Skessuhorn - 28.01.2015, Side 18

18 MIÐVIKUDAGUR 28. JANÚAR 2015
Á leikskólanum Sólvöllum í
Grundarfirði hefur myndast sú
hefð að bjóða karl­fjölskyldumeð­
limum leikskólabarna að koma og
snæða þorramat með börnunum á
bóndadaginn. Í ár var engin breyt­
ing á þeirri hefð og streymdu feð­
ur, afar og bræður í leikskólann þó
svo að þeirra leikskólagöngu hafi
lokið fyrir mörgum árum og jafn­
vel áratugum. Þetta mæltist vel fyr­
ir hjá krökkunum sem leystu alla
karlkyns gesti út með gjöfum eftir
heimsóknina. tfk
Kvenfélagið Gleym mér ei í Grund­
arfirði gaf safnaðarheimili Grund­
arfjarðarkirkju veglega gjöf á dög­
unum. Félagið færði þá söfnuðin­
um níu borð og þrjátíu stóla fyr­
ir safnaðarheimilið. Gömlu stól­
arnir og borðin voru komin vel til
ára sinna en voru einnig gjöf frá
kvenfélaginu á síðustu öld. Guðrún
Margrét Hjaltadóttir veitti gjöfinni
viðtöku fyrir hönd safnaðarheim­
ilisins en Mjöll Guðjónsdóttir af­
henti hana.
tfk
Undanúrslit í Söngvakeppni evr­
ópskra sjónvarpsstöðva eru handan
við hornið. Fyrir stuttu voru kynnt
þau tólf lög sem etja kappi í beinni
útsendingu á RUV í ár. Lögin sem
flutt verða eru af fjölbreyttum toga
og flytjendur þeirra líka. Einn af
flytjendunum í ár er Skagamærin
Rakel Pálsdóttir sem syngur lagið
„Þú leitar líka að mér“ með hljóm­
sveitinni Hinemoa. Skessuhorn tók
tónlistarkonuna ungu tali og spurð­
ist fyrir um keppnina, tónlistina og
sitthvað fleira, en hún er menntað­
ur þroskaþjálfi og er nú í tónlistar­
kennaranámi.
Krefjandi en
skemmtilegt
Rakel er Akurnesingur í húð og hár.
Hún er fædd og uppalin á neðri
Skaganum, en er búsett í Reykjavík
í dag. Hún hefur lengi haft áhuga á
tónlist en ástríðan liggur ekki ein­
ungis á því sviði. Hún hefur mikla
ánægju af vinnu með fötluðu fólki
og er menntaður þroskaþjálfi. „Ég
tók áhugasviðspróf þegar ég var í
grunnskóla. Út úr því kom að ég
ætti að vinna með fólki. Ég vann
svo á sambýlinu við Vesturgötu eitt
sumar og eftir það fann ég að mig
langaði að vinna með fötluðu fólki.
Í framhaldi af því fór ég í félags­
liðanám í Borgarholtsskóla. Mér
fannst það nám æðislegt og end­
aði með því að útskrifast með við­
urkenningu fyrir frábæran árangur
í starfsnámi,“ segir Rakel um val­
ið á starfsvettvangi. Eftir útskrift­
Óli Steinar Sólmundsson leikskólakennari er hér að taka lagið með krökkum og
pöbbum.
Körlum boðið
sérstaklega í leikskólann
Kvenfélagið gaf húsgögn
í safnaðarheimilið
Skagakona í undanúrslitum Eurovision
ina úr Borgarholtsskóla lá leið­
in í þroskaþjálfanám í Háskóla Ís­
lands. Rakel útskrifaðist árið 2013
og fór í framhaldinu að vinna sem
þroskaþjálfi. Tveimur árum áður
hafði Rakel skráð sig í tónlistar­
skóla FÍH, þar sem hún hefur lært
djasssöng síðan. Hún segir að það
hafi verið mikið álag að vera bæði
í tónlistarnáminu og að vinna fullt
starf eftir útskriftina. „Ég vann sem
þroskaþjálfi á leikskóla í eitt ár en
mér fannst ég ekki ná að sinna tón­
listinni nógu vel. Ég vildi bæta við
mig í tónlistarnáminu og fór því
á fund með Sigurði Flosasyni hjá
FÍH. Mig langaði að komast í nám
sem rythmískur tónlistarkennari en
það nám er bara kennt annað hvert
ár. Í fyrra átti þetta nám því ekki að
vera í boði. En ég safnaði saman
fólki og við mynduðum nógu stór­
an hóp til að það yrði samþykkt að
kennaranámið yrði í boði,“ útskýrir
Rakel. Hún byrjaði því í kennara­
náminu síðastliðið haust og segir
námið vera krefjandi en skemmti­
legt. „Við lærum á ýmis hljóðfæri
og þetta nám veitir okkur víðari
innsýn í tónlistarheiminn. En eins
og Siggi Flosa orðaði það sjálfur,
að þá er ekki verið að kenna okkur
að verða kennarar, heldur tónlistar­
menn.“
Er með hása rödd
Tónlistin hefur lengi skipað stór­
an sess í lífi Rakelar. Hún lærði til
að mynda klassískan söng í Tón­
listarskólanum á Akranesi í eitt
ár en segir að það hafi ekki átt
við sig. Rakel hefur mjög sérstaka
rödd, sem einkennist af örlítilli
hæsi. „Ég hef alltaf verið með frek­
ar hása rödd. Ég var mjög hás sem
barn. Ég lét svo tékka á þessu og þá
sáust tveir hnútar á raddböndun­
um. Ég þarf svolítið að passa mig
út af þessu, get til dæmis ekki farið
á ball og sungið daginn eftir. Þetta
var svolítið stressandi fyrst þegar
ég var nýbyrjuð að syngja en eftir
að ég byrjaði í FÍH lagaðist þetta
mikið, enda lærði ég þá að beita
röddinni,“ útskýrir hún. Rakel seg­
ist hafa skammast sín svolítið fyr­
ir hæsina þegar hún var unglingur.
„Það var til dæmis stundum sagt við
mig að ég væri með Wiský rödd en
ég er mun afslappaðri út af þessu í
dag. Það er hægt að fjarlægja hnút­
ana með aðgerð en ég vil það ekki.
Smá hæsi er bara minn karakter,“
segir hún og brosir.
Sigraði lasin í Samfés
Rakel vandist því ung að koma fram
á sviði. Hún tók þátt í þremur sýn­
ingum hjá Fjölbrautaskóla Vest­
urlands, söng í Söngkeppni fram­
haldsskólanna og í Söngkeppni
Samfés þegar hún var í tíunda bekk.
„Það var mjög skemmtilegt, sér­
staklega þar sem ég var með háls­
bólgu og kvef. Ég ætlaði nú að
hætta við, var ekki alveg á því að
syngja Celine Dion lag fyrir fullri
Laugardalshöll. Eftir að ég söng
fór ég beint í úlpuna mína því ég
var bara á leiðinni heim. Svo heyri
ég að Páll Óskar tilkynnir að Arn­
ardalur á Akranesi hafi unnið. Ég
þurfti þá að drífa mig úr úlpunni og
syngja lagið aftur,“ rifjar hún upp
og hlær. Rakel segir að boltinn hafi
aðeins byrjað að rúlla eftir sigur­
inn. „Ég var beðin um að syngja hér
og þar, svo sem í Ísland í bítið og
á Vetrarhátíð í Reykjavík. Einnig
söng ég inn á diska með Sigurþóri
Þorgils sem spilaðir voru í morgun­
stundinni hjá Brekkubæjarskóla.“
Rakel lærði á gítar tólf ára göm­
ul og byrjaði fljótlega að fikta við
að semja sjálf. Hún segist þó ekki
hafa farið að semja af alvöru fyrr en
2007. „Mamma kenndi mér á gítar
og svo er ég sjálflærð eftir það. Það
spila allir í móðurættinni á gítar og
það er mikil tónlist í fjölskyldunni.
Ég lærði mest á því að byrja að spila
með hljómsveitinni.“
Nafn á nýsjálenskri
valkyrju
Hljómsveitin Hinemoa var form­
lega stofnuð í apríl í fyrra. Það voru
Rakel og samnemandi hennar, Ásta
Björg Björgvinsdóttir, sem ákváðu
að stofna hljómsveitina eftir að hafa
tekið þátt í forkeppni Eurovision í
fyrra. „Við vorum báðar í bakrödd­
um í laginu sem Greta Mjöll flutti
í fyrra og fundum að okkur langaði
að vinna meira saman. Við söfn­
uðum að okkur fólki og ómeðvit­
að leituðum við til fólks úr FÍH
en meðlimir hljómsveitarinnar eru
allir þaðan,“ segir Rakel. Hljóm­
sveitin spilar fyrst og fremst rólegt
„indý popp“ og Rakel spilar bæði
á gítar og syngur. Þau hafa komið
víða fram opinberlega á þessu tæpa
ári sem hljómsveitin hefur starf­
að. „Við spiluðum fyrst á Menn­
ingarnótt og svo ellefu sinnum „off
venue“ á Airwaves hátíðinni. Eft­
ir það byrjaði þetta allt að rúlla og
við höfum verið pöntuð í alls kyns
veislur og gigg síðan.“ Fram til
þessa hefur Hinemoa gefið út eitt
lag en er með fleiri í vinnslu. Lagið
er eftir Rakel sjálfa og segir hún að
það sé nokkurs konar róleg vöggu­
vísa sem heitir „Í rökkurró.“ Að­
spurð um sérstakt nafn hljómsveit­
arinnar segir Rakel að það sé smá
saga á bak við það. „Ásta Björg fann
upp á þessu nafni. Hún bjó í Nýja
Sjálandi um tíma og nafnið kem­
ur þaðan. Þetta er sem sagt nafn á
nýsjálenskri valkyrju sem lét ekkert
stoppa sig.“
Lagið líflegt og hresst
-En hvernig kom það til að hljóm-
sveitin tók þátt í Eurovision?
„Ásta samdi lagið að gamni sínu
og prófaði að senda það í undan­
keppnina. Hún ákvað svo að láta
hljómsveitina flytja það. Þetta lag er
kannski ekki alveg okkar stíll en það
er mjög gaman að flytja það enda
hresst og skemmtilegt lag,“ útskýr­
ir Rakel. Hún segir að stemningin
við að taka þátt í keppninni sé mjög
góð og að það sé skemmtileg lífs­
reynsla. „Þetta er allt öðruvísi en að
syngja á tónleikum og viðburðum.
Að vera í kringum tökulið og allt
sem er í kringum þetta. Við þurf­
um að vera í mynd allan tímann
og þetta krefst mikilla æfinga,“ út­
skýrir Rakel. Hún segir að mikillar
skipulagningar sé þörf við að taka
þátt í söngvakeppni í beinni út­
sendingu. „Við þurfum að æfa okk­
ur vel og ímynda okkur að það sé
verið að taka upp. Við erum með
listrænan stjórnanda, Birnu Björns­
dóttur, og erum líka komin með
stílista. Lagið er hresst og líflegt og
við viljum vera lífleg á sviðinu. Svo
fengum við Regínu Magnúsdótt­
ur glimmerdrottningu til að syngja
bakrödd í laginu. Það er mikið lagt
á sig fyrir þetta eina kvöld,“ segir
Rakel kankvís.
Lúmsk Eurovison
kelling
Hún segir að það sé að mörgu
leyti öðruvísi að taka þátt núna en
í fyrra. „Lagið í fyrra var líka líf­
legt en stemningin var öðruvísi.
Þetta var alveg nýtt fyrir manni í
fyrra. Ég bar líka minni ábyrgð þá
þar sem ég söng bakrödd. Núna
þarf maður að muna sporin, hvert
maður á að horfa og auðvitað text­
ann,“ segir hún. Rakel er spennt og
hlakkar til stóra kvöldsins. „Ég er
lúmsk Eurovision kelling. Ég held
að allir Íslendingar séu það inn við
beinið þó þeir vilji ekki allir viður­
kenna það.“ Stóra stundin verður
í Háskólabíó næstkomandi laugar­
dagskvöld þegar fyrri hluti undan­
keppninnar fer fram. Seinni hlut­
inn verður 7. febrúar. Alls verða
tólf lög flutt og komast sex þeirra
í úrslit, ásamt einu lagi sem dóm­
nefnd velur áfram. Úrslitin verða
síðan laugardagskvöldið 14. febrú­
ar næstkomandi.
Langar að læra
músíkþerapíu
Aðspurð um hvað tekur við eft­
ir söngvakeppnina segir Rakel að
spennandi ár sé framundan hjá
meðlimum Hinemoa. „Við ætl­
um að spila á alls konar hátíðum
og taka upp fleiri lög. Við stefnum
á að safna í plötu.“ Stóri framtíð­
ardraumur söngkonunnar er að ná
að sameina þau tvö ólíku störf sem
hún hefur valið sér. „Mig lang­
ar að læra músíkþerapíu, það væri
draumurinn. Þetta er fimm ára
nám sem kennt er erlendis. Í mús­
íkþerapíu er tónlist beitt sem tæki
til að hjálpa fólki. Fötluð börn læra
til dæmis að tjá sig í gegnum tón­
listina. Þetta er smátt og smátt að
koma hingað til lands. Þetta er ekki
enn orðið löggild atvinnugrein en
er að færast í aukana. Mig langar
allavega að ná að tvinna saman tón­
listina og þroskaþjálfastarfið,“ seg­
ir Rakel Pálsdóttir þroskaþjálfi og
tónlistarkona. grþ
Hljómsveitin Hinemoa. Ljósm. Svanfríður Hlín Gunnarsdóttir.
Rakel Pálsdóttir hlakkar til að taka þátt í undanúrslitum Eurovision um næstu
helgi.