Morgunblaðið - 16.07.2019, Síða 11

FRÉTTIR 11Innlent
MORGUNBLAÐIÐ ÞRIÐJUDAGUR 16. JÚLÍ 2019
Bæjarlind 6 | sími 554 7030
Við erum á facebook
Útsala
40-50%afsl.
Buxur
Bolir
Kjólar
Toppar
Jakkkar
Túnikur
Í sumar hefur verið unnið af fullum
krafti við endurgerð Óðinstorgs og
nágrennis. Verklok eru áætluð í nóv-
ember. Að þeim loknum mun þetta
vinsæla torg í Þingholtunum hafa
breyst úr bílastæði í almannarými,
þar sem fjölskrúðugt mannlíf á að
vera í fyrirrúmi. Þarna hafa bílar
verið geymdir frá því þeir fóru að
sjást á götunum, en bílastæði var
skipulagt á torginu árið 1949, fyrir
70 árum.
Þetta er hluti af verkefninu „Þing-
holt, torgin þrjú“. Um er að ræða
Baldurstorg, Freyjutorg og Óðins-
torg.
Auk Óðinstorgs verður Óðinsgata,
milli Freyjutorgs og Skólavörðu-
stígs, endurgerð. Sömuleiðis Spít-
alastígur milli Týsgötu og Óðins-
götu. Nýjar stofnlagnir snjóbræðslu
verða lagðar á öllu svæðinu.
Verkefnið er samvinnuverkefni
Reykjavíkurborgar og Veitna ohf.,
sem notar tækifærið og skiptir um
lagnir í götum. Kostnaður Reykja-
víkurborgar vegna þessa verks og
endurgerðar Týsgötu, sem einnig er
framkvæmd á þessu ári, er um 300
milljónir króna.
Verktaki er Bjössi ehf. og um
hönnun sáu Basalt arkitektar, Verk-
ís og VSÓ ráðgjöf, en VSÓ annast
eftirlit.
Um vinningstillögu Basalt arki-
tekta segir í dómnefndaráliti að hún
tengi garð- og leiksvæði við gróður-
sælt torg og virki vel sem hverfis-
torg fyrir íbúa og aðra gesti. Til-
lagan sýni góða lausn á fjölbreyttu
hverfistorgi. „Góð blanda er af
gróðri, efnisval vandað og lýsing vel
útfærð,“ segir í álitinu, en lögð var
m.a. áhersla á góða tengingu við
Skólavörðustíg. Komið verður fyrir
setpöllum, hólum, pollum og hjóla-
grindum. sisi@mbl.is
Tölvumynd/Basalt arkitektar
Í framtíðinni Svona hugsa arkitektarnir sér að Óðinstorgið og nágrenni muni líta út að framkvæmdum loknum.
Gert er ráð fyrir því að fólk geti tyllt sér á bekki og gert er ráð fyrir sölutjöldum, til dæmis á aðventunni.
Bílar víkja fyrir
fólki á Óðinstorgi
Morgunblaðið/sisi
Óðinstorg Framkvæmdir hafa staðið yfir í allt sumar. Allt svæðið, götur og
gangstéttir, verður endurnýjað og Veitur ohf. endurnýja lagnir í jörðu.
Teitur Gissurarson
teitur@mbl.is
Átakið Hreint Suðurland er nú í
fullum gangi að sögn Sigrúnar Guð-
mundsdóttur, framkvæmdastjóra
Heilbrigðiseftirlits Suðurlands
(HSL), sem segir að átakið hafi far-
ið sérstaklega vel af stað. Eins og
greint var frá í Morgunblaðinu í vor
hratt HSL átakinu af stað og er því
ætlað að hreinsa til á Suðurlandi.
Eru lóðarhafar, landeigendur og
aðrir hvattir til að hreinsa af lóðum
og lendum það sem getur valdið
ónæði, mengun eða er til lýta.
Segir Sigrún að í langflestum til-
vikum sé nóg að
ýta aðeins við
landeigendum,
sem séu almennt
boðnir og búnir
að hreinsa til
þegar um það er
beðið.
„Þetta er bara
í fullu fjöri. Það
gleðilega við
þetta er að menn
taka við sér sjálf-
ir og eru sjálfir að taka til. Við höf-
um enn ekki þurft að fara í aðgerðir,
því það hefur, allavega fram að
þessu, dugað að ýta við mönnum,“
segir Sigrún.
„Hið besta mál“
Útskýrir hún að fyrirkomulagið
sé þannig að sérstakur starfsmaður
sé í því að ferðast á milli staða, taka
þá út, og meta hvar þörf er á að taka
til. „Við sendum þá bréf þar sem við
bendum á að taka þurfi til hendinni
og í flestum tilfellum er það nóg.“
Segir hún að í sumum tilvikum sé
þörf á nokkuð yfirgripsmikilli tiltekt
og þá biðji menn stundum um frest.
„Þá fá menn bara aukinn frest ef
þeir þurfa það. Það er bara jákvætt
ef menn sjá fram á að geta gert
hlutina ef þeir fá aðeins lengri tíma.
Það er bara hið besta mál.“
Eins og kom fram í umfjöllun
Morgunblaðsins um málið í vor er
heilbrigðisyfirvöldum heimilt að láta
fjarlægja númerslausa bíla og bíl-
flök og annað slíkt, sem er á al-
mannafæri, á kostnað eigenda að
undangenginni viðvörun. Spurð
hvort komið hafi til þess að þessi
heimild hafi verið nýtt kveður Sig-
rún nei við.
Hún segir þó að fjarlægð hafi ver-
ið númerslaus bílflök í landi sveitar-
félaga, en slíkt hafi einnig verið gert
áður en átakið hófst.
Segir hún aðspurð að ekki hafi
þurft að standa í neinu karpi við
landeigendur en segir: „Við höfum
þurft að taka umræðu, bæði við
sveitarstjórnarmenn og aðra. Það er
ósköp eðlilegt að það þurfi að ræða
málin.“
Einnig á einkalóðum í þéttbýli
Spurð hvað það sé sem HSL gerir
helst athugasemdir við og vill losna
við svarar Sigrún að að mestu leyti
séu þetta yfirgefin bílflök. Þá sé
ekki einungis um að ræða bílflök og
annað sem safnast upp hjá bændum
í sveit heldur sé einnig um að ræða
drasl sem menn sanka að sér „ekki
endilega upp til sveita“. „Þetta er
líka á einkalóðum í þéttbýli,“ segir
hún.
Átakið var sett til eins árs „til að
byrja með“, að sögn Sigrúnar en
hún segir: „Ég sé fyrir mér að það
verði framhald á því, en það er auð-
vitað sveitarstjórnanna að ákveða.“
Hreint Suðurland
nú í fullu fjöri
 Ekki hefur komið til karps við eigendur
Ljósmynd/Heilbrigðiseftirlit Suðurlands
Drasl Rusl eins og þetta er dæmi um
það sem HSL vill gjarnan losna við.
Sigrún
Guðmundsdóttir
Guðrún Erlingsdóttir
ge@mbl.is
,,Við vildum sýna Þjóðhátíð í víðara
samhengi en styttri fjölmiðla-
umræða hefur gefið tækifæri til.
Myndinni var svo vel tekið í Eyjum
að við erum að vinna í því að bæta
við sýningum,“ segir Sighvatur
Jónsson, fjölmiðlamaður og eigandi
SIGVA media sem framleiddi
myndina Fólkið í Dalnum, sem er
heimildarmynd um Þjóðhátíð Vest-
mannaeyja.
Skapti Örn Ólafsson, meðfram-
leiðandi myndarinnar, og Sighvatur
voru ánægðir með viðtökurnar sem
myndin fékk á forsýningu á höfuð-
borgarsvæðinu í gær en hún verð-
ur sýnd í almennri sýningu í
Kringlubíói seinnipartinn í dag.
Sighvatur segir að ýmislegt hafi
komið áhorfendum á óvart og megi
þar sérstaklega nefna umstangið í
kringum brennuna á Fjósakletti.
„Hugmyndin að Fólkinu í Daln-
um fæddist árið 2013. Okkur
Skapta fannst tilvalið að gera
heimildarmynd þar sem 140 ár
voru liðin frá fyrstu Þjóðhátíð árið
2014 en við sáum fljótlega að ein
hátíð dygði ekki til,“ segir Sig-
hvatur.
Heimilarmyndin er tekin upp á
fimm Þjóðhátíðum, 2014 til 2018,
og til þess að gefa áhorfendum inn-
sýn í upplifun heimamanna var
tveimur fjölskyldum fylgt eftir á
Þjóðhátíð öll árin.
„Við fylgdumst með undirbúningi
hátíðarinnar, flutningi og lífinu í
dalnum ásamt frágangi eftir hátíð-
ina,“ segir Sighvatur og bætir við
að hápunktar Þjóðhátíðar sem
margir landsmenn þekki, brennan,
flugeldarnir, brekkusöngurinn og
blysin, fái sitt pláss. Reynt hafi ver-
ið að gera öllu skil sem snýr að há-
tíðinni og þar sé ekki undanskilin
umræða um ofbeldi tengt henni.
,,Við sýnum hvernig kynferðis-
ofbeldi og umræða um það skyggði
á hátíðina sérstaklega 2014 til
2016. Einnig hver viðbrögð þjóð-
hátíðarnefndar voru og til hvaða
ráða hún hefur gripið til að sporna
við ofbeldi, t.d. með því að auka
gæslu og fjölga eftirlitsmynda-
vélum. Við sýnum líka viðbrögð
samfélagsins við þessu erfiða við-
fangsefni,“ segir Sighvatur og bæt-
ir við að alls hafi viðtöl við 126 við-
mælendur ratað í heimildar-
myndina Fólkið í Dalnum en
viðmælendur hafi verið miklu fleiri.
Allar hliðar Þjóðhátíðar
í Fólkinu í Dalnum
Eyjamenn Sighvatur Jónsson og Skapti Örn Ólafsson gerðu mynd.
Færri hyggjast
ferðast til útlanda
í sumarfríi sínu í
ár samanborið við
fyrri ár en ferða-
lögum innanlands
hefur fjölgað.
Þetta kemur fram
í niðurstöðum
nýrrarkönnunar
MMR á ferða-
venjum Íslend-
inga í sumarfríinu.
Alls kváðust 38% landsmanna ein-
göngu ætla að ferðast innanlands í
sumarfríinu, 12% kváðust ætla að
ferðast eingöngu utanlands og 40%
kváðust ætla að ferðast bæði innan-
lands og utan.
Hlutfall þeirra sem hyggja á ferða-
lög erlendis í sumar er 52%. Það hefur
lækkað frá mælingum síðasta árs
þegar hlutfallið var 57% en hlutfallið
hafði hækkað árlega frá mælingum
ársins 2013.
Hlutfall þeirra sem hyggjast
ferðast innanlands í ár er 78%, en það
hlutfall hefur ekki verið hærra frá
mælingum 2014. Könnunin var gerð
7.-14. júní og heildarfjöldi svarenda
var 988.
rosa@mbl.is
Færri til
útlanda í ár
 Fleiri hyggjast
ferðast innanlands
Frí Margir verða
heima í sumar.