Skessuhorn - 28.09.2016, Síða 12

MIÐVIKUDAGUR 28. SEPTEMBER 201612
Sláturhús Vesturlands verður opnað
í Stóru-Brákarey í Borgarnesi í byrj-
un næsta mánaðar. Að opnun slátur-
hússins stendur félag í eigu bræðr-
anna Jóns, Kristins og Snorra Þor-
bergssona og Guðjóns Kristjáns-
sonar, sem einnig er sláturhússtjóri.
Fyrstu gripunum verður slátrað í til-
raunaslátrun föstudaginn 30. sept-
ember næstkomandi undir eftirliti
fulltrúa Matvælastofnunar. Mánu-
daginn 3. október munu síðan eft-
irlitsmenn frá Matís koma og taka
starfsemina út. Að því loknu verð-
ur formlega hægt að hefja slátrun
í Sláturhúsi Vesturlands í Borgar-
nesi. Skessuhorn leit við í sláturhús-
inu í síðustu viku og ræddi við Guð-
jón sláturhússtjóra og Aðalstein Sig-
urðsson sölustjóra.
Á ýmsu hefur gengið í aðdraganda
opnunarinnar. Upphaflega strandaði
hún á skipulagsmálum fyrir nokkr-
um árum og hefur það tafið ferlið
einna mest. „Ég held þetta sé í þriðja
skiptið sem við reynum að opna. Við
höfum oft verið nálægt því þegar við
fáum eitthvert högg,“ segir Guðjón.
„Einna helst hafa skipulagsmálin hjá
sveitarfélaginu tafið opnunina. Eftir
að Borgarnes kjötvörur hættu starf-
semi í húsinu árið 2007 skipti það
nokkrum sinnum um eigendur og
að lokum fór svo að bankinn eignað-
ist húsið. Á einhverjum tímapunkti,
þegar bankinn var eigandi að hús-
inu, fór Borgarbyggð að vinna að
nýju aðalskipulagi sveitarfélagsins
og ákveðið var að breyta athafna-
svæðinu í Brákarey í íbúabyggð.
Enginn hjá bankanum var að spá í
skipulagsmálum í Borgarbyggð og
því gekk þetta í gegn,“ segir Guð-
jón. „Við kaupum húsið 2011 og
tveimur mánuðum síðar tekur nýtt
aðalskipulag gildi. Við ætlum að
hefja starfsemi og sækjum um leyfi
en fáum ekki starfsleyfi, ekki frekar
en við hefðum fengið leyfi til að reka
sláturhús á þriðju hæð í blokk,“ bæt-
ir hann við og brosir.
Árlegar breytingar
kostnaðarsamar
Skömmu eftir að húsnæðið var
keypt réðust eigendur í töluverðar
endurbætur á húsinu. Bæði almennt
viðhald og eins umbætur til að upp-
fylla þær kröfur sem gerðar eru til
fyrirtækja í matvælaiðnaði. Síðan
fyrst stóð til að opna hafa þær kröf-
ur breyst og aukist lítillega ár hvert
og hefur það þýtt árlegar breyting-
ar á húsnæðinu í samræmi við breyt-
ingar á reglugerðum. „Við gerðum
breytingar á hverju ári vegna þess
að við vorum alltaf alveg að fara að
opna. En árlegar reglugerðarbreyt-
ingar hafa kostað okkur milljónir á
síðustu árum, sem er auðvitað erfitt
litlu fyrirtæki,“ segir Guðjón. Þeir
taka þó skýrt fram að öll samskipti
þeirra við fulltrúa Matvælastofn-
unar, sem sjá um eftirlit með fyrir-
tækum í matvælaiðnaði, hafi verið
góð. „Hjá MAST eru menn bara að
vinna sína vinnu og samskipti okk-
ar við starfsmenn stofnunarinn-
ar hafa verið góð,“ segir Aðalsteinn
og Guðjón tekur undir með honum.
„Kjartan Hreinsson hjá MAST hef-
ur stigið þennan dans mjög vel með
okkur frá upphafi. Matvælastofnun
gerir mjög stífar og strangar kröfur
en sanngjarnar kröfur á fyrirtæki í
matvælaiðnaði, þannig er þetta bara
og þannig á það líka að vera,“ segir
Guðjón. „Við viljum gera þetta eftir
bókinni,“ bætir Aðalsteinn við.
„Við erum ekkert án
bændanna“
Málið var því lengi í kerfinu og tafð-
ist af ýmsum sökum, þó skipulags-
málin hafi verið hvað tafsömust. Því
langa og stranga ferli er nú að ljúka
og hillir undir að hægt verði að taka
sláturhúsið í gagnið til frambúðar.
Guðjón kveðst að vonum ánægð-
ur að sú sé raunin og horfir björt-
um augum til framtíðar. Hann segir
viðtökurnar framar sínum björtustu
vonum. „Það sem af er eru undir-
tektirnar mjög góðar og pantanir
eru mjög góðar, sérstaklega í ljósi
þess að við komumst ekki af stað
fyrr en sauðfjárbændur eru flestir
byrjaðir að slátra og búnir að gera
ráðstafanir með að senda fé sitt ann-
að,“ segir sláturhússtjórinn. „Það er
framorðið á sláturtíð og því ekki við
öðru að búast og við höfum að sjálf-
sögðu fullan skilning á því að bænd-
ur séu búnir að panta slátrun annars
staðar, það er mjög eðlilegt,“ seg-
ir hann og bætir því við að af þeim
sökum verði ekki afurðastöð í Borg-
arnesi fyrst um sinn. „Fyrst um sinn
munum við mest slátra fyrir heim-
töku og slátra og afhenda fyrir þá
sem selja kjöt beint frá býli. Við ætl-
um að sinna því eins vel og við get-
um, síðan vitum við ekki hvað gerist
í framtíðinni,“ segir hann og bætir
því við að mest um vert sé að koma
starfseminni af stað. „Við erum
búnir að vera þolinmóðir í fjögur
ár og ætlum ekki að sigra heiminn
á fyrsta degi. Við ætlum að vinna
þetta í góðu samstarfi og samvinnu
við bændur, því við erum ekkert án
bændanna,“ segir Guðjón.
Ætla að láta
kjötið hanga
Fyrst um sinn verður aðeins slátr-
að sauðfé í Sláturhúsi Vesturlands
en áformað er að taka einnig á móti
stórgripum í framtíðinni. Slátur-
húsið hefur leyfi til að slátra 350
fjár, 125 svínum eða 35 stórgripum
á dag. Í öllu falli segja þeir að lögð
verði áhersla á gæði. „Við mun-
um leggja ríka áherslu á gæði kjöts-
ins. Á síðustu árum hefur það færst
í aukana að til dæmis lömbum sé
nánast bara slátrað, kjötinu pakkað
og svo sent út úr húsi. Hér höfum
við möguleikann á því að láta kjötið
hanga og ætlum að gera það,“ seg-
ir Aðalsteinn. „Þetta verður bara
eins og í gamla daga, kjötið verður
svo mikið bragðbetra ef það fær að
hanga,“ bætir Guðjón við.
Starfsmenn sláturhússins verða
um tíu hverju sinni fyrst um sinn og
segja þeir að ágætlega gangi að fá
fólk til starfa. „Við höfum verið að
ráða fólk úr sveitunum í kring, menn
sem kunna til verka. Erum þegar
komnir með nokkra vana menn sem
geta þá kennt handtökin og erum
sennilega með einn öflugasta slátr-
ara landsins,“ segir Guðjón en bætir
því við að ráðningum sé ekki lokið.
„Það koma til með að verða minnst
fimm í sal þegar við byrjum og yf-
irbyggingin eftir því. Náið eftirlit
verður með öllu og hér verður dýra-
læknir daglega. Bókhaldsvinna kem-
ur einnig til með að verða töluverð
því við þurfum að færa allar tölur
inn í bændabókhaldið,“ segir Guð-
jón. „Það verða því líklega einn og
stundum tveir í bókhaldi á skrifstof-
unni,“ bætir Aðalsteinn við. „Síðan
er alveg ljóst að ef þetta siglir vel af
stað þá munum við þurfa að bæta
við fólki í framtíðinni,“ segja þeir að
lokum.
kgk
Velji núverandi og fyrrverandi
starfsmenn Landsbankans að selja
hlutabréf í bankanum, sem þeim
voru gefin árið 2013, geta þeir
leyst út hátt í tvo milljarða króna,
með því að selja bankanum aftur
hlutabréfin. Ríkisútvarpið greindi
frá þessu í fréttum sínum í gær.
Um 1.400 starfsmenn fengu gefin
hlutabréfin og urðu viðbrögð sam-
félagsins afar hörð árið 2013 þegar
þetta var upplýst. Samkomulag um
þennan gjafagjörning var ákveð-
ið í samningi ríkisins við gamla og
nýja Landbankann eftir að íslenku
bankarnir urðu gjaldþrota haustið
2008. Haft er eftir forsvarsmönn-
um Landsbankans að það hafi verið
vilji kröfuhafa að starfsmenn fengju
hvata til að hámarka verðmæti
skuldabréfa sem þá ríkti óvissa um
heimtur á. Framkvæmdastjórar
innan Landsbankans geta hver um
sig fengið allt að 5,5 milljónir króna
í sinn hlut ákveði þeir að selja.
mm
Geta leyst út tveggja
milljarða hagnað
Síldarvinnslan í Neskaupstað hef-
ur bætt verulega við eignarhlut
sinn í Útgerðarfyrirtækinu Run-
ólfi Hallfreðssyni ehf frá Akranesi,
sem gerir út uppsjávarveiðiskip-
ið Bjarna Ólafsson AK-70. Síldar-
vinnslan á eftir kaupin 75% í fyrir-
tækinu, en átti áður 38%. Morgun-
blaðið greinir frá þessu í blaði sínu
á laugardaginn. Í fréttinni segir að
bræðurnir Gísli og Runólfur Run-
ólfssynir verði áfram skipstjórar
á Bjarna Ólafssyni AK og eigend-
ur að um fjórðungs hlut í útgerð-
inni. Önnur systkini þeirra bræðra
hafa hins vegar selt Síldarvinnsl-
unni eignarhluti sína. Mikið sam-
starf hefur í tvo áratugi verið milli
Síldarvinnslunnar og Runólfs Hall-
freðssonar ehf. sem landað hefur
mestu af afla Bjarna Ólafssonar AK
í Neskaupstað. Það verður óbreytt.
Gamli Bjarni Ólafsson var seldur
árið 2015 og nýrra skip keypt frá
Álasundi í Noregi. Það var smíðað
árið 1999 og hét áður Fiskeskjer.
mm
Meirihluti í útgerðarfélaginu
úr eigu fjölskyldunnar
Nýverið tók áhöfn Bjarna Ólafssonar þátt í viðamikilli æfingu björgunarsveita austan við landið. Myndin var tekin þá.
Ljósm. Landsbjörg.
Starfsemi hefst í Sláturhúsi Vesturlands í október
Húsnæði Sláturhúss Vesturlands í Brákarey í Borgarnesi. Ljósm. úr safni.
Aðalsteinn Sigurðsson sölustjóri og Guðjón Kristjánsson sláturhússtjóri. Aðalsteinn og Guðjón í sal Sláturhúss Vesturlands. Í sal sláturhússins verða fimm
manns við störf hverju sinni.