Morgunblaðið - 01.05.2019, Side 4

4 FRÉTTIRInnlent
MORGUNBLAÐIÐ MIÐVIKUDAGUR 1. MAÍ 2019
GÆÐI – ÞEKKING – ÞJÓNUSTA
Njóttu þess að hvílast
í hreinum rúmfötum
Við þvoum og pressum rúmfötin
- þú finnur muninn!
Magnús Heimir Jónasson
mhj@mbl.is
Svo virðist sem óprúttnir aðilar séu
að svíkja fé af fólki á íslenskum leigu-
markaði gegnum falsaða Airbnb-
heimasíðu. Morgunblaðið hefur verið
í samskiptum við þrjá aðila sem hafa
orðið fórnarlömb sama svindlsins,
þar af tveir sem töpuðu hundruðum
þúsunda króna.
Meðal þeirra eru vesturíslensk
hjón sem voru í leit að leiguíbúð hér-
lendis. Þau vilja ekki koma fram und-
ir nafni, en í samtali við Morgunblað-
ið segjast þau hafa lagt fram
tryggingu fyrir íbúðinni inn á reikn-
ing sem bar öll ummerki þess um að
vera reikningur á vegum Airbnb.
Hjónin svöruðu auglýsingu fyrir
leiguíbúð á Hringbraut 65 en þau
fundu auglýsinguna á fasteignavef
mbl.is. Póstinum þeirra svaraði kona
sem sagðist heita Urha Polona. Hún
sagðist vera fráskilin einstæð móðir
sem byggi með dóttur sinni í Berlín
og að hún hefði eignast íbúðina við
Hringbraut eftir skilnað. Þar sem
hún væri búsett erlendis vildi hún fá
tryggingu lagða inn á reikning svo
hún gæti ferðast til Íslands og sýnt
hjónunum íbúðina.
Í samtali við Morgunblaðið segir
vesturíslenska konan að þeim hjón-
um hafi fundist þetta tortryggilegt en
þegar hún bauð þeim að borga í gegn-
um Airbnb töldu þau að þetta væri í
lagi. Þeim var sagt að þau gætu hætt
við hvenær sem væri og þá myndi
Airbnb endurgreiða þeim trygg-
inguna. Það sem þau vissu ekki var að
svindlarinn sendi þau á falsaða
Airbnb-síðu sem í fljótu bragði virðist
afar lík alvöruheimasíðu Airbnb.
„Ég var svikin því ég sýndi samúð
með aðstöðu eiganda íbúðarinnar og
var svo ákveðin að finna góða íbúð til
að leigja á viðráðanlegu verði. Ég lét
meira að segja vini og fjölskyldumeð-
limi skoða fölsuðu Airbnb-síðuna og
engum af þeim fannst hún grunsam-
leg heldur. En þremur dögum eftir að
ég millifærði peningana tilkynnti eig-
andi íbúðarinnar mér að íbúðin væri
ekki lengur til leigu því fjölskyldu-
meðlimur ætlaði leigja íbúðina í stað-
inn,“ segir konan í samtali við Morg-
unblaðið. Urha tilkynnti þeim að þau
gætu fengið trygginguna endur-
greidda frá Airbnb eftir eina til tvær
vikur. Hjónunum fannst tímaramm-
inn grunsamlegur þar sem í skilmál-
um Airbnb segir að hægt sé að fá
tryggingu endurgreidda innan
þriggja daga. Við nánari skoðun kom-
ust hjónin að því að um svindl hefði
verið að ræða, heimasíðan væri ekki á
vegum Airbnb og hafa þau ekki feng-
ið fé sitt endurgreitt.
Sama saga – önnur íbúð
Sami einstaklingur, undir nafninu
Urha, reyndi einnig að svíkja fé úr 29
ára gömlum íslenskum karlmanni.
Morgunblaðið fékk send tölvupósts-
amskipti þeirra á milli en þar er sama
saga sögð. Urha segist vera búsett í
Berlín og að hún hafi fengið íbúðina
eftir skilnað við eiginmann sinn Þar
er um að ræða íbúð í Bláhömrum í
Grafarvogi og er óskað eftir 180.000
kr. í tryggingu. Í tölvupósti frá sama
netfangi segir Urha að hún muni skrá
íbúðina á heimasíðu Airbnb og leigj-
andinn geti bókað hana þar.
„Eftir að þú greiðir trygginguna til
Airbnb verður hún í öruggum hönd-
um hjá Airbnb,“ segir í tölvupósti
Urha.
Í tölvupóstinum er tekið fram að
það sé ekki hægt að fá að skoða íbúð-
ina þar sem Urha er í Berlín en þegar
Airbnb hefur staðfest að búið sé að
millifæra trygginguna þá mun hún
fljúga til Íslands og afhenda honum
íbúðina. Íslendingnum sem um ræðir
fannst heldur grunsamlegt að milli-
færa fé án þess að hafa séð íbúðina og
hætti því við að taka hana á leigu.
Pólsk kona að nafni Ada Szuba
segir á Facebook-hópnum „Leiga“ að
hún hafi verið í samskiptum við aðila
undir nafninu Urha Polona og að hún
hafi tapað 400.000 kr. í tryggingarfé
gegnum samskonar svindl. Morgun-
blaðið hafði samband við hana og
staðfestir hún frásögn sína.
Þegar netfangið sem Urha notar
er sett inn í leitarvél Google kemur
það upp sem tengiliður í auglýsingu
fyrir íbúð á leiga.is sem hefur verið
fjarlægð sem og auglýsingu fyrir
Hringbraut 65 á fasteignavef mbl.is
sem einnig hefur verið fjarlægð. Þá
er netfangið einnig skráð fyrir leigu-
íbúðum í Ítalíu. Ekki náðist í tals-
mann Airbnb á Ísland né rannsókn-
ardeild lögreglunnar á höfuð-
borgarsvæðinu við vinnslu þessarar
fréttar þrátt fyrir ítrekaðar tilraunir.
Leigusvindl gegnum falsaða Airbnb-síðu
 Erlendur aðili nýtir sér íslenskan leigumarkað til að svíkja fé af fólki  Auglýsir íbúðir í Reykjavík
 Óskar eftir tryggingafé gegnum falsaða Airbnb-síðu  Fórnarlömb tapað hundruðum þúsunda króna
Falsað Svindlarinn notar heimasíðu
sem er afskaplega lík síðu Airbnb.
stjóri Marels, veitti verðlaununum viðtöku við há-
tíðlega athöfn á Bessastöðum. Við sama tilefni var
Hallfríði Ólafsdóttur, höfundi Maxímús Músíkús,
veitt heiðursviðurkenning fyrir að hafa með starfi
sínu borið hróður Íslands víða um heim og stuðlað
að jákvæðu umtali um land og þjóð.
Útflutningsverðlaun forseta Íslands voru veitt í
31. skipti í gær og að þessu sinni var það Marel
sem hlaut verðlaunin. Árni Oddur Þórðarson, for-
Morgunblaðið/Árni Sæberg
Marel hlaut Útflutningsverðlaun forseta Íslands
Með þéttingu byggðar við Hverfis-
götu er eðlilegt að endurmeta fyrir-
komulag umferðar m.t.t. hraða.
Þetta er mat Daníels Þórs Magn-
ússonar, sjóðsstjóra Fasteignaauðs,
sem er sjóður í umsjón Kviku banka.
Sjóðurinn byggði fjölbýlishús með
38 íbúðum á Hverfisgötu 94-96 en 16
þeirra eru seldar eða fráteknar.
„Samtöl við verðandi íbúa við göt-
una benda til að það sé vilji fyrir því
að setja upp einhvers konar hraða-
hindranir og hægja á umferðinni.
Strætó keyrir oft á tíðum ansi hratt
eftir götunni. Þá eru inngangarnir
aðeins þrjá metra frá götunni. Um-
ferðarhraðinn hlýtur því að verða
endurskoðaður,“ segir Daníel Þór.
Tilefnið er samtal við Sigurborgu
Ósk Haraldsdóttur, formann skipu-
lags- og samgönguráðs, í Morgun-
blaðinu í gær. Sagði hún til skoðunar
að breyta stefnu umferðar á Hverfis-
götu. „Þar verður tvístefna en
spurningin er hvort hún verði aðeins
fyrir almenningssamgöngur eða
bæði almenningssamgöngur og
einkabíla. Það er ekki komið á
hreint,“ segir Sigurborg Ósk.
Fjöldi nýrra íbúða
Mikil uppbygging er nú við
Hverfisgötu og koma vel á annað
hundrað nýjar íbúðir á markað í ár.
Það einkennir íbúðirnar að bíla-
stæði í nýjum bílakjallara fylgir
þeim flestum. Ekið er inn í kjallara
frá Hverfisgötu á Frakkastígsreit,
Brynjureit og Hverfisgötu 94-96 en
frá Vitastíg á Barónsreit.
Daníel Þór rifjar aðspurður upp að
borgin hafi gert kröfu um bílakjall-
ara. Því myndi það skjóta skökku við
að takmarka bílaumferð. Útfæra
þurfi slíkar breytingar vel svo mark-
mið um bílageymslur og akstursleið-
ir stangist ekki á. baldura@mbl.is
Hægt verði á umferðinni
 Nýir íbúar við Hverfisgötu sagðir vilja hraðahindranir
 Borgin gerði kröfu um bílakjallara en vill breyta umferð
Teikning/Onno
Nýjar íbúðir Hverfisgata 94-96.
Vestmannaeyingar þurfa að bíða
enn um óákveðinn tíma eftir að
mjaldrasysturnar Litla-Grá og
Litla-Hvít muni koma til Eyja. Enn
er stefnt að því að flytja dýrin
hingað til lands í lok maí eða byrj-
un júní.
Mjaldrarnir, sem koma í sér-
útbúinni flutningavél frá Sjanghæ,
áttu upphaflega að koma hingað
til lands 16. apríl. Því var frestað
vegna veðurs og lokunar Land-
eyjahafnar, en ekki er talið treyst-
andi að leggja þriggja tíma sigl-
ingu á dýrin frá Þorlákshöfn. Ekki
er komin ný dagsetning á flutn-
inginn.
Þegar mjaldrarnir loks koma til
Eyja verður þeim að endingu kom-
ið fyrir í Klettsvík þar sem að-
stæður verða tryggðar sem eru
mun líkari náttúrulegum heim-
kynnum þeirra en steypukerin í
skemmtigarðinum í Sjanghæ þar
sem þeir hafa dvalið.
Enn óvíst hvenær
mjaldrarnir munu
loks koma til Eyja
Mjaldrarnir Dýrin sem munu flytjast til
Eyja nefnast Litla-Hvít og Litla-Grá.