Fréttir - Eyjafréttir - 05.10.2016, Blaðsíða 15

15Eyjafréttir / Miðvikudagur 5. október 2016
Karate | Fyrsta karatemótið í Eyjum tókst vel ::
Frábær aðstaða og
við komum aftur
:: segir formaður Karatesambandsins ::
Knattspyrna | Pepsi-deild karla ::
Farsæll endir
Handbolti | Olís-deild karla ::
Aftur komnir á
beinu brautina
Sigldu í höfn nokk-
uð þægilegum sigri
Um síðustu helgi var í fyrsta sinn
haldið karatemót í Vestmanna-
eyjum. Karatefélag Vestmanna-
eyja (KFV) hefur verið starfrækt
um nokkurra ára skeið og hefur
sótt stíft að fá að halda mót hér í
Eyjum, sem nú gekk eftir. Um
var að ræða bikar- og Bushi-
domót en hvoru tveggja er
mótaröð sem stendur yfir í
vetur. Bikarmótið er fyrir
fullorðna og fór fram á laugar-
deginum en Bushidomótið er
fyrir börn og unglinga og fór
fram daginn eftir. Um 130
þátttakendur voru á mótinu og
var mikil ánægja með móts-
haldið.
Fimm kepptu fyrir hönd KFV um
helgina en það voru þeir Arnar
Júlíusson, Daníel Orri Þorgeirsson,
Mikael Magnússon, Willum Pétur
Andersen og Þórarinn Sigurður
Jóhannsson. Keppt var bæði í kata
og kumite í báðum mótunum og
tóku þeir Arnar og Willum þátt í
móti fullorðinna og allir fimm tóku
svo þátt í barna- og unglinga-
mótinu. Willum Pétur var sá eini
sem keppti í kumite, sem er
bardagahlutinn í karate en hinir
fjórir kepptu í kata.
Bestum árangri náði Arnar sem
endaði í þriðja sæti í flokki 16 til 17
ára. Þeir Mikael og Þórarinn
Sigurður enduðu í fimmta til sjötta
sæti en flokkur Mikaels var
sérstaklega fjölmennur og árangur-
inn því enn glæsilegri. Bæði
Willum og Daníel Orri féllu hins
vegar úr leik í fyrstu umferð en
hlutu dýrmæta reynslu sem mun
nýtast þeim í framtíðinni.
Aftur mót í Eyjum
Eins og áður sagði var mikil ánægja
með mótshaldið en Karatefélag
Vestmannaeyja sá alfarið um
skipulagningu mótsins. Reinharð
Reinharðsson, formaður Karate-
sambands Íslands stóð í ströngu á
mótinu en hann sinnti dómgæslu
alla helgina. „Þetta er bara búið að
vera skemmtilegt. Undirbúningur-
inn hefur verið mjög góður hjá
Karatefélaginu en alls eru þetta um
130 manns sem taka þátt í mótinu,“
sagði Reinharð þegar blaðamaður
Eyjafrétta hitti á hann um helgina.
„Frá upphafi hafa þessi mót aðeins
verið haldin á Faxaflóasvæðinu,
mest verið á höfuðborgarsvæðinu
en líka upp á Akranesi en mér finnst
ekkert nema jákvætt að fara með
mót víðar um landið. Við ákváðum
á þingi í lok febrúar að fara með
mót út á land og efla þannig starfið
hjá okkur á landsvísu. Hér í Eyjum
hefur verið starfandi félag í um
fimm ár og verið mikil og góð
uppbygging. Þess vegna var kjörið
að koma hingað og ég sé því ekkert
til fyrirstöðu að koma hingað aftur.
En þetta snýst auðvitað mikið um
skipulag heimamanna og óhætt að
segja að Ævar og félagar hjá KFV
hafi staðist allar væntingar og vel
það. Aðstaðan hér er frábær og á
meðan Landeyjahöfn er opin, þá er
þetta góður staður fyrir mótshald
sem þetta.“
Mikill uppgangur hjá KFV
Ævar Austfjörð, þjálfari KFV var að
vonum ánægður í mótslok. „Hvað
varðar okkar keppendur þá stóðu
þeir sig með miklum ágætum.
Willum Pétur keppti í fyrsta skipti í
kumite en hann hefur einungis æft í
nokkrar vikur með keppni í huga
svo að það var ljóst að alltaf var á
brattann að sækja. Hann lærði
mikið af þessu og safnaði í
reynslubankann og ég líka sem
þjálfari.
Daníel Orri keppti í kata en komst
ekki upp úr fyrstu umferð í þetta
skiptið. Þórarinn fékk uppreisnar
viðureign þar sem hann tapaði í
fyrstu umferð fyrir sigurvegaranum
í sínum flokki. Hann keppti svo um
bronsið en tapaði og endaði í 5.-6.
sæti af 12 keppendum. Mikael er sá
keppandi sem tekið hefur mestum
framförum í haust. Hann var einni
viðureign frá því að komast í úrslit í
kata 12-13 ára en tapaði með
minnsta mun 2:3. Hann keppti svo
um brons en tapaði þeirri viðureign
og endar því í 5.-6. sæti. Arnar
keppti bæði í fullorðinsflokki og
16-17 ára unglinga. Í fullorðins-
flokknum keppti hann um brons en
tapaði. Hann hefur reyndar átt betri
daga en akkúrat þann dag. Hann var
svo mun öflugri á unglingamótinu
en þar tapaði hann í undanúrslitum
með minnsta mun og ég verð að
segja að ég er verulega ósáttur við
þá niðurstöðu, hann var einfaldlega
betri en mótherjinn. Arnar vann svo
viðureignina um bronsið en ég
hefði viljað sjá hann berjast um
gullið. Hann mun gera það á næsta
móti. Það er klárt mál.“
Það verður aftur mót
Ævar sjálfur bar hitann og
þungann af skipulagningu mótsins
en hann segir að gestir mótsins,
bæði keppendur og aðrir hafi verið í
skýjunum með mótshaldið. „Ég
þurfti að hafa töluvert fyrir því að
fá að halda mót. Ég óskaði eftir
móti í fyrravetur en var hafnað eftir
mikið japl, jaml og fuður. Ég held
að það hafi vaxið Mótanefnd og
stjórn KAÍ í augum að þurfa að
leggja í ferðalag og kannski var
aðallega einhver ótti við að fáir
myndu mæta. Málið var svo tekið
upp á ársþingi KAÍ þar sem það var
samþykkt, að ég held með öllum
greiddum atkvæðum. En þáttakan
var svo mjög góð á báðum
mótunum og samtals voru kepp-
endur um 95 talsins. Ég hefði þó
gjarnan viljað sjá vini mína frá
Karatefélagi Akureyrar en þeirra
yfirþjálfari og prímus mótor er
minn fyrsti þjálfari. En þetta er
langt og dýrt ferðalag og skiljanlegt
að þeir hafi setið hjá í þetta skipti.
Þetta voru eitthvað yfir 120 sem
komu ofan af landi og stemningin í
hópnum vægast sagt góð enda þessi
hópur aðeins vanur að fara til
keppni á milli hverfa í Reykjavík
fyrir utan eitt og eitt skipti á
Akranes. Ferðin hingað var því
töluvert ævintýri fyrir marga og það
„kryddaði“ aðeins stemninguna að
óvissa var með heimferðina.
Hópurinn átti pantað í 18:45 ferðina
á sunnudeginum en öldu- og
vindaspá leit ekkert sérstaklega vel
út svo að ég fékk hópinn færðan í
16:00 ferðina sem reyndist mikið
happ því fleiri ferðir voru ekki
farnar. Það er nokkuð ljóst að hér
verður haldið mót aftur áður en
langt um líður og það er líka ljóst
að við erum smátt og smátt að
eignast keppendur sem blanda sér í
toppbaráttu á mótum. Tveir í
undanúrslitum núna og enduðum á
að landa einu bronsi. Við erum
minnsta félagið en alls ekki minnst
áberandi,“ sagði Ævar að lokum.
ÍBV mætti Íslandsmeisturunum í
FH í Kaplakrika á laugardag í
síðustu umferð tímabilsins. Lítið
var undir í leiknum, Eyjamenn svo
gott sem búnir að tryggja sæti sitt í
deildinni með sigri á Val í umferð-
inni á undan. Framan af var
leikurinn bragðdaufur og var ekkert
mark skorað í fyrri hálfleik.
Það dró fyrst til tíðinda á 53.
mínútu þegar hinn ungi og efnilegi
miðvörður Eyjamanna, Devon Már
Griffin, skoraði með góðum skalla í
stöng og inn eftir sendingu frá
Pablo Punyed, fyrsta mark kappans
í efstu deild.
Skömmu fyrir leikslok tókst FH að
jafna metin, Avni Pepa hafði þá
handleikið knöttinn innan vítateigs
og þar af leiðandi vítaspyrna dæmd.
Steven Lennon skoraði örugglega úr
spyrnunni og sá til þess að Íslands-
meistararnir fóru frá mótinu með
reisn. ÍBV endaði í níunda sæti
deildarinnar með 23 stig sem verður
að teljast farsæll endir þar sem
útlitið var ekki vænlegt á tímabili.
Kvennalið ÍBV fékk botnlið Selfoss
í heimsókn um helgina í fjórðu
umferð Olís-deildar kvenna.
Gestirnir byrjuðu betur og náðu
yfirhöndinni en forystan varði ekki
lengi þar sem Eyjakonur voru
komnar yfir eftir um tíu mínútna
leik.
Forystuna létu þær aldrei af hendi
og sigldu í höfn nokkuð þægilegum
sigri, lokatölur 32:29. Markahæst
var Ester Óskarsdóttir með átta
mörk en þær Karólína Lárusdóttir
og Sandra Erlingsdóttir voru með
sjö mörk hvor. Erla Rós Sigmars-
dóttir var með tíu mörk varin í
marki heimamanna.
Eftir fjórar umferðir er ÍBV í öðru
sæti með sex stig og hefur skorað
langflest mörk. Fram er í efsta sæti
með sjö stig.
Eyjamenn voru ekki í vandræðum
með Stjörnuna þegar liðin mættust í
fimmtu umferð Olísdeildar karla.
ÍBV leiddi með sjö mörkum í
hálfleik og sáu gestirnir í raun aldrei
til sólar í leiknum. Lokatölur 30:23
fyrir Eyjamenn sem eru aftur
komnir á beinu brautina eftir slæmt
tap gegn FH í síðustu umferð.
Theodór Sigurbjörnsson var
markahæstur í liði ÍBV með átta
mörk en Agnar Smári Jónsson kom
næstur með sjö talsins. Kolbeinn
Arnarsson varði tíu skot í markinu.
Eftir umferðina situr liðið í öðru
sæti með sjö stig, einu stigi minna
en Afturelding.
Eftir fimm umferðir er ÍBV í öðru
sæti ásamt Gróttu en með hagstæð-
ara markahlutfall. Afturelding er
með átta stig.
Keppendur og þjálfarar Karatefélags Vestmannaeyja.
Arnar Júlíusson náði bronsi.
telma Da Silva Amado.
Handbolti | Olís-deild kvenna ::
Kvennalið ÍBV átti ótrúlega
endurkomu gegn Þór/KA á
Hásteinsvelli síðustu helgi í
lokaumferð deildarinnar þetta árið.
Eftir tæpan klukkutíma leik var
staðan 3:0 fyrir gestina frá Akureyri
en lokamínútur leiksins voru alveg
ótrúlegar.
Fyrsta markið kom á 84. mínútu
og það næsta fimm mínútum síðar
en bæði mörkin skoraði Cloe
Lacasse sem endaði með 13 mörk í
sumar. Það kom síðan í hlut
Natöshu Anasi að jafna leikinn á
þriðju mínútu uppbótartíma. ÍBV
endar því í fimmta sæti deildarinnar
með 31 stig.
Cloe Lacasse í síðasta leik
deildarinnar gegn Þór/KA.
Cloe til bjargar
Knattspyrna | Pepsi-deild karla ::