Morgunblaðið - 16.09.2019, Page 2

Mikið líf og fjör var á aðdáendaráðstefnunni
Midgard sem fór fram í annað sinn hér á landi
um helgina. Fjöldi gesta sótti hátíðina sem hald-
in var í Fífunni og mættu margir í skrautlegum
búningum og tóku þátt í búningakeppni hátíð-
arinnar sem var í gær. Á hátíðinni mátti sjá fí-
gúrur úr ýmsum kvikmyndum, teiknimyndum,
tölvuleikjum og skáldsögum sem voru hver ann-
arri skrautlegri. Víkingarnir í Rimmugýgi léku
á als oddi, Spiderman lét sig ekki vanta og
fjöldann allan af fjölbreyttum japönskum teikni-
myndapersónum mátti sjá víða.
Líf, fjör og fjölbreytileiki á Midgard
Aðdáendur og „nördar“ skemmtu sér um helgina
Morgunblaðið/Eggert
Skrautleg Gestir hátíðarinnar voru meðal annars í víkingabúningum, ofurhetjubúningum eða klæddir eftir skrautlegum japönskum tískubylgjum.
2 FRÉTTIRInnlent
MORGUNBLAÐIÐ MÁNUDAGUR 16. SEPTEMBER 2019
Askalind 4 | Kópavogi | Sími 564 1864 | vetrarsol.is
Einstök gæði frá
40 ár
á Íslandi
Sterkir og
notendavænir
sláttutraktorar
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Arinbjörn brotlegur í starfi sínu
 Lét lögreglu aka sér til Keflavíkur í forgangsakstri til að missa ekki af flugi vegna einkaerinda
Arinbjörn Snorrason, formaður Lögreglufélags
Reykjavíkur, var árið 2007 ákærður fyrir brot í
opinberu starfi, og lauk málinu með viðurlaga-
ákvörðun í héraðsdómi þar sem honum var gert
að greiða sekt að fjárhæð 200.000 krónur. Var
hann ákærður fyrir að hafa misnotað stöðu sína
sem varðstjóri hjá lögreglustjóranum á höfuð-
borgarsvæðinu. Þetta staðfestir Arinbjörn í
samtali við Morgunblaðið.
Viðtal Morgunblaðsins við Harald Johannes-
sen ríkislögreglustjóra á laugardag vakti mikla
athygli og var Arinbjörn á meðal þeirra sem
tjáðu sig um viðtalið og gagnrýndu Harald. Í
kjölfarið vöktu menn á netinu máls á broti Ar-
inbjarnar og gagnrýndu m.a. að hann skyldi tjá
sig með slíkum hætti, í ljósi brotsins.
Seinn í flug
Í ársskýrslu ríkissaksóknara frá árinu 2007
segir að Arinbjörn hafi verið ákærður fyrir að
hafa „misnotað stöðu sína
sem varðstjóri hjá lögreglu-
stjóranum á höfuðborgar-
svæðinu, er hann nýtti sér
mannafla lögreglu, lögreglu-
bifreiðir og talstöðvarkerfi
lögreglu í eigin þágu og gaf
fyrirmæli um akstur með
forgangsmerkjum og lét
slíkan akstur viðgangast, á
leið sinni frá heimili sínu til
Keflavíkurflugvallar, í
einkaerindum, svo hann missti ekki af flugi til
Kaupmannahafnar og tengiflugi til Litháen,
sem ákærði hafði keypt flugmiða til, og með því
teppt búnað og mannafla lögreglu frá skyldu-
störfum.
Þá kemur fram í álitsgerð nefndar um réttindi
og skyldur starfsmanna ríkisins að af ferilvökt-
un frá fjarskiptamiðstöð ríkislögreglustjóra hafi
mátt sjá að bifreiðinni sem Arinbjörn ferðaðist
með hafi hraðast verið ekið á 185 km hraða á
klukkustund.
Þótti háttsemi hans varða við 139. grein al-
mennra hegningarlaga, þar sem mælt er fyrir
um að það varði sektum eða fangelsi allt að 2 ár-
um hafi opinber starfsmaður misnotað stöðu
sína sér eða öðrum til ávinnings eða til þess að
gera nokkuð það, sem hallar réttindum ein-
stakra manna eða hins opinbera.
Í samtali við Morgunblaðið segir Arinbjörn að
hann hafi gert mistök, en málinu hafi verið lokið
með eðlilegum hætti, þ.e. með sektargreiðslu, og
hann hafi síðan haldið starfi sínu. Þá segir hann
það vera „af og frá“ að málið hafi haft einhver
áhrif hvað afstöðu hans vegna ríkislögreglu-
stjóra nú varðar og segist telja að „Haraldur Jo-
hannessen hafi ekki haft neina sérstaka fram-
göngu“ í máli hans árið 2007.
Spurður um þá staðreynd að einhverjir hafi
vakið á þessu máls á netinu um helgina segir Ar-
inbjörn það ekki vera ýkja óeðlilegt. Hann hafi
verið lengi í starfi, var skipaður varðstjóri 1998,
og hafi ýmislegt „fengið á sig“ í gegnum tíðina.
Morgunblaðið/Kristinn Magnússon
Forgangsakstur Lögregla skutlaði Arinbirni
út á flugvöll. Málinu lauk með sektargreiðslu.
Arinbjörn
Snorrason
Ríkissaksóknari hefur falið lög-
reglustjóranum á Vesturlandi að
rannsaka frekar ástæður umhverf-
isslyss sem varð í Andakílsá á
árinu 2017. Lögreglan rannsakaði
það á sínum tíma, að kröfu Skorra-
dalshrepps, hvort Orka náttúrunn-
ar hefði gerst brotleg við lög en
felldi málið niður þar sem það þótti
ekki líklegt til sakfellis.
Orka náttúrunnar hleypti vatni
úr lóni Andakílsvirkjunar vorið
2017 með þeim afleiðingum að aur
fór niður í ána og þakti hylji og
uppeldissvæði laxa. Fyrirtækið tók
ábyrgð á málinu og hefur unnið að
endurreisn lífríkis árinnar.
Árni Hjörleifsson, oddviti
Skorradalshrepps, telur að málið
hafi ekki verið nægjanlega rann-
sakað í fyrri rannsókn lögreglunn-
ar. Til að mynda hafi ekki verið
teknar skýrslur af heimafólki sem
þekki til málsins. Þarna hafi verið
einhver tilraunastarfsemi hjá
fyrirtækinu en skiptar skoðanir
séu um það hvað gerðist í raun.
„Við viljum fá svör um það hvað
var verið að gera og hver gerði
hvað,“ segir Árni um ástæður þess
að hann óskaði eftir frekari athug-
un á málinu.
30 þúsund laxaseiðum af stofni
árinnar var sleppt í ána vor og
annað eins magn fer í ána næsta
sumar. Þá hefur ekki verið veitt í
ánni frá því óhappið varð. ON telur
að lífríkið sé að rétta úr kútnum.
helgi@mbl.is
Lögreglan rannsakar
umhverfisslys á nýjan leik
 Skorradalshreppur vill fá að vita hvað raunverulega gerðist
Morgunblaðið/Helgi Bjarnason
Andakílsá Verktakar vinna að
hreinsun aurs úr laxveiðiánni.
Endurgreiðslur úr ríkissjóði vegna
25% framleiðslukostnaðar við gerð
kvikmynda eða sjónvarpsefnis sem
fellur til hér á landi nema um 828
milljónum króna það sem af er ári að
því er fram kemur á vef Kvikmynda-
miðstöðvar Íslands sem hefur upp-
fært yfirlit um endurgreiðslurnar á
vef sínum. Hæstan styrk hefur feng-
ið Ófærð 2, um 334 milljónir króna
og næst á eftir er Flateyjargátan
með 134 milljóna króna styrk.
Skaupið fékk 13,7 milljónir
Áramótaskaupið 2018 fékk 13,7
milljónir króna á þessu ári og hefur
undanfarin ár fengið um tíu millj-
ónir. Frá árinu 2015 nema endur-
greiðslur vegna skaupsins 42,5 millj-
ónum króna. Fyrr á árinu fjallaði
Morgunblaðið um þá tilhögun að
RÚV útvistaði framleiðslu skaupsins
þrátt fyrir áratuga langa sögu í dag-
skrá Ríkissjónvarpsins, en þannig
uppfyllir skaupið skilyrði til að geta
fengið endurgreiðslu.
Verkefnin sem fengu styrk voru
alls 33. Fjögur verkefni voru skráð
erlend og tvö sem samframleiðsla,
en önnur verkefni innlend. Sagafilm
ehf. fékk styrk fyrir flest verkefni,
sjónvarpsþættina Visthúsið, Kvikn-
ar, Ferðastiklur og Flateyjargátuna.
828 millj-
ónir í end-
urgreiðslu
 Skaupið fengið
42 milljónir frá 2015