Skessuhorn - 28.10.2015, Side 4

MIÐVIKUDAGUR 28. OKTÓBER 20154
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.700 krónur með vsk. á mánuði. Elli- og örorkulífeyrisþegar greiða
kr. 2.340. Rafræn áskrift kostar 2.120 kr. Rafræn áskrift til elli- og örorkulífeyrisþega er 1.960 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Magnús Þór Hafsteinsson mth@skessuhorn.is
Auglýsingar og dreifing:
Emilía Ottesen, markaðsstjóri emilia@skessuhorn.is
Valdimar Björgvinsson valdimar@skessuhorn.is
Umbrot og hönnun:
Ómar Örn Sigurðsson omar@skessuhorn.is
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Fjórflokksmiðjumoð
Ég fylgdist með því í gegnum fjölmiðla um liðna helgi þegar tveir af fjórflokk-
unum héldu landsfundi sína. Fundirnir virtust úr fjarska harla líkir, enda fátt
sem raunverulega aðgreinir þessa tvo flokka þegar á hólminn er komið. Báð-
ir hafa tekið að sér að stjórna landinu á síðustu árum og hefur tekist það álíka
vel. Sennilega finnst þeim sem skulda íslensk verðtryggð lán og hafa tekjur í
krónum að þessum flokkum hafi tekist illa að sannfæra landsmenn um að þeir
séu bjartasta vonin. Þetta vita forystumenn þeirra og reyndu hvað þeir gátu að
blása í herlúðra.
„Frjálslyndið í fyrirrúmi“ var fyrirsögn fréttar á forsíðu Morgunblaðsins
daginn eftir þessa landsfundi. Davíð var þarna að sjálfsögðu að lýsa hughrif-
um sínum eftir setu á landsfundi Sjálfstæðismanna. Skör neðar á sömu síðu
Moggans, í vinstra horni var svo fyrirsögnin: „Vilja slíta sambandi við Ísra-
el.“ Þar var Dabbi að gera VG fundinum skil svona fyrir siðasakir. En það er
samt dálítið djúpt á þessu frjálslyndi sem á að hafa verið í fyrirrúmi á lands-
fundi Sjálfstæðismanna. Kannski átti að reyna að skapa nýja ímynd og leggja
nýjar áherslur. Einhverjir eru vissulega farnir að hafa áhyggjur af fylgisaukn-
ingu Pírata, að hún sé kannski þrátt fyrir allt ekki bara bóla. Á fundi sjálfstæð-
ismanna var mikið látið með að ungt fólk hafi gjörsamlega slegið í gegn og að
nú væri ekki gert annað en hlusta á sjónarmið þess. Meira að segja Guðlaugur
Þór gaf eftir ritarasætið í flokknum til ungliða í beinni útsendingu. Tær snilld
og nú á hann vísan stuðning ungra flokksmanna í prófkjöri um efsta sætið í
öðru hvoru Reykjavíkurkjördæmanna. Þetta kallast stjórnkænska. Ekki nema
von að hann hafi brosað breitt.
Tillögur og ályktanir flokks Vinstri grænna voru dass ólíkar hinum, held-
ur meira í vinstri stílnum eðli málsins samkvæmt. Þeir dustuðu rykið af göml-
um frösum, eins og að fordæma hvalveiðar, þótt ákveðnar vísbendingar séu
um að þær hafi aldrei skilað meiru í þjóðarbúið og trufli alls ekki ferðaþjón-
ustu sem tekur tugprósenta aukningu á ári, óháð því hvað Kristján Loftsson
siglir með margar langreyðar framhjá túristunum. Svo fordæmdu VG menn
Ísraela og endurkusu svo geðprýðispiltinn Björn Val til varaformanns. Fátt
sem kom á óvart.
Nei, hvorugur flokkurinn var að mínu viti að slá í gegn á landsfundum sín-
um. Þeir voru ekki að leggja nokkra áherslu á það sem skuldugur íslenskum al-
menningur hefði helst kosið að heyra. Að nú skuli það t.d. verða forgangsmál
að létta vaxtabyrðina. Margir hefðu líka kosið að heyra ótvíræðan vilja flokk-
anna að Ísland tæki upp nýjan gjaldmiðil, tafarlaust afnám verðtryggingar ætti
sér stað og að Már upplýsti um nýja vaxtastefnu Seðlabankans. Menn höfðu
hins vegar ekki kjark til að ráðast í þessi alvörumál og sennilega er ekki áhuga
heldur í baklandi þessara flokka. Rekandi lítið fyrirtæki hefði ég gjarnan kosið
að sjá tillögur um afnám tryggingagjalds, að stefnt skuli að lokun ónýtra ríkis-
stofnana og fækkun í afskiptaiðnaðinum. Nei, í staðinn las ég fréttir um að af-
glæpavæða eigi að ganga um með dóp á sér og að hætt verði að drepa hvali. Nú
megum við heldur ekki kaupa Jaffa appelsínur, af því þær koma frá Ísrael. Ekki
má leita að olíu á íslensku yfirráðasvæði og svo vilja sjallarnir aðskilnað ríkis og
kirkju og brennivín í Bónus. Þetta voru stóru málin þeirra.
Flest þessi stefnumál sem tveir af fjórum fjórflokkum þessa lands samþykktu
um liðna helgi eru raunverulega léttvæg, skipta okkur engu máli í heildar-
myndinni. Þessum flokksfundum tókst einfaldlega ekki að sannfæra mig um
að þeir vilji breytingar. Ég vildi annað og miklu meira en það er kannski vegna
þess að ég er að rembast við að reka fyrirtæki og borga meira en 7% trygg-
ingagjald ofan á öll laun starfsfólks, ég borða hvalkjöt með bestu lyst og skulda
húsnæðislán af því mér var sagt að það væri svo töff að „eiga“ þak yfir höfuðið.
Vegna þess að ég hef laun í íslenskum krónum, borga í lífeyrissjóð gegn mín-
um vilja og fer í kirkju þegar nákominn ættingi er skírður, fermdur eða borinn
til grafar. Ég er jú bara svona hérumbil normal Íslendingur (held ég).
Magnús Magnússon.
Akraneskaupstaður auglýsti nýver-
ið eftir forstöðumanni menningar-
og safnamála. Er ráðning hans liður
í skipulagsbreytingum í menning-
ar- og safnamálum hjá bænum. Að
sögn Regínu
Ásvaldsdótt-
ur bæjarstjóra
á Akranesi er
m a r k m i ð i ð
með þessum
breyt ingum
að sameina
það menn-
ingarstarf sem
er á Akranesi.
„Við bindum miklar vonir við þess-
ar breytingar. Þetta eru góðar stofn-
anir sem við höfum en það skiptir
miklu máli að gott samspil sé á milli
þeirra minja sem við höfum til að ná
fram því besta sem hægt er í þess-
um málum,“ segir Regína í samtali
við Skessuhorn. Hún segir að með
breytingunum vilji Akraneskaup-
staður meðal annars styrkja Byggða-
safnið í Görðum en safnið verð-
ur lokað í vetur. „Við höfum smátt
og smátt komist að niðurstöðu með
Kútter Sigurfara, en það mál hef-
ur haft áhrif á starfsemi safnsins.
Byggðasafnið er eitt af fáum söfnum
sem opið er allan ársins hring og við
viljum gefa starfsmönnum safnsins
svigrúm til að breyta og bæta fyrri
sýningar. En eftir sem áður verður
tekið á móti hópum yfir vetrartím-
ann.“ Þá verður opnunartími bók-
safnsins styttur um áramót þegar
lokað verður þrjá morgna í viku.
Staða verkefnastjóra
lögð niður
Að sögn Regínu munu breyting-
arnar ekki auka kostnað í yfirstjórn.
„Við viljum nýta fjármagnið betur
sem fer í menningar- og safnamál.
Þarna er ekki verið að auka kostnað
í yfirstjórn. Staða lausráðins verk-
efnastjóra í menningarmálum verð-
ur lögð niður um áramót og búið
er að leggja niður hálfa stöðu bóka-
varðar á bókasafninu,“ segir Reg-
ína. Öðrum starfsmönnum safnanna
verður ekki sagt upp störfum en for-
stöðumanni byggðasafns og deildar-
stjórum í héraðsskjalasafni og ljós-
myndasafni hafa verið boðin breytt
störf og verkefni í samræmi við nýtt
skipurit í málaflokknum. Öll söfnin,
ásamt starfsemi í Akranesvita, munu
heyra undir áðurnefndan forstöðu-
mann menningar- og safnamála. Þá
verður ekki ráðinn nýr ferðamála-
fulltrúi á Akranesi að sinni, þó að
upplýsingamiðstöð Akraneskaup-
staðar verði áfram opin á sumr-
in. „Við viljum styrkja stoðir ferða-
mannastaða sem við höfum á Akra-
nesi, eins og með því að ráðast í
framkvæmdir á Breið og með því að
efla sýningar í söfnum,“ segir Reg-
ína að endingu.
grþ
Veira sem veldur sjúkdómnum
veirublæði (VHS; Viral hemorr-
hagic septicemia) í fiskum hef-
ur verið staðfest. Greining átti sér
stað úr líffærum hrognkelsa af villt-
um uppruna. Er þetta í fyrsta sinn
sem þessi veirutegund er greind hér
á landi. Veiran er skaðlaus mönn-
um og berst ekki með fiskafurðum.
„Við reglubundið eftirlit og sýna-
tökur Matvælastofnunar greindi
fisksjúkdómadeild Tilraunastöðv-
ar Háskóla Íslands í meinafræði
að Keldum veiruna í hrognkels-
um sem voru veidd í Breiðafirði
síðla sumars. Hrognkelsin eru hjá
Hafró og eru höfð til undaneld-
is á seiðum sem flytja átti til Fær-
eyja til þjónustu við þarlent lax-
eldi. Hrognkelsaseiði éta laxalýs
af mikilli áfergju sem reynst hef-
ur vel í baráttunni gegn sníkjudýr-
inu og dregið úr notkun lúsalyfja.
Útflutningur slíkra seiða hófst fyr-
ir tæpu ári síðan, en nú verður gert
hlé á framleiðslu seiða vegna nið-
urskurðar og sótthreinsunar á eld-
isaðstöðu,“ segir í tilkynningu frá
Matvælastofnun.
Veirublæði er smitsjúkdóm-
ur sem greinst hefur í um 80 teg-
undum fiska um allan heim, al-
gengast þó á norðurhvelinu, bæði
í villtu umhverfi og fiskeldi. Veiran
var allra fyrst greind í regnbogasil-
ungseldi í Egtved í Danmörku um
miðja síðustu öld og var lengi vel
þekkt undir nafninu „Egtvedsyge“.
Litið er á veirublæði sem alvarleg-
an tilkynningaskyldan smitsjúkdóm
sem ber að útrýma með förgun og
eyðingu á smituðum fiski.
VHS-veira tilheyrir Rhabdovir-
idae-fjölskyldunni og er skipt upp
í fjórar arfgerðir. Sumar arfgerðir
eru hýsilsérhæfðar og smita einung-
is eina tegund fiska, á meðan aðr-
ar leggjast á margar tegundir. Það
er fyrst og fremst arfgerð 1a sem
menn óttast, hún smitar bæði fersk-
vatns- og sjávarfiska og hefur valdið
miklu tjóni í eldi regnbogasilungs
erlendis. Aðrar arfgerðir veirunn-
ar greinast fyrst og fremst í sjávar-
tegundum og smita sjaldnast fersk-
vatnstegundir á borð við laxfiska.
„Svo hægt sé að staðfesta arfgerð
þeirrar VHS-veiru sem greindist
í íslenskum hrognkelsum þarf að
senda sýni til tilvísunarrannsókna-
stofu ESB í veirusjúkdómum lag-
ardýra í Danmörku. Sérfræðingar á
Keldum vinna nú að undirbúningi
sendingar og er þess vænst að nið-
urstaða liggi fyrir um mánaðarmót-
in,“ segir í tilkynningu Mast.
mm
Til stendur að reisa nýtt amtsbóka-
safni í Stykkishólmi. Verður það
sambyggt grunnskólanum að vest-
anverðu. Að sögn Sturlu Böðvars-
sonar, bæjarstjóra í Stykkishólmi,
er miðað við að viðbyggingin verði
550 fm á einni hæð. „Gert er ráð
fyrir að skólabókasafnið, amtsbóka-
safnið og ljósmyndasafn Stykkis-
hólms verði hýst í þessu húsnæði,“
segir hann. Þessa dagana er unn-
ið að hönnun húsnæðisins og til
stendur að bjóða verkið út í byrjun
næsta árs. Kostnaður við byggingu
nýs amtsbókasafns liggur ekki fyr-
ir að svo stöddu. „Enn hefur ekki
verið gerð kostnaðaráætlun, en það
kemur í ljós þegar búið verður að
móta þetta í megindráttum,“ segir
Sturla og bætir því við að sala nú-
verandi húsnæðis amtsbókasafns-
ins gangi upp í kostnað við bygg-
ingu þess nýja.
Áður hefur verið gert ráð
fyrir stækkun grunnskólans
að austanverðu sem átti að
hýsa tónlistarskóla, matsal,
handmenntakennslu og fleira. Að
sögn Sturlu var búið að fullhanna
þá stækkun árið 2010 þegar
framkvæmdin var slegin af. „Við
erum jafnframt að vinna að, þótt
það fari hægar, endurmati á þeim
áformum. En eins og er þá gerum við
ekki ráð fyrir að það fari af stað fyrr
en við sjáum fyrir endann á að geta
selt húsnæðið sem tónlistarskólinn
er í núna. Það hangir allt saman.
Rétt eins og sala á núverandi
húsnæði amtsbókasafnsins gengur
upp í byggingu þess nýja mun
sala á tónlistarskólanum ganga
upp í byggingu nýs tónlistarskóla,
þessarar viðbyggingar austanmegin
grunnskólans,“ segir Sturla.
kgk
Veirusýking staðfest í hrognkelsum
úr Breiðafirði
Vænum hrognkelsum landað í Stykkishólmi í byrjun júlí. Ljósm. mþh.
Verið er að hanna nýtt
amtsbókasafn í Stykkishólmi
Nýtt bókasafn verður sambyggt grunnskólanum. Ljósm. þþ.
Ráðning forstöðumanns eykur ekki kostnað