Fréttablaðið - 23.04.2015, Qupperneq 46

Sumargrill FIMMTUDAGUR 23. APRÍL 201510
K
O
R
T
E
R
.
I
S
Grillaðar ferskjur með portvíni
og mascarpone
(fyrir fjóra)
250 g mascarpone
1 egg
3 msk. sykur
Safi og börkur af einni sítrónu
4 ferskjur
1 dl portvín
Setjið egg í skál ásamt 2 ½ msk. af
sykri og þeytið saman. Mascarp-
one er settur í aðra skál og hrærð-
ur vel út. Hrærið síðan eggjablönd-
unni varlega saman við ostinn og
gætið að því að ekki séu kekkir í
blöndunni.
Hrærið síðan sítrónusafa og sítr-
ónuberki saman við. Skerið ferskj-
urnar í tvennt og takið steininn
úr. Setjið út í skál með portvíni og
látið marínerast í að minnsta kosti
30 mínútur.
Takið ferskjurnar úr og hitið
upp portvínið ásamt ½ skeið af
sykri og látið malla í smástund þar
til blandan þykknar. Grillið ferskj-
urnar á heitu grilli. Penslið þær
með portvíninu og snúið á grillinu.
Berið ferskjurnar fram með
mascarpone-kreminu og portvín-
inu.
Grillaður ananas
með karamellusósu
(fyrir fjóra)
Ferskur ananas er einstaklega
góður þegar hann hefur verið grill-
aður. Skerið innsta kjarnann frá.
Ananasinn er góður með vanilluís.
1 ferskur ananas
Skerið toppinn og botninn af anan-
asinum og skiptið honum síðan í
átta hluta.
Gott er að strá smá sykri yfir
ananasinn áður en hann er sett-
ur á grillið. Þá fær hann fljótt á sig
gullinn blæ. Berið fram með kara-
mellusósu og vanilluís.
Karamellusósa
2 dl rjómi
1 dl púðursykur
1 dl ljóst síróp
100 g smjör
Hitið rjómann, sykurinn, síróp og
helminginn af smjörinu. Látið malla
í 10-15 mínútur þar til blandan fær
á sig brúnan lit og er orðin jöfn og
fín. Bætið þá hinum helmingnum af
smjörinu við. Þegar sósan er mátu-
lega þykk er hún kæld niður.
Súkkulaðikaka bökuð á grillinu
Það er alveg hægt að baka á grillinu.
Til dæmis ljúffenga súkkulaðiköku
(brownie). Þú þarft að hafa gott ál-
form til að baka í. Ekki ætti að vera
mjög hár hiti þegar bakað er á grill-
inu. Þessa köku er einfalt að gera, til
dæmis í sumarbústaðnum.
Það sem þarf:
3 dl sykur
4 msk. kakó
1 ½ dl hveiti
1 tsk. vanillusykur
1 tsk. salt
150 g brætt smjör
2 egg
Blandið öllum þurrefnum fyrst
saman. Bætið því næst eggjum og
smjöri saman við og hrærið allt vel
saman. Setjið deigið í tvö vel smurð
álform, 23x18 cm og bakið við vægan
hita í 15-20 mínútur.
Kakan á að vera örlítið blaut. Strá-
ið flórsykri yfir og berið fram með
berjum og ís.
Grillaðir eftirréttir eru ljúffengir
Það er hægt að nýta grillið í meira en að grilla kjöt. Hægt er að matreiða á grillinu forrétti, aðalrétti og eftirrétti. Til dæmis er hægt að baka
bæði brauð, pítsur og kökur á grillinu. Best er að nota gasgrill því þá er hægt að stýra hitanum. Ef grillið er með þremur brennurum er oft
gott að slökkva á þeim sem er í miðið þannig að hitinn sé ekki beint undir. Með heitum eftirréttum af grillinu er frábært að hafa ís.
Það er auðvelt að skella í eina brúnköku
og baka á grillinu.
Ferskan ananas er auðvelt að grilla og
öllum finnst hann dásamlegur.
Grillaðar ferskjur eru mikið lostæti.