Fréttir - Eyjafréttir - 09.04.2014, Blaðsíða 19

°
°
19Eyjafréttir / Miðvikudagur 9. apríl 2014
Eftirminnilegir tónleikar í Landakirkju:
Karlmennska og
þokkafullur kvenleiki
slógu einn tón
Það var notaleg stund í Landa-
kirkju og Safnaðarheimilinu
síðdegis á sunnudaginn þar sem
Geir Jón Þórisson, baríton og
Guðmundur Hafliði Guðjónsson,
fyrrum kantor, buðu upp á
tónleika þar sem hlutfallið var
nokkuð jafnt á milli þess
andlega og veraldlega. Þeir
stóðu sig frábærlega og það á
ekki síður við þær Sólveigu Unni
Ragnarsdóttur, söngkonu og
Védísi Guðmundsdóttur,
flautuleikara sem nutu sín til
fulls í samkrullinu við karlana.

Það var vel til fundið hjá Geir Jóni
og Guðmundi að rifja upp fyrstu
kynni þeirra í tónlistinni árið 1974
þegar Geir Jón fluttist til Eyja.
Fljótlega bankaði hann upp á í
Landakirkju, vildi ganga í kórinn og
Guðmundur tók honum fagnandi.
Guðmundur sá fljótt söngvararefni í
Geir Jóni sem byrjaði að koma fram
sem einsöngvari, fór í söngnám og
hefur ekki stoppað síðan.
Guðmundur er mikill listamaður á
orgel og píanó, Geir Jón er með
mikla og stóra barítonrödd, Védís
hefur ótrúlegt vald á flautunni og
Sólveig er dásamleg söngkona. Líka
einstakur túlkandi, sama hver
tónlistin er, klassísk, kirkjuleg eða
af léttara taginu. Þó tilefni
tónleikanna væri 40 ára samstarf
Geirs Jóns og Guðmundar höfðu
þeir vit og þroska til að gefa
konunum ungu og fallegu tækifæri
á að vera ekki bara uppfylling,
heldur fullgildir þátttakendur í
tónleikunum. Útkoman varð
skemmtilegir tónleikar og tilbrigði
við vorkomuna.
Aðsókn var í meðallagi og
samanstóð af kjarna sem lætur sig
sjaldan vanta þegar tónleikar eins
og þessir eru í boði. Þar er Freyja
Jónsdóttir í Nýlendu einn af föstu
póstunum og nú eins og stundum
áður skilur hún ekki fólk sem lætur
slíka tónlistarveislu fram hjá sér
fara. Og tónlistarveisla var það og
byrjaði hún í kirkjunni þar sem
listafólkið tókst á við karla eins
Bach og Hayden.
Í Safnaðarheimilinu var slegið á
veraldlegri strengi en ekkert slegið
af í listrænum kröfum. Þeir félagar
hafa lengi haft dálæti á hinum
gríska Theodorakis sem sló í gegn
með tónlistinni í kvikmyndinni um
Grikkjann Zorba. Þeir sem sáu
Zorba gleyma ekki lokaatriðinu þar
sem Grikkinn, frábærlega leikinn af
Anthony Quinn, kennir Englend-
ingnum pinnstífa, sem Alan Bates
gerði góð skil, að dansa á ströndinni
og undir hljómar lagið Sirtaki eftir
Mikis Theodorakis.
En karlinum hefur verið meira til
lista lagt en að semja tónlistina við
þessa stórkostlegu kvikmynd því á
tónleikunum voru flutt sex ein-
söngslög eftir karlinn sem Geir Jón
og Sólveig Unnur komu til skila
með glæsibrag.
Grikkir eiga sinn Theodrakis og
við eigum okkar Sigvalda Kalda-
lóns. Lög hans hljómuðu í Safn-
aðarheimilinu á sunnudaginn og
Sólveig sýndi allar sýnar bestu
hliðar sem túlkandi og söngkona í
Betlikerlingunni sem Sigvaldi
samdi við ljóð Gests Pálssonar.
Karlmennskan geislaði af Geir
Jóni í Suðurnesjamönnum og í
Hamraborginni reis hann eins og
klettur sem aldrei verður haggað.
Védís átti svo lokalagið Cantate
per Venezia, lauflétt lag eftir Fabio
Germani sem Guðmundur faðir
hennar þekkir frá því á námsár-
unum í Róm. Snotur endir á flottum
tónleikum þar sem allt listafólkið
naut sín til fulls.
Tónlistarmennirnir að afloknum eftirminnilegum tónleikum. Frá vinstri: Védís, Guðmundur, Sólveig Unnur og Geir Jón.
Guðmundur er mikill listamaður á orgel og píanó
Geir Jón er með mikla og stóra barítonrödd, Védís hefur ótrúlegt vald
á flautunni og Sólveig er dásamleg söngkona.
Fræðslu- og
menningarráð
:: Grunnskólinn
2014-2015:
Heldur
fleiri
nem-
endur
Framkvæmdastjóri fjölskyldu- og
fræðslusviðs lagði fram tillögu að
úthlutun vegna skólastarfs í
Grunnskóla Vestmannaeyja fyrir
skólaárið 2014-2015 á síðasta fundi
fræðslu- og menningarráðs.
Fjöldi nemenda verður u.þ.b. 547
á næsta skólaári en er núna 542.
Gert er ráð fyrir úthlutun sem gefur
möguleika á þremur bekkjar-
deildum í hverjum árgangi. Lagt er
til að heildarfjöldi kennslustunda
verði 1253 kennslustundir á viku.
Til viðbótar er úthlutun til bóka-
safnsstarfa samtals 55,4 dagvinnu-
stundir á viku og 26 yfirvinnustund-
ir vegna gæslu í frímínútum og
hádegishléi.
Fræðslu- og menningarráð
samþykkti tillöguna.
Orðsending frá
framkvæmda-
stjórn HSV:
Ógreidd
komu- og
rann-
sóknar-
gjöld fyr-
ir margar
milljónir
Á fundi framkvæmdastjórnar HSV í
síðustu viku var farið yfir bókhalds-
mál stofnunarinnar. Í tilkynningu
frá stjórninni segir að sumir
reikningarnir séu orðnir nokkurra
ára gamlir og að þolinmæði margra
fyrirtækja og einstaklinga hér í
Vestmannaeyjum, sem og í
Reykjavík, sé ótrúleg. „Hversu
lengi hún heldur er erfitt að spá fyrir
um. Á fundinum kom fram að 6
milljónir eru útistandandi í skuldum
við stofnunina, í ógreiddum
komugjöldum, rannsóknargjöldum,
o.s.frv. fyrir síðustu 2-3 árin,“ segir
í tilkynningunni.
„Fyrir utan bráðatilfelli veit fólk
oftast að það er að fara til læknis, í
blóðprufu eða í myndgreiningu.
Líkt og fólk veit að það er að fara
til farandlækna sem koma hingað
og einhverra hluta vegna lenda
aldrei í því að reikningur sé
skuldfærður?
Hægt er að greiða reikninga í
heimabanka eða alla virka daga hjá
móttökuritara á 1. hæð (heilsu-
gæslu). Einnig er hægt að semja um
greiðslur hjá skrifstofu. Hægt er að
nálgast allar upplýsingar um
komugjöld og önnur gjöld á www.
sjukra.is.“
Ómar GarðarSSon
omar@eyjafrettir.is