Hlynur - 15.07.1956, Síða 15

FRÉTTIR ÚR EYJUM
Það er mikils virði, að starfsfólk
samvinnufélaganna sé vel að sér um
samvinnumál, og viti sem bezt deili á
öllu því, er að samvinnufélögunum lýt-
ur. Sem starfsfólk samvinnufélaganna
erum við fulltrúar víðtækustu félags-
málahreyfingar landsins og okkur er
nauðsynlegt að þekkja til nokkurrar
hlítar skipulag og starfshætti hennar.
Fyrir nokkrum mánuðum var þess
getið hér í blaðinu, að kaupfélag Vest-
mannaeyja hefði ákveðið að örva þátt-
töku starfsfólksins í Bréfaskóla SIS.
Hét kaupfélagið því að greiða náms-
kostnað í hlutfalli við námsárangur.
Nú hefir kaupfélagið enn bryddað
upp á nýmæli á þessu sviði. Hefir það
ákveðið, að hver nýr starfsmaður, sem
til þess ræðst, skuli taka námskeið í
„Skipulagi og starfsháttum samvinnu-
félaga“, sem kennt er við Bréfaskól-
ann, og greiðir kaupfélagið allan
kostnað.
Kaupfélag Vestmannaeyja hefir hér
stigið mjög heillavænlegt spor, sem
ástæða er til að gefa gaum að í fram-
tíðinni. Er það vonandi, að þessi at-
hyglisverðu nýmæli eigi eftir að gefa
góða raun og verði öðrum til fyrir-
myndar.
Þess hefir áður verið getið að stofnuð hefir verið íþróttadeild innan SF/SÍS í Reykja-
vík. Piltarnir á þessari mynd kepptu við Landsbankann og unnu með 2:1, þeir eru frá
vinstri, standandi: Karl Jörundsson, Friðrik Theódórsson, Vilhelm Andersen, Bruno
Hjaltested, Ormar Skeggjason, Jón I. Rósantsson. Fremri röð: Jón O. Ormsson,
Stefán Kristjánsson, Jóhann O. Sigurjónsson, Einar Jónsson og Oskar Einarsson.
15