Morgunblaðið - 07.08.2019, Síða 29

MENNING 29
MORGUNBLAÐIÐ MIÐVIKUDAGUR 7. ÁGÚST 2019
laugavegi 47 www.kokka.is kokka@kokka.is
Pappelina gólfmotta, 70 x 100 cm
Verð 13.500 kr.
Fast & Furious-hasarmyndasyrpan er ein súvinsælasta í kvikmynda-sögunni ef marka má
miðasölu enda hrein afþreying sem
krefst lítils af heilabúi áhorfenda líkt
og svo margar hasarmyndir. Hrað-
skreiðir bílar, áflog, vöðvastæltir
menn og föngulegar konur er nokk-
urn veginn formúlan og hún hefur
löngum gengið vel í kvikmynda-
húsum.
Fast & Furious Presents: Hobbs &
Shaw er svokölluð „spin-off“ mynd
eða afleggjari og segir af tveimur
persónum úr syrpunni sem til þessa
hafa verið aukapersónur. Er þar ann-
ars vegar vöðvatröllið Hobbs, leikið
af Bandaríkjamanninum Dwayne
Johnson sem áður kallaði sig „The
Rock“ (Steini) og hins vegar bardaga-
lipri málaliðinn Shaw, leikinn af Eng-
lendingnum Jason Statham. Báðir
leikarar hafa notið mikilla vinsælda
meðal hasarmyndaunnenda, Johnson
hefur fikrað sig örlítið yfir í mýkri
myndir hin síðustu ár en Statham
haldið kyrru fyrir í hasarnum enda
með liprari mönnum þegar kemur að
bardagalistum og flóknum slagsmála-
atriðum. Johnson og Statham ná vel
saman á hvíta tjaldinu, sá fyrrnefndi
tröllvaxinn í samanburði við hinn og
handritshöfundar henda góðlátlegt
grín að því í myndinni. Ef Johnson er
Steini þá er Statham Olli.
Handritið er hlægilega lélegt sem
gerir myndina fyrir vikið mjög
skemmtilega. Sem dæmi má nefna að
þegar vondi kallinn, Brixton, leikinn
af hinum ógnarsvala Idris Elba, er
kynntur til sögunnar er hann spurður
að því hver í fjandanum hann sé eig-
inlega. „Vondi kallinn,“ svarar hann
líkt og það sé algengt starfsheiti.
Ráðabrugg vonda karlsins er líka
kunnuglegt og gæti allt eins verið úr
einni af gamanmyndunum um
Johnny English. Sá vondi starfar fyr-
ir einhvern enn verri og sá vill kom-
ast yfir veiru sem hægt er að forrita,
drepa með henni mannkynið og búa
til nýtt og tæknilega betrumbætt
mannkyn. Í byrjun myndar tekst
systur Shaw, Hattie (sem er leikin
með tilþrifum af Vanessu Kirby) að
flýja undan Brixton sem vill komast
yfir veiruna. Hattie skýtur hylki með
veirunni í handlegginn á sér og ef
ekki tekst að ná því út innan ákveðins
tíma mun veiran fara út í blóðrásina
og í framhaldi smita hana og mann-
kyn allt. Tæki sem nota þarf til að ná
veirunni út er auðvitað í rammgerðu
virki í Úkraínu og þangað halda
Hobbs, Shaw og Hattie en hasarinn
berst einnig til London og Samóaeyja
og endar með fjölskylduuppgjöri
Hobbs og auðvitað fáránlegum loka-
bardaga. Brixton reynist vera endur-
lífgaður hermaður sem sveik lit og
gengur nú fyrir rafmagni og vélbún-
aði sem gerir hann ofurmannlegan og
- að því er virðist - ósigrandi. „Ég er
svartur Súpermann,“ segir Elba
glottandi og hefur eflaust átt erfitt
með að halda aftur af hlátrinum í tök-
um. Textinn hans er meira eða minna
jafnkjánalegur og fyrrnefnd setning.
Hobbs og Shaw eru svarnir óvinir,
eins og aðdáendur Fast & Furious-
myndanna vita og virðast á yfirborð-
inu eiga lítið sameiginlegt og svívirð-
ingar sem ganga á milli þeirra reglu-
lega eru ansi spaugilegar. „Þú ert
eins og risavaxið, húðflúrað barn!“
urrar Statham og Johnson svarar því
til að sá enski sé jafnstuttur til hnés-
ins og hobbiti. Þegar systir Shaw fer
svo að renna hýru auga til Hobbs er
Shaw öllum lokið.
Lapþunnt og heimskulegt hand-
ritið kemur lítið að sök í svona kvik-
mynd, maður ætlast ekki til þess að
hún sé vitræn. Mestu máli skiptir að
hasarinn er flottur enda leikstjórinn
sá sami og leikstýrði John Wick og
Atomic Blonde. Statham sýnir glæsi-
leg tilþrif í slagsmálaatriðum þó ekki
sé að finna í þeim mikinn frumleika
eða hugmyndaflug og drumburinn
Johnson er ágætis mótvægi við þá
miklu fimi. Kirby er ekki síðri í sínum
slagsmálaatriðum og gefur þeim fé-
lögum ekkert eftir. Fjölhæf leikkona
þar á ferð og enn eftirminnilegust
fyrir leik sinn í dramaþáttunum The
Crown á Netflix.
Það er fyrirtaks húmor og hasar í
þessum fína afleggjara sem missir því
miður flugið undir lokin þegar við
tekur drepleiðinlegt og væmið fjöl-
skyldudrama á Samóaeyjum og lang-
dregið reiptog við þyrlu. Aðdáendur
Statham, Johnson og Fast & Fur-
ious-hasarmyndanna fá engu að síður
nóg fyrir sinn snúð.
Steini og Olli bjarga heiminum
Óvinir Johnson og Statham spara ekki svívirðingarnar í Hobbs & Shaw. Þeir eru svarnir óvinir en neyðast til að
snúa bökum saman þegar bjarga þarf systur Shaw og um leið öllu mannkyni frá útrýmingu og ógurlegu illmenni.
Smárabíó, Laugarásbíó,
Háskólabíó og Sambíóin Álfa-
bakka, Egilshöll og Keflavík
Fast & Furious Presents: Hobbs &
Shaw bbbnn
Leikstjórn: David Leitch. Handrit: Chris
Morgan og Drew Pearce. Aðalleikarar:
Jason Statham, Dwayne Johnson, Idris
Elba og Vanessa Kirby. Bandaríkin og
Bretland, 2019. 137 mín.
HELGI SNÆR
SIGURÐSSON
KVIKMYNDIR
Á dögunum var
afhjúpað við
Hálsatorg í
Kópavogi nýtt
veggverk eftir
dönsku myndlist-
arkonuna The-
resu Himmer,
Sólarslóð. Í há-
deginu í dag,
miðvikudag, kl.
12.15 til 13 mun
Brynja Sveinsdóttir, verkefnastjóri
safneignar og miðlunar Gerðar-
safns, kynna verkið. Sólarslóð sýnir
hreyfingu sólarinnar yfir eins árs
tímabil með tólf brotalínum sem
teikna upp hin óskýru mörk á milli
sólarljóss og skugga sem varpast á
vegg Hálsatorgs.
Að lokinni kynningu á verkinu
býðst gestum að fylgja Brynju yfir
á Gerðarsafn þar sem hún fræðir
gesti um annað verk Theresu: Inn-
anhús framleiðsla I-III sem hefur
bein tengsl við Sólarslóð.
Theresa Himmer
við Sólarslóð.
Kynnir veggverk
Theresu Himmer
Rithöfundurinn
Toni Morrison,
sem varð árið
1993 fyrst
bandarískra
blökkumanna til
að hreppa
Nóbels-
verðlaunin í bók-
menntum, er lát-
in 88 ára að
aldri.
Í verkum sínum fjallaði Morr-
ison einkum um sjálfsmynd
svartra og sérstaklega stöðu
svartra kvenna í heimalandinu.
Hún sendi frá sér 11 skáldsögur
auk barnabóka og greinasafna.
Þekktustu sögur hennar eru Song
of Solomon (1977) og Beloved sem
hreppti Pulitzer-verðlaunin 1988
en báðar komu út í þýðingu Úlfs
Hjörvars undir heitunum Söngur
Salómons og Ástkær.
Nóbelshöfundurinn
Toni Morrison látin
Toni
Morrison
Tvennir tónleikar Ed Sheeran fara
fram á Laugardalsvelli um helgina,
10. og 11. ágúst, og verður dagskrá
beggja daganna eins, samkvæmt til-
kynningu frá Senu Live sem skipu-
leggur tónleikana.
Dagskráin hefst kl. 12 á hádegi
þegar aðdáendasvæðið í Laug-
ardalshöll verður opnað og getur
fólk þar slappað af og hitað upp fyrir
tónleikana. Dyrnar að Laugardals-
velli verða opnaðar kl. 16 og Glowie
kemur á svið kl. 18. Á eftir henni, um
kl. 18.45, kemur sænska popptónlist-
arkonan Zara Larsson og kl. 19.45
trúbadorinn James Bay. Tónleikar
Sheeran hefjast kl. 21 og lýkur um
kl. 23, ef áætlanir standast.
Þar sem búast má við tugþús-
undum gesta í Laugardalinn verður
dregið úr umferð með því að bjóða
upp á sætaferðir milli Kringlu og
Laugardalsvallar frá kl. 15.30 og
verður farið með gesti á 20 mínútna
fresti. Að tónleikum loknum verður
keyrt frá Laugardalsvelli að
Kringlu.
Frekari upplýsingar um tón-
leikana og allt sem þeim viðkemur
má finna á vefslóðinni senalive.is/
vidburdir/ed/.
Allt sem vita þarf um
tónleika Ed Sheeran
Feykivinsæll Edward Christopher
Sheeran, betur þekktur sem Ed
Sheeeran, er einn vinsælasti tónlist-
armaður heims. Hann er 28 ára og
fæddur í Halifax á Englandi.
The Lion King 1 3
Fast & Furious: Hobbs & Shaw Ný Ný
Spider-man: Far From Home 2 5
Toy Story 4 3 7
Anna 4 2
Yesterday 6 6
Aladdin 7 11
The Queen's Corgi 8 5
The Secret Life of Pets 2 10 9
Stuber 5 4
Bíólistinn 2.–4. ágúst 2019
Nr.
Var
síðast
Vikur
á listaKvikmynd
1
2
3
4
5
6
7
8
9
10
Bíóaðsókn helgarinnar