frá 35 til 1150 krónur
en meðalverð er 835 krónur á
fermetra á mánuði. Í Vestmanna-
eyjum er talan aðeins hærri eða 943
kr. á fermetra á mánuði.
Varðandi þörf á leiguhúsnæði, þá
svöruðu 13 af 15 sveitarfélögum á
Suðurlandi því þannig að þörf væri
á auknu leiguhúsnæði. Vestmanna-
eyjabær er þar á meðal en sveitar-
félagið er neikvætt í að taka þátt í
byggingu nýrra íbúða og telur
jafnframt mesta þörf vera á 2ja og
3ja herbergja íbúðum.
Fáir fá húsaleigubætur
Þá vekur það athygli að tiltölulega
fáir fá húsaleigubætur í Vest-
mannaeyjum, miðað við annars
staðar í landsfjórðungnum. Þannig
fá 102 húsaleigubætur í Vest-
mannaeyjum en 383 í Árborg. Í
Ölfusi fá 87 húsaleigubætur og 93 á
Hornafirði. Rétt er að taka fram að
í mörgum tilfellum er um að ræða
húsaleigubætur til námsmanna,
búsettra í viðkomandi sveitarfélagi,
sem eru í háskólum eða fram-
haldsskólum annars staðar á
landinu.
Mest byggt í Árborg
Alls eru 178 íbúðir í byggingu í
sveitarfélaginu Árborg og 292 lóðir
tilbúnar undir byggingu. Þetta
þýðir að þrjár af hverjum fjórum
íbúðum, sem eru í byggingu á
Suður landi, eru í Árborg. Í
Vestmannaeyjum eru 13 íbúðir í
byggingu og 55 lóðir tilbúnar en
alls eru 226 íbúðir í byggingu á
Suðurlandi og 553 lóðir tilbúnar.
Þá var tekið fyrir húsnæði í eigu
lánastofnana eftir sveitarfélögum. Í
Vestmannaeyjum eiga lánastofnanir
18 íbúðir en athygli vekur að aðeins
4 þeirra eru í leigu. Langflestar
íbúðir í eigu lánastofnana eru í
Árborg, 218 talsins og 88 þeirra eru
í leigu. Í Hveragerði eiga lánastofn-
anir 66 íbúðir og 30 þeirra eru í
leigu og í Ölfusi er staðan þannig
að lánastofnanir eiga 57 íbúðir og
16 eru í leigu. Af þessu má sjá að
lánastofnanir eiga fáar íbúðir í
Vestmannaeyjum sé miðað við
stærri sveitarfélög annars staðar í
fjórðungnum.
Veruleg þörf á leiguhúsnæði
Helstu niðurstöður könnunarinnar
eru teknar saman í lok skýrslunnar.
Í fyrsta lagi er veruleg þörf fyrir
leiguhúsnæði nánast alls staðar á
Suðurlandi. Sveitarfélög hafa
mismunandi afstöðu til aðkomu
sveitarfélaga að byggingu íbúðar-
húsnæðis. Fáar íbúðir eru í
byggingu, nema þá helst í Árborg
en nóg er af tilbúnum byggingar-
lóðum. Þá standa um 250 íbúðir í
eigu lánastofnana auðar og
mikilvægt að selja þær eða koma
þeim í leigu. Í síðasta lagi segir í
skýrslunni að mikilvægt sé að
stjórnvöld marki húsnæðisstefnu til
framtíðar, þar sem m.a. væri
brugðist við sértækum vanda
landsbyggðarinnar sem lýsir sér í
ósamræmi byggingarkostnaðar og
markaðsvirðis húseigna.
Fræðslu- og
menningarráð
:: Erindi for-
eldrafélags Sóla:
Ekki er
hægt að
verða
við er-
indinu
Fræðslu- og menningarráð tók
fyrir á fundi sínum í síðustu viku
ósk Foreldrafélags Sóla um að
fimm ára börn fái að halda
áfram á Sóla. Í dag er fimm ára
deild rekin í Víkinni í Hamars-
skóla og er deild frá leikskól-
anum Kirkjugerði.

Fræðsluráð þakkaði Foreldrafé-
laginu fyrir erindið og fagnaði
ánægju foreldra með starfið í á
Sóla. „Eftir að hafa skoðað málið
vandlega kemur í ljós að ekki er
hægt að verða við erindinu þar sem
slík breyting myndi fela í sér
fækkun leikskólaplássa. Það myndi
orsaka seinkun á inntöku barna í
leikskólana og væri það mikið
óhagræði fyrir barnafjölskyldur,“
segir í fundargerð.
Einnig telur fræðsluráðið fimm ára
deildina við Víkina vera góða
aðlögun fyrir börnin að grunnskóla-
námi þar sem börnin kynnast
húsnæði og starfi grunnskólans vel.
„Málefni leikskóla eru, eins og
önnur fræðslumál, í sífelldri
endurskoðun og þróun hjá sveitar-
félaginu. Ráðið þakkar jafnframt
þann áhuga og metnað sem
foreldrafélagið hefur sýnt með
erindinu og óskar eftir áfram-
haldandi samstarfi og samtali við
félagið.“
Leikskólakynn-
ingar:
Málþroski og
undirstöður
lestrarnáms
Á fundi fræðslu- og menningarráðs
þann fyrsta apríl kynnti Svava
Hafsteinsdóttir starfshætti
leikskólans Kirkjugerðis og
Víkurinnar varðandi málþroska og
vinnu við undirstöður lestrarnáms.
Fram kom í fyrirlestrinum að öll
börn í fimm ára deild eru prófuð
með stöðluðu málþroskaprófi,
svokölluðu Hljóm prófi. Prófið
gefur til kynna stöðu málþroska og
fylgni við árangur í lestri í grunn-
skólanum. Einnig er stuðst við Tákn
með tali og myndrænt mál til að ná
betur til barna sem eru með íslensku
sem annað tungumál. Svava svaraði
spurningum nefndarmanna og
fræddi þá um starfshætti leikskólans
varðandi málþroska barna.
Ráðið þakkaði Svövu fyrir upp-
lýsandi og áhugaverðan fyrirlestur.
JúlÍuS G. InGaSon
julius@eyjafrettir.is
ásmundur
friðriksson
alþingismaður