Fréttablaðið - 04.01.2012, Side 16

16 4. janúar 2012 MIÐVIKUDAGUR
frá degi til dags
greinar@frettabladid.is
FRÉTTABLAÐIÐ Skaftahlíð 24, 105 Reykjavík sími: 512 5000, ritstjorn@frettabladid.is fréttastjórar: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
Helgarefni: Sigríður Björg Tómasdóttir sigridur@frettabladid.is menning: Bergsteinn Sigurðsson bergsteinn@frettabladid.is allt og sérblöð: Roald Eyvindsson roald@frettabladid.is og Sólveig Gísladóttir solveig@frettabladid.is
íþróttir: Sigurður Elvar Þórólfsson seth@frettabladid.is ljósmyndir: Pjetur Sigurðsson pjetur@frettabladid.is framleiðslustjóri: Kolbrún Ingibergsdóttir kolbrun@frettabladid.is
Útgáfufélag: 365 miðlar ehf. stjórnarformaður: Ingibjörg S. Pálmadóttir forstjóri og Útgáfustjóri: Ari Edwald
ritstjóri: Ólafur Þ. Stephensen olafur@frettabladid.is aðstoðarritstjóri: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
U
mboðsmaður Alþingis hefur komist að þeirri niðurstöðu
að menntamálaráðuneytinu hafi ekki verið heimilt að
ákveða að taka frá 45 prósent fyrir forgangshópa sem
voru nemendur úr grunnskólum í nágrenni framhalds­
skólanna.
Tilefnið var kvörtun tveggja nemenda sem voru að útskrifast úr
grunnskóla og töldu að nemendum væri með ákvörðun ráðuneytisins
mismunað eftir búsetu vegna þess að ekki stæði sams konar nám
til boða í öllum framhaldsskólum.
Frelsi þeirra til náms að eigin vali
væri því skert.
Ákvörðun ráðuneytisins var
tilkomin til að mæta skyldum
stjórnvalda frá 2008 til þess að sjá
öllum nemendum undir átján ára
aldri fyrir tilboði um framhalds­
menntun. Katrín Jakobsdóttir
menntamálaráðherra bendir á í
frétt hér í blaðinu að innritun árið 2009 hafi ekki gengið sem skyldi
og ekki verið lokið fyrr en um það bil sem skólastarf hófst. Á þeim
forsendum hafi verið ákveðið að breyta innritunarreglum.
Samkvæmt áliti umboðsmanns var ákvörðunin hins vegar íþyngj­
andi fyrir nemendur og vegna þess að hún takmarkaði aðgang borg­
ara að þjónustu þá hafi lagastoð þurft að vera mjög skýr sem hún er
ekki í þessu tilviki.
Álit umboðsmanns leiðir til þess að hafðar verða hraðar hendur
til þess að tryggja að ekki ríki óvissa þegar farið verður að inn­
rita í vor. Í framhaldinu verður svo horft til lengri tíma varðandi
mótun innritunarreglna. Það skiptir auðvitað miklu að eyða óvissu
sem fyrst þannig að þeir nemendur sem ljúka grunnskólanámi sínu
í vor vita að hverju þeir ganga. Í framhaldinu skiptir svo máli að
stöðugleiki ríki um það eftir hvaða reglum nemendur eru teknir inn
í framhaldsskóla.
Hitt er svo kjarni málsins að öllum nemendum standi að loknum
grunnskóla til boða nám sem þeir geta notið sín í, nám þar sem
þeim er gefinn kostur á að rækta hæfileika sína og uppgötva nýja,
nám sem undirbýr þá undir að takast á við fjölbreytt nám og störf
í framtíðinni.
Í framhaldsskólum verður sá listræni að geta stundað nám þar
sem áhersla er lögð á sköpun, sú handlagna að eiga kost á námi þar
sem áhersla er lögð á handverk, sá tónelski að geta iðkað og numið
tónlist og áfram mætti lengi telja og sú sem hefur áhuga á bóknámi
að geta einbeitt sér að því.
Námsframboð íslenskra framhaldsskóla er býsna fjölbreytt. Þó
virðist sem hlutur og einsleitni bóknáms sé fullmikill. Einnig má
ætla að sú virðing sem borin er fyrir bóknámi umfram verknám
standi að einhverju leyti nemendum fyrir þrifum varðandi val á
framhaldsskólanámi.
Mikilvægt er að auka fremur við fjölbreytni í námsframboði fram­
haldsskóla en draga úr henni og að framhaldsskólanámið nýtist sem
flestum nemendum sem best. Það verður áreiðanlega betur gert með
því að beita öðrum reglum við val á nemendum inn í framhaldsskóla
en að miða við þann grunnskóla sem barnið sótti.
Halldór
sKoðun
steinunn
stefánsdóttir
steinunn@frettabladid.is
Mér er sagt að sífellt fleiri meðal­launamenn, og þá einkum þeir eldri,
gangi nú á lífeyrissparnað sinn til þess að
standa í lánaskilum. Líklega er meirihlut­
inn ráðdeildarfólk sem alls ekki er unnt
að gera samábyrgt hruninu eins og tíska
er um þessar mundir.
„Við berum öll sömu ábyrgð – ekki má
benda á sökudólga.“ Þessi setning heyrist
ansi oft. Hún jaðrar við háð þegar þess er
gætt að ótaldar þúsundir tóku hvorki lán
umfram greiðslugetu né tóku þátt í lífs­
gæðakapphlaupi. Þessar tugþúsundir (?)
lifðu svipuðu lífi fyrsta áratug aldarinn­
ar og áður tíðkaðist hjá þeim. Þær gengu
til sinna verka með sama jafnaðargeði og
áður. Auðvitað má teygja ábyrgð allra í
samfélaginu til þeirrar grunnmenningar
og siðferðis sem þar er að finna á hverj­
um tíma en slíkri félagsábyrgð má ekki
rugla saman við ábyrgð á þeirri firru
að byggja upp efnahagspíramída sem
stendur á haus.
Mér er líka sagt að efnahagskerfið,
jafngallað og það er, sé á leið upp úr
dýpsta kreppudal íslenskrar sögu.
Gott og vel, ef báðar þessar frásagn­
ir eru sannar (og mér sýnist svo vera),
er komið að því að stjórnvöld, bankar,
lífeyrissjóðir og Íbúðalánasjóður taki til
við að ræða (með lausn í huga) hvernig
koma megi í veg fyrir hundruð nýrra
heimilisgjaldþrota árið 2012 og hvernig
styrkja megi furðufyrirbærið hagvöxt
með því að létta skuldabyrði íbúðar­
eigenda í skilum svo lágmarkssanngirni
sé gætt og kaupmáttur aukist. Þessi gjörð
gæti líka minnkað brottflutning fólks.
Engin þjóð hefur nokkru sinni staðið
af sér úrvindingu (nýyrði!) fólks með
meðaltekjur eða þar um bil (af launum,
lífeyri eða eignasölu).
Næsta skref, takk
samfélags­
mál
ari trausti
guðmundsson
náttúru-
vísindamaður
og rithöfundur
Við berum öll sömu
ábyrgð – ekki má benda
á sökudólga.“ Þessi setning heyr-
ist ansi oft. Hún jaðrar við háð
þegar þess er gætt að ótaldar
þúsundir tóku hvorki lán um-
fram greiðslugetu né tóku þátt í
lífsgæðakapphlaupi.
Frístundakor t
Tónheimar - Síðumúla 8 - tonheimar@tonheimar.is
Ástvaldur Traustason
skólastjóri Tónheima
Upplýsingar og skráning á tonheimar.is
og í síma 846 8888
Láttu drauminn rætast og lærðu að
spila þín uppáhaldslög eftir eyranu
á píanó, gítar eða ukulele.
Allir aldurshópar, byrjendur sem
lengra komnir.
Tónlistarnám fyrir þig
blús djass sönglögpopp
merkingarbærnin
Lilja Mósesdóttir vill ekki skilgreina
nýtt framboð sitt út frá hugtökunum
vinstri og hægri, þau hafi verið
skrumskæld svo mikið að þau séu
orðin merkingarlaus. Þess í stað
kynnir Lilja til sögunnar hugtökin
réttlæti, jöfnuð og velferð. Trauðla
hafa fleiri hugtök en einmitt
þessi þrjú verið skrumskæld
jafn mikið undanfarin ár.
ekki gleyma eCa
Hér voru í gær rifjuð
upp embættisverk
Jóns Bjarnasonar og
Einars K. Guðfinns-
sonar í embætti
sjávarútvegsráðherra og því er ekki
úr vegi að rifja upp eitt síðasta verk
Kristjáns L. Möller sem samgöngu-
ráðherra, að leyfa skráningu loftfara
fyrir hollenska fyrirtækið ECA, sem sá
um þjálfun herflugmanna, eftirmanni
hans til lítillar skemmtunar. Þeir
geta því reynst drjúgir síðustu sopar
ráðherranna.
gildi orðanna
Orðaval getur
skipt höfuðmáli
og góðir stjórn-
málamenn
kunna að haga
orðum sínum
þannig að
þau undirstriki meiningu þeirra enn
frekar. Nýr fjármálaráðherra, Oddný
G. Harðardóttir, virðist kunna þessa
list. Lífeyrissjóðirnir eiga digra sjóði
og stjórnmálamenn hafa löngum
leitað til þeirra í þau verkefni sem
stjórnmálamönnum hentar. Oddnýju
hugnast þó ekki að þeir fjárfesti í
Landsvirkjun. Í viðtali við Kastljós á
mánudag spurði hún hvort sjóðirnir
ætluðu að koma með áhættufé til
rannsókna og fá síðan arð. Hefði
henni hugnast aðkoma lífeyris-
sjóðanna hefði hún sagt þá ætla
að koma með fé. Að skeyta
„áhættu“ framan við fé, gerir
verknaðinn neikvæðan.
kolbeinn@frettabladid.is
Innritunarreglum framhaldsskóla verður breytt.
Fjölbreytni í
framhaldsskólum