Nesfréttir - okt. 2017, Blaðsíða 20

20 Nes ­frétt ir
U M H V E R F I S H O R N I Ð
Haustið hefur farið vel af stað í félags- og tómstundastarfinu.
Góð þátttaka á öllum námskeiðum og í dagskránni almennt. Í
septembermánuði var farið í ferð um Kjósina, Hvalfjörðinn og
á Bjarteyjarsand. Eins og venjulega þegar farið er í ferðir var
veðrið milt og fallegt þannig að það var hægt að njóta útsýnisins
og haustlitanna.
Guðbjörg Hannesdóttir sem ættuð er úr Kjósinni var leiðsögumaður
um sitt svæði og var gaman að fræðast um ábúendur og búskaparhætti
í gegnum tíðina. Vel var tekið á móti hópnum með leiðsögn í
Hvalstöðinni og í kampinum og svo enduðum við ferðina í kaffi á
Bjarteyjarsandi, en þar er rekin ferðaþjónusta með búskapnum.
Góður dagur.
Þann 28. september var haldinn haustfagnaður í salnum á
Skólabrautinni. Grillvagninn sá um matinn og var hann eins og ávallt
mjög góður. Guðmundur Símonarson tónlistarmaður stjórnaði
fjöldasöng ásamt því að leika fyrir dansi og halda uppi skemmtilegri
stemningu.
Síðasta miðvikudag hvers mánaðar er svo samvera með yngri
og eldri í Selinu og þeir sem þar taka þátt eru afar ánægðir.
Sunnudagskvöldið 1. október var farið í Þjóðleikhúsið þar sem boðið
var upp á sýninguna Með fulla vasa af grjóti sem var áhugavert og
einstaklega vel leikið verk.
Allir föstu liðirnir halda sínum tímasetningum í október, en vert er þó
að minna á að bridds námskeiðinu sem komið var af stað í Eiðismýri
í september er lokið og í kjölfarið á því hefur verið stofnaður bridds-
klúbbur. Til að byrja með verður spilað tvisvar í viku í Eiðismýri 30, þ.e.
þriðjudaga og föstudaga kl. 13.30 og eru allir velkomnir. Mjúk-leikfimin
hjá Kriztinu í Hreyfilandi hefur farið ágætlega af stað og þær konur sem
eru með, eru afar ánægðar. Þess má geta að bæjarfélagið tekur þátt í
gjaldi fyrir eldri borgara. Tímarnir í Hreyfilandi eru á þriðjudögum og
fimmtudögum kl. 12.00. Snyrtivörukynning var í salnum miðvikudaginn
4. október og voru margar konur sem gerðu góð kaup, þar sem tilboð
var á öllum vörum. Mánudaginn 9. október fengum við heimsókn frá 4
árs hjúkrunarnema sem hélt fræðsluerindi um mikilvægi hreyfingar fyrir
eldri borgara. Félagsvist fimmtudaginn 5. október og bingó 12. október.
Félagsstarf eldri bæjarbúa tók þátt í menningarhátíðinni 12-15 okt. með
opnu húsi á alla dagskrárliði sem í boði voru þá daga og voru nokkrir
sem nýttu sér það og heimsóttu starfsstöðvarnar. Einnig tókum við þátt
í bleikum október með því að skreyta félags- og tómstundaaðstöðuna á
Skólabraut í bleikum tónum.
Árleg ferð sem félagsstarfið og kirkjan standa að sameiginlega
verður farin þriðjudaginn 24. október, en þá verður farið
norður á Hvammstanga þar sem við heimsækjum Selasetrið og
Hvammstangakirkju undir leiðsögn sr. Magnúsar Magnússonar.
Hádegisverður verður snæddur á veitingastaðnum Sjávarborg. Lagt
af stað frá Skólabraut kl. 9.00 og áætlað að koma til baka um kl. 18.00.
Skráning nauðsynleg.
Miðvikudagskvöldið 25. október verður gaman saman í Selinu,
sameiginleg kvöldstund yngri og eldri, og fimmtudaginn 26. október
verður svo vinsæla bingóið okkar í Golfskálanum. Hvetjum fólk til að
skoða dagskrána, nýta það sem í boði er. Einnig er tekið jákvætt í allar
hugmyndir. Þess má geta að í félagsaðstöðunni á Skólabraut liggja
frammi upplýsinga- og skráningarlistar vegna Hvammstangaferðar,
jólahlaðborðs á Hótel Örk 6. des. og vegna fyrirhugaðrar Spánarferðar í
maí-júní 2018.
Kíkið endilega í kaffi í félagsaðstöðunni á Skólabraut, en þar er
kaffispjall í króknum alla virka morgna kl. 10.30. Allar upplýsingar
um félagsstarfið almennt og skráningar eru hjá Kristínu í síma
893 9800. Þann 3. október sl. bárust þær fréttir að fyrrum bæjarstjóri
Seltjarnarness Sigurgeir Sigurðsson væri látinn. Sigurgeir var viðriðinn
bæjarmálin á Nesinu í áratugi og minnast eldri borgarar hans með
virðingu um leið og þeir senda aðstandendum samúðarkveðjur.
FÉLAGS- OG TÓMSTUNDASTARF
ELDRI BÆJARBÚA
Risahvannir eða tröllahvannir eru stórvaxnar,
fjölærar plöntur af sveipjurtaætt. Þær líkjast
öðrum hvönnum, t.d. ætihvönn og geithvönn,
en eru yfirleitt mun stærri og stórgerðari.
Risahvannir hafa stórar blómmyndanir og
eru oft glæsilegar plöntur. Þess vegna hafa þær
lengi verið vinsælar garðplöntur. Risahvannir
hafa dreift sér hratt um höfuðborgarsvæðið
undanfarið og er það áhyggjuefni. Þær eru
þekktar fyrir að vera skilgreindar sem framandi,
ágengar tegundir sem bola öðrum gróðri burt.
Af risahvönnum stafar einnig slysahætta því
safinn í stönglum og blöðum þeirra er eitraður.
Í honum eru efni sem virkjast í sólarljósi og geta
valdið alvarlegum bruna á húð og skilið eftir sig
varanleg ör. Einnig getur safinn valdið blindu ef
hann berst í augu.
Húnakló er minnst og fíngerðust af
risahvönnunum. Hún getur náð 2-3 m hæð en
er alla jafna mun minni. Hún er ekki eins algeng á höfuðborgarsvæðinu en þar
sem hún finnst dreifir hún sér mjög hratt.
Nú í sumar fór að bera á húnakló á grasflötum og í beðum umhverfis
Vesturbæjarlaug. Hún var einnig farin að sjást á nokkrum stöðum á
Seltjarnarnesi.
Í sumar hafa menn á vegum Seltjarnarnesbæjar notað kerfislyf til eyðingar á
húnaklónni. Reynslan af því var sú að plantan lét verulega á sjá en hún drapst
ekki. Næsta vor verður aftur hafist handa við eyðingu hennar. Er það ósk
bæjarins að bæjarbúar skoði vel garða sína og aðgæti hvort húnakló reynist
vera í görðum þeirra. Ef svo er ætti að uppræta hana.
Best er að klippa plönturnar varlega niður og grafa upp með rót. Fara
þarf afar varlega við meðhöndlun þeirra. Mikilvægt er að vera með hanska
og í fötum sem hylja líkamann. Hlífðargleraugu eða andlitshlíf er einnig
æskileg og bráðnauðsynleg ef plantan er mjög stór og/eða ef notast er við
sláttuorf. Forðast skal að velja sólríkan dag því sólarljós eykur hættuna á
bruna ef plöntusafinn berst á húð. Mikilvægt er að fylgjast vel með vaxtarstað
plöntunnar næstu mánuði og ár eftir að plantan er fjarlægð.
Ítrekuð skal nauðsyn þess að vera ávallt í viðeigandi hlífðarbúnaði
þegar risahvannir eru meðhöndlaðar. Vatnsheldir hanskar, andlitshlífar og
alklæðnaður er nauðsynlegur.
F. h. umhverfisnefndar, Margrét Pálsdóttir formaður
Risahvannir
Húnakló í Hrólfsskálavör.
Mynd: Steinunn Árnadóttir.
Hettumáfur er varpfugl
á Seltjarnarnesi og sést
þar árið um kring. Hann
er tíðastur síðsumars og á
haustin, frá ágústbyrjun fram
í nóvember. Fuglarnir sjást
bæði í fjörum og á tjörnum,
en stærstu hóparnir eru að
jafnaði á Bakkatjörn, þar
hafa stundum sést á annað
þúsund fuglar. – Hettumáfar hafa átt erfitt uppdráttar sem varpfuglar á
Nesinu. Þeir hafa orpið við Búðatjörn, í Dal, í hólmanum í Bakkatjörn og
innan um kríurnar í Gróttu; yfirleitt fá pör eða í mesta lagi um 20. Það
er helst í Gróttu sem varpið hefur gengið og virðist hafa verið árvisst
undanfarið. Hettumáfur ver vörp sín gegn óvinum, svipað og krían og
sækjast endur, mófuglar og ýmsir vatnafuglar sérstaklega eftir að verpa í
hettumáfsvörpum. – Hettumáfar missa hettuna síðsumars og fá hana aftur í
mars, fuglarnir eru því hettulausir núna.
Texti og mynd: Jóhann Óli Hilmarsson
Fugl mánaðarins
– Hettumáfur
www.systrasamlagid.is