Morgunblaðið - 31.07.2019, Blaðsíða 9

”
Þarna eru stórir sjóðir á
ferð sem eru með þolin-
móðara fjármagn en
kannski smærri aðilar á
Íslandi.
kerfi. Mér finnst það úrelt og gamaldags kerfi af
því að stjörnugjöfin tekur til ýmissa atriða sem
skipta fólk ekki lengur eins miklu máli og áður.
Stjörnukerfið byggist á því hvaða þjónusta er í
boði og hvaða aðstaða er til staðar. Það segir sig
því sjálft að ef hótel er skráð sem þriggja
stjörnu hótel halda margir að einhverju sé
ábótavant í þjónustu eða aðstöðu. Það þarf hins
vegar ekki að vera verra í þeirri þjónustu sem
boðið er upp á. Með góðu rúmi, morgunverði og
þjónustu getur þriggja stjörnu hótel boðið jafn-
vel miklu betri upplifun en fjögurra stjörnu hót-
el. Þess vegna er ég ekkert hrifin af þessu kerfi.
Ég er hrifnari af umsögnunum sem við fáum.
Við erum með 8,8 í einkunn á bókunarvefnum
Booking.com sem er há einkunn. Við viljum fá
að sanna okkur og sýna hvað við höfum upp á að
bjóða og fólk dæmir okkur út frá því hvernig við
stöndum okkur. Þess vegna tek ég umsagnirnar
mjög alvarlega og ef það kemur eitthvað upp á
sem er ábótavant þá bætum við það. Ég er með
frábært starfsfólk sem gerir allt vel, svo hingað
til hafa umsagnir verið mjög ánægjulegar. Gest-
ir geta sjálfir innritað sig á hótelið. Þeir fá tölvu-
póst með kóða sem virkjast klukkan þrjú. Þá
geta þeir farið inn á herbergið. Gestir þurfa ekki
lengur að bíða í röð til að innrita sig eins og ég í
gamla daga. Ég býð hins vegar upp á þjónustu í
móttöku allan sólarhringinn því auðvitað eru
mannleg samskipti alltaf best.“
– Tölum aðeins um hótelið og hönnunina.
Hvar fenguð þið hugmyndina að hóteli sem
leggur svona mikla áherslu á hönnun?
„Þegar við opnuðum ODDSSON-hostel vild-
um við gera hlutina öðruvísi en aðrir í Reykja-
vík. Við fengum því Daníel Atlason í Döðlum til
að hanna fyrir okkur en hann er gríðarlega hug-
myndaríkur og með aðrar áherslur en maður
hefur séð.“
– Sóttirðu þá innblástur til borga eins og Berl-
ínar?
„Já, við fórum meðal annars til Berlínar og
Amsterdam og skoðuðum hostel og fengum hug-
myndir. Daníel hefur mikla þekkingu á hönnun
og húsgögnum en saman deilum við áhuga á
hönnun og list. Við pössuðum því mjög vel sam-
an í þessu verkefni og úr varð þessi sérstaka
hönnun með heimsþekktum húsgagnahönnuð-
um. Einnig hannaði Danni [Daníel] sjálfur hús-
gögn sem við köllum ODDSSON-húsgögnin sem
eru borð og stólar, ljós og veggljós og ýmsir
hlutir.“
– Þið auglýstuð hluta af húsgögnunum á
ODDSSON-hostelinu til sölu, en hluti hefur
greinilega fylgt með á nýja hótelið.
„Já. Það sem við gerðum var að nota hús-
gögnin og hugmyndafræðina á hostelinu og upp-
færa hana í hótelklassa. Innanhússarkitekt
teiknaði upp hótelið og pantaði innréttingar en
ég valdi liti á veggi, efni, gólfteppi og annað
innbú. Við erum með „blátt“ hús og „bleikt“ hús
og hlýir pastellitir eru áberandi í hönnuninni.
Við gerðum þetta aðeins hlýlegra en í JL-hús-
inu. Þar var steypan áberandi og meiri hostel-
stemning. Hótelið er næsta stig af ODDSSON-
hosteli. Við fórum í aðeins meiri spariföt, ef svo
má að orði komast.“
Miðbærinn sprunginn
– Var ekki dálítið djarft að opna hótel á þessu
svæði, vestan við Skeifuna?
„Vissulega var það áhyggjuefni í byrjun að
vera hér. Fyrir Íslendingum eru Grensásvegur
og Skeifan svolítið langt í burtu frá miðbænum
og ekkert spennandi svæði. Ég held hins vegar
að það muni breytast á næstu árum, enda er
planið hjá borginni að gera þetta að miklu
skemmtilegra svæði. Jafnframt á að efla al-
menningssamgöngur. Reykjavík er að stækka
og hún þarf að stækka. Miðborgin er sprungin.“
– Í hverju birtist það að miðborgin sé sprung-
in?
„Þá meina ég frá sjónarhóli Íslendinga. Það
er búið að opna mörg hótel, veitingastaði og túr-
istabúðir á svæðinu. Við Íslendingar lítum svo-
lítið á miðborgina núna sem túristasvæði og
margir sækja ekki þangað eins og áður. Þannig
að ef maður hugsar þetta út frá stórborgum er-
lendis þá verða gjarnan til ferðamannasvæði í
miðborginni þótt heimamenn leiti jafnvel annað
og þá myndast oft ný og skemmtileg hverfi út
frá því. Það er heldur ekki endilega fyrsta val
ferðamanna að vera í miðbænum. Flestir ferða-
menn koma til að skoða íslenska náttúru. Hún er
helsta aðdráttaraflið. Fólkið gistir eina til tvær
nætur í borginni og fer svo út á land og gistir svo
jafnvel líka í Reykjavík á leiðinni til baka.
Það eru ýmsir kostir við þessa staðsetningu á
Grensásvegi. Til dæmis geta rúturnar stoppað
hérna fyrir utan. Það geta þær ekki alls staðar
fyrir framan hótel í miðborginni. Þar þurfa gest-
ir jafnvel að ganga nokkurn spöl til að taka rút-
una út á flugvöll. Við erum líka með bílakjallara
og fólk er mjög ánægt með það, fyrir utan að hér
eru víða ókeypis stæði. Það er ekki erfitt fyrir
fólk að leggja hjá mér.“
Fjölbreyttur hópur gesta
– Ertu þá með annan markhóp en þann sem
sækist t.d. eftir því að vera á Laugaveginum?
„Það er gott að þú skulir spyrja um markhóp-
inn minn – ég ætlaði einmitt að nefna það – en
hann er í raun mjög stór. Við erum með fjöl-
breyttar tegundir herbergja, allt frá einstakl-
ingsherbergjum upp í fjölskylduherbergi sem
rúma fjóra til sex og með litlu eldhúsi. Það er því
ekki rétt að ræða um einn markhóp. Við fáum
hingað ferðamenn með bílaleigubíla og talsvert
af fjölskyldum sem nýta sér kojuherbergin okk-
ar, og svo viðskiptafólk sem getur nýtt sér
fundaraðstöðu á hótelinu. Við fáum líka hingað
talsvert af íþróttafólki sem velur okkur út af ná-
lægð við Laugardalshöllina og Laugardalslaug.
Hér hafa líka dvalið gestir Secret Solstice-
hátíðarinnar sem horfa til þess að vera í göngu-
færi við hátíðina í Laugardal. Við höfum líka
fengið jógahópa en þar sem ég er jógakennari
hef ég kynnst ýmsum jógaferðaskrifstofum er-
lendis sem hafa haft samband við mig varðandi
jógahópa. Ég er líka í góðum tengslum við flest-
ar jógastöðvar í Reykjavík, svo það er auðvelt að
skipuleggja góða upplifun fyrir jógahópa á
ODDSSON. Markhópurinn er því mjög
dreifður.“
– Hvernig nálgastu viðskiptavinina?
„Markaðssetningin hefur hingað til verið á
bókunarsíðunum. Markaðssetningin hefur ekki
verið mikil og hefur setið á hakanum.“
Ferðast meira en áður
– Hvaða strauma greinirðu í ferðaþjónustu?
„Flugfargjöld eru hagstæðari í dag en fyrir 10
árum og það hefur að sjálfsögðu auðveldað fólki
að ferðast. Hugarfar fólks hefur líka breyst og
meiri áhersla lögð á að upplifa og njóta en áður.
Ef ég ber saman tvítugt fólk í dag og fyrir þrjá-
tíu árum, þegar ég var tvítug, þá er tilfinning
mín sú að það hafi aðrar áherslur varðandi
hvernig það vill lifa lífinu. Það hugsar betur um
sig og vill nota tímann til að upplifa og lifa lífinu.
Fyrir þrjátíu árum var áherslan kannski fyrst
og fremst á að mennta sig og fá góða vinnu.
Núna er vinnan orðin sveigjanlegri og fólk hefur
almennt meiri tíma til að sinna sjálfu sér og
ferðast,“ segir Margrét Ásgeirsdóttir.
Morgunblaðið/Árni Sæberg
fjárfesta á Íslandi
MORGUNBLAÐIÐ MIÐVIKUDAGUR 31. JÚLÍ 2019 9VIÐTAL
– Sástu einhvern tímann fyrir þér að fara út í
ferðaþjónustu?
„Ég er læknir að mennt og þegar ég var að
ljúka kandídatsárinu mínu stefndi ég á nám í
Bandaríkjunum. Ég þreytti amerísku lækna-
prófin svokölluðu, en stuttu síðar flutti ég
ásamt fjölskyldu minni til Kanada og þar eru
amerísku læknaprófin ekki gild. Ég leit á
þetta sem hálfgert „merki“ um að eitthvað
annað biði mín í lífinu en læknanámið. Og nú
er ég í ferðageiranum að sinna gestum í stað
sjúklinga. Þetta hefur verið gríðarlega
áhugavert ferðalag frá því ég byrjaði í þess-
um ferðageira. Margt hefur verið erfitt og
krefjandi, eins og alltaf er þegar maður tekur
að sér ný verkefni. En ég hef lært mikið og
sérstaklega af mistökunum, sem við gerum
jú öll. Ég hef alltaf heillast af hótelheiminum
og því sem honum fylgir, en þegar ég bjó í
Kanada var mikill gestagangur hjá mér og ég
sagði alltaf í gríni að ég ræki Hótel Möggu
mömmu. Ég er nú ekki viss um að það nafn á
hóteli myndi laða að marga ferðamenn svo
ég held mig bara við ODDSSON, það hefur
reynst ágætlega,“ segir Margrét og brosir.
– Hvaðan kemur nafnið ODDSSON?
„Þegar við Danni vorum að vinna mark-
aðsgögn fyrir hostelið tókum við eftir því að
enska orðið „odd“, sem þýðir skrítinn, var
áberandi í textanum. Bæði var hönnun host-
elsins skrítin og við Íslendingar kannski líka.
Okkur fannst þetta svolítið flott orð enda er
hostelið svolítið öðruvísi. Svo er JL-húsið
upphaflega nefnt í höfuðið á manni, Jóni
Loftssyni. Við hugsuðum því sem svo að við
ættum að halda áfram að tengja húsið við
mannsnafn.“
Rak „Hótel Möggu“ í Kanada