Morgunblaðið - 08.06.2019, Qupperneq 27

UMRÆÐAN 27
MORGUNBLAÐIÐ LAUGARDAGUR 8. JÚNÍ 2019
Hannes Hlífar Stefánssoner skákmeistari Íslands2019 eftir spennandilokaumferð opna Ís-
landsmótsins sem fram fór við góð-
ar aðstæður í menningarhúsinu
Hofi á Akureyri. Er síðasta umferð
rann upp var Hannes hálfum vinn-
ingi á eftir Héðni Steingrímssyni og
jafn Guðmundi Kjartanssyni og
Jóni Viktori Gunnarssyni. Hannes
vann Jón Viktor í lokaumferðinni en
á sama tíma tapaði Héðinn fyrir
Tiger Hillarp Persson og Guð-
mundur fyrir Ivan Sokolov. Er-
lendu skákmennirnir réðu því miklu
um úrslit mótsins en afrek Hannes-
ar er magnað. Hann varð Íslands-
meistari í þrettánda sinn.
Eftir mótið stendur samt eftir
spurningin hvort verið sé að gjald-
fella Íslandsmeistaratitilinn með
þessu keppnisfyrirkomulagi. Hann-
es tefldi ekki við Héðin og einungis
við þrjá íslenska skákmenn með yfir
2.300 Elo-stig og hlaut 1½ vinning
úr þeim skákum. Héðinn tefldi við
tvo íslenska skákmenn með meira
en 2.300 Elo-stig. Til samanburðar
má geta þess að Guðmundur Gísla-
son, sem varð í 7. sæti, hlaut 3½
vinning úr fimm skákum gegn stór-
meisturum; vann Héðin, Helga Ás
og Þröst Þórhallsson.
Efstu menn urðu: 1. Ivan Soko-
lov 7½ v. (af 9) 2.-3. Hannes Hlífar
Stefánsson og Tiger Hillarp Pers-
son 7 v. 4.-6. Bragi Þorfinnsson,
Héðinn Steingrímsson og Justin
Sarkar 6½ v. 7.-9. Guðmundur
Gíslason, Guðmundur Kjartansson
og Jón Viktor Gunnarsson 6 v.
Lenka Ptacnikova hlaut flesta
vinninga kvenna en hún fékk 5
vinninga og er því Íslandsmeistari
kvenna 2019.
Opna Íslandsmótið var hápunkt-
urinn á afmælisári Skákfélags
Akureyrar og eiga formaður félags-
ins, Áskell Örn Kárason, og félagar
hans í SA heiður skilinn fyrir þétta
dagskrá allt afmælisárið.
Hannes Hlífar tefldi við Jón Vikt-
or í lokaumferðinni og voru þeir þá
jafnir að vinningum:
Opna Íslandsmótið; 9. umferð:
Hannes Hlífar Stefánsson – Jón
Viktor Gunnarsson
Móttekið drottningarbragð
1. d4 d5 2. c4 dxc4 3. Rf3 Rf6 4.
e3 e6 5. Bxc4 c5 6. 0-0 Rc6 7. a3
cxd4 8. exd4 Be7 9. Rc3 0-0 10.
He1 Rd5 11. Dd3 Rxc3
Traustari leið er 11. … Bf6
ásamt Rce7.
12. bxc3 b6 13. h4!
Byggist á hugmyndinni 13. …
Bxh4?? 14. De4! og vinnur mann.
13. … Bb7 14. Rg5 Bxg5 15.
Bxg5 Dd6 16. Ba2 Kh8 17. Had1
Hae8?
Leikið án áætlunar en það er
erfitt að finna mótspil.
18. h5 h6 19. Bh4 Ra5 20. c4 f5
21. Bg3 Dd8 22. d5 exd5 23. cxd5
Dd7 24. He6!
Svartur þolir ekki uppskipti á e6
og kóngsstaðan er í molum.
24. … Df7 25. Bd6 Hg8 26. De2
Bc8 27. He7 Ba6
Afleikur í tímaþröng en staðan
var töpuð.
28. Dxa6 Hxe7 29. Bxe7 Dxe7 30.
d6 Dd7 31. Bxg8 Kxg8 32. De2 Rb7
33. Dc4+
– og svartur gafst upp.
Breytingar á Íslandsmóti skák-
félaga
Stjórn SÍ ákvað að halda aðal-
fund sinn samhliða Íslandsmótinu,
sem þýddi að mun færri sóttu fund-
inn en venjulega. Ein niðurstaðan
var samþykkt ellefu fulltrúa á laga-
breytingu varðandi Íslandsmót
skákfélaga í þá veru að tímabilið
2020-21 yrði tekin upp sex liða úr-
valsdeild. Upphaflega hugmyndin
var sú að útiloka b-lið frá keppn-
inni, en á fundinum voru auðvitað
samþykktar breytingartillögur þess
efnis að b-lið yrðu leyfð, og að
keppendur í hverju liði væru sex
talsins, sem mun þýða að 36 skák-
menn sitja að tafli í efstu deild í
stað 80 áður. Allt þetta klastur er
ekki líklegt til að bæta Íslandsmót
skákfélaga.
Hannes Hlífar
Íslandsmeistari
í þrettánda sinn
Skák
Helgi Ólafsson
helol@simnet.is
Morgunblaðið/Sigurður Arnarson
Íslandsmeistarar Anna Jóhanna Guðmundsdóttir, frá styrktaraðilanum
GA smíðajárni, afhenti Hannesi Hlífari og Lenku Ptacnikovu verðlaunin.
Frá því að Vaðla-
heiðargöng voru opnuð
hefur umferðin um
Vaðlaheiði aukist um
tæp 7% frá 2018. 83%
allrar umferðar hafa
farið um Vaðlaheið-
argöng en gert er ráð
fyrir að það hlutfall
lækki í sumar.
Í upphafi voru tveir
verðflokkar og miðað
við eigin þyngd ökutækja. Léttur
flokkur var fyrir bíla að 3,5 tonnum
og þungur flokkur fyrir bíla yfir 3,5
tonnum. Eftir ábendingu frá Sam-
göngustofu þess efnis að ekki mætti
miða við eigin þyngd og að hámarks-
afsláttur ökutækja yfir 3,5 tonnum
væri 13% var verðflokkum fjölgað og
búinn til milliflokkur fyrir bíla frá
3,5 tonnum til 7,5 tonna. Í þann flokk
falla stórir jeppar, húsbílar, litlar
rútur og fleiri ökutæki.
Frá upphafi hefur verið frítt fyrir
mótorhjól og aftanívagna um Vaðla-
heiðargöng.
Raftákn verkfræðistofa og Stefna
hugbúnaðarhús ásamt stjórnendum
Vaðlaheiðarganga hönnuðu gjald-
tökukerfið Veggjald.is fyrir Vaðla-
heiðargöng. Nokkur erlend kerfi
voru skoðuð en að lokum ákveðið að
hanna nýtt kerfi þar sem sjálfvirkni
var höfð að leiðarljósi. Ekki þarf að
stoppa við göngin til að greiða held-
ur hægt að ganga frá greiðslu á net-
inu hvar sem er og hvenær sem er
áður en ekið er í gegn. Samskipti við
ökutækjaskrá, kortafyrirtæki og
banka eru sjálfvirk. Einnig er mögu-
legt að tengja kerfið við önnur kerfi,
t.d. hjá bílaleigum. Öll sala og um-
sjón fer fram á netinu í gegnum
heimasíðu og snjallsímaforrit.
Veggjald.is er kerfi sem hægt er
að nota við innheimtu gjalda fyrir
margskonar þjónustu þar sem um-
ráðamaður bíls er greiðandi þjónust-
unnar. T.d. fyrir afnot af vegum,
brúm, göngum, bílastæðum, tjald-
stæðum, hleðslustöðvum, þvotta-
plönum eða hverju sem er þar sem
hægt er að lesa bílnúmer.
Þegar viðskiptavinur
skráir sig á Veggja-
ld.is, sér að kostn-
aðarlausu, gefur hann
upp netfang og korta-
númer. Í hvert sinn
sem hann nýtir þjón-
ustu þar sem hans bíl-
númer er lesið er
greiðsla tekin af upp-
gefnu korti og tölvu-
póstur sendur á upp-
gefið netfang varðandi
þjónustuna sem var
keypt.
Hægt er að velja við skráningu á
Veggjald.is hvort aðgangurinn á að
renna út eftir ákv. tíma og þá hve-
nær. Þetta hentar sérstaklega þeim
sem eru á bílaleigubílum. Þeir setja
þá inn við stofnun aðgangs loka-
dagsetningu þannig að samning-
urinn rennur út sama dag og þeir
skila bílnum. Ef eitthvað breytist
getur samningshafi breytt samn-
ingstímanum eins og honum hentar.
Vaðlaheiðargöng hafa gert samn-
inga við flestar bílaleigur, sem ein-
faldar innheimtu gjalda af erlendum
ferðamönnum. Einnig hefur verið
gerður samningur við skrifstofu í
London sem sér um að innheimta
gjöld af umráðamönnum bíla á er-
lendum númerum sem ekki greiða í
göngin. Sama skrifstofa sér um þessi
mál fyrir t.d. Norðmenn og Fær-
eyinga.
Sjálfvirkni í innheimtu gjalda og
einföld heimasíða þar sem viðskipta-
vinir afgreiða sig sjálfir heldur
rekstrarkostnaði niðri og stuðlar
þannig að því að göngin verði greidd
upp hraðar en ella.
Vaðlaheiðargöng –
Veggjald.is
Eftir Karl
Ingimarsson
» Frá því að Vaðla-
heiðargöng voru
opnuð hefur umferðin
um Vaðlaheiði aukist
um tæp 7% frá 2018.
Karl Ingimarsson
Höfundur er rafmagnstækni-
fræðingur hjá verkfræðistofunni
Raftákni og ráðgjafi Vaðlaheiðar-
ganga í gjaldtökumálum.
karl@raftakn.is
Jón Kjartansson fæddist 5.
júní 1917 á Siglufirði. For-
eldrar hans voru hjónin Kjart-
an Jónsson og Jónína Tómas-
dóttir.
Jón var bæjarstjóri á Siglu-
firði 1949-1958 og hafði áður
m.a. verið verkstjóri hjá Síld-
arverksmiðjum ríkisins þar,
umboðsmaður Samvinnu-
trygginga, Flugfélags Íslands
og fleiri félaga og rekið eigin
söltunarstöð og útgerð.
Jón var forstjóri Áfengis-
verslunar ríkisins í Reykjavík
1957-1961 og forstjóri ÁTVR
frá 1961 til æviloka.
Jón var alþingismaður
Norðurlands vestra 1969-1971
fyrir Framsóknarflokkinn.
Hann sat í stjórn Síldarverk-
smiðja ríkisins 1947-1985, var
vararæðismaður Finnlands á
Norðurlandi 1953-1957, aðal-
ræðismaður á Íslandi 1965-
1968 og formaður stjórnar-
nefndar Hjálparstofnunar
kirkjunnar 1969-1979. Hann
sat í stjórn Aðstoðar Íslands
við þróunarlöndin, síðar Þró-
unarsamvinnustofnunar Ís-
lands, 1971-1985 og var endur-
skoðandi Útvegsbankans frá
1971.
Eiginkona Jóns var Þórný
Þuríður Tómasdóttir, þau
eignuðust fjögur börn.
Jón lést 21.11. 1985.
Merkir Íslendingar
Jón
Kjartansson
8., 9.,10.-júní
skoðið úrvalið á facebook
HVÍTASUNNU TILBOÐ
Þú getur pantað í gegnum Facebook síðu
okkar og fengið sent hvert á land sem er.
OPIÐ ALLAHVÍTASUNNUHELGINA
40%
afsláttur
af völdum skóm*
Opið: laugardag frá 10-18 – sunnudag frá 11-17 – mánudag frá 11 -17
SixMix 17766 black
Stærðir: 36-42
Verð: 19.990.-
Nú: 11.994.-
SixMix 16935 wine
Stærðir: 36-42
Verð: 14.990.-
Nú: 8.994.-
Piano 17760 rose
Stærðir: 36-42
Verð: 16.990.-
Nú: 10.194.-
Piano 177665 zinco
Stærðir: 36-42
Verð: 15.990.-
Nú: 9.594.-
SixMix 2403 white
Stærðir: 36-41
Verð: 13.990.-
Nú: 8.349.-
SixMix 2423 zinco
Stærðir: 36-41
Verð: 13.990.-
Nú: 8.349.-
SixMix 1058 red
Stærðir: 36-42
Verð: 14.995.-
Nú: 8.997.-
SixMix 1776 red
Stærðir: 37-40
Verð: 19.995.-
Nú: 11.997-
SixMix 1996 grey
Stærðir: 36-41
Verð: 16.995.-
Nú: 10.197.-
SixMix 17837 black
Stærðir: 36-41
Verð: 19.995.-
Nú: 11.997.-
*Fleiri tegundir af skóm á afslætti má
sjá á Facebook og í búðinni.
Nú finnur
þú það sem
þú leitar að
á FINNA.is