Morgunblaðið - 16.07.2019, Qupperneq 18

18 MINNINGAR
MORGUNBLAÐIÐ ÞRIÐJUDAGUR 16. JÚLÍ 2019
Það var mikil
gæfa fyrir nemend-
ur, foreldra og
starfsfólk þegar Birna Sif Bjarna-
dóttir var ráðin skólastjóri við
Ölduselsskóla fyrir um ári. Birna
Sif kom til starfa full af eldmóði og
góðum hugmyndum.
Við undirritaðar erum búnar að
vera samferða í gegnum alla skóla-
göngu barnanna okkar og höfum
unnið með mörgum frábærum
skólastjórnendum en samstarfið
við Birnu Sif var einstakt. Sam-
vinna, jákvæðni og virðing er það
sem okkur dettur einna helst í hug
þegar við rifjum upp samskipti
okkar við Birnu Sif, í okkar fjöl-
breyttu verkefnum síðastliðið ár.
Hún hafði einstakt lag á að hlusta,
vega og meta kosti og galla og
finna þannig út hvernig væri hægt
að finna farsælasta veg í öllum
málum. Hún kom hugmyndum í
framkvæmd og er þar nærtækt að
nefna verkefnið um símalausan
skóla. Það er verkefni sem Birna
Sif ásamt samstarfsfólki sínu nálg-
aðist af mikilli fagmennsku en
ákveðni. Eftir að hafa undirbúið
það vel með nemendum og starfs-
fólki skólans var það kynnt og
framkvæmt. Mörgum til mikillar
furðu fór það verkefni afar vel af
stað og reyndist bæði léttara og
skemmtilegra en margir höfðu átt
von á. Nálgun Birnu á verkefninu
hafði þar mikið að segja.
Birna Sif hafði áhrif á samfélag
sitt á kröftugan og einlægan hátt.
Hún var líka sannur vinur og fé-
lagi sem hafði hjartað á réttum
stað, samfélagshjartað sem sló
með þeim sem áttu undir högg að
sækja, sló með þeim sem vildu
taka framfaraskref í samfélaginu
og öllum þeim sem hún kynntist
og urðu hennar hlýju nærveru að-
njótandi.
Við þökkum Birnu Sif sam-
fylgdina, megi minning hennar lifa
um ókomin ár. Hugur okkar er hjá
fjölskyldu hennar og ástvinum,
sorg ykkar er sár en megi lífs-
kraftur og góðar minningar um
einstaka konu ylja ykkur í sorg-
inni.
Ingibjörg Hrund Þráinsdóttir,
Kristín Steinunn Birgisdóttir.
Birna Sif okkar hóf störf sem
skólastjóri Ölduselsskóla síðasta
haust. Hún var full eftirvæntingar
að koma aftur á vinnustaðinn sem
hún hafði unnið svo lengi á og þótti
svo vænt um. Við hlökkuðum einn-
ig til að vinna með henni. Hún
hafði mikinn áhuga á skólamálum
og nýtti hvert tækifæri til að efla
sig á því sviði. Birna var skóla-
stjóri sem var nálægt fólkinu. Hún
var ávallt tilbúin að styðja starfs-
fólkið og veita því leiðsögn en
Birna Sif
Bjarnadóttir
✝ Birna SifBjarnadóttir
skólastjóri fæddist
2. september 1981.
Hún lést 27. júní
2019.
Útför Birnu
Sifjar fór fram 15.
júlí 2019.
einnig var henni
mjög umhugað um
nemendur, bæði í
námi og félagslega.
Hún vildi að nem-
endum liði vel og að
þeir væru glaðir í
skólanum. Henni
fannst dýrmætt að fá
að taka þátt í
uppskeruhátíðum
nemenda. Hún var
oft yfir sig hrifin af
afrakstrinum, framförum og hæfni
nemenda. Það var mikil gleði og
kraftur í kringum Birnu sem hún
smitaði út til þeirra sem voru ná-
lægt. Það var gaman að fylgjast
með skólaþingum sem hún hélt
með nemendum í unglingadeild til
að ákveða hvernig hægt væri að
auðvelda þeim tilveru í símalaus-
um skóla. Hún hlustaði á ung-
lingana, skráði niður tillögur
þeirra og framkvæmdi. Birna
hafði unun af því að sjá unglingana
spjalla saman, spila, hlæja og leika
sér í frímínútum í stað þess að vera
niðursokknir í síma. Minningar um
Birnu okkar eru dýrmætar og eig-
um við mikið af þeim. Hún gekk á
milli nemenda á yngsta stigi og
miðstigi og spjallaði við þá á kakó-
kósí stund í desember. Henni
fannst mikilvægt að nemendur
fengju að upplifa kaffihúsastemn-
ingu þar sem vinir koma saman,
spjalla, gæða sér á góðum veiting-
um og eiga notalega stund. Hún
gekk um og hellti súkkulaði í bolla
og átti mörg skemmtileg samtöl
við börnin. Á skemmtunum í saln-
um með öllum nemendum skólans
var hún yfirleitt tilbúin í sprell.
Hún var óhrædd við að klæða sig í
búninga og sýna dansa á sviði fyrir
nemendur og starfsfólk sér og öðr-
um til skemmtunar. Birna hafði
mikinn metnað og það var kraftur í
henni. Hún bar virðingu fyrir
starfsfólkinu og bar traust til þess
og hafði mikla trú á nemendum
sínum. Árið með henni var dýr-
mætt og erum við þakklát fyrir all-
ar minningar og það sem hún gaf
okkur. Birna var leiðtogi, skóla-
stjórinn okkar, vinnufélagi en
einnig kær vinur sem við söknum
sárt. Þó að sorgin sé ofarlega í
huga okkar allra þá erum við
þakklát fyrir að hafa fengið að
vinna með henni, læra af henni og
eignast fallegar minningar sem
munu lifa í hjarta okkar sem vor-
um svo lánsöm að fá hana inn í líf
okkar. Innilegar samúðarkveðjur
sendum við Bjarka, stelpunum og
fjölskyldunni allri.
Fyrir hönd starfsfólks Öldusels-
skóla,
Elínrós Benediktsdóttir.
Fyrir ári duttum við í lukku-
pottinn þegar við fengum Birnu
Sif aftur til okkar í Ölduselsskóla.
Frá fyrsta degi var öllum ljóst að
hún hafði mikinn metnað fyrir
hönd skólans, skýra faglega fram-
tíðarsýn og bar hag nemenda og
starfsfólks fyrir brjósti. Hún gekk
hreint til verks en nálgaðist öll
verk af alúð og hafði þann einstaka
eiginleika að geta samþætt ólík
sjónarmið. Jákvæðni, hlýja,
ákveðni og kraftur einkenndi
Birnu Sif og hún smitaði aðra af
gleði sinni og orku. Dyr hennar
stóðu alltaf opnar jafnt fyrir nem-
endur, kennara og foreldra.
Undir forystu Birnu Sifjar varð
Ölduselsskóli símalaus skóli. Það
verkefni er lýsandi fyrir hana en
það var hvorki innleitt með boðum
og bönnum né í krafti valds. Sam-
ráð var haft við börn, foreldra og
starfsfólk og jákvæðni höfð að
leiðarljósi. Á þeim árum sem Birna
Sif kenndi við skólann var hún
dönskukennari og var í uppáhaldi
hjá mörgum nemendum. Hún
sýndi nemendum alúð, var
skemmtileg og ekkert skorti upp á
gæði kennslunnar. Þegar hún lét
af störfum sem kennari við Öldu-
selsskóla heiðraði foreldrafélagið
hana fyrir vel unnin störf en svo
ungum kennara hafði ekki hlotn-
ast sá heiður áður.
Okkar síðustu samskipti voru
eftir útskrift 10. bekkinga þar sem
hún sagði okkur frá fyrirhugaðri
Ítalíuferð starfsfólks. Það geislaði
af Birnu Sif og hún hlakkaði mikið
til ferðarinnar og að hrista fólk
saman fyrir komandi skólaár. Við
fundum sterkt fyrir hversu mikill
hugur var í öllum sem tengjast
Ölduselsskóla að starfa næstu árin
með og undir forystu Birnu Sifjar.
Missir skólasamfélagsins er
mikill og fjölskyldu og vina enn
meiri. Birna Sif mun ávallt eiga
stað í hjörtum okkar og minning
hennar verður okkur leiðarljós í
leik og starfi. Bjarka og dætrunum
sendum við okkar innilegustu
samúðarkveðjur sem og til fjöl-
skyldunnar allrar.
Fyrir hönd foreldrafélags Öldu-
selsskóla,
Guðmundur M. Daðason.
Í dag kveðjum við hana Birnu
Sif okkar. Lífið sýndi okkur hversu
ósanngjarnt það getur verið þegar
hún var tekin frá okkur svona ung
að árum, full af gleði og krafti og
hugmyndum um framtíðina.
Birna var þessi glaði persónu-
leiki sem heillaði alla sem hún hitti.
Í hennar huga var ekkert vanda-
mál svo stórt að ekki mætti finna á
því lausn. Hún var snillingur í
samskiptum og átti auðvelt með að
fá fólk til að vinna með sér við úr-
lausn verkefna. Skólamál voru
hennar stóra áhugamál. Ávallt var
henni efst í huga að nemendum liði
vel, þeir fengju að njóta styrkleika
sinna og kynnast nýjum leiðum í
námi.
Ég kynntist Birnu síðastliðið
haust þegar hún tók við skóla-
stjórn í Ölduselsskóla. Ég hafði þó
heyrt rætt um hana af mikilli að-
dáun af fyrrverandi samstarfs-
fólki. Við störfuðum saman í
stjórnendateymi skólans í vetur og
unnum við allar þétt saman undir
styrkri stjórn Birnu. Hún reyndist
mér góður vinur og yndislegur yf-
irmaður sem alltaf var hægt að
leita ráða hjá varðandi þau mál
sem upp komu. Hún ræddi málin
af einlægni og gaf góð ráð. Mikið
vildi ég geta sagt henni einu sinni
enn hvað mér fannst hún frábær
manneskja, vinur og stjórnandi og
þakka henni samstarfið. Takk fyr-
ir allt sem þú gafst okkur, elsku
Birna Sif.
Bjarki, dætur og fjölskyldur
hafa misst mikið og votta ég þeim
innilega samúð í sorg þeirra.
Una Jóhannesdóttir.
Ég kynntist Birnu Sif árið 2012
þegar ég hóf störf hjá Öldusels-
skóla, ég á skrifstofunni og Birna
var dönskukennari í unglingadeild.
Hún stóð sig ótrúlega vel sem
dönskukennari og náði mjög vel til
nemendanna. Á þessum tíma var
hún í starfsmannafélaginu og þau í
hópnum stóðu fyrir mörgum
skemmtilegum uppákomum og
voru ótrúlega hugmyndarík, enda
voru þau kosin oftar en einu sinni
sem fulltrúar í starfsmannafélag-
inu.
Birna stakk svo aðeins af frá
okkur en sneri til baka sem skóla-
stjóri haustið 2018. Henni fylgdi
ferskur andblær inn á skrifstofuna
og var mjög gaman að fylgjast
með henni og hvað hún náði strax
góðum tökum á starfinu. Það var
gott að leita til hennar og sam-
starfið gekk rosalega vel. Ýmis
mál komu upp þetta fyrsta skólaár
hennar sem skólastjóri, bæði
skemmtileg og erfið. Hún leysti
þau öll af mikilli prýði. Skólinn
okkar varð símalaus skóli og gekk
það mjög vel. Nemendur voru upp
til hópa mjög ánægðir með þessa
ákvörðun og var gaman að sjá
krakkana spjalla saman og leika
sér í frímínútum.
Það var ótrúlega gaman þegar
við stjórnendur vorum ásamt
nokkrum öðrum starfsmönnum að
vinna atriði fyrir árshátíðina sem
var í mars og útbjuggum við
myndband með ýmsum „skets-
um“. Við skemmtum okkur kon-
unglega og var mikið hlegið þessi
tvö kvöld sem hugmyndavinna og
upptökur stóðu yfir.
Það verður mjög erfitt að koma
til vinnu í haust og söknuðurinn
eftir góðum vinnufélaga er mikill.
Elsku Bjarki, Ronja, Birgitta,
Birta, fjölskylda og vinir, ég votta
ykkur samúð mína. Missir ykkar
er mikill. Hvíl í friði, elsku Birna
Sif.
Kristjana, skrifstofustjóri
Ölduselsskóla.
Elsku Birna, ég mun aldrei
gleyma símtalinu um að þú værir
farin frá okkur en sem betur fer
eru aðrar og betri minningar sem
munu lifa. Það var svo margt sem
við gerðum saman. Utanlandsferð-
irnar þar sem ég gat hneykslast á
öllu þessu verslunarrugli þínu,
saumaklúbburinn sem þú stofnað-
ir því við vorum að hætta að vinna
saman svo þú myndir nú ekki
missa samband við okkur. Einnig
allar næturnar sem við eyddum í
að búa til öll myndböndin, þó að
það hafi nú oftast slokknað á þér
upp úr kl. 22. En það eru einmitt
þessi myndbönd sem eru svo dýr-
mæt í dag. Við töluðum oft um það
að í framtíðinni yrðir þú skólastjóri
og við myndum koma að kenna í
skólanum þínum. Ég er ótrúlega
glaður að það hafi orðið að veru-
leika og að það hafi verið í Öldusel-
inu okkar. Ég mun gera mitt besta
að fylgja öllu því góða eftir sem þú
hefur gert fyrir okkur og veit að
þú munt fylgjast með okkur. Ég
mun sakna þín.
Eyjólfur Kolbeins.
Það er sárt að kveðja yndislegu
Birnu Sif sem var tekin frá elsku-
legum dætrum og eiginmanni í
blóma lífsins. Birna Sif var einstök
manneskja og hafði góð áhrif á alla
þá sem voru í kringum hana. Ég er
þakklát fyrir að hafa fengið að
kynnast henni og starfa með henni
en það hefur gert lífið fallegra.
Leiðir okkar lágu saman þegar við
störfuðum saman í Breiðholts-
skóla skólaárið 2017-2018 og hélst
vinátta okkar áfram eftir það.
Birna Sif féll strax vel inn í góðan
starfsmannahóp, hún var ekki
bara samstarfsfélagi heldur líka
mikill vinur. Það var yndislegt að
hafa svo góðan vin sér við hlið til
þess að takast á við þau verkefni
sem þurfti að leysa. Birna Sif
sagði alltaf „við gerum þetta sam-
an“ og þessi orð sögðu svo mikið
en hún vann af heilindum og sam-
starf okkar einkenndist af trausti
og heiðarleika. Birna Sif varð síð-
an skólastjóri í Ölduselsskóla en
þar hóf hún kennsluferil sinn og
hún hreinlega ljómaði þegar hún
talaði um skólann sinn. Birna Sif
hafði næmni fyrir tilfinningum
barna hlustaði á þau og vann af
heilindum að velferð þeirra. Þann-
ig hugaði hún að líðan barnanna
og árangri þeirra í námi. Hún var
allt í senn umvefjandi og kærleiks-
rík og erum við fátækari að missa
svo góðan skólamann sem Birna
Sif var.
Ég votta Bjarka, Ronju Ruth,
Birgittu Sigríði, Birtu Dís, fjöl-
skyldu hennar og vinum innilega
samúð.
Missir ykkar er mikill.
Jónína Ágústsdóttir.
Síðustu daga höfum við fundið
hvað lífið er hverfult, hvað eitt lítið
símtal getur fengið okkur til end-
urmeta svo margt.
Þegar við fengum þær skelfi-
legu fréttir að Birna Sif, aðstoðar-
skólastjórinn okkar 2017-2018,
hefði orðið bráðkvödd urðum við
hljóð. Eitt stutt símtal og tilveran
breytist.
Það var ljóst frá fyrsta skóla-
degi haustið 2017 að Birna Sif
væri gædd forystuhæfileikum.
Hún hreif fólk með sér áreynslu-
laust, hafði eldmóð, ábyrgðar-
kennd og vilja til að láta gott af sér
leiða. Skólamál voru hennar hjart-
ans mál og leiddi hún starfs-
mannahópinn áfram á jákvæðan
og uppbyggjandi hátt. Hún bar
hag nemenda ætíð fyrir brjósti og
hafði metnað fyrir hvern og einn
þeirra.
Birna Sif hafði einstaklega al-
úðlegt viðmót og hennar ljúfa lund
varð til þess að öllum í skólanum
leið vel í návist hennar. Hún var
hrein, bein og fylgin sér.
Við erum þakklátt fyrir að hafa
fengið að kynnast Birnu Sif, í huga
okkar birtist minning af bros-
mildri konu með glettnisglampa í
augum.
Við sendum Bjarka og dætrun-
um þremur, ásamt aðstandendum
öllum, okkar innilegustu samúðar-
kveðjur.
Fyrir hönd starfsfólks Breið-
holtsskóla, Bakkans og Bakkasels,
Ásta Bjarney.
Það er þannig með sumar frétt-
ir sem maður fær að það er ekkert
sem getur undirbúið mann undir
þær og ekkert í þeim sem maður
fær skilið.
Ein slík frétt barst mér að
kvöldi 27. júní síðastliðins, fréttin
um andlát kollega míns og vin-
konu, Birnu Sifjar Bjarnadóttur.
Hvernig má það vera að í einu vet-
fangi sé svipt af leiksviði lífsins svo
öflugri manneskju langt fyrir ald-
ur fram? Rifin frá fjölskyldu og
vinum, ósanngirnin alger og
óskiljanleg.
Birna Sif var ötul skólamann-
eskja með brennandi ástríðu og
áhuga fyrir námi og kennslu. Hún
var farsæll kennari og tók ákvörð-
un um það að gerast skólastjórn-
andi, fyrst sem deildarstjóri í
Garðabæ en haustið 2017 tók hún
við stöðu aðstoðarskólastjóra í
Breiðholtsskóla.
Birna var öflug í krefjandi
starfi í Breiðholtsskóla og haustið
eftir var hún ráðin skólastjóri
Ölduselsskóla, hvaðan hún hafði
mikla kennslureynslu. Á sama
tíma tók hún sæti í stjórn Félags
skólastjórnenda í Reykjavík sem
varaformaður en sat einnig í
samninganefnd Skólastjórafélags
Íslands.
Í öllum hennar störfum var
gleðin leiðarljós. Hún smitaði gleði
til annarra með líflegum hlátri og
einstaklega björtu brosi og hreif
þannig aðra með sér. Hún var öfl-
ugur stjórnandi mannauðs sem
náði því besta fram í fólki hvar sem
hún kom að verki og skipti þar
engu hvort áttu í hlut nemendur,
starfsfólk eða aðrir sem að skóla-
starfinu komu.
Birna tók að sér öflug verkefni á
vettvangi reykvísks skólastarfs
þau tvö ár sem hún vann sem
stjórnandi í borginni og var farsæl
í þeim störfum sínum. Auk gleð-
innar bjó hún yfir miklu hugrekki
gagnvart verkefnum sínum og var
óhrædd við að takast á við krefj-
andi aðstæður. Hún kunni líka
listina að leita sér ráðgjafar og
nýta hana svo út frá sínum
áherslum og þannig tengja saman
það besta hjá sjálfum sér og öðr-
um, nemendum hennar til heilla.
Við fráhvarf Birnu af sviðinu
missa börnin í borginni öflugan
liðsmann og málsvara og við skóla-
stjórnendur höfum tapað sam-
starfsmanni á leið okkar að bættu
skólastarfi í borginni. Hennar
verður sárt saknað af þeim vett-
vangi.
Sárastur söknuðurinn liggur að
sjálfsögðu hjá fjölskyldu og vinum
Birnu, eru þeim sendar dýpstu
mögulegar samúðarkveðjur.
Orðstír Birnu Sifjar Bjarna-
dóttur deyr aldrei.
Magnús Þór Jónsson,
formaður Félags skóla-
stjórnenda í Reykjavík.
Söknuður. Það sem vakir yfir
öllum þeim sem þú hefur snert við.
Við söknum þín öll.
Birna Sif er kona sem erfitt er
að lýsa, einfaldlega þar sem það er
aldrei nóg um hana sagt. Ég segi
„er“ því að jafnvel þó að hún sé far-
in frá okkur mun hún alltaf lifa
með okkur. Hún er og verður alltaf
Birna okkar allra.
Mig langar til að segja ykkur
mína upplifun af henni Birnu. Já,
hún kenndi mér eins og mörgum
öðrum dönsku, en hún kenndi mér
svo mikið meira en það. Hún er
vinkona mikið frekar en kennari í
mínum augum. Hún stóð við bakið
á mér þegar mér fannst ég ekki
geta staðið sjálf. Þegar ég hafði
brotið sjálfa mig niður í mola púsl-
aði hún mér saman. Til þess þurfti
mikla þolinmæði, eitthvað sem
hana skorti ekki. Hún byggði mig
upp þar til hún sá að ég gæti staðið
sjálf og fyrir það er ég ævinlega
þakklát. Ég er einnig þakklát fyrir
það að ég hafði tækifæri til að
þakka henni fyrir allt sem hún hef-
ur fyrir mig gert. Í seinasta skipti
sem ég sá hana tók ég mér tíma til
þess. Það virtist ekki vera mikið þá
en það er mikið fyrir mér núna.
Það fær mig nú til að hugsa hversu
mikilvægt það er að leyfa fólkinu í
kringum okkur að heyra hvers
virði það er, á meðan það er hjá
okkur því eins og við höfum nú séð
þá er næsta skipti aldrei lofað.
Ég lít upp til hennar að öllu
leyti. Hún er fyndin, góð, ákveðin
og þá allra helst, sterk. Ég sagði
henni óspart hversu mikið ég ósk-
aði þess að hafa hennar styrk og
þol. Í hvert skipti sem ég laut höfði
niður sagði hún mér að „taka
Birnu á þetta“. Þá átti hún við að
vera sterk og hörð, rétt eins og
hún sjálf. Það er það sem ég hef
gert seinustu daga og það sem ég
hvet alla sem hennar sakna til að
gera. Takið Birnu á þetta, verið
sterk í gegnum þessar strembnu
stundir. Ég ætla að vera sterk fyr-
ir Birnu, því nú þarf ég að púsla
mér sjálf saman eins og hún
kenndi mér að gera.
Ég bið fyrir hennar nánustu,
stelpunum hennar og manni. For-
eldrum og systkinum. Ég sendi
mínar hlýjustu kveðjur á þessum
erfiðu tímum.
Það var heiður að fá að kynnast
þér, Birna Sif. Hvíldu í friði.
Judith Ingibjörg
Jóhannsdóttir.
Ástkær eiginkona mín, móðir okkar,
tengdamóðir og amma,
AUÐUR SKÚLADÓTTIR,
Norðurbakka 17a,
Hafnarfirði,
lést á Landspítalanum við Hringbraut
föstudaginn 12. júlí.
Gunnar Ámundason
Þuríður Edda Gunnarsdóttir Gunnar Beinteinsson
Auður Erla Gunnarsdóttir Jón R. Björnsson
Ásta Björk, Auður Ýr, Andrea Helga, Rebekka og Helga Sif
Elskulegur eiginmaður, faðir, tengdafaðir
og afi,
AÐALSTEINN DAVÍÐSSON
kennari,
lést sunnudaginn 14. júlí á
hjúkrunarheimilinu Hömrum í Mosfellsbæ.
Minningarathöfn verður haldin í Kópavogskirkju föstudaginn
19. júlí klukkan 13.
Bergljót Gyða Helgadóttir
Davíð Aðalsteinsson Pamela Schultz
Helgi Aðalsteinsson Joohee Hong
Þorsteinn Aðalsteinsson Randi W. Stebbins
og barnabörn