Skessuhorn - 07.10.2015, Page 27

MIÐVIKUDAGUR 9. SEPTEMBER 2015 27
Skallagrímur féll úr úrvalsdeild
karla í körfuknattleik á síðasta
keppnistímabili. Deildin var afar
jöfn allt til loka og liðið var ekki
langt frá því að halda sæti sínu. En
fall varð staðreynd og mun liðið
því leika í 1. deild í vetur. Að sögn
Finns Jónssonar, þjálfara meistara-
flokks karla hjá Skallagrími, hefur
leikmannahópurinn tekið töluverð-
um breytingum frá því á síðasta
keppnistímabili. „Síðan í fyrra eru
sjö leikmenn farnir, allt leikmenn
sem spiluðu rullu í liðinu, vissulega
misstóra en allt eru þetta leikmenn
sem komu við sögu í hverjum ein-
asta leik á síðasta tímabili,“ segir
Finnur og bætir því við að ástæð-
ur þess að liðið missti þessa leik-
menn séu jafn fjölbreyttar og þær
eru margar. Einhverjir fóru í skóla
eða að vinna annars staðar og settu
aksturinn fyrir sig og aðrir vilja
frekar spila í úrvalsdeildinni,“ bæt-
ir hann við.
Liðið sem Skallagrímur mun
tefla fram í ár er því nær eingöngu
byggt á heimamönnum úr Borgar-
nesi og Borgarfirði, sem eiga það
flestir sameiginlegt að vera ung-
ir að árum. Hafþór Ingi Gunnars-
son verður spilandi aðstoðarþjálfari
í vetur og aldursforseti liðsins, 34
ára. Framherjinn J.R. Cadot, sem
gekk til liðs við liðið fyrir tímabil-
ið, er 28 ára en aðrir leikmenn liðs-
ins eru 23 ára og yngri. „Kosturinn
við þennan unga hóp er að hann
er skipaður leikmönnum sem vilja
láta þjálfa sig. Þeir taka tilsögn og
vilja bæta sig og hafa bætt sig mikið
í sumar. Liðsheildin er þegar orðin
rosalega góð mér finnst hún vera að
eflast. Cadot smellpassar inn í hóp-
inn,“ segir Finnur.
Lágvaxið lið
með risa hjarta
Aðspurður um markmið vetrarins
kveðst Finnur vilja halda þeim fyrir
sjálfan sig. „Ég hef ákveðin mark-
mið, bæði til langs og skamms tíma,
sem ég vil bara hafa út af fyrir mig
og ætla ekki að auglýsa þau neitt.
En við förum auðvitað í alla leiki til
að vinna,“ segir hann.
„Við erum búnir að vinna í varn-
arleik, styrk og þoli síðan í júní. Aðal
áherslan hjá okkur í vetur verð-
ur á varnarleik. Í sókninni munum
spila á háu tempói, það verður mik-
ill hraði í okkar leik og mikil læti,“
segir Finnur og aðspurður vill hann
ekki útskýra hvað felist í látunum,
en hvetur fólk til að leggja leið sína
í Borgarnes og sjá það með eigin
augum. „Það eina sem ég get lofað
er það verða mikil læti,“ segir hann
og brosir. „Við komum til með að
þurfa að hafa fyrir öllum stigum og
verðum að spila á okkar styrkleik-
um. Við erum lágvaxið lið með risa-
hjarta og leikmenn eru tilbúnir að
leggja mikið á sig til að vinna.“
kgk
Finnur Jónsson, þjálfari karlaliðs Skallagríms.
Skallagrímur teflir fram mikið breyttu liði
ÍA leikur í 1. deild karla í körfu-
bolta í vetur eftir að hafa fallið út í
úrslitakeppninni um laust sæti í úr-
valsdeild undanfarin tvö ár. Skessu-
horn ræddi við Áskel Jónsson, ann-
an tveggja spilandi þjálfara liðsins,
sem segir stefnuna tekna á úrvals-
deildarsæti að ári, hvort sem það
verði í gegnum úrslitakeppnina eða
fyrsta sætið, sem gefur sjálfkrafa
sæti í efstu deild. Að sögn Áskels
hefur liðið ekki gengið í gegnum
miklar mannabreytingar frá síð-
asta leiktímabili. Leikstjórnandinn
Zachary Warren hvarf af braut og
í stað hans er kominn Sean Tate.
Magnús Bjarki Guðmundsson mun
leika með Stjörnunni í vetur, en
hann lék með ÍA á venslasamningi
á síðasta keppnistímabili. Þá standa
vonir til að Skagamaðurinn Jón
Orri Kristjánsson geti leikið með
liðinu á komandi vetri, en hann lék
síðast með Stjörnunni í úrvalsdeild-
inni í fyrra.
„Það er gott að það sé sami kjarn-
inn og undanfarin ár. Þetta lítur
ágætlega út, kjarninn í liðinu er á
góðum aldri, allir í kringum 28 ára
aldurinn og flestir leikmenn bún-
ir að spila saman í langan tíma. Jón
Orri mun styrkja liðið og það er því
vonandi að okkur takist að komast
upp úr deildinni í ár,“ segir Áskell.
Hann telur að einna helst vanti lið-
inu aukna breidd en bætir því við að
það sé einna helst vegna æfinganna.
Nokkrir leikmenn vinni vaktavinnu
eins og hann sjálfur og þegar þann-
ig standi á geti komið upp að æfing-
ar séu heldur fámennar. „Það eru
þreifingar í leikmannmálum þessa
dagana, verið að athuga hvort hægt
sé að fá leikmenn til dæmis á vensla-
samningi. En það er óvíst hvernig
það fer, ekkert hægt að segja til um
það ennþá,“ segir Áskell.
Deildin ekki
auðveldari en í fyrra
Aðspurður hvernig bolta ÍA komi
til með að spila í vetur segir Ás-
kell að liði komi til með að haga
seglum eftir vindi og spila hægan
körfubolta. „Við munum fara mik-
ið inn á póstinn og reyna að fá skot
nálægt körfunni,“ segir hann. „Við
getum ekki spilað einhvern hraða-
upphlaupsbolta, það myndi þýða
lítið fyrir til dæmis mig og Sean að
keyra á fullu upp völlinn og skilja
allt liðið eftir,“ segir Áskell og bros-
ir. Auk þess segir hann mikilvægt
að liðið standi sína plikt í vörninni.
„Við erum orðnir almennt mjög
fínt varnarlið. Við erum stórir inni
í teig og ættum að vinna frákasta-
baráttuna. Stór hluti af vörninni er
kominn með því, það er mikilvægt
að koma í veg fyrir að hitt liðið fái
annað skot. Þannig að heilt yfir hef
ég litlar áhyggjur af vörninni.“
Eins og áður kom fram segir Ás-
kell stefnuna tekna á úrvalsdeildar-
sæti. Hann á von á því að barátt-
an verði hörð og það verði jafnt á
með liðunum í efstu sætunum eins
og var í fyrra. „Svona á pappírnum
held ég að Fjölnir verði með gott
lið en flest lið eru búin að styrkja
sig í sumar. Þór Ak. hefur bætt
við sig, eins Breiðablik, Hamar og
svo við. Deildin verður ekki auð-
veldari en í fyrra,“ segir Áskell en
bætir því við að með smá heppni
gæti liðið náð fyrsta sætinu og far-
ið beint upp. „En ég held að þetta
verði svipað og í fyrra, mjög þétt-
ur pakki frá fyrsta sætinu og alveg
niður í það fimmta, sem er síðasta
sætið sem gefur sæti í umspili um
úrvalsdeildarsæti. Við verðum ein-
hvers staðar á meðal fimm efstu,“
segir Áskell Jónsson að lokum.
kgk
ÍA tekur stefnuna á úrvalsdeildarsæti
Áskell Jónsson er annar tveggja spilandi þjálfara ÍA.
Fannar Freyr Helgason er spilandi þjálfari ÍA. Hér snýr hann af sér varnarmann
undir körfunni í æfingaleik gegn Hamri síðastliðinn mánudag. Takið eftir fótavin-
nunni. Ljósm. jho.
Skallagrímsmenn báru sigurorð af ÍA, 78-89, í æfingaleik á Akranesi í síðustu viku. Hér tekur Kristján Örn Ómarsson þriggja
stiga skot úr horninu og Erlendur Ottesen er til varnar.