Morgunblaðið - 07.08.2019, Qupperneq 6

6 FRÉTTIRInnlent
MORGUNBLAÐIÐ MIÐVIKUDAGUR 7. ÁGÚST 2019
NÝ SENDING
frábært úrval
Flottir
í fötum
Laugavegi 77, 101 Reykjavík - Sími 551-3033
gallabuxur
Starfsfólk nýs flugfélags sem ber
vinnuheitið WAB air, hóf störf í
gærmorgun á nýrri skrifstofu á
Reykjavíkurvegi í Hafnarfirði þar
sem Actavis hafði áður aðstöðu.
„Ég er alveg grjótharður á þessu.
Það er ekkert sem stoppar okkur
þessa stundina,“ sagði Sveinn Ingi
Steinþórsson, forstjóri og stofnandi
flugfélagsins nýja, í samtali við
mbl.is.
„Það er ágætt að vera komin
með heimili,“ sagði hann, en vinna
við stofnun félagsins hefur staðið
yfir síðan í apríl með „hvern í sínu
horni,“ að sögn Sveins. Hann býst
við því að í september verði starfs-
menn orðnir allt að þrjátíu.
Vilja flugrekstrarleyfi
Nú er markmiðið að afla flug-
rekstrarleyfis þannig að vonandi
megi fljúga jómfrúarflug með
haustinu. Sveinn sagði of snemmt
að gefa upp nánari tímasetningu.
WAB sótti um flugrekstrarleyfi hjá
Samgöngustofu í júní.
Komu sér fyrir
í Hafnarfirði
 WAB vonast til þess að fljúga í haust
Morgunblaðið/Hari
Húsnæði Starfsfólk WAB air hefur
komið sér fyrir við Reykjavíkurveg.
Teitur Gissurarson
teitur@mbl.is
Ostruræktarfyrirtækið Víkurskel
mun þurfa að leggja upp laupana ef
ákvörðun Umhverfisstofnunar um
að fyrirtækið megi ekki flytja inn
ostrur til áframræktunar verður
lokaniðurstaðan. Þetta segir Krist-
ján Phillips hjá Víkurskel í samtali
við Morgunblaðið en eins og greint
var frá í Morgunblaðinu í gær var
umsókn fyrirtækisins um innflutn-
ing á milljón smáostrum frá Spáni
til áframræktunar í Skjálfandaflóa
hafnað. Var ástæðan fyrir höfnun-
inni m.a. ágengni tegundarinnar,
smithætta af hennar völdum og
frjósemi hennar.
Kristján segir að Víkurskel
standi nú í því að reyna að skoða
stöðu sína, og sjá hvað hægt sé að
gera, en að öllu óbreyttu muni
fyrirtækið þurfa að hætta starfsemi
innan fárra ára.
„Við erum bara að skoða hvað við
ætlum að gera,“ segir Kristján og
segir rökin sem Umhverfisstofnun
færir fyrir niðurstöðu sinni ekki
vera rétt. Eins og kemur fram í úr-
skurðinum deildu Umhverfisstofn-
un og Víkurskel m.a. um hvort
möguleiki væri á að ostrutegundin
gæti fjölgað sér í sjónum við Ísland.
Sagði Víkurskel að það væri úti-
lokað, enda væri sjórinn hér of
kaldur, en Umhverfisstofnun taldi
það ekki útilokað, og var það meðal
ástæðna þess að umsókninni var
hafnað. „Þetta er bara reist á ein-
hverjum rökum sem við skiljum
ekki.“
Segir Kristján að ostrurnar sem
um ræðir séu þær sömu og fyrir-
tækið hefur flutt inn seinustu ár.
„Við verðum að hætta þessu“
„Þetta er farið svona. Við fáum
ekki að flytja þetta inn svo við verð-
um að hætta þessu,“ segir Kristján.
Segir hann aðspurður að Víkurskel
eigi talsvert af ostrum enn og segir:
„Ef þetta breytist ekki þá hættum
við bara þegar við erum búnir að
selja þær.“ Segir hann að það geti
orðið eftir „þrjú til fjögur ár“.
Hann segir málinu þó ekki lokið
af hans hálfu og segir: „Við ætlum
að berjast áfram í þessu en við vit-
um ekki alveg hvernig. Við verðum
bara að koma viti fyrir þetta fólk.“
Víkurskel er að Kristjáns sögn
eina fyrirtækið sem ræktar ostrur á
Íslandi. Aðrir aðilar hafi fengið leyfi
til að rækta ostrur en hafa ekki
fengið leyfi til að flytja þær inn.
Segir hann það sorglegt ef fram-
leiðslan leggst af hér á landi.
Ostrubændurnir
þurfa að hætta rækt
 Umhverfisstofnun synjaði umsókn um leyfi til innflutnings
Morgunblaðið/Hafþór Hreiðar
Við störf Kristján Phillips glaðbeittur við ostrurækt á Húsavík.
Sérfræðinefnd um framandi lífverur komst að þeirri niðurstöðu að
hafna bæri umræddri umsókn. Til stuðnings þessu mati sínu sagði
nefndin m.a. að ostrutegundin væri flokkuð sem ágeng og framandi í
N-Evrópu og þar sem hún næði fótfestu væri talin hætta á því að hún
gæti tekið yfir búsvæði annars skelfisks. Á síðustu árum væri vitað
um óæskilega dreifingu tegundarinnar víða um strendur N-Evrópu og
Norðurlanda. „Þannig telur nefndin ekki útilokað að tegundin geti þrif-
ist í sjónum við Ísland við ákveðnar aðstæður og því sé full ástæða til
að líta á dæmi nágrannalanda sem víti til varnaðar,“ segir m.a. í álit-
inu.
Taldi nefndin einnig að með hlýnandi loftslagi væri ekki hægt að úti-
loka að sjávarhiti næði kjörhitastigi tegundarinnar.
Ágeng og framandi
ÁLIT SÉRFRÆÐINEFNDAR
Ragnhildur Þrastardóttir
ragnhildur@mbl.is
Samkvæmt upplýsingum frá verk-
takanum MótX sem stóð að bygg-
ingu 68 íbúða í Árskógum fyrir hönd
Félags eldri borgara í Reykjavík og
nágrenni (FEB) skýrist mikil hækk-
un á kaupverði íbúðanna ekki af
kostnaðarauka, eins og FEB hefur
haldið fram.
„Það er misskilningur að það sé
einhver kostnaðarauki. Kostnaður-
inn hefur alltaf legið fyrir en það sem
þeir gera er að vanreikna verðmæt-
ið. Þeir reikna of lágt verð frá upp-
hafi þar sem þetta er óhagnaðardrif-
ið hjá þeim,“ segir í svari MótX.
Kaupendur íbúðanna þurfa nú að
greiða mörgum milljónum meira en
samþykkt var í kaupsamningi, ætli
þeir að fá íbúðirnar afhentar.
Staðan hefur mikil áhrif á kaup-
endur og sömuleiðis á verktakann en
stjórnendur hans eru áhyggjufullir
yfir stöðunni. „Við erum í raun fórn-
arlamb rétt eins og kaupendur, bara
í hina áttina.“
Þrot kæmi niður á MótX
Sambærilegt mál hefur ekki kom-
ið upp á borð MótX áður. „Við höfum
aldrei lent í öðru eins, þetta er bara
galin staða.“
Ef FEB fer í þrot vegna málsins
mun það tvímælalaust koma niður á
MótX.
„Það segir sig sjálft að 400 millj-
óna tap í þessu verki kemur við
reksturinn hjá okkur.“
Samkvæmt upplýsingum frá fyrir-
tækinu er óvíst hvort MótX geti selt
íbúðirnar án aðkomu FEB ef félagið
fer í þrot. Enn er óvíst hvort MótX
muni leita réttar síns vegna málsins.
„Þetta er bara ömurlegt mál og við
vonumst til þess að þetta fái farsæl-
an endi.“
Þegar Sigríður Snæbjörnsdóttir,
varaformaður FEB, var spurð um
það hvort frekar væri vanreiknun
um að kenna en ófyrirséðum kostn-
aðarauka segir hún: „Það var van-
áætlun hjá byggingarnefndinni.“
Þess má geta að formaður bygg-
inganefndarinnar og framkvæmda-
stjóri FEB keyptu báðir íbúðir af
FEB, eins og fram kom í umfjöllun
Morgunblaðsins um málið um
helgina, við vinnslu fréttarinnar náð-
ist í hvorugan þeirra.
Margir kaupenda eru að skoða
rétt sinn í málinu enda hafa nokkrir
lögfræðingar haldið því fram að hinn
ófyrirséði kostnaður eigi að falla á
FEB en ekki á kaupendur. Sigríður
veit ekki til þess að kaupendur úr
hópi þeirra sem gengist hafa við
kröfum FEB hafi sóst eftir því að
draga ákvörðun sína til baka.
Verktakinn „aldrei lent í öðru eins“
 Vanreiknun ástæða hækkunar verðs á íbúðum FEB, ekki kostnaðarauki  Gæti orðið að 400 milljóna
króna tapi fyrir verktakann  „Við erum í raun fórnarlamb rétt eins og kaupendur,“ segir verktakinn
Í tilkynningu frá stjórn FEB til kaupenda í gærkvöldi kom fram að eftir
fund með íbúum í gær hafi lyklar verið afhentir að fjórum íbúðum. Alls
hafi kaupendur 17 íbúða af 23 sem fundað hefur verið með samþykkt skil-
málabreytingar. Fjórir hafa viljað skoða málið frekar og leita ráðgjafar um
stöðu sína. Lögmenn tveggja kaupenda íhugi að leita til dómstóla.
Þá er í tilkynningunni reifað það sjónarmið FEB að ólíkt hefðbundnum
fasteignafélögum hafi verið um að ræða óhagnaðardrifna framkvæmd.
Sé horft á málið með þeim hætti að um sé að ræða eins konar bygging-
arfélag aðila, sem leggja saman í púkk til að byggja fyrir hópinn, sé eðli-
legt að kostnaðarauka sé dreift jafnt rétt eins og ávinningnum sem fæst
með slíku fyrirkomulagi. Stjórnin segir að af ummælum lögmanna sem
fallið hafi í fjölmiðlum megi ráða að þeir líti svo á að um hefðbundin fast-
eignaviðskipti sé að ræða. Málið sé þó ekki svo einfalt og þegar fram-
kvæmdir hófust hafi legið fyrir listi með nöfnum rúmlega 400 fé-
lagsmanna sem lýstu áhuga. Þannig hafi félagið getað fengið lánsloforð
frá banka. FEB hafi tekið að sér hlutverk milliliðar án nokkurrar þóknunar
í samræmi við markmið og tilgang félagsins.
Kaupendur 17 íbúða samþykkir
STJÓRN FEB SENDI KAUPENDUM BRÉF Í GÆRKVÖLDI
Morgunblaðið/Árni Sæberg
FEB Stjórnin hugðist funda í húsakynnum félagsins í Stangarhyl í gær, en
ekið var á brott þegar sást til ljósmyndara og kvikmyndatökumanna.