Skessuhorn - 11.10.2001, Blaðsíða 2
2
FIMMTUDAGUR 11. OKTÓBER 2001
ak£SálltlUb.
Ekki byggt á
næstu árum
Nokkrar umræður hafa átt sér
stað í bæjarstjóm Borgarbyggðar
að undanförnu um hugsanlega
stækkun íþróttahússins í Borgar-
nesi. Að sögn Stefáns Kalmans-
sonar bæjarstjóra er stækkun þó
ekki á döfinni á næstu árum. „Það
liggur fyrir að það þarf að gera
endurbætur á húsinu eins og það
er í dag, meðal annars á þakinu,
og því var samþykkt við gerð nú-
gildandi fjárhagsáætlunar að láta
framkvæma nokkurs konar for-
hönnun á nýju húsi eða viðbygg-
ingu til að hægt væri að hafa það
til hliðsjónar áður en ráðist yrði í
endurbætur á núverandi húsi. Ef
það gerist, sem maður vonar, að
hér fjölgi að einhverju ráði á
næstu fimm ámm, gætu skapast
þær aðstæður að hér þyrfti nýtt
íþróttahús og það er gott að vera
búinn að gera sér grein fyrir
hvernig það ætti að vera. Þannig
að það má líta á þetta sem nokk-
urs konar þarfagreiningu.“ GE
Annasöm
helgi
Töluvert annasamt var hjá
lögreglunni í Borgarnesi urn síð-
ustu helgi, sér í lagi á laugardags-
kvöld. Þurfti lögregla þá ítrekað
að grípa inn í slagsmál en þó var
um minniháttar pústra að ræða
og engar alvarlegar líkamsmeið-
ingar. Þá voru tveir handteknir,
grunaðir um ölvun við akstur.
GE
Framkvæmdum við fjölbýlishús að ljúka
Stillansamir utan d jjölbýlisbúsinu í Grundárfiröi veröa teknir niður á iiœstu dögum.
Nú líður að því að framkvæmd- arfirði fari að ljúka. Er fjölbýlishús-
um við eina fjölbýlishúsið í Grund- ið í eigu Eyrarsveitar og íbúðir þess
leiguíbúðir í félagslega kerfinu en
verulegar breytingar hafa verið
gerðar á því síðustu vikur. Má þar
nefha að húsið hefur verið klætt að
utan með áli, nýir gluggar hafa ver-
ið felldir inn í þá gömlu, byggt hef-
ur verið yfir svalir á báðum hæðum
og skipt hefur verið um vatnslagnir.
Að sögn Eyþórs Björnssonar, starf-
andi sveitarstjóra Eyrarsveitar, er
verkið ekki mikið á eftir áætlun en
kostaður framkvæmdanna nernur
um 30 milljónum króna. Verktaki
er Gráborg ehf.
smh
Attatíu þúsund bækur í Reykholt
Unnið við að koma upp varaeintakasafni landsbókasafnsins
Margrét Guðjónsdóttir, Gtslína Jensdóttir og Guðlaug Einarsdóttir.
Frá því í sumar hefur verið unnið
að því hörðum höndum að fylla
gamla skólahúsið í Reykholti af
bókum en í vor lauk vinnu við end-
urbætur á húsinu. Þar verður
langstærsta bókasafn Vesturlands
og þótt víðar væri leitað en ólíkt
flestum öðrum bókasöfnum verða
bækurnar þar ekki til útláns. I
Reykholti er nefnilega að verða til
varaeintakasafn Landsbókasafnsins
en þar verður geymt allt prentað
efni sem gefið hefur verið út á ís-
lensku, allt frá dagblöðum upp í
heilu bókaflokkana.
Varaeintakasafnið er hugsað sem
nokkurs konar öryggisafrit af lands-
bókasafninu í Reykjavík en stefnan
er sú að dreifa áhættunni með því
að hafa varaeintökin í öðrum lands-
hluta. Slíkt fyrirkomulag þekkist
víða erlendis en er nýjung hér á
landi.
Þrír starfsmenn vinna að því að
skrá og ganga frá bókunum og öðr-
um gögnum til geymslu ásamt því
að sjá um forvörslu þar sem þess er
þörf. Það eru þær Margrét Guð-
jónsdóttir þjóðháttafræðingur,
Gíslína Jensdóttir og Guðlaug Ein-
arsdóttir.
Þær stöllur segja vinnuna við að
koma upp varaeintakasafninu vera
mjög skemmtilega ekki síst vegna
þess að um nokkurs konar frurn-
kvöðulsstarf sé að ræða en sam-
bærileg vinna hefur ekki áður verið
unnin hér á landi. Alls verða um 80
þúsund bækur á safninu auk allra
dagblaða, héraðsfréttablaða og
tímarita sem komið hafa út á
Islandi. Þá verður þar einnig geymt
íslenskt efni á geisladiskum og
myndsnældum. Stefnt er að því að
vinnan við að koma safninu upp
taki um 2 - 3 ár.
GE
MáJþing um
búsetuskilyrði
Fyrirhugað er að sveitarfélög-
in í Borgarfjarðar- og Mýrasýslu
standi sameiginlega að málþingi
um atvinnumál og búsetuskilyrði
í Borgarfirði. Stefán Kalmansson
bæjarstjóri Borgarbyggðar segir
að undirbúningur sé á frumstigi
en að öllum líkindum verði mál-
þingið öðru hvoru megin við
áramótin. Þá segir hann að efrir
sé að taka ákvörðun um hvernig
því verði fylgt eftir. GE
Eldur í bíl við
Hvalíjarðar-
göngin
Á miðvikudaginn í síðustu viku
mátti litlu muna að illa færi þegar
eldur kom upp í bíl við nyrðri
enda Hvalfjarðarganganna.
Starfsmaður gjaldskýlisins var við
hefðbundin störf þegar hann sá í
einni af mörgum öryggismynda-
vélum í göngunum að reyk lagði
frá bíl sem var að korna upp úr
göngunum að norðanverðu.
Skömrnu síðar fór eldur að loga
undir bílnum og greip starfsmað-
urinn slökkvitæki, stökk út úr
skýlinu og stöðvaði bílinn.
Skamma stund tók að slökkva
eldinn.
A heimasíðu Spalar lofar af-
greiðslustjóri fyrirtækisins þessi
skjótu viðbrögð starfsmanns
gjaldskýlisins og sagði hann atvik-
ið gott dæmi um hvernig gott eft-
irlitskerfi ganganna hefði komið í
veg fyrir alvarlegra óhapp. SOK
AUGLÝSING
www.holl.is
AUGLÝSING
Hóll er kominn í Borgames
www.hoii.
Franz Jezorski, Sólnin Káradóttir, Gestur Ellert Guðnason og Agiist Benediktsson fyrir utan Hekluhúsið við Vesturlandsveg en þar
er umhoðsmaður Fasteignasölunnar Hóls til husa
Fasteignasalan Hóll, sem er ein
af umsvifamestu fasteignasölum
landsins, hefur opnað umboðs-
skrifstofu í Borgarnesi. Umboðs-
maður þeirra er Gestur Ellert
Guðnason og hefur hann aðsetur í
Hekluhúsinu við Vesturlandsveg.
Gestur er einnig umboðsmaður
TM og Heklu á Vesturlandi.
Að sögn Gests bindur hann
miklar vonir um að Vestlendingar
taki við sér og notfæri sér þjónust-
una. „Við aðstoðum ekki einungis
þá sem þurfa að selja eignir heldur
einnig þá heimamenn sem vilja
kaupa fasteignir hvar á landinu
sem er. Einnig munum við aðstoða
þá landeigendur sem vilja fara út í
sumarbústaðalóðasölu. Við erum
beintengd söluskrá Hóls í Reykja-
vík, sem og öðrum umboðsskrif-
stofum Hóls, þannig að hér getum
við gefið upplýsingar um fjölda
spennandi eigna sem eru til sölu
hjá Hóli um allt land.“ Fasteigna-
salan hefur, auk fjölda umboðs-
manna um land allt, öflugan vef
www.holl.is þar sem eignir eru
settar inn ásamt myndum. Talið er
að um 50.000 manns skoði vefinn
árlega. „Við hvetjum alla þá sem
hafa áhuga á að selja fsteignir eða
bújarðir í Borgarbyggð og ná-
grenni til að hafa samband og við
munum aðstoða þá á allan mögu-
legan hátt,“ segir Gestur sem jafn-
framt er staðráðinn í því að öflugt
net Fasteignasölunnar Hóls sé það
sem koma skal. „Þetta er kraftmik-
il fasteignasala sem vinnur ávallt af
fagmennsku og trúnaði fyrir við-
skiptavini sína.“
Franz Jezorski og Gestur Ellert
Guðnason innsigla hér samkomulagið
með handabandi.
Meðal eigna á skrá hjá Hóli í Borgamesi
Klettavík
Berugata
Höfðaholt
Alltaf nýjar eignir á skrá.
Hóll, Fasteignasala, www.holl.is
Sólbakka 2-310 Borgames - Sími 437-2100
Veffang www.holl.is
Fasteignasalan Hóll er einnig komin með umboðsmann í Búðardal, hann verður kynntur síðar.