Mosfellingur - 19.12.2019, Qupperneq 42

Samvinna
Ég er ekki pólitískur. Ég veit ekki hvort ég myndi passa inn í neinn
flokk þar sem ég er annars vegar á
þeirri skoðun að við sem einstakl-
ingar berum mikla ábyrgð á okkur
sjálfum og hins vegar á þeirri skoðun
að við sem samfélag eigum að hlúa á
þeim sem þurfa á því að halda.
Mér finnst þetta eigi að haldast í hendur. Ég vil sjá sterka og
sjálfstæða einstaklinga hugsa um
heildina, samfélagið. Hegða sér
þannig að þeir séu fyrst og fremst að
gera hluti sem gagnist öðrum. Ekki
bara þeim sjálfum. Svona eins og
Hanna Sím hugsar fyrst og fremst um
fótboltann í Aftureldingu og kemur
hlutum í framkvæmd sem gagnast
félaginu og fjöldanum.
Á sama hátt vil ég að samfélagið gefi einstaklingnum frelsi til þess
að blómstra og hvetji hann til dáða
um leið og það passar upp á okkur
öll, sérstaklega þá sem minna mega
sín. Ef þessar forsendur eru til staðar
eru okkur allar leiðir færar.
Opinn hugur og vitund um að við erum sterkari saman er annað
sem mér finnst mikilvægt. Ég elska
verkefni, sjálfboðaliða eða launuð,
sem ganga út á að tengja fólk og
samfélög saman. Búa til eitthvað
stærra og sterkara saman en við
gætum í sitt hvoru lagi.
Akkúrat núna, í þessari viku eru íþróttafélögin Afturelding og
Liverpool F.C. saman í því verkefni
að styrkja ungan Mosfelling sem
þarf á stuðningi að halda. Félögin
eru búin að vinna saman í 10 ár og
þrátt fyrir að vera afar ólík í stærð og
uppbyggingu þá ná þau vel saman
– eða öllu heldur einstaklingarnir
sem eiga í samskiptum
fyrir hönd félaganna.
Eitt af því sem ég er
að vinna með núna
er að tengja saman
aðila í Mosfellsbæ
sem vita lítið hver
af öðrum, en gætu
gert magnaða hluti
saman.

Gleðileg jól!
HeilSumolar Gaua
- Heilsufréttir og aðsendar greinar42
Guðjón
Svansson
gudjon@kettlebells.is
www.fastmos.is
Sími: 586 8080
Þverholti 2
Mosfellsprestakall - Mosfellsbæ
Helgihald
yfir jól
og áramót Helgihald í Mosfellsprestakalli, Mosfellsbæ um jól og áramót

22. desember -síðasti sunnudagur í aðventu
Kl. 11:00 Bæna- og kyrrðarstund í Lágafellskirkju
Sr. Arndís Linn

24. desember - aðfangadagur jóla
Kl. 13:00 Jólaguðsþjónusta barnanna í Lágafellskirkju
Umsjón hafa: Sr. Arndís Linn, Berglind Hönnudóttir og Þórður Sigurðarson

Kl. 18:00 Aftansöngur í Lágafellskirkju - Sr. Arndís Linn þjónar fyrir altari.
Kirkjukór Lágafellssóknar syngur undir stjórn Þórðar Sigurðarsonar organista
Bergþóra Ægisdóttir syngur einsöng og Sigrún Harðardóttir leikur á fiðlu.

Kl. 23:30 Miðnæturguðsþjónusta í Lágafellskirkju
Sr. Ragnheiður Jónsdóttir þjónar fyrir altari.
Kirkjukór Lágafellssóknar syngur undir stjórn Þórðar Sigurðarsonar.
Hallveig Rúnarsdóttir syngur einsöng og Sigrún Harðardóttir leikur á fiðlu,

25. desember - Jóladagur
Kl. 14:00 Hátíðarguðsþjónusta í Lágafellskirkju
Sr. Ragnheiður Jónsdóttir þjónar fyrir altari og prédikar.
Kirkjukór Lágafellssóknar syngur undir stjórn Þórðar Sigurðarsonar.
Sigrún Hjálmtýsdóttir syngur einsöng og Rósborg Halldórsdóttir leikur á trompet

Kl. 16:00 Hátíðarguðsþjónusta í Mosfellskirkju
Sr. Ragnheiður Jónsdóttir þjónar fyrir altari og prédikar.
Kirkjukór Lágafellssóknar syngur undir stjórn Þórðar Sigurðarsonar.
Sigrún Hjálmtýsdóttir syngur einsöng og Rósborg Halldórsdóttir leikur á trompet

29. desember - sunnudagur milli jóla og nýjárs
Kl. 11:00 Bæna- og kyrrðarstund í Lágafellskirkju
Sr. Ragnheiður Jónsdóttir

31. desember - Gamlársdagur -
Kl. 17:00 Aftansöngur í Lágafellskirkju Sr. Ragnheiður Jónsdóttir þjónar fyrir altari.
Kirkjukór Lágafellssóknar syngur undir stjórn Þórðar Sigurðarsonar organista.
Atli Guðlaugsson leikur á trompet.

Enn líður að jólum og komið að því
að gera upp árið. Árið 2019 hefur
verið lifandi og skemmtilegt hjá
Aftureldingu, en það eru orð að
sönnu að það er aldrei dauð stund
í lífinu þegar kemur að því að hlúa
að og halda utan um þetta flotta
félag sem við erum.
Stór skref hafa verið tekin í að-
stöðumálum á árinu og má þar helst nefna
endurnýjun gólfa í sölum Varmár og fjöl-
nota knatthús. Í framhaldi af því má nefna
að samráðshópur á vegum Mosfellsbæjar
og Aftureldingar hefur klárað þarfagrein-
ingu og framtíðarsýn á aðstöðumálum
félagsins til næstu 15 ára. Næstu skref eru
að vinna þetta áfram með arkitektum og
teikna upp sviðsmynd sem allir geta verið
sáttir við. Afurð af þessari vinnu ætti að
vera tilbúin í lok næsta sumars.
Mér finnst þessi samvinna frábært skref
fram á við og gríðarlega mikilvægt að fram-
tíðarsýn í aðstöðumálum sé til staðar. En
eins og góður maður sagði þá klárast þessi
vinna aldrei, það er okkar að vera endalaust
á vaktinni yfir því að viðhalda
góðri uppbyggingu.
Með bættri aðstöðu má búast
við auknum fjölda iðkenda og
kröfu um góðan árangur. Talandi
um góðan árangur þá verður
tilkynnt um val á íþróttakarli og
-konu ársins hjá okkur í Aftureld-
ingu 27. desember nk. í Hlégarði,
þetta er uppáhaldsviðburðurinn minn á
árinu og það er alltaf jafn gaman að taka
saman árangur ársins og sjá hversu mikinn
félagsauð við eigum og flotta fulltrúa sem
gera okkur stolt á hverjum degi.
Auðvitað snýst ekki allt um árangur en
við gerum okkar besta við að sinna öllum
hvort sem iðkendur eru að stunda sína
íþrótt til þess að ná afreksárangri eða hrein-
lega til þess að vera í góðum félagsskap og
hafa gaman. Best er þegar þetta fer saman
því það er svo dýrmætt að geta sinnt báðum
hópum saman.
Sjálfboðaliðinn er eitt af því mikilvægara
sem við eigum í félaginu og auðvitað styrkt-
araðilarnir okkar líka en báða hópa viljum
við halda fast í vegna þess að án ykkar
kæmust við ekki langt. Rekstrarumhverfi
íþróttafélaga hefur verið mikið rætt und-
anfarið og það er staðreynd að það verður
erfiðara og erfiðara að halda úti öflugu
starfi meistaraflokka og vera réttum meg-
in við núllið. Eitthvað er um að fyrirtæki
hafi dregið saman í styrkjum til íþróttafé-
laga sem gerir starf sjálfboðaliðanna enn
erfiðara. Það er erfitt til þess að hugsa að
forsvarsmenn sumra ráða séu hálfandvaka
yfir því hvernig kljúfa eigi reksturinn, en
margar hendur létta róðurinn og við meg-
um alls ekki gefast upp.
Kæru iðkendur, foreldrar og aðrir stuðn-
ingsmenn, ég vona að þið eigið eftir að eiga
gleðileg jól og ég hlakka til að sjá ykkur
sem flest í Hlégarði 27. desember þar sem
íþróttafólkið okkar verður valið. Ég fer stolt
og full tilhlökkunar með Aftureldingu inn í
árið 2020 og hlakka til þess að sjá ykkur sem
flest á viðburðum félagsins.
Jólakveðja,
Birna Kristín Jónsdóttir, formaður Aftureldingar
Jólakveðja frá Aftureldingu