Vesturbæjarblaðið - ágú. 2015, Blaðsíða 5

hingað til lands árið 1980. Joan
Font upphafsmaður og leikstjóri
Els Comediants var félagi minn
og vinur frá Katalóníudvölinni.
Annars hefðum við ekki haft ráð
á að fá slíkan leikflokk sem var
um það bil að verða frægasta
götuleikhús veraldar. Þess má
geta að 12 árum síðar opnuðu
Els Comediants heimssýninguna
í Sevillia og ráku endahnútinn á
Ólympíuleikana í Barcelona. Els
Comediants tókst að umturna
Reykjavík allt frá fyrsta degi
hátíðarinnar og margir rekja
stórkostlegar breytingar á
bæjarlífinu og meðal annars
opnum kaffihúsa víðs vegar
um miðbæinn til heimsóknar
leikflokksins.“
Fúaspýtuhjallar að
augnakonfekti
Örnólfur nefnir annað sem
gerðist á þessum tíma og breytti
svip bæjarins og hann kveðst
hafa verið svo heppinn að fá að
vera þátttakandi í. „Það var þegar
við máluðum Bernhöftstorfuna.
Til stóð til að rífa gömlu húsin
á Torfunni eins og kunnugt er.
En við tókum okkur til, hópur
áhugafólks um varðveis lu
gamalla húsa, fórum á fætur um
miðja nótt og vorum búin að
mála þök húsanna og þær hliðar
sem snéru út að Lækjargötu og
Bankastræti þegar bæjarbúar
komu á stjá um morguninn. Þá
blöstu þessir „fúaspýtuhjallar“
orðnir að augnakonfekti. Það
var eins og við manninn mælt
að nær hver einasti maður sem
áður hafði verið meðmæltur því
að rífa húsin skipti um skoðun.
Engin hræða með snefil af
sómatilfinningu hreyfði því máli
frekar. Þetta sumar voru eldri
hús um allan bæ máluð í fallegum
litum sem Magnús vinur minn
Tómasson, myndlistarmaðurinn
snjalli, hafði valið. Þannig hafði
þetta stórkostleg áhrif á útlit
Reykjavíkur og opnaði augu
almennings fyrir gildi bygginga
fortíðarinnar. Torfusamtökin
gerðu síðan öll húsin þarna
upp og þegar ég tók umsjón
Listahátíðar hafði ég skrifstofur í
Landlæknishúsinu og í Gimli.“
Riðu ekki feitum hesti frá
„kvikmyndavorinu“
O g þ á e r k o m i ð a ð
k v i k m y n d a g e r ð i n n i í l í f i
Örnólfs Árnasonar. Hvað kom
honum til að fara að framleiða
kvikmyndir? Hann segir að
Listahátíð hafi jafnframt staðið
fyrir kvikmyndahátíðum og
fyrirrennarar þeirra Njarðar,
Hrafn Gunnlaugsson og Davíð
Oddsson, hafi bryddað upp
á þeirri nýlundu að halda
kvikmyndahátíð innan vébanda
listahátíðar. „Við samstarfsfólkið,
auk Njarðar þau Guðrún
Helgadóttir, Thor Vilhjálmsson,
Atli Heimir Sveinsson og Sveinn
Einarsson, héldum þessu áfram
og gerðum kvikmyndahátíðina að
árlegum viðburði en Listahátíð
í Reykjavík var þá haldin annað
hvert ár. Þetta var afskaplega
s k e m m t i l e g t v i ð f a n g s e f n i
og leiddi til kynna við ýmsa
frábæra listamenn á vettvangi
kvikmyndagerðar heimsins.
Áður en ég vissi af var ég líka
kominn út í kvikmyndagerð. Á
þessum tíma sem kallaður hefur
verið íslenska kvikmyndavorið
kom kippur í kvikmyndagerð
hér á landi sem haldist hefur
ó s l i t i ð s í ð a n . Þ o r s t e i n n
Jónsson kvikmyndaleikstjóri,
Þórhallur Sigurðsson leikari
og leikstjóri og ég stofnuðum
kvikmyndafélagið Óðinn hf.
og var Þórhallur formaður
og ég f ramkvæmdast jór i .
Þorste inn le iks týr i s íðan
tveimur kvikmyndum sem ég
framleiddi. Önnur var Punktur
punktur komma strik byggðri á
skáldsögu Péturs Gunnarssonar
og Atómstöðinni sem gerð var
eftir skáldsögu Halldórs Kiljan
Laxness. Þessar kvikmyndir hlutu
gífurlega aðsókn. Á Punktinn
komu 75 þúsund áhorfendur og
yfir 60 þúsund sáu Atómstöðina.
Atómstöðin var fyrsta íslenska
kvikmyndin sem valin var á
Kvikmyndahátíðina í Cannes,
árið 1985. Ekki riðum við þó
feitum hesti frá þessu framtaki
fjárhagslega því við fengum
nær engan framleiðslustyrk
frá íslenska ríkinu og sátum
uppi s tórskuldugir vegna
persónulegra ábyrgða eftir gerð
Atómstöðvarinnar.“
Kynntist eigin þjóð sem
fararstjóri í útlöndum
Örnólfur hefur lengi tengst
ferðamennsku og ferðaþjónustu
og man tímana tvenna í þeim
efnum. „Ég hafði snemma
gaman af að ferðast en datt þó
ekki í hug að það ætti fyrir mér
að liggja að hafa atvinnu af
að skoða mig um í heiminum.
Ingólfur Guðbrandsson sem var
góður kunningi minn stakk upp
á því við mig að ég ynni fyrir
hann sumarið 1968 við leiðsögn
íslenskra ferðahópa í London þar
sem ég var sæmilega kunnugur.
Þá tíðkaðist að senda hópa
með venjulegu áætlunarflugi
til London sem síðan fóru til
Miðjarðarhafsins og dvöldu þar
gjarnan um ellefu daga skeið en
á bakaleiðinni þrjá daga í London
til að sjá sig um og kaupa föt á
sig, börnin og barnabörnin sem
þá var margfalt hagstæðara
heldur en í Reykjavík. Upp úr
þessu atvikaðist það svo að
Ingólfur bað mig að fara að vinna
fyrir sig á Spáni eftir að hann
og Guðni í Sunnu byrjuðu með
beint flug, eins konar loftbrú til
Miðjarðarhafsins sem gerbreytti
ferðavenjum Íslendinga og
opnaði almenningi möguleika til
utanlandsferða. Það var frábært
að fá að vera þátttakandi í þessu
ævintýri og sjá hvað það veitti
Íslendingum úr öllum stéttum
mikla gleði og ég held mikinn
þroska.“ Örnólfur segir það hafa
verið dásamlegt að hossast með
í sömu rútunni yfir fjöll Andalúsíu
„sauðsvartan íslenskan almúga“,
forstjóra og alþingismenn og sýna
þeim Alhambrahöllin í Granada,
moskuna miklu í Córdoba og
dómkirkjuna í Sevilla.
Tryggðabönd við
Andalúsíu
„Eftir þessa dvöl í Andalúsíu
hef ég bundist þeim stað
tr yggðaböndum. Svo djúp
áhrif hefur menning, saga og
allt andrúmsloft þessa héraðs
haft á mig. Og mér er líka ljóst
þegar ég lít um öxl að í hlutverki
fararstjóra fékk ég þarna einstakt
tækifæri til þess að kynnast þjóð
minni sem ég held að ég hefði
aldrei fengið á Íslandi. Ég hætti
að starfa hjá Útsýn þegar ég tók
við listahátíð og fór í framhaldi
af því að gera kvikmyndir.“
Örnólfur segir að þrátt fyrir það
hafi ferðlöngunin ekki skilið við
sig og hann hafi gert talsvert af
því á undanförnum tveimur
áratugum að ferðast um fjarlæg
lönd og gera útvarpsþætti t.d.
um ferðir til Marokkó, Andalúsíu,
Kúbu og Suðaustur Asíu. „Þessir
útvarpsþættir hafa orðið mjög
vinsælir og því varð það að
ferðaskrifstofan Óríental sem
sérhæfir sig í ferðum til Asíu fékk
mig til samstarfs og er ég t.d. að
fara með fjórða íslenska hópinn
til Bali á þessu ári. Ég er með
fjölmargar ferðir fyrirhugaðar
á næsta ári bæði til Indónesíu,
Singapúr, Víetnam og Kampútseu
auk ferða til Andalúsíu og
Marokkó.“
Örnólfur lætur ekki deigan síga
og er að svo mæltu þotinn á fund
þar sem verkefnin bíða hans.
5VesturbæjarblaðiðÁGÚST 2015
Örnólfur við fararstjórn á framandi strönd.
Lífrænt
Valið besta
heilsuefnið
Fæst í apótekum, Hagkaup, Krónunni,
Grænni heilsu, Heilsuhúsinu og Fjarðarkaup.
www.thebeautyshortlist.com
Best Health Supplement - Overall Wellbeing
Hreinsar líkamann, bætir andadrátt og líkamslykt,
fegrar og frískar húðina
Bætir meltingu, gerir líkamann basískan,
kemur á réttu pH gildi
Yr 100 lífræn næringarefni sem gefa orku,
einbeitingu og vellíðan
Spirulina, Chlorella & Barleygrass
Lifestream framkvæmir þrefaldar næringarprófanir; við uppskeru,
eftir framleiðslu og að lokum með vottun frá óháðri prófunarstofu.
Dagleg græn upplyfting. Heilnæmt fæði, hámarks
upptaka og nýting á næringarefnum.
120 hylki.
Frítt söluverðmat
Reynsla og vönduð vinnubrögð
Hringdu núna.
Davíð Ólafsson
Löggiltur fasteignasali
Sími: 897 1533
david@fr.is
prent.indd 1 18.5.2015 15:45:00
Örnólfur frá þeim tíma að hann
stýrði listahátíð.