Morgunblaðið - 12.07.2019, Síða 13

FRÉTTIR 13Erlent
MORGUNBLAÐIÐ FÖSTUDAGUR 12. JÚLÍ 2019
Fagmennska og þjónusta
ASSA ABLOY á heima hjá okkur
- Lyklasmíði og vörur
SKÚTUVOGI 1C | 104 REYKJAVÍK | SÍMI 550 8500 | WWW.VV.IS
Stefán Gunnar Sveinsson
sgs@mbl.is
Bresk stjórnvöld sökuðu Írani í gær
um að hafa reynt að „tálma“ för
bresks risaolíuflutningaskips um
Hormuz-sundið við Persaflóa í gær-
morgun, en breskt herskip kom í veg
fyrir aðgerðir Írana.
Talsmaður byltingarvarðarins,
sérsveita Írans, hafnaði því að hann
hefði átt átt hlut að máli, en varaði
Breta og Bandaríkjamenn við alvar-
legum afleiðingum þess að íranskt
olíuflutningaskip var stöðvað við Gí-
braltar í síðustu viku, en það var sagt
á leiðinni með hráolíu til Sýrlands.
Samkvæmt lýsingu breska
varnarmálaráðuneytisins reyndu
þrír íranskir hraðbátar að koma í
veg fyrir að breska skipið kæmist í
gegnum Hormuz-sund, og hefðu þeir
fyrst reynt að stöðva skipið og síðan
neyða það að ströndum Írans. Frei-
gátan HMS Montrose staðsetti sig
þá á milli olíuflutningaskipsins og
hraðbátanna og varaði Íranina við
frekari aðgerðum af þeirra hálfu.
Aðgerðin veldur áhyggjum
Talsmaður Theresu May, for-
sætisráðherra Breta, sagði að að-
gerðir Írana í gærmorgun yllu
áhyggjum og hvatti hann Írana til að
draga úr spennu við Persaflóa.
Breska dagblaðið Times greindi frá
því í gær að til umræðu væri í bresku
ríkisstjórninni að senda frekari her-
skip til flóans í kjölfar atviksins.
Donald Trump Bandaríkjaforseti
tilkynnti í kjölfar atviksins við Hor-
muz-sund að refsiaðgerðir Banda-
ríkjanna gegn Írönum yrðu brátt
hertar. Þá ræddi Trump í síma við
Benjamín Netanyahu, forsætisráð-
herra Ísraels, um aðgerðir Írana.
Mark Milley, hershöfðingi og for-
maður herráðs Bandaríkjanna, sagði
í gær að til umræðu væri að veita ol-
íuskipum sem sigla um Persaflóa
vopnaða fylgd í ljósi atburða gær-
dagsins. Myndu Bandaríkjamenn
standa að fylgdinni ásamt banda-
mönnum sínum.
Tálmuðu för bresks skips
 Bandaríkjamenn íhuga að veita olíuskipum vopnaða fylgd um Persaflóa
AFP
Deila Íranska olíuflutningaskipið
sem stöðvað var við Gíbraltar.
Þessi krúttlegi krókódíll var til sýnis í gær ásamt
bræðrum sínum og systrum í Biotropica-dýragarðinum
í Val-de-Reuil. Hann tilheyrir tegund vesturafrískra
mjótrýnunga, en tegundin er sögð í alvarlegri útrým-
ingarhættu. Mjótrýningurinn verður fullþroska á um
það bil 10-15 árum og verður allt að 4 metra langur.
AFP
Teygist úr unglingunum með aldrinum
Bandaríski þing-
maðurinn Alex-
andria Ocasio-
Cortez var kærð
í gær fyrir að
hafa „blokkað“
aðgang manna
að Twitter-
reikningi sínum,
en fyrr í vikunni
féll dómur gegn
Donald Trump
Bandaríkjaforseta, þar sem sagði
að honum væri meinað að loka á
aðgang fólks, þar sem hann hefði
í raun búið til opinberan um-
ræðuvettvang um embættis-
færslur sínar á Twitter-síðu
sinni. Trump gæti því ekki úti-
lokað suma notendur frá þeim
vettvangi á grundvelli gagn-
stæðra skoðana.
Kærendur segja að í ljósi þess
dóms sé komið fordæmi sem eigi
við um alla stjórnmálamenn.
Ocasio-Cortez hefur ekki tjáð sig
um kæruna, en hún er með 4,7
milljón fylgjendur á Twitter.
Ocasio-Cortez kærð
fyrir að „blokka“
Alexandria
Ocasio-Cortez
BANDARÍKIN
Helle Petersen, móðir Louisu
Vesterager Jespersen, danska
ferðalangsins sem var myrt og af-
höfðuð ásamt hinni norsku Maren
Ueland í fyrra, krafðist þess fyrir
rétti að morðingjar dóttur sinnar
yrðu dæmdir til dauða. Sagði
meðal annars í bréfi sem lögfræð-
ingur hennar las upp fyrir dóm-
stólinn í málinu að líf Petersen
hefði verið eyðilagt frá þeirri
stundu sem hún frétti af örlögum
dóttur sinnar.
Saksóknarar hafa þegar krafist
dauðarefsingar á þeim þremur
sem myrtu konurnar, en þær voru
á bakpokaferðalagi um Atlasfjöll
í desember síðastliðnum. Þá hafa
saksóknarar krafist allt að lífs-
tíðarfangelsis fyrir vitorðsmenn
morðingjanna þriggja, en þeir
eru 21 talsins. Þó að dauðarefsing
sé enn heimil í Marokkó hefur
enginn verið tekinn af lífi í land-
inu frá árinu 1993.
Krefst dauðadóms
yfir morðingjunum
MAROKKÓ
Bandaríkjastjórn kynnti í gær nýjar
refsiaðgerðir gegn stjórnvöldum í
Venesúela, og beinast hinar nýju að-
gerðir að gagnnjósnastofnun ven-
esúelska hersins. Saka Bandaríkja-
menn stofnunina um að hafa staðið
að morðum og pyntingum á föngum
sínum.
Steven Mnuchin, fjármálaráð-
herra Bandaríkjanna, sagði í gær að
aðgerðirnar væru settar á í kjölfar
þess að sjóliðsforinginn Rafael
Acosta lést í haldi stjórnvalda í síð-
asta mánuði, átta dögum eftir að
hann var handtekinn. Sagði í til-
kynningu fjármálaráðuneytisins að
þegar Acosta hefði birst fyrir rétti
hefði hann verið blóðugur, í hjólastól
og ófær um að tjá sig. Ríkissaksókn-
ari Venesúela hefur þegar ákært tvo
embættismenn gagnnjósnastofnun-
arinnar fyrir morð vegna málsins, en
stjórnvöld í Bandaríkjunum segja
það einungis eitt af mörgum dæmum
um þá grimmd sem útsendarar
hennar sýni pólitískum andstæðing-
um stjórnvalda í Venesúela.
Michelle Bachelet, mannréttinda-
fulltrúi Sameinuðu þjóðanna, kynnti
skýrslu um pyntingar stjórnvalda í
Venesúela í síðustu viku og sagði þá
meðal annars að sér hefði brugðið
við ásakanirnar um að andlát Acosta
hefði orsakast af illri meðferð hans í
haldi.
Í skýrslunni voru tíundaðar ýmsar
ásakanir á hendur stjórnvöldum í
Venesúela og áætlar mannréttinda-
ráð Sameinuðu þjóðanna að um 7.000
manns hafi látið lífið á síðustu 18
mánuðum í Venesúela.
Refsa fyrir pynt-
ingar stjórnvalda
 Tveir ákærðir
fyrir að myrða
Rafael Acosta
AFP
Mótmæli Ástandið þykir ótryggt í
Venesúela og eru mótmæli algeng.
Sjö létust og að minnsta kosti 23
urðu fyrir áverkum þegar ofsaveður
gekk yfir Halkidiki-skaga Grikk-
lands, en hann hefur verið vinsæll
áfangastaður ferðamanna. Tvö börn
voru á meðal ferðamannanna sem
létust, en þeir voru frá Tékklandi,
Rússlandi og Rúmeníu. Þá fannst lík
sjómanns í hafinu, en ekkert hafði
spurst til hans síðan í fyrradag.
Óveðrinu fylgdu þrumur og eld-
ingar og olli stormurinn ofsahræðslu
meðal fjölda fólks, en vindhraðinn
náði tæplega 28 metrum á sekúndu.
Stormurinn varði einungis í um tutt-
ugu mínútur samkvæmt frásögnum
sjónarvotta en náði á þeim tíma að
rífa upp tré með rótum, velta bifreið-
um og valda aurskriðum. Rafmagns-
laust er nú á skaganum og mun taka
að minnsta kosti tvo daga að koma
því aftur á samkvæmt grískum
stjórnvöldum. Hafa þau lýst yfir
neyðarástandi á skaganum, en helsti
þjóðvegurinn þangað skemmdist í
storminum.
Sex ferða-
menn látnir
eftir óveður
 Neyðarástandi lýst
yfir í Grikklandi