Morgunblaðið - 16.08.2019, Síða 4

4 FRÉTTIRInnlent
MORGUNBLAÐIÐ FÖSTUDAGUR 16. ÁGÚST 2019
Höskuldur Daði Magnússon
hdm@mbl.is
„Ef fólk sem rekur bíó getur flokk-
að rusl í niðamyrkri þá geta allir
það,“ segir Guðrún Karítas Finns-
dóttir, sýningarstjóri hjá Borg-
arbíói á Akureyri.
Starfsmenn Borgarbíós hófu ný-
lega að flokka allt sorp sem fellur
til í bíóinu. Þeir hafa komið fyrir
átta flokkunartunnum og hvetja
bíógesti til að láta ekki sitt eftir
liggja. Guðrún Karítas segir að
starfsfólkið hafi um nokkurt skeið
flokkað sjálft rusl en nýlega var
farið að flokka einnig ruslið úr söl-
um kvikmyndahússins. „Þetta er
rosalegt magn. Við höfum lengi
flokkað poka utan af nachosi, sós-
um og fleiru. Svo
settum við tunn-
ur inn í sal og
fyrst um sinn
nýttu sér ekki
margir það. En
eftir að við sett-
um auglýsingu á
skjáinn rétt áður
en myndin hefst
þar sem við
hvetjum fólk til
að flokka þá tóku margir við sér.
Konurnar sem þrífa eru líka flokk-
unarsjúkar eins og ég og hjálpa
okkur við þetta.“
Helmingi minna sorp en áður
Guðrún segir að um það bil þrír
stórir ruslapokar með plasti séu
sendir í endurvinnslu í viku hverri
og umfang almenna sorpsins hafi
samfara þessu minnkað umtalsvert.
„Það er örugglega helmingi minna
en áður, enda er til dæmis hægt að
stafla glösum þegar búið er að
taka lokin og rörin frá,“ segir hún.
„Það eru allir á Akureyri dug-
legir að flokka ruslið sitt og við
viljum endilega að fleiri fyrirtæki
bætist í hópinn,“ segir Guðrún
Karítas.
Frekari ráðstafanir í þágu um-
hverfisins eru í skoðun að sögn
Guðrúnar. Til að mynda er unnið
að því í samstarfi við Vífilfell að
hanna fjölnota glös sem fólk getur
komið með aftur og aftur og fengið
afslátt af gosi fyrir vikið.
Risarnir fylgja á eftir
Stóru kvikmyndahúsin í Reykja-
vík virðast ætla að feta í fótspor
Borgarbíós á Akureyri. Samkvæmt
upplýsingum frá Ólafi Þór Jóels-
syni hjá Senu, sem rekur Smárabíó
og Háskólabíó, er litið til fordæm-
isins frá Akureyri. „Það er algjört
forgangsverkefni að útrýma plast-
inu. Í næstu viku byrjum við með
papparör og verðum fyrsta kvik-
myndahúsið til að taka þau í notk-
un. Þetta er svar við óskum við-
skiptavina sem eru margir farnir
að afþakka plaströr og plastlok á
gosið hjá okkur. Við erum líka að
skoða nýja bakka undir nachosið,“
segir Ólafur. Hann segir jafnframt
að undirbúningur fyrir það að
flokka og endurvinna í bíóhúsunum
sé kominn á fulla ferð. „Það er í
nokkur horn að líta varðandi út-
færsluna og við ætlum að gera
þetta vel, við erum ekki bara að
leita að einhverjum stimpli,“ segir
Ólafur.
Alfreð Árnason, framkvæmda-
stjóri hjá Sambíóunum, sagði að
það væri í undirbúningi að hefja
flokkun sorps í sölum Sambíóanna
og verið væri að skoða hvernig
yrði staðið að því.
Flokka rusl í
niðamyrkri
fyrir norðan
 Gestir Borgarbíós á Akureyri taka
þátt í að flokka  Fleiri bíó taka við sér
Plastið flokkað Vikuskammtur á leið í endurvinnslu hjá Borgarbíói.
Guðrún Karítas
Finnsdóttir
Sigurður Bogi Sævarsson
sbs@mbl.is
Heyskapur í sveitum landsins er al-
mennt langt kominn, segja bændur
sem Morgunblaðið ræddi við í gær.
Eftirtekjan er um meðallag og þar
ræður þurrkatíð. Vætuna hefur,
annarsstaðar en á Austurlandi,
vantað svo best geti sprottið. Eigi að
síður er fólk almennt ánægt með
uppskeruna, afkomu, ástand og
horfur.
Næringarríkt hey
„Sláttur hér í Rangárþingi er
langt kominn,“ segir Elvar Eyvinds-
son bóndi á Skíðbakka í Austur-
Landeyjum. Fyrsti sláttur sem
flestir bændur tóku í júní hafi skilað
góðum heyjum og nú séu margir að
taka aðra yfirferð. Slá hána, eins og
slíkt er kallað. „Það var mjög þurrt í
veðri í maí og fram eftir júní. Þá
fengum við vætu í nokkra daga svo
allt komst á skrið. Mér sýnist líka að
þetta sé mjög gott og næringarríkt
hey,“ segir Elvar. Í Skagafirði sér
fyrir endann á heyskap hjá þorra
bænda. Heyfengur er þó ekki nema
„… í slöku meðallagi,“ segir Atli
Már Traustason bóndi í Syðri-Hof-
dölum í Blönduhlíð. „Frá því í apríl
og þar til núna í ágúst kom hér varla
dropi úr lofti og uppskeran er sam-
kvæmt því. Í þessari viku hefur hins
vegar hellirignt og á túnum er kom-
in há fyrir seinni sláttinn, sem menn
ljúka væntanlega núna í kringum
helgina enda er spáð þurrki. Sjálfur
hugsa ég mér að minnsta kosti gott
til glóðarinnar og vænti þess að
klára þetta að mestu, þótt einstaka
spildur verði svo teknar í þriðja
slætti.“
Þurrkatíð í allt sumar ræður því
að bændur í Dölum eru nú í ágúst að
áliðnum slætti með aðeins um 2/3 af
þeim heyjum sem þeir náðu í fyrra.
„Hér hefur verið mjög óvenjulegt
tíðarfar að undanförnu,“ segir Eyj-
ólfur Ingvi Bjarnason, oddviti Dala-
byggðar og ráðunautur. Hann býr í
Ásgarði í Hvammssveit, þar sem er
veðurathugunarstöð og mælingar
gerðar daglega. Samkvæmt þeim er
uppsöfnuð úrkoma á staðnum frá 1.
apríl til dagsins í dag aðeins 60 milli-
metrar borið saman við að ársúr-
koman í meðalári eru 830 millimetr-
ar. „Milli úrkomumagns og heyfengs
er alltaf samhengi Það sem bjargar
málunum núna er að margir eiga
fyrningar frá fyrra ári og sjálfur er
ég ágætlega settur,“ segir Eyjólfur.
Bleyta og brösótt
Á Austurlandi hefur legið í súld
og rosa megnið af sumrinu svo hey-
skapur hefur gengið brösulega, seg-
ir Guðfinna Harpa Árnadóttir, bóndi
í Straumi í Hróastungu á Héraði og
formaður Landssamtaka sauðfjár-
bænda.
„Þeir sem búa lengst inn til lands-
ins eru best settir með gott hey
núna, bændur til dæmis á Fljótsdal
og Efri-Jökuldal. Annarsstaðar, svo
sem hér í Tungunni, er þetta leið-
inlegra. Sumstaðar eru meira að
segja skákir sem enn hafa ekki verið
slegnar – og núna þegar langt er lið-
ið á sumar eru grös orðin trénuð og
væntanlega næringarlítil. Samt held
ég að hvergi sé uppi alvarlegur
vandi,“ segir Guðfinna.
Þurrkurinn veldur minni heyfeng
 Lítil úrkoma hefur sett strik í reikning bænda  Slakt meðallag í Skagafirði  Þriðjungi minni hey
en í fyrra í Dölunum  Öðrum slætti er víðast hvar að ljúka  Grösin eru trénuð á Austurlandi
Morgunblaðið/Sigurður Bogi
Landbúnaður Rakað í múga fyrir hirðingu á túni í Hrútafirði á dögunum.
Elvar
Eyvindsson
Atli Már
Traustason
Ragnhildur Þrastardóttir
ragnhildur@mbl.is
Fyrstu tvö stafrænu strætóskýlin á
höfuðborgarsvæðinu hafa verið tek-
in í notkun.
Skýlin eiga að minnsta kosti að
verða fimmtíu talsins en það er
fyrirtækið Dengsi ehf. sér um upp-
setningu þeirra.
Í skýlunum eru LED skjáir fyr-
ir auglýsingar svo ekki þarf lengur
að skipta út auglýsingum á pappír
heldur verða þær einfaldlega sendar
stafrænt í skýlin. Í þeim verða einn-
ig stafræn rauntímakort sem gefa
farþegum upplýsingar um það hvaða
vagn er næstur.
„Þetta er náttúrulega algjör
bylting. Um leið og þetta er orðið
stafrænt þá er þetta miklu einfald-
ara og auðvelt að breyta, bæta og
svo framvegis,“ segir Vésteinn G.
Hauksson, framkvæmdastjóri
Billboard ehf., sem er eigandi
Dengsa ehf.
Aðspurður segir Vésteinn skýl-
in eðlilega framvindu í tækniþróun.
„Allur heimurinn er að komast
þangað,“ segir Vésteinn.
Hann hefur mikla trú á því að
verkefnið borgi sig þó skýlin séu
vissulega talsvert dýrari en hefð-
bundin eldri strætóskýli. „Við hefð-
um náttúrulega ekki farið út í þetta
nema við hefðum trú á því.“
Umgengni í strætóskýlum
borgarinnar hefur ekki beint verið
til fyrirmyndar fram að þessu.
Spurður hvort hann sé ekki smeykur
við slæma umgengni í skýlunum
segir Vésteinn: „Það er bara partur
af þessu.“
Stafrænu strætóskýlin
verða alls fimmtíu talsins
Morgunblaðið/Kristinn Magnússon
Litríkt Annað skýlanna tveggja
stendur við Kringlumýrarbraut.
 Tvö ný skýli eru
þegar komin upp