Morgunblaðið - 07.08.2019, Page 9

FRÉTTIR 9Innlent
MORGUNBLAÐIÐ MIÐVIKUDAGUR 7. ÁGÚST 2019
Hluthafa er heimilt að sækja fund ásamt ráðgjafa, sem hvorki hefur málfrelsi, tillögurétt né
atkvæðisrétt. Hluthafa er þó heimilt að gefa ráðgjafa sínum orðið fyrir sína hönd. Einnig getur
hluthafi falið umboðsmanni sínum að sækja fyrir sig fundinn og skal hann þá leggja fram
skriflegt og dagsett umboð sem gildir aldrei lengur en eitt ár frá dagsetningu þess.
Hluthafi á rétt á því að fá ákveðin mál tekin til meðferðar á hluthafafundi, ef hann gerir um það
skriflega rafræna kröfu til félagsstjórnar (erlendur@heimavellir.is) með nægilega miklum fyrir-
vara til að unnt sé að taka málið á dagskrá fundarins.
Atkvæðagreiðslur um þau mál sem eru á dagskrá hluthafafundar verða einungis skriflegar á
fundinum ef einhver atkvæðisbærra fundarmanna krefst þess. Ekki verður hægt að greiða
atkvæði með rafrænum hætti á fundinum. Hluthafar geta þó óskað eftir því að fá atkvæðaseðla
senda til sín og skal skrifleg beiðni þar um hafa borist á heimili félagsins fimm dögum fyrir
auglýstan hluthafafund. Einnig geta hluthafar vitjað atkvæðaseðla sinna á heimili félagsins frá
sama tíma eða greitt þar atkvæði. Hluthafafundur er lögmætur ef hann er löglega boðaður.
Hluthafar og umboðsmenn geta skráð sig á hluthafafundinn á fundarstað frá kl. 08:30 á fundardegi.
Gögn vegna fundarins eru aðgengileg á skrifstofu félagsins í Lágmúla 6, 108 Reykjavík og á
vefsvæði tengdu hluthafafundinum á heimasíðu félagsins:
www.heimavellir.is/is/fyrir-fjarfesta/hluthafafundur, endanleg dagskrá og tillögur verða
aðgengilegar a.m.k. 21 dögum fyrir hluthafafund á heimasíðu félagsins.
Reykjavík 7. ágúst 2019
Stjórn Heimavalla hf.
Hluthafafundur
Dagskrá
Dagskrá fundarins er svohljóðandi:
1. Setning fundarins, kosning fundarstjóra og fundarritara.
2. Uppgjörskynning fyrir 2. ársfjórðung 2019.
3. Tillaga um kaup félagsins á eigin hlutum og endurkaupaáætlun.
4. Önnur mál.
www.heimavellir.is
Stjórn Heimavalla hf. boðar til hluthafafundar í félaginu og verður hann
haldinn þann 30. ágúst 2019 á Icelandair Hotel Reykjavík Natura,
sal 4 og 5, Nauthólsvegi 52, 101 Reykjavík, og hefst hann kl: 09:00.
Heimavellir hf.
Ísland er í öðru sæti á lista yfir
flesta fólksbíla á hverja þúsund íbúa
í Evrópulöndum. Þetta kemur fram
þegar fjöldi fólksbíla á Íslandi er
borinn saman við nýlega umfjöllun
hagstofu Evrópusambandsins,
Eurostat, um þessi mál. Eins og sjá
má á kortinu hér til hliðar eru hlut-
fallslega flestir fólksbílar miðað við
íbúa í smáríkinu Liechtenstein en
þar voru 773 fólksbílar á hverja þús-
und íbúa árið 2016.
Fólksbílar voru um 712 á hverja
þúsund íbúa í ársbyrjun 2017 á Ís-
landi en í þriðja sæti situr Lúxem-
borg, efst Evrópusambandsríkja,
með 670 bíla á hverja þúsund íbúa.
46 milljónir í Þýskalandi
Næst Norðurlanda er Finnland í
fimmta sæti, með 617 fólksbíla á
hverja þúsund íbúa. Norðurlöndin
skipa sér svo í sæti nokkuð neðar á
listanum, Noregur í 15. sæti, Svíþjóð
í 22. sæti og Danmörk í 26. sæti.
Í umfjöllun Eurostat kemur fram
að þekkt bílaríki, Þýskaland og
Ítalía, hafi verið efst á lista yfir lönd
með flesta bíla í það heila. Árið 2017
hafi í Þýskalandi verið 46 milljónir
fólksbíla og 37 milljónir á Ítalíu.
Skilar það Ítölum fjórða sæti á
listanum hér til hliðar og níunda
sæti fyrir Þjóðverja, sem sitja á milli
Póllands og Austurríkis.
Þriðja neðst á listanum er Rúm-
enía, en í umfjöllun Eurostat segir
að Rúmenía sé svo lágt á listanum
þrátt fyrir að skráðum bílum þar í
landihafi fjölgað um næstum 10% á
árabilinu 2013-2015.
Neðst á listanum eru svo tvö um-
sóknarríki að Evrópusambandinu,
Norður-Makedónía og Tyrkland.
Fólksbílaeign á Íslandi og í Evrópu
Lönd með fæsta og fl esta fólksbíla á hverja 1.000 íbúa árið 2017*
Heimild: Eurostat og Samgöngustofa.
*Tölur fyrir Liechtenstein og Ítalíu eru frá 2016
og Rúmeníu 2015.
Tyrkland N-Make-dónía Rúmenía Danmörk Svíþjóð Noregur
Austur-
ríki
Þýska-
land Pólland Kýpur Malta Finnland Ítalía
Lúxem-
borg Ísland
Liecht en-
stein*
34 33 32 26 22 15 10 9 8 7 6 5 4 3 2 1
Röð á lista
MEÐ FÆSTA BÍLA NORÐURLÖND TÍU EFSTU – MEÐ FLESTA BÍLA Á ÍBÚA
149
194
261
Næstflestir
fólksbílar hér
 Flestir fólksbílar í Liechtenstein
Afmáning áletrana í Stöðvarfirði
myndi fela í sér „jafnmikið rask“ og
áletranirnar hafa þegar valdið, að
sögn Sigrúnar Ágústsdóttur, sviðs-
stjóra Umhverfisstofnunar.
„Í Helgafelli gátum við náð nokk-
urn veginn sömu ásýnd en við getum
ekki náð því í svona kletti, þar sem
búið er að höggva í klettinn,“ sagði
hún.
Áletranir voru ólöglega ristar í
kletta og náttúrumyndanir í Stöðv-
arfirði síðasta sumar. Bæjarráð
Fjarðabyggðar fór þá út fyrir sitt
valdsvið og gaf listamanninum
Kevin Sudeith sérstakt leyfi fyrir
verknaðinum, sem braut í bága við
náttúruverndarlög.
Stórar áletranir og myndir af
getnaðarlimum á Helgafelli voru
fjarlægðar af fulltrúum Umhverf-
isstofnunar í júní síðastliðnum. Það
mál er ólíkt áletrununum í Stöðv-
arfirði, til dæmis að því leyti að mun
erfiðara gæti reynst að fjarlægja
áletranirnar í Stöðvarfirði.
„Aðstæðurnar eru öðruvísi á
Helgafelli. Þar eru jarðlögin þannig
að það er hægt með bursta að ná
þessu niður,“ sagði hún.
Ljósmynd/Kevin Sudeith
Náttúra Listamaðurinn Kevin Sudeith skar hin umdeildu verk út.
Ekki ráðlegt að
afmá áletranir
Kennari verður ráðinn til þriggja ára
við íslenskudeild Manitoba-háskóla í
Winnipeg samkvæmt samkomulagi
mennta- og menn-
ingarmálaráðu-
neytis, forsætis-
ráðuneytis og
Háskóla Íslands
um aukinn stuðn-
ing við deildina.
Kennarinn mun
meðal annars
kenna námskeið í
íslenskum bók-
menntum, sinna
framhaldsnemum deildarinnar, hafa
umsjón með sumarnámskeiði á Ís-
landi fyrir nemendur hennar og koma
að útgáfustarfsemi í tengslum við
bókmennta- og menningararf vestur-
faranna og afkomenda þeirra í Norð-
ur-Ameríku.
Lilja Alfreðsdóttir, mennta- og
menningarmálaráðherra, var heiðurs-
gestur Íslendingadagsins í Gimli í
Manitoba-fylki í Kanada í ár. Þar
greindi hún frá fyrrnefndu samkomu-
lagi. „Það er stórkostlegt að fá að upp-
lifa Íslendingahátíðina hér í vestur-
heimi. Tenging afkomenda
vesturfaranna við Ísland er mjög sterk
og það hreyfir við manni að sjá hvernig
þeir halda uppruna sínum á lofti. Það
er skylda okkar Íslendinga að rækta
þessi tengsl af alúð og alvöru,“ sagði
hún.
Lilja sagði að með auknum stuðn-
ingi íslenskra stjórnvalda við íslensku-
deild háskólans væri stigið mikilvægt
skref til að efla tengslin við Vestur-
Íslendinga enn frekar. „Þeim tíðindum
var ákaflega vel tekið hér á svæðinu
enda hefur fólkið hér mikinn áhuga og
metnað til að rækta tengslin við Ísland
meðal annars í gegnum tungumálið og
menninguna,“ sagði hún.
Styrkja háskólann
um kennara í 3 ár
Lilja
Alfreðsdóttir