Morgunblaðið - 07.08.2019, Qupperneq 27

ÍÞRÓTTIR 27
MORGUNBLAÐIÐ MIÐVIKUDAGUR 7. ÁGÚST 2019
 Stephany Mayor skoraði fyrsta
mark Mexíkó þegar liðið vann 5:1-sigur
á Panama í leiknum um 5. sæti í fót-
bolta kvenna á Ameríkuleikunum í
Perú í gær. Þetta var annað mark May-
or á leikunum. Þær Bianca Sierra
snúa nú aftur til Akureyrar og halda
áfram leiktíð sinni með Þór/KA.
 Jordy Kuiper, hollenski körfuknatt-
leiksmaðurinn sem lék með Grindavík
síðasta vetur, er kominn til Spánar.
Þar samdi hann við B-deildarfélagið
Cáceres. Kuiper, sem er miðherji,
skoraði 16,8 stig og tók 7,8 stig að
meðaltali í leik með Grindvíkingum.
 Haukar hafa fengið til sín spænska
knattspyrnumanninn Raúl Segura, 28
ára miðjumann sem leikur með liðinu í
1. deild út tímabilið. Hnan lék síðast
með Gibraltar Phoenix á Gíbraltar en
hefur leikið með öðrum liðum í sömu
deild og í neðri deildum Spánar.
 Juventus hefur samþykkt tilboð
Tottenham í Paulo Dybala upp á 64,4
milljónir punda, samkvæmt Sky. Áður
hafði Manchester United reynt að
skipta á Romelu
Lukaku og Dy-
bala. United er
nú sagt vilja fá
Christian Er-
iksen frá Tottenham.
Tottenham freistar
þess aftur á móti að fá
Philippe Coutinho að
láni frá Barcelona. Fé-
lagaskiptaglugginn á
Englandi lokar síðdegis
á morgun.
Eitt
ogannað
Í VESTURBÆNUM
Víðir Sigurðsson
vs@mbl.is
„Við verðum meistarar, við verðum
meistarar,“ sungu stuðningsmenn
KR á lokamínútunum í 5:2 sigri á
Grindvíkingum á Meistaravöllum í
gærkvöld.
Það láir Vesturbæingum enginn
að vera bjartsýnir á að Íslandsmeist-
aratitillinn í fótbolta verði þeirra í
ár. Þeir eru hreinlega óstöðvandi,
hafa nú innbyrt 31 stig af 33 mögu-
legum frá því þeir töpuðu fyrsta og
eina leik sínum á tímabilinu til þessa,
einmitt gegn Grindvíkingum í fyrri
umferðinni, um miðjan maí.
Eftir þennan sannfærandi sigur
er forysta þeirra orðin þrettán stig
sem er hreinlega ógnvekjandi, enda
þótt Breiðablik fái tækifæri í kvöld
til að koma henni niður í tíu stig á
nýjan leik. Það þarf einfaldlega ein-
hvers konar meiri háttar stórslys að
eiga sér í Vesturbænum, nánast
náttúruhamfarir, ef eitthvert annað
lið en KR lyftir Íslandsbikarnum að
loknu tímabilinu í haust.
Andstæðingarnir í gærkvöld,
Grindvíkingar, hafa verið frægir fyr-
ir varnarleik sinn í sumar. Þeir
mættu til leiks með markatöluna
10:11 og höfðu fengið á sig fimm
mörk í síðustu tíu leikjum. En KR-
ingar skoruðu fimm hjá þeim og sig-
urinn hefði getað orðið enn stærri.
Þegar horft er á tölfræði leiksins má
sjá að KR-ingar áttu 21 skot í leikn-
um, 14 sem hittu á Grindavík-
urmarkið, á meðan Grindvíkingar
voru með 100 prósent nýtingu, skor-
uðu úr báðum sínum markskotum í
leiknum eftir að KR hafði komist í
3:0 og 4:2 í síðari hálfleiknum.
Kristján Flóki Finnbogason lék
sinn fyrsta leik fyrir KR, kom beint
inní byrjunarliðið fyrir Tobias
Thomsen sem tók út leikbann. Það
verður ekki auðvelt fyrir Thomsen,
markahæsta mann KR í sumar, að
vinna stöðuna til baka.
Annars léku KR-ingar af gríð-
arlegu sjálfstrausti, sérstaklega eft-
ir að þeir höfðu náð að brjóta ísinn
með marki Kennie Chopart eftir 28
mínútur gegn sterkustu vörn deild-
arinnar. Þrjú mörk gegn einu á tólf
mínútum í byrjun síðari hálfleiks
þýddu að síðasti hálftími leiksins var
nánast formsatriði.
Eins og Srdjan Tufegdzic þjálfari
Grindavíkur sagði við mig er ekkert
annað fyrir Suðurnesjamennina en
að gleyma þessum leik þar sem liðið
gaf nánast fleiri færi á sér en í öllu
mótinu hingað til. Grindavík er í
harðri fallbaráttu og þarf að sækja
stigin eitthvað annað en í Vest-
urbæinn til að bjarga sér í þeim slag.
Meistarasöngvar sungnir
á Meistaravöllum
 Forysta KR-inga orðin 13 stig  Skoruðu fimm mörk gegn besta varnarliðinu
Morgunblaðið/Árni Sæberg
Markaregn KR-ingar fagna þriðja marki sínu gegn Grindvíkingum í gær en það skoraði Pablo Punyed.
1:0 Kennie Chopart 28.
2:0 Atli Sigurjónsson 47.
3:0 Pablo Punyed 55.
3:1 Óscar Conde 56.
4:1 Óskar Örn Hauksson 59.
4:2 Sigurður B. Hallsson 71.
5:2 Kristján Flóki Finnbogason 89.
I Gul spjöldRodridog Gómez og Aron Jó-
hannsson (Grindavík)
Dómari: Ívar Orri Kristjánsson, 7.
Áhorfendur: 1.459.
KR – GRINDAVÍK 5:2
MM
Kristinn Jónsson (KR)
M
Arnþór Ingi Kristinsson (KR)
Kennie Chopart (KR)
Pablo Punyed (KR)
Kristján Flóki Finnbogason (KR)
Óskar Örn Hauksson (KR)
Atli Sigurjónsson (KR)
Elias Tamburini (Grindavík)
Aron Jóhannsson (Grindavík)
Tveir íslenskir kylfingar verða með á Opna skoska
meistaramótinu í golfi sem hefst á Renaissance-vellinum
á morgun. Valdís Þóra Jónsdóttir úr GL er með keppn-
isrétt á mótinu líkt og öðrum mótum sem tilheyra Evr-
ópumótaröðinni, en Ólafía Þórunn Kristinsdóttir fékk
svo óvænt boð á mótið seint í fyrrakvöld og ákvað því að
hætta við þátttöku á Íslandsmótinu sem einnig hefst á
morgun.
Flestir af sterkustu kylfingum heims mæta til keppni
á Opna skoska meistaramótinu en mótið er hluti af bæði
LPGA-mótaröðinni, sem Ólafía er með takmarkaðan að-
gang að í ár, og Evrópumótaröðinni.
Valdís Þóra er í ráshópi með þeim Kelly Tan frá Malasíu og Whitney Hil-
lier frá Ástralíu, og fara þær af stað kl. 11.20 á morgun. Þær hefja leik á
10. teig rétt eins og Ólafía og hennar ráshópur. Ólafía fer af stað kl. 12.26
með þeim Camille Chevalier frá Frakklandi og Tiffany Chan frá Hong
Kong.
Ólafía einnig með í Skotlandi
Ólafía Þórunn
Kristinsdóttir
Fimm leikmenn úr 1. deild karla í
fótbolta, Inkasso-deildinni, voru í
gær úrskurðaðir í eins leiks bann
hver. Þeir Rúnar Þór Sigurgeirsson
úr Keflavík og Stefán Árni Geirs-
son úr Leikni R. fengu eins leiks
bann hvor vegna rauðra spjalda í
síðustu umferð.
Guðmundur Karl Guðmundsson
úr Fjölni, Gunnlaugur Fannar Guð-
mundsson úr Haukum og Emm-
anuel Eli Keke úr Víkingi Ó. fengu
svo bann vegna uppsafnaðra
áminninga á leiktíðinni.
Fimm úr 1.
deild í bann
Morgunblaðið/Hari
Sjö áminningar Eli Keke hefur
fengið gult spjald sjö sinnum í ár.