Fréttablaðið - 28.11.2017, Qupperneq 6

HEYRNARSTÖ‹INKringlunni • Sími 568 7777 • heyra.is
Við hjálpum þér
að bæta lífsgæðin
Rexton™ heyrnartækin opna nýjar leiðir í samskiptum
og auka lífsgæðin. Komdu í ókeypis heyrnarmælingu
og fáðu heyrnartæki lánuð til reynslu.
félagsmál Félagið Somos, sem
óskar eftir að því að fá stöðuleyfi
fyrir starfsmannabúðir undir
erlenda starfsmenn í Mosfellsbæ,
segir það munu skila bænum
útsvars tekjum án mikilla útgjalda
á móti og létta á húsnæðismarkaði
sem sé mjög erfiður.
Fram kemur í bréfi Somos til
Mosfellsbæjar að félagið hafi verið
starfrækt frá því í fyrra. Það hafi
milligöngu um að útvega erlenda
starfsmenn. Það selji aðallega þjón-
ustu pólska félagsins Yabimo sem
eigi dótturfélagið Yabimo ehf. Það
sé skráð sem starfsmannaleiga hjá
Vinnumálastofnun.
„Félagið hefur frá upphafi lagt
metnað sinn í að erlendir starfs-
menn njóti allra sömu kjara og
íslenskir starfsmenn og lögum og
reglum sé fylgt í hvívetna,“ segir
í bréfi sem undirritað er af Eiríki
Ingvari Ingvarssyni framkvæmda-
stjóra og Magnúsi Pálma Skúlasyni,
formanni stjórnar Somos.
Segja þeir Somos-menn mjög erf-
itt að fá húsnæði á Íslandi, sér í lagi á
höfuðborgarsvæðinu. „Ástæða þess
að erlendir starfmenn eru tilbúnir
að koma til Íslands er sú að laun hér
eru mun hærri en til að mynda í Pól-
landi. Þannig getur til dæmis smiður
haft hér um það bil fjórföld þau laun
sem hann hefur þar,“ skrifa Eiríkur
og Magnús.
Þá segir að til að fólk fáist til
Íslands þurfi að bjóða því viðunandi
húsnæði á hagkvæmu verði. „Fyrir
liggur að erlendur starfsmaður er
ekki tilbúinn að eyða meginhluta
tekna sinna í húsnæði, því þarf að
vera hægt að bjóða húsnæði á sem
lægstu verði,“ er útskýrt í bréfinu.
Athygli vekur að á sama tíma og
erlendu starfsmennirnir eru þannig
sagðir fá sömu laun og Íslendingar
þá sætti þeir sig ekki við að greiða
sömu húsaleigu og íslenskum starfs-
félögum þeirra stendur til boða á
almennum markaði.
„Mér hefur sýnst að þeir sem
koma í gegn um starfsmanna-
leigurnar hafi upp til hópa verið
settir á allra lægstu laun samkvæmt
töxtum. En það er alveg sama hvort
það er Íslendingur eða útlendingur,
ef hann þarf að greiða húsaleigu
sem er svimandi há þá er það alltaf
jafn erfitt á þeim lágmarkskjörum,“
segir Sigurður Bessason, formaður
stéttarfélagsins Eflingar.
Sigurður segir algengt að starfs-
mannaleigur raði tveimur eða jafn-
vel þremur mönnum í herbergi sem
sé aðeins átta fermetrar og láti þá
borga frá 55 upp í 70 þúsund krónur
hvern fyrir á mánuði. „Þetta er bara
skelfilegt,“ segir hann.
Almennt segir Sigurður stéttar-
félögin mótfallin rekstri starfs-
mannaleiga þótt þær geti átt rétt á
sér í örstuttan tíma. „Að öðru leyti
á að vera um fastráðningu að ræða
hjá viðkomandi fyrirtækjum og við-
komandi einstaklingar eru þá hér
inni á vinnumarkaði eins og aðrir.“
Með ódýru húsnæði segjast Eirík-
ur og Magnús ekki eiga við húsnæði
sem ekki standist íslenskar kröfur,
„heldur húsnæði sem hægt er að
koma upp á fljótan og ódýran hátt
þannig að hægt sé að leigja það á
viðunandi verði“.
Þá er bent á að ljóst sé að íslensk
fyrirtæki muni þurfa að uppfylla
mannaflaþörf með erlendu vinnu-
afli. Það fólk þurfi að búa einhvers
staðar.
„Fyrir liggur að einstaklingar á
húsnæðismarkaði, sér í lagi ungt
fólk, eiga litla sem enga möguleika
á að keppa við fyrirtæki um hús-
næði. Það gerir að verkum að hús-
næðisvandinn eykst enn frekar við
það að fyrirtæki fari að keppa við
einstaklinga um kaup á húsnæði til
að fullnægja þörf fyrir húsnæði fyrir
erlent vinnuafl,“ útskýra Eiríkur og
Magnús og bjóða lausn.
„Sú lausn sem félagið telur heppi-
legasta er að reisa starfsmanna-
búðir,“ segja Somos-menn. Slíkar
búðir uppfylli íslensk lög og mörg
fordæmi séu fyrir hendi. Þegar slaki
komi í hagkerfið og hið erlenda
vinnuafl hverfi til síns heima sé auð-
velt að taka búðirnar niður.
„Auk þess að skapa vinnuafl sem
vantar til að byggja allar þær íbúðir
sem kjörnir fulltrúar hafa lofað að
byggja á næstu árum þá losna þær
íbúðir sem nú þegar eru notaðar
af erlendu vinnuafli,“ segir í bréfi
Somos þar sem Mosfellsbæ er gefið
fyrirheit um fjárhagslegan ávinning.
Nú þegar reki Ístak starfsmanna-
búðir á Tungumelum fyrir 150
manns sem allir borgi þar útsvar.
„Kostnaður bæjarins á móti þeim
tekjum er óverulegur þar sem slíkar
búðir kalla ekki á innviðabyggingu
samsvarandi því ef nýtt íbúðahverfi
væri reist.“
Bæjarráð Mosfellsbæjar tók málið
fyrir á fimmtudag og vísaði því til
umfjöllunar hjá umhverfissviði
bæjarins. gar@gfrettabladid.is
Vilja pólskt starfsfólk í ódýrum
búðum sem skilað geti hagnaði
Starfsmannaleiga sem sérhæfir sig í innflutningi frá Póllandi segir útlendinga ekki vilja eyða meginhluta
launa í húsnæði. Lausnin sé ódýrar starfsmannabúðir sem þess utan geti fært Mosfellsbæ auknar tekjur án
útgjalda á móti. Líka erfitt fyrir Íslendinga á lágmarkslaunum að greiða ofurleigu, segir formaður Eflingar.
Somos vill fá sínar starfsmannabúðir við hlið slíkra búða sem Ístak rekur á Tungumelum. FréTTablaðið/STeFán
Þetta er
bara
skelfilegt.
Sigurður
Bessason,
formaður Eflingar
menntun Háskóli Íslands er í 176.
til 200. sæti yfir bestu háskóla heims
á sviði raunvísinda á lista sem tíma-
ritið Times Higher Education birti í
gær. Með því hefur skólinn komist
á sex lista tímaritsins yfir fremstu
háskóla heims á afmörkuðum
fræðasviðum í haust.
Við mat á frammistöðu háskóla
á sviði raunvísinda horfir Times
Higher Education til árangurs á sviði
stærðfræði, tölfræði, eðlisfræði,
stjarneðlisfræði og efnafræði en
einnig jarðvísinda, umhverfisfræði
og haffræði. – jhh
Háskóli Íslands
í hópi 200 bestu
Vísindi Útgjöld til rannsókna og
þróunar árið 2016 mældust 2,08
prósent af vergri landsframleiðslu
á Íslandi. Er það lækkun frá árinu
2015 þegar þetta hlutfall var 2,17
prósent, segir á vef Hagstofunnar.
Nýútgefnar bráðabirgðatölur Euro-
stat, hagstofu Evrópusambandsins,
leiða í ljós sambærilegar sveiflur
á milli ára í Skandinavíu. Ísland
er áfram yfir meðaltali Evrópu-
sambandsins sem er 2,03 prósent,
óbreytt á milli ára. – jhh
Lægri útgjöld
til rannsókna
fRaKKland Franski bankinn BNP
Paribas ætlar að hætta viðskiptum
við fyrirtæki í tóbaksiðnaðinum.
Þetta kemur fram á vefnum Finans-
Watch sem vitnar í frétt Bloomberg.
Haft er eftir fulltrúa bankans að
ákveðið hafi verið að hætta við-
skiptum við fyrirtæki sem framleiða
vörur sem eru skaðlegar heilsunni.
Staðið verði þó við gerða samninga
við núverandi viðskiptamenn.
Með þessari ákvörðun fetar bank-
inn í fótspor tryggingasamsteyp-
unnar AXA og Bank of New Zealand.
Bent er á að BNP Paribas eigi enn
í viðskiptum við fyrirtæki innan
atvinnugreina sem gagnrýndar hafa
verið út frá siðferðislegum sjónarmið-
um, eins og vopnaframleiðendur. – ibs
Banki snýr
bakinu við
tóbaksrisum
Tóbaksfyrirtæki fá ekki lengur lán hjá
frönskum banka. nOrDiCPHOTOS/GeTTY
2 8 . n ó V e m b e R 2 0 1 7 Þ R i Ð J u d a g u R6 f R é t t i R ∙ f R é t t a b l a Ð i Ð