Morgunblaðið - 06.07.2019, Page 6

6 FRÉTTIRInnlent
MORGUNBLAÐIÐ LAUGARDAGUR 6. JÚLÍ 2019
sp
ör
eh
f.
Sumar 23
Þessi glæsilega ferð byrjar í frönsku Ölpunum í fjallabænum
fræga Chamonix.Við förum til bíllausa bæjarins Zermatt og
bæjarins Stresa við vatnið Lago Maggiore en staðsetning
vatnsins hefur allt frá 18. öld laðað að ferðamenn. Þaðan
verður m.a. farið í siglingu til eyjaperlunnar Isola Bella og þar
skoðuð dásamleg höll í miðjum, stórglæsilegum lystigarði.
19. - 28. ágúst
Fararstjórn: Inga Ragnarsdóttir
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 Reykjavík
Verð: 274.900 kr. á mann í tvíbýli. ÖRFÁ SÆTI LAUS
Mjög mikið innifalið!
Chamonix, Zermatt&Stresa
Ásgeir Pétursson, fyrrverandi sýslumaður í Mýra- og
Borgarfjarðarsýslu og bæjarfógeti í Kópavogi, var
jarðsunginn í Langholtskirkju í gær. Ásgeir var fædd-
ur 21. mars 1922 í Reykjavík en lést 24. júní sl. Kistu-
berar voru frá vinstri: Andrés Pétur Rúnarsson, Auður
Árný Ólafsdóttir, Ásgeir Pétursson, Ásgeir Þórðarson,
Pétur Ásgeirsson, Sigrún Ólafsdóttir, Magnús Pét-
ursson og Þórður Kristinsson.
Morgunblaðið/Kristinn Magnússon
Ásgeir Pétursson jarðsettur
Útför Ásgeirs Péturssonar í Langholtskirkju
Kristján H. Johannessen
Þorgerður Anna Gunnarsdóttir
Þór Steinarsson
„Mörkin voru skýr þegar borgin sjálf
gerði skýrslu árið 2016, en þá var þetta
svæði innan Elliðaárdals. Það getur
varla margt hafa breyst frá þeim tíma
sem þessi skýrsla var unnin,“ segir Ey-
þór Laxdal Arnalds, oddviti Sjálfstæð-
isflokksins, í samtali við Morgunblaðið.
Vísar hann í máli sínu til nýsam-
þykkts deiliskipulags Stekkjarbakka
Þ73, sem tilheyrir Elliðaárdal. Í því
felst uppbygging á lóð sem spannar um
43 þúsund fermetra og er þar gert ráð
fyrir bílastæðum, gróðurhvelfingu og
verslunarrými. Í samtali við Morgun-
blaðið í gær sagði Þórdís Lóa Þórhalls-
dóttir, oddviti Viðreisnar, skipulagið
„alls ekki“ ná inn í skilgreint svæði El-
liðaárdals. Eyþór segir þá fullyrðingu
borgarfulltrúans einfaldlega vera
ranga.
„Við höfum lagt áherslu á að nauð-
synlegt sé að friðlýsa dalinn og að
mörkin séu öllum skýr. Það er ekki nóg
að friða árfarveginn því hann hefur í
sjálfu sér ríka vernd og óþarfi að friða
hann frekar. Það er aftur á móti græna
svæðið sem þarfnast greinilegrar
verndar – enda er hér um að ræða 43
þúsund fermetra rask sem er mun
meira en það sem fylgdi Kringlunni
þegar hún var byggð á sínum tíma,“
segir Eyþór.
Sumarfrí nýtt til að klára málið
Þá segir Eyþór mál þetta allt unnið
með öfugum hætti. „Fyrst á að klára
deiliskipulagið, sem aldrei hefur verið
klárað, svo á að tryggja vernd, sem enn
hefur ekki verið tryggð, og því næst
þarf að svara þeim álitamálum sem
upp hafa komið. Að endingu er svo
hægt að velta því upp hvort úthluta eigi
einhverju svæði til atvinnustarfsemi
eða ekki. Hér er aftur á móti byrjað á
öfugum enda, úthlutað fyrst og ákveðið
að byggja en á sama tíma er allt annað
skilið eftir óklárað,“ segir hann.
Fjölmargar neikvæðar umsóknir
hafa borist vegna deiliskipulagsins.
Eyþór segir þennan mikla fjölda nei-
kvæðra umsagna hafa leitt til þess að
málið var afgreitt á þeim tíma sem það
var gert, þ.e. á meðan borgarstjórn er í
sumarfríi. „Það er nú eitt af því sem við
höfum gagnrýnt, en með því að af-
greiða þetta í borgarráði er komið í veg
fyrir umræðu og þar hefur enginn í
minnihlutanum rétt til atkvæðis nema
Sjálfstæðisflokkurinn. Það má því
segja að viðbrögðin við þessum at-
hugasemdum séu þau að fara inn í her-
bergi borgarráðs og læsa þar hurð-
um.“
„Þetta er þeirra taktur“
Kolbrún Baldursdóttir, oddviti
Flokks fólksins, segir mál sem þetta
eiga að fara í borgarstjórn þar sem
hægt er að ræða það fyrir opnum tjöld-
um. „En þetta er þeirra taktur, að læð-
ast með hlutina og keyra þá í gegn,“
segir hún og heldur áfram:
„Mér snöggbrá þegar skyndilega
átti að greiða um þetta atkvæði á fundi
borgarráðs. Svo var bara atkvæða-
greiðsla og þau eru með meirihlutann
svo þarna er bara allt klárt. Maður
verður alveg máttlaus.“
Þá segist Kolbrún vera algjörlega á
móti þessari hugmynd og að málið sé
of stórt til að fara ekki í íbúakosningu.
„Um þetta verður aldrei friður nema
að haft verði fullt samráð við áhuga-
hópa, hagsmunahópa og aðra sem óska
eftir að hafa skoðun á málinu,“ segir
hún enn fremur.
Sanna Magdalena Mörtudóttir, odd-
viti Sósíalistaflokks Íslands, undrast
mjög afgreiðslu þessa máls. „Þetta er
samþykkt í borgarráði og þó borgar-
ráð fari með heimildir borgarstjórnar
þegar sumarleyfi eru í gildi þá eru ekki
allir fulltrúar borgarráðs með sömu
heimildir og þeir hafa í borgarstjórn.
Þar geta allir kosið um málin, en við
sósíalistar erum bara með áheyrn í
borgarráði auk þess sem þeir fundir
eru haldnir fyrir luktum dyrum. Að
mínu mati hefði verið betra að fá þessa
umræðu inn í borgarstjórn,“ segir
Sanna og heldur áfram: „Það þarf að
afgreiða þetta mál með miklu betri
hætti og meiri umræðu, þetta er gert í
mikilli andstöðu við mjög marga. El-
liðaárdalur er svo falleg náttúruperla
og maður veltir því fyrir sér hvernig
þetta muni eiginlega líta út. Svona lífg-
ar varla upp á náttúruna.“
Úr takti við allan raunveruleika
Vigdís Hauksdóttir, borgarfulltrúi
Miðflokksins, segir exótískar hug-
myndir meirihlutans í Reykjavíkur-
borg vera úr takti við allan raunveru-
leika og svo virðist sem fulltrúa
meirihlutans langi að búa annars stað-
ar en á Íslandi.
„Ég fordæmi þetta náttúrlega. Það
er alltaf verið að tala um að við þurfum
að gera betur í umhverfismálum og
hlífa náttúrunni en svo er farið að stað
með þetta verkefni. Maður áttar sig
ekki á því hvert meirihlutinn er að
fara,“ segir Vigdís í samtali við mbl.is
og bætir við: „Þetta virkar eins og tví-
höfða þurs. Það er talað um að friða
náttúruna og gera betur í umhverfis-
málum en svo er þetta samþykkt.
Þetta er í anda þessarar þrengingar-
stefnu sem meirihlutinn stendur fyrir,
að útrýma grænum svæðum í borg-
inni.“
Hún segir aðgerðir meirihlutans al-
gjörlega stangast á við loforð hans.
Kýlt í gegn á lokuðum fundi fárra
 Meiri röskun en fylgdi framkvæmdum við Kringluna á sínum tíma, segir borgarfulltrúi  Maður
verður alveg máttlaus, segir annar borgarfulltrúi  Umræðan sögð eiga heima inni í borgarstjórn
Morgunblaðið/Árni Sæberg
Deiliskipulag Uppbygging mun eiga sér stað innan ljósbláu línanna
Elliðaárdalur Hér má sjá svæðið þar sem fyrir-
hugaðar breytingar muni eiga sér stað. Hægra
megin á myndinni má sjá Árbæjarsafn í fjarska.