Skessuhorn - 28.05.2003, Blaðsíða 2
2
MIÐVIKUDAGUR 28. MAI 2003
uíitajunu...
Akranesbær kaupir fimm
fasteignir af ÞÞÞ
Hvítanesi, eitt þeiira húsa sem Akraneskaupstabur keypti af ÞÞÞ og á að rífa.
Síðastliðinn föstudag var
gengið frá samningum rnilli
Akraneskaupstaðar og Bif-
reiðastöðvar Þórðar Þ Þórðar-
sonar um kaup á fimm fast-
eignum á Akranesi. Að hluta til
er um að ræða makaskipti á
eignum því á föstudaginn var
einnig gengið frá sölu á Ægis-
braut 1-5, sem eitt sinn var
áhaldahús Akraneskaupstaðar,
til ÞÞÞ.
Eignirnar sem Akraneskaup-
staður kaupir af Bifreiðastöð-
inni eru Kirkjubraut 16
(Hvítanes), Sunnubraut 3,
Vesturgata 121, Suðurgata 93
og Esjubraut 49.
Bæjarráð hefur ákveðið að
húseignirnar á Esjubraut,
Kirkjubraut, Sunnubraut og
Vesturgötu verði rifnar og
verða reitirnir á Esjubraut, við
Kirkjubraut og Sunnubraut
teknir til skipulagningar.
Heildarverð fasteignanna
fimm sem Akranesbær kaupir
er 51 milljón króna en frá því
dregst söluverð Ægisbrautar 1
- 5 sem var 28 milljónir króna.
Eignirnar verða afhentar í
haust.
Sölu á Hitaveitu Dalabyggðar frestað á meðan endurfjármögnuð er könnuð
Tveir Dalamenn tilbúnir
að kaupa veituna
Tveir einstaklingar í Dala-
byggð, Guðmundur Bene-
diktsson í Neðri Hundadal og
Hjörtur Einarsson í Gröf hafa
gert tilboð í hitaveitu Dala-
byggðar að upphæð 150 millj-
ónir króna en áður hafði stjórn
veitunnar borist tilboð frá
Orkubúi Vestfjarða. Stjórn
hitaveitunnar hefur ekki tekið
afstöðu til tilboðs Guðmundar
og Hjartar. Búast má við að
það dragist eitthvað þar sem að
á síðasta fundi sveitarstjórnar
Dalabyggðar var ákveðið að
fresta áformum um sölu á
meðan kannaðir yrðu mögu-
leikar á endurfjármögnun veit-
unnar.
I kjölfar fjölmenns borgara-
fundar í Dalabúð um málefni
hitaveitunnar samþykkti sveit-
arstjórn á fundi sínum í síðustu
viku að fela byggðarráði ásamt
sveitarstjóra að kanna með
möguleika á lántöku hjá Lána-
sjóði sveitarfélaga, Búnaðar-
banka Islands hf. eða öðrum
lánastofnunum til að endur-
fjármagna skuldir hitaveitunn-
ar með það að markmiði að
heimamenn geti átt hitaveit-
una áfram. Jafnframt var sam-
þykkt að óska eftir því við
Orkubú Vestfjarða að málinu
gagnvart þeim verði frestað á
meðan niðurstaða fæst í fram-
angreindar viðræður og könn-
un um lánamöguleika.
Guðmundur Benediktsson
sagði í samtali við Skessuhorn
að þeir félagar væru sáttir við
þau málalok ef tækist að end-
urfjármagna veituna. „Við
stöndum að sjálfsögðu við okk-
ar tilboð og teljum að við get-
um rekið veituna og fjármögn-
un kaupanna er frágengin ef til
kemur. Ef sveitarfélögin ætla
ekki að standa sig í stykkinu
verða aðrir að gera það. Við
höfum hvergi séð að húshitun-
arkostnaður lækkaði þótt
Orkubúið eða Rarik kæmi að
málum. Við viljum halda hita-
veitunni í eigu heimamanna og
ef sveitarfélagið ber ekki gæfu
til að halda henni erum við til-
búnir,“ segir Guðmundur.
GE
Halldór E Sigurðsson látinn
Halldór E. Sigurðsson, fyrr-
verandi alþingsmaður fyrir
Vesturlandskjördæmi og ráð-
herra lést að kvöldi sunnudags-
ins 25. maí, 87 ára að aldri.
Halldór E. Sigurðsson var
fæddur 9. september 1915 á
Haukabrekku í Fróðárhreppi á
Snæfellsnesi og ólst upp þar og
síðar í Suður-Bár í Eyrarsveit.
Foreldrar hans voru hjónin
Sigurður Eggertsson bóndi og
skipstjóri og Ingibjörg Péturs-
dóttir húsmóðir. Hann stund-
aði nám í Héraðsskólanum £
Reykholti 1935—1937 og í
bændaskólanum á Hvanneyri
1937—1938. Þá var hann
nemandi í Samvinnuskólanum
hluta úr vetri.
Halldór var bóndi á Staðar-
felli á Fellsströnd 1937-1955
og síðan sveitarstjóri í Borgar-
nesi 1955—1969. Við alþingis-
kosningarnar 1956 var hann í
kjöri fyrir Framsóknarflokkinn
í Mýrasýslu og tók sæti á Al-
þingi þá um haustið. Hann var
þingmaður Mýrasýslu 1956—
1959 og þingmaður Vestur-
landskjördæmis 1959—1979,
sat á 27 þingum alls. Arið 1971
tók hann sæti í ríkisstjórn, var
fjármála- og landbúnaðarráð-
herra til 1974 og landbúnaðar-
og samgönguráðherra á árun-
um 1974—1978. Hannvarsíð-
an starfsmaður Búnaðarbanka
íslands 1980—1984.
Halldór E. Sigurðsson tók
alla sína þingmannstíð all mik-
inn þátt í umræðum á Alþingi.
Hugðarefni hans voru land-
búnaðar- og samgöngumál auk
Ijármála ríkisins, þeir mála-
flokkar sem hann tók að sér
síðar í ríkisstjórn. Hann beitti
sér fyrir setningu laga í þágu
bændastéttarinnar og stóð fyrir
bættum samgöngum á lands-
byggðinni, einkum við vega-
og brúargerð.
Fíknicíhamálum fjölgar hjá Borgameslögreglu
Fimm manns hand-
teknir um helgina
Lögreglan í Borgamesi gerði
um síðustu helgi upptækt um-
talsvert magn af fíkniefhum sem
fundust í bifreið. Bifreiðin var
stöðvuð í eftirliti og kom þá í
ljós að ökumaður hennar var
ölvaður. Við leit fannst umtals-
vert magn af Skniefnum í bif-
reiðinni. Fimm manns voru
handteknir og var þeim sleppt
að lokinni yfirheyrslu. Málið
telst upplýst.
Að sögn Theodórs Þórðar-
sonar yfirlögregluþjóns í Borg-
arnesi er sýnileg aukning í flkni-
efnamálum á svæði Borgar-
neslögreglu að undanförnu.
„Það virðist vera um nokkra
aukningu að ræða án þess að um
sé að ræða eitthvert átak af okk-
ar hálfu. Það sem við höfum
hinsvegar gert er að gera sem
flesta af okkar mönnum hæfa til
að vinna að þessum málum. I
svona fámennu lögregluliði
þurfa reyndar allir að geta gert
allt,“segir Theodór.
Theodór segir að í þeim mál-
um sem upp hafi komið að und-
anförnu sé bæði um að ræða
heimafólk og fólk sem sé á leið-
inni í gegnum héraðið. „I flest-
um tilfellum er þetta varsla og
neysta en einnig hefur komið
upp dreyfing og sala og það er
það sem er nýlunda. Það hefur
ekki komið upp áður með jafh
eindregnum hætti og núna að
það sé fíkniefnasala á þessu
svæði.“ GE
Góð útkoma úr könnun Viðskiptaháskólans á Bifröst
Launahækkun
Bifrestinga greiðir upp
skólagjöldin á einu ári
Viðskiptaháskólinn á Bifföst
hefur látið gera könnun á stöðu
og högum nýútskrifaðra nem-
enda skólans. Könnunin var
símakönnun þar sem hringt var í
alla útskrifaða nemendur sl.
fimm ár. Svarhlutfall var
68,2%. Samkvæmt niðurstöð-
um könnunarinnar hefur skól-
inn náð því markmiði sínu að
mennta stjórnendur fyrir at-
vinnulíf og samfélag eftir því
sem segir í fréttatilkynningu.
Þar segir einnig að athyglisvert
sé að í ljósi umræðu um at-
vinnuleysi á meðal viðskipta-
fræðinga að enginn aðspurðra er
atvinnulaus. Þá sé ljóst að
launahækkun sú sem nemendur
fá með sínu námi á Bifröst dugi
til að greiða upp skólagjöld
þeirra fyrir 3 ára nám á fyrsta
starfsári efdr útskrift. Helstu
niðurstöður eru eftirfarandi:
70% nýlega útskrifaðra nem-
enda vinna sem stjórnendur.
80% útskrifaðra voru búnir að
fá vinnu strax við útskrift eða
innan mánaðar frá henni. Fyrir
nám voru 81% nemenda með
laun undir 200 þúsundum, 15 %
voru með laun á bilinu 200-300
þúsund. Eftir nám eru um 4%
með laun undir 200 þúsundum,
47% með laun á bilinu 200-300
þúsund, 41% með laun á bilinu
300-450 þúsund og 7% með
laun yfir 450 þúsund.
SíðastliSinn föstudag var formlega tekin í notkun ný álma við leikskólann
Krílakot í Snœfellsbce en fi-amkvæmdir við stækkunina hófust ílok október s.l.
Athöfnin á fóstudag hófst utandyra í blíðskaparveðri með því að leikskólaböm
sungu nokkur lög. Þá kom Skralli trúður í heimsókn og skemmti gestum áður
en Kristinn Jónasson bæjarstjóri Snæfellsbæjar klippti á tilheyrandi borða með
aðstoð tveggja leikskólabama. Mynd: Smári