Skessuhorn - 06.11.2002, Blaðsíða 8

8
MIÐVIKUDAGUR 6. NÓVEMBER 2002

'Petuútui
Sterka menn tilforystu!
t
Nú líður að prófkjöri Sjálfstæð-
ismanna í Norðvesturkjördæmi.
Þá munu kjósendur í kjördæminu
velja þá sem leiða munu lista
flokksins í komandi Alþingiskosn-
ingum. I dag eru tveir öflugir
menn í forystu fyrir flokkinn á
Vesturlandi, þeir Sturla Böðvars-
son, samgönguráðherra og Guð-
jón Guðmundsson, alþingismaður.
I 12 ár hafa þeir unnið að hags-
munum íbúanna og er það von
mín að svo verði áffam í nýju
Norðvesturkjördæmi.
Sturla Böðvarsson, samgöngu-
ráðherra, hefiir verið í ffamvarðar-
sveit Sjálfstæðisflokkinsins á Vest-
urlandi nú á þriðja áratug. I hans
tíð hefur fylgi við flokkinn farið
vaxandi. Síðastliðið vor náði Sjálf-
stæðisflokkurinn á Vesturlandi af-
gerandi árangri f sveitarstjómar-
kosningum. Því er ástæða tdl að
taka undir orð Össurar Skarphéð-
inssonar, sem hann lét falla þá
kosninganótt, að þessi sigur væri
einnig Sturlu Böðvarssonar. Sturla
hefur í gegnum tíðina verið einn
aðalhvatamaður aukinnar sam-
vinnu sveitarfélaga á Vesturlandi.
Sem bæjarstjóri í Stykkishólmi,
formaður Héraðsnefndar og Sam-
taka sveitarfélaga á Vesturlandi
lagði hann ásamt öðrum grunninn
að því farsæla samstarfi sem er
milli sveitarstjórnarmanna á Vest-
urlandi í dag og er grandvöllur
þess stöðugleika sem ríkir í kjör-
dæminu.
Einnig hefur hann sem sam-
gönguráðherra stuðlað að miklum
samgöngubótum á Vesturlandi.
Guðjón Guðmundsson hefur á
sl. þremur kjörtímabilum unnið af
miklum heilindum að málefnum
kjördæmisins. Allir sem til hans
þekkja vita að reynsla hans og
þekking sem sveitarstjómarmaður
til margra ára og svo alþingismað-
ur er mikil og nauðsynlegt er að
tryggja að Alþingi Islendinga muni
áffam njóta krafta hans. Guðjón
hefur einnig sl. ár setdð í stjóm
Byggðastofnunar og þekkir því vel
til á öllu landinu og hefur í kraftd
setu sinnar í stjórninni staðið vörð
um hagsmuni landsbyggðarinnar.
Saman hafa Sturla og Guðjón
unnið að hagsmunum sjávar-
byggðanna á Vesturlandi sem hafa
átt í vök að verjast á síðustu áram.
Sturla og Guðjón hafa sýnt það í
starfi sínu að þeir era ávallt í nánu
sambandi við kjósendur sína og
leggja sig fram við að fylgjast vel
með því sem er að gerast heima í
kjördæminu. Sturla og Guðjón
hafa einnig verið í góðu sambandi
við sveitarstjómarmenn og saman
hafa þeir unnið vel fyrir kjördæm-
ið. Þeir hafa í störfum sínum sem
þingmenn og ráðherra aðstoðað
sveitarstjórnarmenn við að ná
fram ýmsum hagsmunamálum
íbúana í kjördæminu.
Kjördæmið þarf leiðtoga sem
láta sig málefnin skipta, láta verkin
tala og sinna kjósendum sínum,
menn sem leggja sig ffam við að
þekkja íbúana og era í beinu sam-
bandi við kjósendur.
Kjósendur í Norðvesturkjör-
dæmi! Af ffamansögðu hvet ég
ykkur til að sameinast um að kjósa
Sturlu Böðvarsson í 1. sæti og
Guðjón Guðmundsson í 3. sæti í
opnu prófkjöri flokksins sem fram
fer 9. nóvember nk. Með sterka
menn í forystu er hagsmunum
kjördæmisins best borgið.
Asbjöm Óttarsson
Smefellsbæ
vfK. 'Pmtúnn
Fjölbreyttara atvinnulíf- öflugri samfélög
Mikilvægi þess að efla lands-
byggðina hefur verið mikið í um-
ræðunni á undanförnum áram.
Þeir sem þátt hafa tekið í þeirri
umræðu virðast sammála um að
aðgerða sé þörf til eflingar á at-
vinnumöguleikum landsbyggðar-
innar og fjölgunar íbúa. Itrekað
hafa verið samþykktar ályktanir á
Alþingi um þetta mikilvæga mál. I
þingsályktun um stefnu í byggða-
málum 2002-2005 er m.a. lögð
áhersla á aðstoð við byggðarlög á
landsbyggðinni, styrkingu bú-
setuskilyrða og fjölbreyttara at-
vinnulíf. Þrátt fyrir ýmsar að-
gerðir til að ná markmiðum Al-
þingis er fullljóst að það starf þarf
að verða mun öflugra og mark-
vissara svo viðunandi árangur ná-
ist.
Nauðsynlegt er að gera lands-
byggðina að raunhæfum valkosti.
Megináherslu þarf að leggja á efl-
ingu atvinnulífs, menntun íbúa og
styrkingu samfélaga. Oflugt at-
vinnulíf er framskilyrði fjölgunar
íbúa og styrkingu samfélaga. Ein
leið til eflingar atvinnulífs á
landsbyggðinni er í gegnum
skattkerfið. Má þar nefna trygg-
ingagjald rekstraraðila, virðis-
aukaskatt og þungaskatt. Afnám
eða lækkun þungaskatts, lægra
tryggingagjald fyrirtækja á lands-
byggðinni og aukið jafnræði í
virðisaukaskattbyrði neytenda í
landinu leiðir ekki einvörðungu
til aukinna umsvifa í rekstri fyrir-
tækja úti á landi heldur einnig ti!
eðlilegra jafnvægis í lífskjörum
einstaklinga.
Atvinnuþróunarfélög gegna
veigamiklu hlutverki í eflingu at-
vinnulífs. Víðtæk og öflug aðstoð
við fyrirtæki og hverskyns fram-
kvöðlastarfsemi er afar dýrmæt ef
árangri skal ná í nýsköpun og fjöl-
breytni í atvinnulífinu. Því þarf
að efla staðbundin atvinnuþróun-
arfélög og mynda þannig þéttrið-
ið stuðningsnet við þann rekstur
sem fyrir er og þá aðila sem fást
við nýsköpun í atvinnumálum.
Fjármagn til byggðamála þarf því
í auknum mæli að renna til at-
vinnuþróunarfélaga vítt og breitt
um landið.
Aðgengi frumkvöðla að fjár-
magni þarf að skoða sérstaklega.
I kjölfar samdráttar á hlutabréfa-
markaði virðist erfiðara fyrir
frumkvöðla að afla fjármagns til
þróunar og uppbyggingar. Heild-
stætt og öflugra styrkja- og lána-
kerfi fyrir fyrirtæki í nýsköpun er
því nauðsynlegt svo efla megi at-
vinnulíf á landsbyggðinni.
Hærra menntunarstig á lands-
byggðinni er afar þýðingarmikið
til að ná árangri í eflingu samfé-
laganna og nauðsynlegt að grípa
til hvetjandi aðgerða í því sam-
bandi. Lengri endurgreiðslutími
námslána hjá þeim einstaklingum
sem búsettir era á landsbyggðinni
er ein leið til að ná markmiðum
um aukið menntunarstig. Ljóst
er að slík leið felur í sér ójafnræði
meðal einstaklinga en í þessu
samhengi er hér um að ræða já-
kvæða mismunun sem getur talist
nauðsynleg.
Við eflingu atvinnulífs, mennt-
unar og samfélaga er sérlega að-
kallandi að skapa möguleika til
öflugra rafrænna gagnaflutninga
og nýta sér jafnframt þá gríðar-
legu möguleika sem felast í allri
tölvu- og upplýsingatækni.
Þannig verður hægt að byggja
upp mannauð á landsbyggðinni
með sköpun tækifæra á sviði
menntunar og atvinnu óháð bú-
setu og einstaklingar geta náð
markmiðum sínum á því sviði
hvar sem er á landinu. Oflug
menntun á framhalds- og há-
skólastigi með fjarkennslu og
hverskyns fjarvinnslu er orðin að
raunhæfum möguleika sem þarf
að nýta til fullnustu. Tölvu- og
upplýsingatæknin hefur stytt allar
vegalengdir innanlands sem og
milli landa þannig að nú skiptir
minna máli hvar fólk býr. Við
skulum ávallt hafa í huga að fjöl-
breytni í atvinnulífi gerir efnahag
byggðanna stöðugri og eykur
flóra mannlífsins.
Elín R. Líndal gefur kost á se'r í
3. sœti Framsóknarflokksins
í Norðvesturkjördæmi.
Guðjón í öruggt sæti
I prófkjöri Sjálfstæðisflokksins í
Norðvesturkjördæmi sem fram
fer nk. laugardag er úrval af góðu
fólki í framboði. Það er vísbend-
ing um styrk flokksins í kjördæm-
inu. Guðjón Guðmundsson al-
þingismaður sækist eftir öraggu
þingsæti í þessu nýja kjördæmi.
Við undirrituð hvetjum stuðn-
ingsfólk Sjálfstæðisflokksins á
Akranesi til að taka þátt í próf-
kjörinu og tryggja Guðjóni ör-
uggt kjör.
Guðjón Guðmundsson hefur
um árabil verið þingmaður Vest-
urlandskjördæmis og getið sér
gott orð fyrir störf sín á Alþingi.
Guðjón hefur víða komið við í
flokksstarfinu og oft valist til for-
ystu í einstökum málaflokkum. I
þingmannsstörfum sínum hefur
hann tekist á við ólík verkefni at-
vinnulífsins á sviði iðnaðar, sjávar-
útvegs og landbúnaðar. Iþrótta-
og æskulýðsmál era honum hug-
leikin. Hann var um árabil for-
ystumaður í íþrótta- og æskulýðs-
starfi á Akranesi. Guðjón er nú
formaður íþróttanefndar ríkisins.
Guðjón nýtur mikils trausts
innan þingflokksins. Hann er einn
varaforseta Alþingis. Guðjón er
stjómmálamaður sem lætur verk-
in tala án þess að auglýsa það sér-
staklega í fjölmiðlum. Hann er
maður sem vex af verkum sínum.
Fulltrúar Sjálfstæðisflokksins í
bæjarstjórn Akraness nú og á síð-
asta kjörtímabili þekkja vel til
starfa Guðjóns og aðkomu hans
að málefnum sem snerta Akranes.
Þar hafa eðliskostir hann komið
skýrt ffam; pólitísk afstaða fólks
skiptir hann engu. Guðjón er því
svo sannarlega maður fólksins.
Akurnesingar! Fjölmennum í
prófkjörið á laugardag og tryggj-
um Guðjóni brautargengi. Hann
er maður sjálfstæðra skoðana og
hikar ekki við að fylgja sannfær-
ingu sinni. Guðjón er traustsins
verður!
Gunnar Sigurðsson
Sæmundur Víglundsson
Guðrún Elsa Gunnarsdóttir
Sævar Haukdal
Jón Gunnlaugsson
Hallveig Skúladóttir
Þórður Þórðarson
Eydts A ðalljömsdóttir
Pe'tur Ottesen
Elínbjörg Magnúsdóttir
'Pejiiútui
íbmþing í Dalabyggð
Dalaþing
í Dalabyggð er að fara í gang
stefnumótunarvinna á vegum
sveitarfélagsins. Sveitarstj órnin
hefur skipað stýrihóp tdl að gera
tillögur um tilhögun verkefnisins.
Formaður stýrihópsins er Finn-
bogi Harðarson en Sigurður Þor-
steinsson, viðskiptaffæðingur mun
verða heimamönnum leiðbeinandi
og ráðgefandi. Hann hefur áður
unnið að svipuðum verkefnum fyr-
ir sveitarfélög og fyrirtæki.
Verkefnið byggist í raun á því að
ieita svara við eftirfarandi þremur
lykilspumingum:
1. Hvar emm við núna?
2. Hvert viljum við stefna?
3. Hvemig komumst við þangað?
Stefnt er að því að íbúar sveitar-
félagsins taki veralegan þátt í
stefnumótuninni og í þeim tilgangi
verða haldin íbúaþing í lok nóvem-
ber og aftur f janúar. Slík þing era
að breskri fyrirmynd en þar í landi
eiga þau sér langa hefð. Hér á landi
hafa til skamms tíma verið haldin
nokkur vel heppnuð íbúaþing og
þykja þau skapa aukna samstöðu
og sátt á meðal íbúanna um mark-
mið og leiðir.
íbúaþingin okkar munu nefnast
Dalaþing. Þar verða íbúarnir
hvattir til að koma og hafa áhrif
með því að koma sínum hugmynd-
um að. A Dalaþingi verður unnið í
hópum að ákveðnum málaflokkum
og verður öllum ffjálst að velja sér
málaflokk til að starfa í, einn eða
fleiri. Gefin verður lýsing á núver-
andi ástandi mála í hverjum mála-
flokki og síðan verður reynt að fa
ffam eins mikið af hugmyndum og
hægt er um það hvað hafa eigi að
leiðarljósi í samfélagi okkar, hver
markmiðin eigi að vera og um
mögulegar leiðir að þeim. Unnið
verður hratt en þó mun fara ffam
nokkur umræða um þær tillögur
sem ffam koma og þær flokkaðar.
Eins og áður segir hefúr verið á-
kveðið að þingin verði tvö. Stefnt
er að því að halda Dalaþing hið
fyrra laugardaginn 30. nóvember
og við í stýrihópnum höfúm lagt
drög að þeim málaflokkum sem þá
verða teknir fyrir en það era: At-
vinnumál önnur en landbúnaðar-
mál (landbúnaðinn yrði fjallað um
á seinna þinginu), ferða-, sam-
göngu- og menningarmál og fé-
lags-, æskulýðs- og íþróttamál
ásamt málefnum aldraðra. Loks er
gert ráð fyrir fjórða hópnum þar
sem unglingum verði boðið að
fjalla um öll áðumefnd mál og enn
fleiri eftir því sem áhugi þeirra
stendur til.
Að loknu Dalaþingi mun svo
fara ffam áffamhaldandi vinna þar
sem unnið verður úr tillögunum.
Hvatt verður til þess að vinnuhóp-
amir hittist aftur og sldli ffekari
niðurstöðum eða úrvinnslu til
stýrihópsins. Allar niðurstöður
verða rækilega kynntar íbútmum.
Nánar verður gerð grein fyrir
stefnumótunarvinnunni síðar en á
þessu stigi vil ég fyrst og fremst
vekja athygli ykkar íbúanna á
Dalaþingum og eindregið hvetja
ykkur til að koma og taka þátt í
vinnunni við að móta ffamtíð okk-
ar. Ibúar nágrannasveitarfélaganna
era að sjálfsögðu velkomnir enda
geta sjónarmið og tillögur þeirra
nýst okkur í Dalabyggð auk þess
sem sú stefnumótun sem hér verð-
ur unnin getur skipt þá máli. Dag-
skrá Dalaþings hins fyrra verður
auglýst fljótlega.
Þórður Ingólfison,
þátttakandi í nefndum stýrihópi