Mosfellingur - 19.12.2019, Blaðsíða 4

www.lagafellskirkja.is
kirkjustarfið HelgiHald um jól og áramót
22. desember
Kl. 11:00. Bæna- og kyrrðarstund í
Lágafellskirkju. Sr. Arndís Linn.
24. desember - aðfangadagur jóla
Kl. 13:00. Jólaguðsþjónusta barnanna í
Lágafellskirkju.
Kl. 18:00. Aftansöngur í Lágafellskirkju
- Sr. Arndís Linn þjónar fyrir altari.
Kl. 23:30. Miðnæturguðsþjónusta í Lága-
fellskirkju. Sr. Ragnheiður Jónsdóttir.
25. desember - jóladagur
Kl. 14:00. Hátíðarguðsþjónusta
í Lágafellskirkju.
Sr. Ragnheiður Jónsdóttir þjónar
fyrir altari og prédikar.
Kl. 16:00. Hátíðarguðsþjónusta
í Mosfellskirkju.
Sr. Ragnheiður Jónsdóttir
þjónar fyrir altari og prédikar.
Sunnudagur 29. desember
Kl. 11:00. Bæna- og kyrrðarstund
í Lágafellskirkju. Sr. Ragnheiður
Jónsdóttir.

31. desember - gamlársdagur
Kl. 17:00. Aftansöngur í Lágafellskirkju.
Sr. Ragnheiður Jónsdóttir
þjónar fyrir altari.
- Dreift frítt í Mosfellsbæ, Kjalarnes og Kjós4
Bæjarbúar geta kosið
Mosfelling ársins
Val á Mosfellingi ársins 2019
stendur nú yfir. Lesendum gefst
kostur á að tilnefna þá sem þeim
þykja verðugir að bera nafnbótina.
Öllum er frjálst að senda inn
tilnefningar í gegnum heimasíðu
blaðsins www.mosfellingur.is.
Þetta er í fimmtánda sinn sem valið
fer fram á vegum bæjarblaðsins
Mosfellings. Íbúar eru hvattir til
að taka virkan þátt og senda inn
tilnefningar. Gjarnan má fylgja
með stuttur rökstuðningur fyrir
tilnefningunni og hvað viðkomandi
hefur lagt til samfélagsins. Áður
hafa þessi hlotið nafnbótina:
Sigsteinn Pálsson, Hjalti Úrsus
Árnason, Jóhann Ingi Guðbergsson,
Albert Rútsson, Embla Ágústsdóttir,
Steindi Jr., Hanna Símonardóttir,
Greta Salóme, Kaleo, Jóhanna Elísa
Engelhartsdóttir, Sigrún Þ. Geirs-
dóttir, Guðni Valur Guðnason, Jón
Kalman Stefánsson og Óskar Vídalín
Kristjánsson. Útnefningin verður
kunngjörð í fyrsta blaði ársins 2019,
fimmtudaginn 9. janúar.
Stofnaður hefur verið minningarsjóður um
Pál Helgason, tónlistarmann. Sjóðurinn
heitir Minningarsjóður Páls Helgasonar og
er stofnaður af börnum Páls og eftirlifandi
eiginkonu. Stofnframlag sjóðsins kemur frá
eiginkonu Páls, Bjarneyju Einarsdóttur, auk
innkomu af styrktartónleikum sem haldnir
voru í Langholtskirkju 23. október.
Páll var afkastamikill í tónlistarlífi lands-
ins, þó mest í Mosfellsbæ og kom að stofn-
un fjölda kóra. Þar má nefna Álafosskórinn,
Mosfellskórinn, Vorboða – kór eldri borg-
ara í Mosfellsbæ, Landsvirkjunarkórinn og
Karlakór Kjalnesinga auk endurvakningu
kóra eins og Karlakórsins Svana á Akranesi
og Karlakórsins Stefnis í Mosfellsbæ.
Stofnaður á 75 ára afmæli Páls
Páls er minnst með hlýju og virðingu.
Það er börnum og ekkju Páls mikils virði
að sjóður helgaður minningu hans skuli
stofnaður nú, á 75 ára afmæli Páls.
Stjórn sjóðsins skipa fjórir einstaklingar.
Tveir stjórnarmanna eru börn Páls Helga-
sonar og fer annað þeirra með formennsku
í sjóðnum, þriðji stjórnarmaður er ekkja
Páls Helgasonar en formaður Karlakórs
Kjalnesinga er fjórði.
Verkefni sem lúta að námi í kórstjórnun
Í reglum sjóðsins segir meðal annars:
„Tilgangur og markmið sjóðsins er að styrkja
verkefni sem lúta að námi í kórstjórnun.
Einnig er sjóðnum heimilt að veita styrki
til þeirra sem fjalla vilja um líf og starf Páls
Helgasonar tónlistarmanns og stuðla að því
að halda nafni hans á lofti. Þar getur verið
um að ræða hvers konar nýja úrvinnslu eða
nálgun á útsetningum, útgáfu, rannsóknir,
kynningar og skrif eða önnur þau verkefni
sem gera lífi hans og starfi skil.“
Í undirbúningi er að setja upp heimasíðu
um Pál Helgason og verk og útsetningar
hans. Búið er að stofna síðu á facebook þar
sem hægt er að finna nánari upplýsingar
þangað til.
Börn og eftirlifandi eiginkona Páls Helgasonar tónlistarmanns og kórstjóra stofna sjóð
Minningarsjóður Páls Helgasonar
páll helgason bæjarlista-
maður mosfellsbæjar 2012
Brennur yfir hátíðar
- tímasetningar
Á gamlárskvöld verður áramóta-
brenna haldin neðan Holtahverfis
við Leirvoginn þar sem þrettánda-
brennan er árlega. Mosfellsbær
stendur fyrir brennunni í samstarfi
við handknattleiksdeild Aftureld-
ingar og Björgunarsveitina Kyndil.
Kveikt verður í brennunni kl. 20:30.
Hin árlega þrettándabrenna fer
fram mánudaginn 6. janúar 2020.
Blysför verður frá Miðbæjartorgi kl.
17:30. Skólahljómsveitin, Storm-
sveitin, Grýla og Leppalúði og fleiri
verða á svæðinu og flugeldasýning
Kyndils verður glæsileg að vanda.
w w w. l a g a fe l l s k i r k j a . i s
Leikskólinn Reykjakot afhenti á dögunum
Rauða krossinum fata- og peningagjöf.
Foreldrar barna á Reykjakoti söfnuðu
saman fatnaði til þess að gefa þeim sem á
þurfa að halda. Eins og flestir þekkja hefur
veturinn gengið í garð í öllu sínu veldi og er
mikil þörf fyrir hlýjan fatnað fyrir skjólstæð-
inga Rauða krossins.Að sama skapi ákvað
starfsfólk Reykjakots að safna peningum í
stað þess að vera með gjafaleik sín á milli.
Peningurinn kemur sér ekki síður vel og
rennur beint í jólaúthlutun til einstaklinga
í Mosfellsbæ.
Leikskólinn Reykjakot fann hinn sanna
jólaanda í hugsjónum Rauða krossins sem
byggjast á mannúð og opnu hugarfari.
Rauði krossinn kann starfsfólki Reykja-
kots, börnum og foreldrum þeirra bestu
þakkir fyrir gjafirnar og óskar þeim og
Mosfellingum öllum gleðilegrar hátíðar. Útgáfu Mosfells-
heiðarleiða fagnað
Í haust kom út bókin Mosfellsheið-
arleiðir hjá Ferðafélagi Íslands.
Höfundar eru Margrét Sveinbjörns-
dóttir, Jón Svanþórsson og Bjarki
Bjarnason. Í bókinni er lýst 23 leið-
um á Mosfellsheiði sem henta vel
fyrir göngufólk, hestafólk og margar
einnig fyrir hjólreiðafólk. Haldið
var mikið
útgáfuhóf á
Bókasafni
Mosfells-
bæjar
þann 12.
desember.
Á myndinni
afhendir
Bjarki Bjarnason Gígju Magnúsdótt-
ur, fulltrúa Hestamannafélagsins
Harðar, eintak af bókinni. Einnig
fengu Ævar Aðalsteinsson og Arnar
Sigurbjörnsson afhent eintök af
ritinu. Ævar hefur stýrt merkingum
á stígum og slóðum hér í Mosfellsbæ
og Arnar er formaður hjóladeildar
Aftureldingar. Sigurjón Pétursson
tók myndirnar að ofan en hann og
Þóra Hrönn Njálsdóttir tóku allar
nýju myndirnar í bókinni.
Vetrarfatnaður fyrir skjólstæðinga • Hinn sanni jólaandi
reykjakot færir rauða
krossinum hlýjar gjafir
margrét hjá rkí tekur við gjöfum
úr höndum tótu leikskólastjóra