Skessuhorn - 18.01.2001, Blaðsíða 7
FIMMTUDAGUR 18. JANUAR 2001
7
jnlsaunu,.
Af Húnvetningum o
' 3” s"'
Mikið má maður prísa sig sælan
að búa úti á landi. Ef eitthvað er að
marka fjölmiðla, þá er Reykjavík
orðin eins og fín heimsborg full af
allskonar trantaralýð, þjófum og
útsmognum glæpahundum, svo
heiðarlegu fólki er ekki óhætt úti eftir
sólsetur. Leigumorðingjar og
leyniskyttur á öðru hverju götuhorni
og öllu stolið sem hægt er að stela.
Annars er meira fyrir einu haft en
öðru í þessari glæpaveröld þar
syðra. Þeir sem hafa atvinnu af því
að ræna pizzusendla hafa um það
bil þúsundkall út úr hverju ráni auk
þess þurfa þeir að leggja út fyrir
hornaboltakylfu og lambhúshettu í
startið. Til þess að ná
byrjunarlaunum grunnskólakennara
þarf hver pizzusendlaræningi að
framkvæma ríflega tvöþúsund rán á
ári. Ef þessi starfsgrein á að geta
þrifist hérlendis þarf annað hvort að
fjölga pizzustöðum eða láta
sendlana hafa á sér mun meira fé en
einn skitinn þúsundkall, annars fer
fyrir þessari starfsgrein eins og
loðdýrarækt og fiskeldi, allt í
vaskinn. Kennsla og pizzusendlarán
eiga það sameiginlegt að bæði
störfin eru krefjandi og gefandi og
þeim fylgir töluverð ábyrgð. Það er
ekki skrýtið að maður þurfi aðeins
tíma til að átta sig á þeim breytingum
sem orðnar eru á skömmum tíma. í
gegnum aldirnar voru íslenskir
glæpir meira út í það að heita hnupl.
Mest var það bundið við
sauðaþjófnað sem aftur var mest
bundinn við Húnvetninga, en þeir
stálu flestir hver af öðrum svo þetta
jafnaðist ótrúlega út. Þó er
hugsanlegt á meðan ógirt var á
sýslumörkum hér á árum áður að eitt
og eitt lamb sem getið var í
borgfirsku fjárhúsi hafi eftir
viðkomu á húnvetnskum hlóðum
endað sem lífrænn áburður undir
barði eða utaná þúfnakolli þar
nyrðra. En víkjum nú aftur að
Sódómunni Reykjavík. Um daginn
gerðist það í höfuðborginni að
Alsírmaður lagði til Marokkómanns
með hnífi. Upphófst þá víða umræða
/cT'' *lt|
að réttast væri að senda í einum
pakka tilræðismanninn, fórnarlambið
og flesta landa þeirra sem hingað
hafa skolast upp á skerið heim til
Múhammeðs og mæðra sinna. En
nú er rétt að athuga sinn gang og
spóla sögukasettuna alveg aftur í
Tyrkjarán. Nýlegar rannsóknir hafa
leitt í Ijós að fjölmargir íslendingar úr
Tyrkjaráni héldu frá Algeirsborg, til
Marokkó skömmu eftir ránið, enda
auðveldara á þessum tíma að losna
úr þrælahaldi í löndum þar sem
trúað var á andskotann Múhammeð
en úr vinnumennsku í því kristna
landi íslandi. Þess vegna skulum við
taka öllum Marokkómönnum
fagnandi því þetta eru vísast
frændur okkar flestir, ættaðir úr
Vestmannaeyjum og Grindavík og
því skyldari okkur hér á þessu
landsvæði en margur
norðanmaðurinn. Dettur annars
nokkrum í hug að senda alla
Húnvetninga búsetta hér syðra
norður aftur? Ég held varla.
Bjartmar Hannesson
íbúð óskast
Starfsmaður Skessuhoms óskar eftir
3A herb. íbúð til leigu í Borgamesi.
Möguleiki á skiptum á 4 herb.íbúð
í Grafarvogi.
Uppl í.síma430 2210 eða 557 39 30
Akraneskaupstaöur
Lausar lóðir á Akranesi
Bygginqa- og skipulagsfulltrúinn á Akranesi auglýsir hér með lausar
byggingalóðir til umsóknar í Flatahverfi við Steinsstaðaflöt oq Tindaflöt,
þar sem gert er ráð fyrir einbýlis-, raðhúsa-, parhúsa- og fjölbýlisnúsalóðum.
Einnig eru auglýstar lausar byggingalóðir á eftirtöldum svæðum:
• Við Þjóðbraut - athafna- og iðnaðarhúsalóðir.
• Við Smiðjuvelli og Kalmansvelli - iðnaðarhúsalóðir.
• í Vogahverfi - stórbýlalóðir.
• LHöfðaseli - iðnaðarhúsalóðir.
• Á Breið - iðnaðarhúsalóðir.
Umsóknir berist á skrifstofu Akraneskaupstaðar, Stillholti 16-18, 3. hæð,
fyrir 6. febrúar nk.
Nánari upplýsingar eru veittar hjá bygginga- og skipulagsfulltrúa alla
virka aaga frá kl. 11-12 eða í síma 433 1051 og 896-9941.
Akranesi, 16. janúar 2001
Bygginga- og skipulagsfulltrúinn á Akranesi
Óskum að ráða starfsmenn í
verksmiðju okkar í Borgarnesi.
Um framtíðarstarf getur verið að ræða.
Lyftararéttindi æskileg.
Þurfa aðgeta byijað sem Jyrst.
Upplýsingar veitir verksmiðjustjóri,
sími 437-1000
Vinsamlegast endumýið eldri umsóknir.