Morgunblaðið - 16.07.2019, Síða 1

Árlegur kostnaður heimila hér á
landi vegna húsnæðis (að undan-
skildum húsnæðiskaupum) er að
meðaltali 22,1% heildarútgjalda.
Þetta sýna tölur frá 2017 um neyslu-
útgjöld heimila sem Hagstofa Evr-
ópu (Eurostat) hefur birt. Til
samanburðar er þessi útgjaldaliður
að meðaltali 24,2% hjá heimilum í
löndum Evrópusambandsins (ESB).
Útgjöld Íslendinga vegna hótela
og veitingastaða eru hærri en fólks í
löndum Evrópusambandsins. Þá
verja Íslendingar að meðaltali 14,6%
tekna sinna í samgöngur, en meða-
ltalið í löndum ESB er 13%. »4
Minna í
húsnæði
en hjá ESB
22%
15%
13%
Útgjöld heimila
á Íslandi og í ESB
Sem hlutfall af heildarútgjöldum
Húsnæði, rafm.,
vatn og hiti
Samgöngur Matur og
drykkjarvörur
Ísland ESB
Heimild:Eurostat
 Nokkrir ferða-
þjónustuaðilar
sem Morgun-
blaðið ræddi við
segja að erlendir
ferðamenn gangi
betur um en
áður. Minna sé
um að þeir gangi
örna sinna á
víðavangi og ut-
an salerna.
Undanfarin ár hefur verið tals-
vert um fréttaflutning af ókræsi-
legri umgengni ferðafólks og þurfti
að loka vinsælum ferðamannastöð-
um vegna þess. Talsvert minna er
um slíkar aðgerðir nú að sögn við-
mælenda Morgunblaðsins. »4
Segja ferðamenn
ganga betur um
Ferðamenn Þeir
ganga betur um.
Þ R I Ð J U D A G U R 1 6. J Ú L Í 2 0 1 9
Stofnað 1913  165. tölublað  107. árgangur 
LÚXUSKERRA
Í FLOTTUM
UMBÚÐUM
ÓÞREYJU BARN,
KOM INNST Í
LUNDINN
FORRÉTTINDI
AÐ STARFA Í
HÉRAÐI
SKÁLDKONAN HULDA 28 ÓVISSAN HEILLAR 10BÍLAR 16 SÍÐUR
stjóra uppsjávarlífríkis hjá Haf-
rannsóknastofnun.
„Ég fékk hringingu um leið og
þar sást vaðandi makríll,“ sagði Þor-
steinn. Hann sagði að útlitið nú væri
svipað og síðustu ár. Makrílveiðar
eru hafnar við Vestmannaeyjar og
Grænlendingar eru byrjaðir að
veiða vestan við miðlínuna.
Árlegur fjölþjóðlegur sumarupp-
sjávarvistkerfisleiðangur Alþjóða-
hafrannsóknaráðsins í Norðurhöf-
um stendur nú yfir. Þar er m.a.
leitað að makríl og hann fitu-
mældur. »2
„Almennt talað fer ástand sjávar
suður af landinu batnandi,“ sagði
Héðinn Valdimarsson, sviðsstjóri
umhverfissviðs Hafrannsóknastofn-
unar, um helstu niðurstöður vorleið-
angurs stofnunarinnar 2019.
Hlýsjórinn sunnan og vestan við
landið hefur hlýnað. Selta sjávar á
þessum slóðum er enn talsvert und-
ir meðallagi líkt og síðustu fjögur ár.
Hiti og selta sjávar fyrir norðan
land mældust nú yfir meðallagi.
Makríll var kominn upp að landi
við Keflavík á föstudaginn var, að
sögn Þorsteins Sigurðssonar, sviðs-
Batnandi ástand og
vaðandi makríll
Morgunblaðið/Arnþór Birkisson
Sæbraut Þar eru engar málaðar
línur sem skilja akreinarnar að.
Tafist hefur í um þrjár til fjórar vik-
ur að vegmerkja vegarkafla á Sæ-
braut í Reykjavík eftir malbikunar-
framkvæmdir þar í júní.
Ábendingar hafa borist Vegagerð-
inni vegna þessa, en hönnun vegna
breytinga á staðsetningu vegmerk-
inganna tafði upphaflega fyrir. Sam-
kvæmt upplýsingum frá Vegagerð-
inni frá því í gær stóð til að hefja í
verkið í síðustu viku. Votviðri mun
hafa staðið í vegi fyrir því og beðið er
eftir þurrki. Þar að auki þarf að
vinna verkið að næturlagi. Í sumar
hefur verið lokið við malbikun á Sæ-
braut nærri Katrínartúni, Frakka-
stíg og Snorrabraut, en enn er þar
lokuð akrein sem verið er að breyta.
Samkvæmt upplýsingum frá Vega-
gerðinni er Sæbraut aðeins brot af
því sem merkja þarf í sumar og eru
önnur vegmerkingarverkefni um allt
land á undan áætlun að sögn, þökk sé
góðviðri í upphafi sumars.
Í bílablaði Morgunblaðsins er
fjallað um vegmerkingar hér á landi.
Ólafur Guðmundsson umferðar-
öryggissérfræðingur áætlar að á
helmingi gatnamóta á Íslandi sé
merkingum ábótavant.
Vegmerkingum ábótavant
 Sæbraut ómerkt í nokkrar vikur  Víðar er pottur brotinn
Þessar kátu mæðgur, ær og lambið hennar, sáust
á gangi á Borgarfirði eystra á Austfjörðum fyrr í
vikunni. Þær létu örlítinn vind ekki á sig fá á leið
meðfram sjónum þar sem nóg var af gómsætu
grasi en eins og sjá má var einhvern öldugang að
sjá þó að þurrt væri í veðri.
Útlit er fyrir votviðri víða um land á næstu
dögum og líkur á að mæðgurnar þurfi að sætta
sig við töluverða rigningu í dag.
Mæðgur njóta útsýnisins á Borgarfirði eystra
Morgunblaðið/Eggert
Dýr og menn þurfa líklega að sætta sig við rigningu víða um land í vikunni
Anna Lilja Þórisdóttir
annalilja@mbl.is
Fljótabakki ehf., sem er íslenskt
dótturfélag bandaríska ferðaþjón-
ustufyrirtækisins Eleven Experience
sem rekur m.a. ferðaþjónustuna Depl-
ar Farm í Fljótunum, hefur keypt
jörðina Atlastaði í Svarfaðardal.
Þetta staðfestir Haukur Bent Sig-
marsson, framkvæmdastjóri Fljóta-
bakka. Til stendur að vera þar með
ferðaþjónustu sem tengist annarri
starfsemi fyrirtækisins á Norður-
landi.
Atlastaðir eru næstfremsti bær í
Svarfaðardal, rúma 20 kílómetra frá
Dalvík. Gengið var frá kaupunum í
síðasta mánuði og segir Haukur kaup-
verðið vera trúnaðarmál.
Síðasta haust bárust spurnir af því
að Fljótabakki hefði keypt jörðina
Hraun í Fljótum og hygðist koma þar
upp ferðaþjónustu. Skömmu áður
hafði félagið keypt land Nefsstaða við
Stífluvatn í Fljótum. Þá á félagið jarð-
irnar Knappsstaði, Steinavelli og
Stóru-Brekku í Fljótunum, auk
Depla. Haukur segir að tilgangurinn
með þessum jarðakaupum sé fyrst og
fremst að styðja við þá starfsemi sem
er á Deplum; gestir þar fari í ýmsar
afþreyingartengdar ferðir um
Norðurland eins og t.d, þyrluskíða-
mennsku, göngu- og hjólaferðir og
þeir dvelji þá á þessum stöðum.
Ekki áform um fleiri jarðir
Eleven Experience sérhæfir sig í
svokallaðri fágætisferðaþjónustu fyr-
ir efnaða ferðamenn. Auk Íslands er
fyrirtækið með ferðaþjónustu á níu
stöðum; í Síle, Frakklandi og á nokkr-
um stöðum í Bandaríkjunum.
Katrín Sigurjónsdóttir, sveitar-
stjóri í Dalvíkurbyggð, segist ekki
tilbúin til að tjá sig um kaupin að sinni.
„Við í sveitarstjórninni vissum ekki af
þessum kaupum fyrr en þau voru um
garð gengin. Það er svo sem ekkert
óeðlilegt við það, þar sem sveitar-
félagið á ekki forkaupsrétt að jörð-
inni,“ segir Katrín.
Haukur segir Fljótabakka ekki
hafa nein áform um að kaupa fleiri
jarðir, hvorki á þessu svæði né annars
staðar, en talsvert sé um að jarðeig-
endur, bæði á Norðurlandi og annars
staðar á landinu, hafi samband við fé-
lagið og bjóði jarðir sínar til kaups.
„Það hefur verið sérstaklega mikið
um það eftir að það fór að hægjast á
ferðamannastraumnum,“ segir
Haukur.
Bætist í jarðasafn Fljótabakka
 Bandarískir eigendur lúxushótelsins Depla keyptu jörðina Atlastaði í Svarfaðar-
dal  Sveitarstjórnin vissi ekki af kaupunum fyrr en þau voru um garð gengin