Skessuhorn - 06.12.2017, Qupperneq 12

MIÐVIKUDAGUR 6. DESEMBER 201712

Hjúkrunarforstjóri Silfurtúns
SKÓGARHLÍÐ 12 105 REYKJAVÍK SÍMI 520 4700
Staða hjúkrunarforstjóra Dvalar- og hjúkrunarheimilisins Silfurtúns í Búðardal er laus til umsóknar.
Silfurtún er lítið heimili með 13 íbúum. Búðardalur er í 160 km fjarlægð frá Reykjavík.
Stefnt er að því að viðkomandi hefji störf 1. febrúar 2018.
Starfssvið:
• Hjúkrun
• Ábyrgð á rekstri, daglegri stjórnun og
starfsmannahaldi heimilisins
• Ábyrgð á faglegri þróun
Hæfniskröfur:
• Hjúkrunarfræðimenntun
• Stjórnunarreynsla
• Framúrskarandi samskiptahæfni
• Hæfni til að vinna sjálfstætt og skipulega
Upplýsingar veitir:
Geirlaug Jóhannsdóttir
geirlaug@hagvangur.is.
Umsóknir óskast fylltar út á hagvangur.is
Umsóknarfrestur er til og með 10. des. nk.
Silfurtún
Dvalar og hjúkrunarheimili
Hestamannafélagið Dreyri áformar
að reisa reiðskemmu á Æðarodda og
hefur leitað stuðnings Akraneskaup-
staðar vegna fyrirhugaðrar fram-
kvæmdar. Bæjarráð Akraness fjallaði
um erindi hestamannafélagsins á
fundi sínum 16. nóvember. Tók
ráðið jákvætt í erindið og var bæj-
arstjóra falið að ræða við Hvalfjarð-
arsveit um frekari úrvinnslu máls-
ins. Sveitarstjórn Hvalfjarðarsveitar
fjallaði svo um málið á fundi sínum
28. nóvember og tók sömuleiðis vel
í erindi Dreyra og samþykkti að eiga
frekari viðræður við bæjaryfirvöld á
Akranesi um reiðskemmu á Æðar-
odda. Eins og kunnugt er nær starfs-
svæði Dreyra yfir þessi tvö sveitar-
félög.
Í erindi hestamannafélagsins
Dreyra leggja félagsmenn áherslu
á að reist verði reiðskemma sem
geti nýst þeim um ókomna tíð, að
minnsta kosti næstu áratugina. Þess
vegna áforma hestamenn að reisa
skemmu sem er 25x45 metrar að
stærð, en lágmarksstærð fyrir lög-
lega reiðkennslu er 25x40 metrar.
Yrði reiðskemman staðsett sunnan
við félagsheimili Dreyra á Æðar-
odda, eða um 20 metrum frá félags-
heimilinu. Þannig mætti nýta þá
aðstöðu sem fyrir er í félagsheim-
ilinu, til dæmis salerni og þess hátt-
ar. Í núverandi deiliskipulagi er gert
ráð fyrir reiðhöll austan megin við
innkeyrsluna að Æðarodda en ekki
sunnan megin við félagsheimilið og
því þyrfti að breyta skipulagi svæð-
isins.
Sveitarfélögin leggi
til 51 milljón
Er það mat félagsmanna að starf
hestamannafélagsins líði verulega
fyrir aðstöðuleysi og bygging reið-
skemmu sé mjög brýn fyrir fram-
tíð félagsins. „Við getum ekki boðið
upp á námskeið, skipulegar æfingar,
opna æfingatíma eða annað innan-
hússstarf fyrir upprennandi knapa.
Reiðkennarar vilja ekki koma og
kenna þar sem ekki er reiðskemma.
Allt slíkt verður að bíða vors og
sumars,“ segir í erindinu. Dreyra-
félagar vilja bæta úr þessu og eru til-
búnir að leggja til mikla vinnu svo
byggja megi reiðskemmu á Æðar-
odda. Hins vegar sé ljóst að ekkert
verði af framkvæmdum án stuðnings
sveitarfélaganna. Hafa félagsmenn
því farið þess á leit við Akraneskaup-
stað og Hvalfjarðarsveit að sveitar-
félögin fjármagni um það bil 51
milljón í húsinu eftir réttlátri skipt-
ingu sem um semst á milli þeirra.
Félagsmenn eru tilbúnir að vinna í
sjálfboðavinnu við byggingu hússins
og er verðmat sjálfboðavinnunnar
um 26 milljónir króna. Stendur vilji
félagsmanna til að hefjast handa sem
allra fyrst. „Við stefnum að því að
verklegar framkvæmdir yrðu á fyrri
hluta næsta árs og að húsið yrði full-
klárað í september á næsta ári,“ segir
í erindi Dreyra.
Tilbúnir að reiða fram
mikla vinnu
Hestamannafélagið Dreyri er eitt
fjögurra virkra hestamannafélaga
á landinu sem ekki hefur aðstöðu
til kennslu og þjálfunar innandyra,
að því er fram kemur í erindinu. „Í
Landsambandi hestamannafélaga
eru 45 hestamannafélög. Fjöldi
skráðra félagsmanna í hverju félagi
er allt frá 20 og upp í um 1400 fé-
laga hjá því fjölmennasta. Af þessum
45 félögum innan LH eru 43 þeirra
með virka félagastarfsemi og 39
þeirra hafa til afnota reiðhöll/reið-
skemmu.“
Félagsmenn í Dreyra eru um
250 talsins, þar af er um fjórðung-
ur félagsmanna börn og ungmenni
yngri en 18 ára. „Hestamannafélög
hér allt í kringum okkur og fámenn
hesteigendafélög innan þeirra eru
komin með innanhússaðstöðu, t.d.
á Snæfellsnesi,“ segir í erindinu og
bent er á að í Stykkishólmi og Ólafs-
vík hafi verið reistar reiðskemmur
þar sem félagafjöldi í hestamanna-
félögunum telji um 25 til 40 manns.
„Við teljum að það sé runninn upp
okkar tími og tækifæri til að stækka
og eflast og okkur verði á næsta ári
gefinn sá möguleiki að geta boð-
ið hestamönnum á öllum aldri upp
á æfingar innanhúss,“ segir í erindi
hestamannafélagsins. „Við Dreyra-
félagar erum tilbúnir að leggja mikla
vinnu á okkur svo þessi nauðsynlegi
draumur um innanhúss æfingaað-
stöðu fyrir unga fólkið okkar og aðra
félaga verði að veruleika. Það að geta
stundað íþróttina sína allt árið, bæði
inni og úti, skiptir öllu máli við að
ná árangri og halda festu og skipu-
lagi í starfinu.“
kgk
Dreyramenn vilja reisa reiðskemmu á Æðarodda á næsta ári
Akraneskaupstaður og Hvalfjarðarsveit hafa tekið vel í áformin
Félagar í Hestamannafélaginu Dreyra í skemmtireið frá Æðarodda og inn í þéttbýlið á Akranesi síðasta vetur. Ljósm. úr safni/ gbh.