Fréttablaðið - 14.09.2015, Qupperneq 10

Tækifæri
í september
Orkuflokkur þurrkun
SIEMENS - Uppþvottavélar
SN 45M209SK (hvít)
SN 45M509SK (stál)
13 manna. Fimm kerfi. Hljóð: 44 dB (re 1 pW). Zeolith®-
þurrkun: Skilar sérlega þurru og glitrandi leirtaui. Byggist
á að láta hið náttúrulega steinefni seólít soga í sig raka og
gefa frá sér hita. Barnalæsing. „aquaStop“ flæðivörn.
Tækifærisverð:
139.900 kr.
(Fullt verð: 169.900 kr.)
HÆSTA EINKUNN 2
01
5
Öryggismál „Þetta vekur mann til
umhugsunar um hvort ástæða sé til
að skoða þetta frekar, þó líklegast
sé að þessi viðskipti hafi verið full-
komlega eðlileg,“ segir Ásgeir Karls-
son, yfirmaður greiningardeildar
ríkislögreglustjóra, um stórfelld
kaup einstaklinga á ýmsum teg-
undum eiturs án tilskilinna leyfa
árið 2014.
Eins og Fréttablaðið greindi
frá á miðvikudag sýndi könnun
Umhverfisstofnunar að rúmlega
helmingur þeirra 202 einstaklinga,
sem keyptu ýmsar tegundir af eitri
árið 2014 í tengslum við atvinnu-
rekstur sinn til að uppræta óæski-
legan gróður, skordýr eða meindýr,
hafði ekki til þess tilskilin leyfi.
Alls voru seld rúmlega tíu tonn af
slíkum efnum til þessa hóps.
Eftir að niðurstöður lágu fyrir
taldi Umhverfisstofnun málið ekki
þess eðlis að ástæða væri til að gera
lögreglu viðvart – þrátt fyrir að 118
af 202 einstaklingum hefðu keypt
eiturefnin án tilskilinna leyfa sem
þeim ber að hafa undir höndum
og eru útgefin af stofnuninni. Þó
verða engin sérstök eftirmál fyrir
þær átta verslanir sem seldu efnin
án þess að þess væri gætt að kaup-
endur efnanna hefðu til þess leyfi,
þvert á lög.
Ásgeir segir að ríkislögreglustjóri
hafi ekki fjallað um mál sem þessi,
en telur mikilvægt að þessar upp-
lýsingar séu komnar fram. Hann
tekur undir að þrátt fyrir að við-
skiptin séu nær örugglega fullkom-
lega eðlileg, og tengd atvinnurekstri
viðkomandi, þá sanni dæmin það
að ekki þurfi nema einn einstakling
sem hefur annað og verra í huga til
að skaðinn verði mikill.
„Slíkt gæti valdið skelfilegum
skaða, þannig að mér finnst ástæða
til að þetta sé skoðað. Upp í hugann
koma efni sem hægt er að nota til
sprengjugerðar; það eru ákveðnar
kvaðir á þeim. Af hverju þá ekki
eiturefnin, alveg eins?“ segir Ásgeir
og bætir við að það eigi ekki síst við
í ljósi þess að um mikið magn er að
ræða.
Samkvæmt upplýsingum frá
Umhverfisstofnun þá voru 249 kíló
af svokölluðum útrýmingarefnum
seld til leyfislausra einstaklinga,
en tæp tvö tonn af plöntueitri, eða
plöntuverndarvörum eins og þau
eru einnig kölluð.
svavar@frettabladid.is
Lögreglan lítur eitursölu
án leyfis alvarlegum augum
Yfirmaður greiningardeildar ríkislögreglustjóra er hugsi yfir því að tugir manna hafi keypt mikið magn
eiturefna án þess að framvísa tilskildu leyfi. Slík efni gætu valdið miklum skaða í höndum einstaklings sem
hefði illt í huga. Tölur Umhverfisstofnunar sýna að leyfislausir hafa keypt 249 kíló af útrýmingarefnum.
Svokölluð útrýmingarefni eru ætluð til að drepa rottur, en 249 kíló af slíkum efnum voru seld til einstaklinga sem voru með
útrunnin leyfi eða höfðu aldrei haft leyfi til að kaupa slík efni. Fréttablaðið/GVA
georgía Dýragarðurinn í Tíblisi,
höfuðborg Georgíu, var opnaður í
gær eftir að hafa verið lokaður frá
því í júní. Mikil flóð stórskemmdu
dýragarðinn fyrir þremur mánuðum
og dýr bæði sluppu og drápust. Þá
fórust einnig nítján Georgíumenn í
flóðunum.
„Eftir þriggja mánaða uppbyggingu
getum við loks opnað á ný þrátt fyrir
að hafa misst 277 dýr,“ segir Zurab
Guerelidze, forstöðumaður dýra-
garðsins. Til að aðstoða Georgíu-
menn við að ná sér á strik aftur gáfu
aðrir evrópskir dýragarðar þeim um
150 dýr.
Einhver dýranna drápust í flóðun-
um en stærstum hluta var smalað inn
í skýli fyrir flækingshunda og slátrað.
Georgíska ríkisstjórnin hefur sætt
mikilli gagnrýni í kjölfar flóðanna.
Enn er margra saknað og tugir eru
heimilislausir. Þá eru vegir enn stór-
skemmdir í borginni. Auk þess vakti
sú ákvörðun að slátra dýrum garðs-
ins ekki hrifningu margra Georgíu-
manna. – þea
Dýragarðurinn opnaður á ný
Gestir bera nashyrning að nafni Begi augum í dýragarðinum í Tíblisi þegar hann var
opnaður í gær. NordicPhotos/AFP
dýr dýragarðsins í Tíblisi
drápust í flóðum fyrir
þremur mánuðum.
277
lÖgreglumál Lögreglu hafa borist tvær
tilkynningar á síðustu tveimur árum um
tilvik þar sem hefndarklám er notað til
kúgunar, hvort sem það er til að fá við-
komandi til að samþykkja kynferðislegt
samneyti eða láta af hendi fjármuni.
Þetta kemur fram í nýrri skýrslu grein-
ingardeildar ríkislögreglustjóra um mat
á skipulagðri glæpastarfsemi á Íslandi.
„Þetta gefur bersýnilega í ljós og
sýnir mikilvægi þess að koma böndum
á þessa glæpi og það að lögin í dag nái
ekki utan um þetta,“ segir Björt Ólafs-
dóttir, þingmaður Bjartrar framtíðar.
Björt er fyrsti flutningsmaður frumvarps
um breytingar á almennum hegningar-
lögum sem miða að því að gera birtingu,
vörslu og sköpun hefndarkláms refsi-
verða.
„Þessi nýi veruleiki sem samfélags-
miðlar eiga stóran þátt í kennir okkur og
er að sýna okkur að lögin eins og þau eru
núna eru ekki fullnægjandi,“ segir Björt.
„Við erum alltaf að sjá það meir og
meir að lögin eru ekki í takt við það sem
við sjáum í því samfélagi sem við lifum í
og það þarf að uppfæra þau,“ bætir Björt
við. – þea
Hefndarklám
notað til að kúga
Björt Ólafsdóttir
þingmaður
Bjartrar framtíðar
slys Svissneskur ferðamaður, sem
ekkert hafði spurst til frá því á
þriðjudag og leitað var að á laugar-
dag, fannst látinn á Seyðisfirði þá
um kvöldið.
Bíll mannsins hafði staðið við
Fjarðarselsvirkjun undanfarna daga
en lík hans fannst um sexleytið í gær-
kvöldi í fjalllendi þar skammt frá, við
Ytri-Hádegisá. Samkvæmt upplýs-
ingum frá lögreglunni á Egilsstöðum
er talið að maðurinn hafi hrapað við
klifur.
Umfangsmikil leit  var hafin að
manninum seinni part laugardags,
en lík hans  fannst fjórum tímum
síðar. – gj
Ferðamaður
fannst látinn
Upp í hugann koma
efni sem hægt er að
nota til sprengjugerðar; það
eru ákveðnar
kvaðir á þeim.
Af hverju þá
ekki eitur-
efnin, alveg
eins?
Ásgeir Karlsson
yfirmaður greiningardeildar
ríkislögreglustjóra
1 4 . s e p t e m b e r 2 0 1 5 m á N u D a g u r10 f r é t t i r ∙ f r é t t a b l a ð i ð