Morgunblaðið - 04.10.2019, Blaðsíða 9

FRÉTTIR 9Innlent
MORGUNBLAÐIÐ FÖSTUDAGUR 4. OKTÓBER 2019
Höskuldur Daði Magnússon
hdm@mbl.is
„Á öllum þeim árum sem ég hef
fengist við útgáfu held ég að það
hafi aldrei gerst að slegist hafi verið
um óútkomna bók með þeim hætti
sem nú er að eiga sér stað,“ segir
Egill Örn Jóhannsson, fram-
kvæmdastjóri Forlagsins.
Mikil eftirvænting er í bókaheim-
inum vegna nýrrar bókar Andra
Snæs Magnasonar sem kemur út í
dag. Bókin nefnist Um tímann og
vatnið og umfjöllunarefnið er lofts-
lagsmál, stærsta viðfangsefni sem
jarðarbúar hafa staðið sameinaðir
frammi fyrir eins og það er orðað í
kynningu bókarinnar. Andri vakti
sem kunnugt er mikla athygli fyrir
skrif sín um íslenska náttúru í
Draumalandinu sem kom út 2006 en
sú bók seldist í hátt í 30 þúsund ein-
tökum hér á landi. Því bíða margir
spenntir eftir skrifum hans um
loftslagsmálin sem brenna á mörg-
um þessi dægrin.
Kaupa bókina ólesna
„Það er nær óheyrt að óútkomin
bók njóti jafnmikillar athygli og Um
tímann og vatnið er að fá núna frá
erlendum útgefendum,“ segir Egill.
Réttindastofa Forlagsins sendi fyr-
ir skömmu út kynningarefni um
bókina, umfjöllunarefni hennar og
höfundinn. „Nú þegar hafa farið
fram uppboð milli útgefenda í
tveimur löndum um það hver
hreppir hnossið og bókin hefur
samtals verið seld til sjö landa áður
en hún kemur út á Íslandi. Þar á
meðal til stærstu markaðs-
svæðanna; Bretlands, Bandaríkj-
anna og Þýskalands,“ segir útgef-
andinn en rétt er að geta þess að öll
erlendu bókaforlögin eru að kaupa
bókina ólesna.
Mikill áhugi á loftslagsmálum
„Loftslagsmálin eru auðvitað eins
og allir vita heitasta mál samtímans
og áhugi erlendra útgefenda að
sjálfsögðu til marks um það. Hins
vegar er fjöldi bóka um umhverf-
ismál að koma út um allan heim um
þessar mundir sem gerir árang-
urinn með bók Andra Snæs enn
merkilegri,“ segir Egill Örn.
Erlendir útgefendur bítast
um nýja bók Andra Snæs
Morgunblaðið/RAX
Breyttir tímar Jökullinn Ok er nú horfinn en í sumar var minningarskildi komið fyrir þar sem hann var áður.
Andri Snær
Magnason
Egill Örn
Jóhannsson
 Fjallar um loftslagsmál  Seld til sjö landa  Uppboð í tveimur löndum
Gæði, öryggi, hagkvæmni, ending og áreiðanleiki eru aðalsmerki Volvo atvinnutækja. Sérþekking og löng reynsla er meðal
starfsmanna Veltis á Íslandi. Rekstraröryggi Volvo atvinnutækja skiptir máli og því leggjum við ríka áherslu á vel tækjum búið
vélaverkstæði og að þar starfi vel þjálfaðir og öflugir fagmenn sem vilja að viðskiptavinir okkar nái framúrskarandi árangri eins og
við. Volvo atvinnutækjasvið er einnig með sterkt net þjónustuaðila um land allt.

Hafðu samband í dag
Hafðu samband við sérfræðinga okkar varðandi Volvo Penta með því að hringja í síma 510 9100 eða sendu okkur fyrirspurn á
volvopenta@veltir.is eða komdu til okkar í kaffi til að ræða málin í nýrri glæsilegri þjónustumiðstöð okkar að Hádegismóum 8.
Hjá okkur starfar framúrskarandi teymi fagmanna sem búa yfir áratuga reynslu í söluráðgjöf og þjónustu við Volvo atvinnutæki.

Volvo Penta á Íslandi
Hádegismóar 8
Sími 510 9100
volvopenta.is
VELTIR | Volvo Penta á Íslandi
VELDU ÖRYGGI, AFL OG ÁREIÐANLEIKA
Vel hefur gengið að gera við-
skiptavinum Veitna viðvart um
mögulega E.coli-mengun í vatns-
bóli Veitna í Grábrókarhrauni.
Þetta segir Ólöf Snæhólm Bald-
ursdóttir, upplýsingafulltrúi
Veitna. Hafa flestir tekið frétt-
unum með jafnaðargeði að sögn
Ólafar.
Óstaðfestur grunur um E.coli-
mengun í vatnsbóli Veitna í Grá-
brókarhrauni kom í ljós við reglu-
bundið eftirlit Heilbrigðiseftirlits
Vesturlands. Sýni úr vatnsbólinu
var tekið í fyrradag. Vatnsbólið
þjónar Borgarnesi, Bifröst og
Varmalandi auk fjölda sumarhúsa
og nokkurra lögbýla í Borgarfirði.
Afleiðingar E.coli-mengunar í
vatni geta verið mjög alvarlegar.
„Eins og staðan er núna þá er
þarna óstaðfestur grunur en
E.coli-sýking getur verið mjög al-
varleg. Hún getur valdið bráðum
niðurgangi, magakveisum og jafn-
vel öðrum kvillum. Svona sýking
getur haft mest áhrif á þá sem eru
veikastir fyrir, börn gamalmenni
og sjúklinga,“ segir Ólöf.
Því ráðleggja Veitur sínum við-
skiptavinum sem fá vatn úr vatns-
bólinu að sjóða allt vatn þar til
gengið hefur verið úr skugga um
að óhætt sé að drekka það.
Hvort raunveruleg mengun er á
ferðinni getur skýrst fyrir hádegi í
dag, föstudag.
Grunur
um E.coli-
mengun
 Skoða vatnsból
í Grábókarhrauni