Skessuhorn - 23.11.2000, Blaðsíða 6

6
FIMMTUDAGUR 23. NOVMEMBER 2000
^•kUsunu^
Samkvæmt bráðabirgðatölum frá
Fiskistofu eru aflabrögð í október
s.l. einhver þau lélegustu í langan
tíma. Mestur er samdrátturinn á
lönduðum afla í Rifi en þar var að-
eins landað 405 tonnum í október
s.l. en 953 tonnum á sama tíma í
fyrra. Þar vekur athygli að í október
í fyrra var landað 754 tonnum af
þorski í Rifi en aðeins 229 í síðasta
mánuði. Astandið er eilítdð skárra í
Olafsvík þar sem á land komu í
október s.l. 405 tonn eins og í Rifi
en aflinn á sama tíma í fyrra var 694
tonn. Hvað þorskinn snertir er
sama sagan og í Rifi, í fyrra komu á
land 481 tonn af honum en 268
tonn í nýliðnum októbermánuði. I
Grundarfirði og Stykkishólmi er
ekki eins sláandi munur á heildar-
afla í þessum mánuðum milli ára
enda vegur skelveiðin talsvert í afla-
tölum í Grundarfirði og er nánast
eini aflinn sem berst á landi í Stykk-
ishólmi á þessum tíma. Þó er svip-
uð niðurstaða hvað þorskinn varðar
í báðum þessum höfnum að hann er
um helmingi minni í ár en í fyrra.
í Grundarfirði var landað 1070
tonnum í október s.l. og voru 263
tonn af því þorskur. A sama tíma í
fyrra var heildaraflinn í mánuðin-
um 1184 tonn og voru 485 tonn af
því þorskur. Þorskur sem kom á
land í Stykkishólmi var í október í
fyrra um 150 tonn en 72 tonn í síð-
asta mánuði. A Arnarstapa var
landað 5 tonnum meira af þorski í
síðasta mánuði en á sama tíma í
fyrra. Þannig hefur þorskafli í
októbermánuði dregist saman um
rúm þúsund tonn. Jón Sólmunds-
son hjá Hafrannsóknarstofunni í
Olafsvík segir ekki vera ástæðu til
að örvænta. Skýringin liggi hugsan-
lega í því að nú er óvenjulega heit-
ur sjór í Breiðafirði og hugsanlega
lítdð æti. “Nú er loðnan í köntun-
um út af Vestfjörðum og þorskur-
inn liggur trúlega í henni. Svo er
það nú þannig að nokkur undanfar-
in ár eins 1996 og 97 voru að því
leyti óvenjuleg að þá var fiskur inn
um allan Breiðafjörð allt sumarið
og fram á haust. Ætli það sé ekki
bara að skapast svipað ástand og
menn þekktu hér á árum áður þeg-
ar stóru vertíðimar vom”.
IH
Gríðarlegur samdráttur í þorskveiðum
MælaÍeiga felld niður
Gunnar Sigurðsson lagði fram
þá tillögu á síðasta bæjarráðsfundi
að Akranesveita felldi niður mæla-
leigu vegna aukamælis sem inn-
heimt er af þeim sem hafa eða
munu gera samning um kaup á
heitu vami til snjóbræðslu. Enn
fremur lagði hann til að bæjar-
stjórn Akraness beindi þeim til-
mælum til iðnaðar- og fjármála-
ráðuneytis að felldur verði niður
virðisaukaskattur af sölu heits
vatns til snjóbræðslu. Gunnar tel-
ur óeðlilegt að innheimta virðis-
aukaskatt vegna þess að líta megi á
upphitun innkeyrslna og gangstíga
sem framlag til öryggismála. I
greinargerð með tillögunni segir
meðal annars að með aðgerðinni
verði meiri hvati fyrir einstaklinga
og fyrirtæki að fara í framkvæmdir
við snjóbræðslu. Bæjarráð sam-
þykkti tillögu Gunnars.
SÓK
Pað var létt yfirfólki á Dvalarbermilimt í Stykkisbólmi þegar tóvlistarfólkið kovt
þaiigað á síðsta fimmtudag. Mynd IH
/
Islensk tunga
Dagur íslenskrar tungu var
haldinn í síðustu viku. Þá hófst
lestrarkeppni í öllum grunnskól-
um og ýmislegt var gert í tilefni
dagsins. I Stykkishólmi tók
Tónlistarskólinn þátt í deginum
með nýstárlegum hætti. Kenn-
ararnir Hafsteinn Sigurðsson og
Ingibjörg Þorsteinsdóttir ásamt
nemendunum Björgvini Þorvarð-
arsyni og Lárusi Hannessyni
gengu milli fyrirtækja og sungu
íslensk sönglög fyrir starfsmenn.
Síðan heimsóttu þau nokkrar
stofnanir og sungu þar. A Dval-
arheimilinu gerði fólk hlé á spila-
mennsku til að hlýða á sönginn.
Hafsteinn sem lék á harmonikk-
una sína tók svo nokkur létt lög
og var þá stiginn dans. Greini-
legt var að vistfólki þótti vænt um
þessa heimsókn og þótti þetta
framtak vel til fundið.
IH
Starfskraftur óskast
o
j Sparisjóður Mýrasýslu óskar eftir að róða
starfskraft \ mötuneyti,
1 Um er að rœða hólft starf fró 1. janúar 2001.
* " . - ■ •
Upplýsingar gefur Steinunn Ásta
Guðmundsdóttir ísíma 430-7500.
Fræðslukvöld fyrir verðandi bilstjóra
Verðandi bílstjórar í Borgarnesi
Fyrir nokkru stóð húsráð fé-
lagsmiðstöðvar eldri unglinga í
Borgarnesi fyrir fræðslukvöldi í
samstarfi við forvarnardeild VIS
um tryggingamál ungra öku-
manna. Margt kom fram sem
snertir unga ökumenn og er
nauðsynlegt að fræðast um áður
en sest er undir stýri. Athygli
vakti að iðgjöld og tryggingar hjá
þessum aldurshópi eru mjög há
og er það vegna þess að þeir sem
lenda í óhöppum eru oftar en ekki
ungir ökumenn nýbúnir að fá bíl-
prófið. Athygli vakti að tjón sem
rekja má til gáleysis í akstri getur
kostað einstaklinginn eða foreldra
hans margar milljónir króna þrátt
fyrir kaskótryggingar.
Sýnd voru mjög áhifarík mynd-
bönd þar sem talað var við fólk
sem misst hafði unglinga í um-
ferðarslysi. Rætt var við fólk sem
lent hafði í hjólastól og beðið
ævarandi tjón vegna glæfraaksturs
og kæruleysis í bílbeltanotkun.
Spurning vaknaði hjá ungum
fundarmönnum hvers vegna í ó-
sköpunum sjónvarpið sýndi ekki
svona vel gerðar áróðursmyndir í
forvarnarskyni ekki bara fyrir
unga fólkið, heldur líka fyrir full-
orðna fólkið til viðvörunar?
Eftir fræðslufundinn voru ung-
lingarnir á einu máli um að áróð-
ur hér á landi varðandi þessi mál
væri alls ekki eins beittur og hann
ætti að vera og myndir af svona
slysum og þeim sem lent hefðu í
þeim hefðu mikil áhrif.
Gestum leist vel á nýju tamningamiðstöðina í Suður-Bár. Mynd GK
Tamningastöð í Suður - Bár
ísólfur Líndal Þórisson frá
Lækjamóti í Vestur-Húnavatns-
sýslu opnaði fyrir skömmu tamn-
ingastöð í Suður - Bár við austan-
verðan Grundaríjörð. I tilefni opn-
unnarinnar buðu Isólfur og
unnusta hans, Vigdís Gunnarsdótt-
ir, til opins húss. Aðstöðuna leigir
Isólfur af Marteini Njálssyni ferða-
þjónustubónda í Suður - Bár sem
breytt hefur því sem áður var rúm-
gott fjós í hesthús. Var það sam-
dóma álit þeirra gesta sem heim-
sóttu stöðina að þetta væri drauma-
aðstaða hestamannsins. Stórt og
rúmgott hesthús með með mis-
munandi stórum stíum og inn á
milli básar til að binda baldna fola.
Þá er rúmgóð járninga- og vinnu-
aðstaða og innangengt er í tamn-
ingaskemmu þar sem frumtamn-
ing fer m.a fram. Isólfur sýndi við-
stöddum handbrögðin við notkun
bandmúls í frumtamningu í
skemmunni. Við hesthúsið er svo
rúmgott reiðgerði. Isólfur sagði
að fullbókað væri í tamningu til
áramóta og þegar væru farnar að
berast pantanir eftir áramót. Hann
sagði greinilegt að hugur væri kom-
inn í Vestlendinga vegna væntan-
legs Fjórðungsmóts að Kaldármel-
um næstkomandi sumar. 1H