Morgunblaðið - 08.06.2019, Blaðsíða 12

12 FRÉTTIRInnlent
MORGUNBLAÐIÐ LAUGARDAGUR 8. JÚNÍ 2019
Rósa Margrét Tryggvadóttir
rosa@mbl.is
Miklar veðuröfgar hafa verið á land-
inu síðastliðnar vikur. Á sama tíma
og sumarblíða hefur glatt íbúa höf-
uðborgarsvæðisins hefur kuldatíð
verið á Austurlandi með næturfrosti
og illfærum fjallvegum. Einar Svein-
björnsson, veðurfræðingur, ók um
miðja síðustu viku fram á bifreið
fasta í skafli á Mjóafjarðarheiði.
Segir Einar hitann hafa verið í
kringum frostmark á fjallvegum á
austurhluta landsins.
Von um hlýnandi veður
„Það hefur í raun bara verið vetr-
arástand þarna efst á þessum vegum
með skafrenningi,“ segir Einar en
bætir við að hann sé bjartsýnn um
skánandi og hlýnandi veður á Aust-
urlandi. „Þetta eru svona lokahryðj-
urnar í þessu sem verða framan af
hvítasunnuhelginni. Svo tæmist
þessi kuldapollur sem hefur verið
þarna yfir,“ segir Einar. Hann segir
ástandið ekki endilega óeðlilegt og
bendir á að vorhret af þessu tagi geri
reglulega þó það sé ekki á hverju ári.
„Það sem er sérstakt núna er að það
er búið að gera vorleysingu í apríl og
búið að taka upp allan snjó. Til dæm-
is var búið að ryðja veginn yfir Mjóa-
fjarðarheiði fyrir páska. Síðan gerir
þetta kuldahret.“
Jón Björgvin Vernharðsson, bóndi
á Teigaseli 2 í Jökuldal, segir gróður
á svæðinu hafa sloppið ágætlega og
þakkar það hlýindum í apríl. Verra
segir hann að sé með gróður ofar í
Jökuldalnum þar sem meira hefur
verið um næturfrost og lítið um úr-
komu. Þar segir Jón gróður vera far-
inn að sölna.
„Þetta er afskaplega sérstakt.
Maður fór í fjárhúsin mjög létt-
klæddur allan apríl en kappbúinn
nánast hvern einasta dag frá 10. maí
og þar til núna,“ segir Jón sem
gleðst þó yfir að hafa séð til sólar síð-
ustu daga.
Meiri sól nú en allan júní í fyrra
Þveröfugt er því farið á Suður- og
Vesturlandi en Einar Sveinbjörns-
son segir sólskinstundirnar í
Reykjavík á fyrstu sex dögum í júní
vera orðnar níutíu talsins Það gerir
að jafnaði fimmtán klukkustundir á
dag. „Það má segja að sólin hafi
skinið látlaust í júní og reyndar leng-
ur ef við tökum síðustu dagana í
maí,“ segir Einar og bætir við að á
sama tíma í fyrra hafi lítið sést til
sólar. Allan júnímánuð í fyrra mæld-
ust aðeins sjötíu sólskinsstundir í
Reykjavík, eða um tvær klukku-
stundir á dag. Því eru sólarstund-
irnar nú þegar orðnar fleiri en allan
júní í fyrra. Einar bendir íbúum sól-
armegin á landinu á að mikið sé enn
eftir af sumrinu og lítið hægt að
segja til um hversu lengi veðurblíðan
vari. „Það er bara um að gera að
njóta þessara daga,“ segir Einar.
Morgunblaðið/Árni Sæberg
Sumarblíða Íbúar höfuðborgarsvæðisins nýta aðstöðuna í Nauthólsvík vel á sólríkum sumardögum sem hafa verið
tíðir það sem af er ári. Sólarstundirnar fyrstu dagana í júní eru þegar orðnar fleiri en allan júní í fyrra.
Morgunblaðið/Valli
Sólbað Fólk snæðir úti og nýtur sólar í miðbæ Reykjavíkur. Mikið er enn
eftir af sumrinu og lítið hægt að segja til um hversu lengi veðurblíðan varir.
Sumar í Reykjavík en vetur á Austurlandi
 Fleiri sólarstundir í Reykjavík það sem af er júní heldur en allan júní í fyrra  Sölnandi gróður á
Austurlandi  Hlýnar um austanvert landið eftir helgi  „Þetta eru svona lokahryðjurnar í þessu“
Ljósmynd/Einar Sveinbjörnsson
Snjór Vegagerðin þurfti að aðstoða bíl sem hafði fest í skafli á Mjóafjarðarheiði í síðustu viku
Allt um sjávarútveg
GIMLI fasteignasala / Grensásvegi 13, 108 Rvk. / s 570 4800 / gimli@gimli.is
www.gimli.is
Við vitum hvað þín
eign kostar
Stórlæsileg íbúð með sjávarútsýni við Þorragötu 7 með bílskúr. Í húsinu er húsvörður. Fjögurra hæða
lyftuhús fyrir 63 ára og eldri. Stórar svalir, yfirbyggðar að hálfu. Frábært útsýni. Í sameign er veislu-
salur til afnota fyrir íbúa. Sérgeymsla íbúðar á jarðhæð.
Lágmúla 4 – 108 Reykjavík – Sími 569 7000 – miklaborg@miklaborg.is
Allar nánari upplýsingar gefa Friðrik Þ. Stefánsson
Hdl og aðstoðarmaður fast.sala í s. 616 1313
eða fridrik@miklaborg.is eða Ólafur Finnbogason
löggiltur fasteignasali í síma 822 2307 eða
olafur@miklaborg.is
Þorragata 7, íbúð 203 í Reykjavík
Opið hús þriðjudaginn 11. júní kl. 17-17.30
Op
ið
hú
s